八王子日式餐廳 (已搬遷)

不起眼的餐厅，若非搜寻到相关餐厅及见到all day breakfast 卖相都找不到理由帮衬All day breakfast卖相真不错胡麻酱沙律菜番茄香煎过两条烟肉薄西冷牛芝士肠黑松露炒蛋薯饼少少茄汁豆4片三角多士咁嘅阵容卖69蚊味道亦中上炒蛋够滑，薯饼好香口只略嫌多士烘得有点over较干身松露酱虽多但唔多够香但相信其他店都已经卖8，90蚊不过在旧区，对住另类客群即使呢个价，仍然有食客觉得贵望老板尽快去新区开…查看更多

朋友呢日话要带我去揾王子👑，其实系带我去食饭，搞完烂Gag😂。虽然「八王子日式餐厅」喺旺角，但餐厅位置确系隐世，因为佢喺旺角同太子中间段弥敦道嘅某大厦地库。餐厅嘅前身系酒吧，定日头卖午餐，夜晚再变身？环境因此意外地好有气氛😳。午餐款式唔算特别多，不过无问题啦，最紧要系做到样样精😎。大厨话鳗鱼饭系必食，鳗鱼有成十吋长，一厘米厚，去日本超市买一条都唔止呢个价，只可惜我真系唔食鳗鱼🙈。我哋叫咗两款午餐Share食，味道令人满意，份量十足，饱饱哦😊，朋友果然无介绍错！必试足料黑松露卡邦尼意粉($79)，难怪大厨话佢凭呢个意粉煮到攞奖🏆，佢确系好食㖞，黑松露味又够出！我钟意食卡邦尼，但好怕食到𠮶啲好杰又好腻嘅出品，即系食两啖就滞咗𠮶啲。扁意粉非常挂汁，酱汁够多、兼且Creamy得嚟唔会将意粉浆埋一饼。即使食到后期意粉唔再热，酱汁仍然保持湿滑🤤。食哂成个意粉🍝当然够饱，但并无厌咗嘅感觉，反而令我回味无穷。大厨后来仲分享佢嘅执著，佢以前喺餐厅如果客人叫佢翻热碟卡邦尼，佢宁愿倒咗去整过碟，都唔想客人食发涨意粉👍。八王子丰足全日早餐($69)，全日早餐佢都算抵食，你知啦，只要港女钟意，卖贵两倍都舍得食，不过我就相反🤣。套餐本身可加配小食，例如烤饭团或者饺子，但好彩我哋无冲动，因为已经好够食。全日早餐大大份，包括🐮原块肉眼扒、蕃茄、茄汁豆、烟肉、脆皮肠、超脆三角薯饼、足料黑松露炒蛋、多士面包同埋沙律菜。佢餐牌所用嘅形容词真系无呃人，薯饼超脆，好正😋。炒蛋够滑兼多黑松露；🍞多士有四片，饱肚之选，条肠亦都高质！肉有得拣鸡扒或者牛扒，唔准谂即刻答都一定系后者啦。🥩原块肉眼扒唔错，大啖肉切件上方便食用，略嫌调味咸少少，但我几钟意。400ml支装饮品系餐厅自家制嘅，我哋要咗金菊同洛神花茶，两者都几好饮，而且减咗甜，饮得舒服😌。个人钟意菊花茶多啲🌼，因为较清香。最后甜品我哋要咗飞机运日本制雪糕($19)，呢日嘅口味系紫薯雪糕💜，几罕有㖞！雪糕份量好多，早知嗌一份都够，紫薯含量超高，几正。厨师话呢款系佢试咗十几款之中拣出嚟嘅，果然有眼光！总括嚟讲，高手在民间(地库)，两款午餐都真心好食，有啲估佢唔到。食物好食外，我哋亦都感受到厨师𠮶份热诚👨🏼‍🍳。有机会要订饭盒嘅话，我会帮衬佢，因为只要买够十个，好多地区佢都包埋外卖速递直送到门口，值得支持！…查看更多

这间八王子由门面或店内装修都是一间有live band show 的酒吧，原来是疫情关系，所以餐厅部份时间分租出来做了日式餐厅吧。午餐只有数款选择，咖哩吉烈猪扒饭，卖相精美，份量大，价钱抵。食物即叫即煮，热度十足。吉烈猪扒外脆内嫩，肉质松软，配上甜甜的日式咖哩。咖哩中有洋葱，红萝卜，车里茄及茄子作配菜，十分丰富，走油后的茄子卖相更好。黑松露的卡邦尼意粉，十分creamy 幼滑,  配上煎得香脆的烟肉粒，有一阵阵的烟肉香外，更有香浓的黑松露味。这里的餐饮更有自家制的金菊/洛神花/夏枯草，少甜健康。…查看更多

上网见到有人介绍呢度嘅原条鳗鱼饭好抵食，专程嚟试吓。午餐时段叫一条原条鳗鱼饭只需要$89 ，坦白讲自己出去买一条鳗鱼呢个价钱都未必买到啦，所以真系要试吓系咪咁抵食。鳗鱼饭都真系好震撼，感觉就好似一个极巨型嘅鳗鱼寿司咁，超大条嘅原条鳗鱼放咗喺饭上面。鳗鱼饭嘅鳗鱼鱼肉紧致，唔会太松散，鳗鱼汁份量适中，鳗鱼饭嘅最底亦都有啲玉子，整个鳗鱼饭口感丰富，虽然只需要$89 ，但绝对感觉到佢唔系求其嘅。另外叫咗一个咖喱吉列猪扒饭，吉列猪扒非常之大块，而且炸得香脆，猪扒唔会太干，仍然有肉汁。咖喱亦都非常之有诚意，有好多配料之余，亦食得出有好香浓嘅香草味道，味道丰富之余又有层次。呢度嘅凉茶系自己煲嘅，味道唔太甜，算系几难得。另外我哋都加咗雪糕同埋心太软，味道都唔错。…查看更多

🔸原条鳗鱼饭 $89🔸和风原块肉眼扒炒蛋饭 $89🔸飞机运日本制雪糕 $19🔸法国朱古力心太软 $49🔸自家制饮品 $9-旺角新开咗一间日式便当餐厅，呢间喺地库嘅夜晚就系酒吧，朝早同日头就摇身一变做日式丼饭嘅餐厅，作为旺角地胆当然要亲自去视察下环境再报告俾大家知啦！午市便当只系由$69-89，唔好睇价钱经济实惠就以为系颓饭质素，原来所有食材都系上乘品质啊！重点推介原条鳗鱼饭，主角鳗鱼有摊平有一只半手掌咁长，坊间净系卖条鳗鱼都百几蚊，呢度真系抵到飞起！男朋友就叫咗肉眼扒便当，牛味重，配菜有炒滑蛋同焗茄子段，仲想讲埋饭底系增量珍珠饭，大胃王都食得饱！跟餐+$9试埋自家制饮品，金菊露非常清香甘甜，仲有洛神花够酸好开胃，饮得出冇落太多糖健康得多。而心太软系同某五星酒店入嘅货一样，中间嘅流心朱古力超浓郁，蛋糕体外脆内软。另外日本空运雪糕系紫薯口味，系我食过最好味最自然嘅紫薯雪糕！…查看更多