六十六十火鍋

已经第三次帮衬，今次拣咗粥底套餐。海鲜选择左扇贝、鲍鱼、肉蟹、海虾、鱿鱼、大显。鲍鱼同扇贝同之前一样都系咁大只。因为非常样样海鲜都新鲜。所以只要用清汤滚一滚已经鲜甜。配菜选了肥牛、西班牙猪肉片、响铃、生菜、鸭血。样样都唔错。滚完所有嘢。个汤吸收晒所有海鲜精华，店员帮我哋加咗南瓜、芋头、猪油渣、菜谱、芫荽。用依几种配料煲粥。真系超好食😋我好钟意帮衬呢间舖头其中一个原因。系因为明码实价。唔使加一。每人$200一位。…查看更多

一行六人想食粥底火锅，就拣左六十六十试下，四个人叫粥底火锅，两个人叫椰子鸡汤底，仲叫左好多枝啤酒，额外叫左份鸡，但大部分人都食唔饱，食完仲有两个人肚屙！椰子汤底好油，味道一般，佢唔会系你面前拎成个椰子倒椰子水落去个锅，所以唔知系咪纯椰子水。啲鸡件都ok好味，但份量真系少，完全唔够食。粥底火锅海鲜唔太新鲜，有啲味，贝类都无沙既，最后放晒蚝仔拎去煲粥，但粥底比较稀，系食过咁多间粥底最差个间，完全不推荐！…查看更多

见到三百几个like ，以为好得，点知 真系好麻麻， 我去楼下求其佳宝 买菜同肉都好过呢间野🥲臭午餐肉 臭鱼 其他食材都吾多新鲜😭😭😭呢间野实系咪无心经营 佢既三百几个like 系点得返来…查看更多

去Fd屋企玩，唔想去街市同人迫买材料所以叫外卖。用外卖app叫，见佢Open rice好评咁多，一定唔会差得去边。点知🚁🚁🚁伏到pk.4个女仔，叫左一个椰子海南鸡海鲜火锅套餐，2个超值火锅套餐，三个都系一人套餐，佢嘅一人套餐材料真系好少，份量少到有啲离谱。仲有唔同嘅肉都放埋同一个食物盒里面，超唔卫生，同埋核突。之后我地自己夹手夹脚将佢地分开放放。枱面上圈住系我朋友自己食材，仲有一大袋饺子，如果冇呢啲真系唔饱。食材方面：竟然五餐肉有怪味，其他食材都好一般。海鲜较为好，啲贝壳类无沙。真心唔知点解咁多好评，唔会再帮衬。…查看更多

三五知己聚餐，见食评好，就订咗星期四来食，入座计2.5hrs, 客人算多，但未见满座，坐位宽敞舒适。叫咗椰子鸡汤底套餐，汤无椰子味，鸡份量多，但同样无味；8款海鲜，包括鲍鱼，扇贝，鱼，虾，蚬*2，鲜鱿，花甲，除咗虾新鲜有虾味外，其他全部无味；6款配料除咗生菜，其余无一可取，花胶仔，蟹籽丸及鱼皮饺，无味兼有啲硬，龙眼般大小的手打墨鱼丸，无味兼唔弹口，超薄嘅炸鱼皮，入口即溶，仿如无物。总括来讲，环境及职员态度几好，食物方便就唔多定了。…查看更多