八木橋日式燒肉

同老公喺尖東搵咗呢間八木橋日式燒肉店，佢哋做緊優惠，A4和牛餐半價，我哋就揀咗呢個餐，好抵。當然要食日本A4和牛，我哋叫咗A4黑毛和牛三角腩、A4黑毛和牛牛肩、A4黑毛和牛和尚頭、A4黑毛和牛後腰肉同埋A4黑毛和牛薄切，可以試曬咁多唔同既部位，好正呀。黑毛和牛有好靚嘅雪花紋，燒起嚟充滿油脂香，肉質幼嫩，好味。佢仲有A5 和牛西冷，好大塊，雪花紋靚，好食。我哋都叫咗一啲海鮮，有鮑魚、白鱔、比目魚等，海鮮都好新鮮，燒起嚟特別好食。我鍾意食炸嘢，叫咗好多炸物，佢哋嘅炸物都唔錯，炸得香脆，我最鍾意食蝦天婦羅。仲有飲品任飲同雪糕食，好豐富好滿足。…查看更多

上網見到「八木橋日式燒肉」做緊『霞』套餐午市買一送一優惠🎁即刻同朋友去試下😬.⚠️此餐廳收取10%服務費💰.『霞』套餐(2位)🍽️套餐$876💰.肉類🥩套餐包含💰澳洲四品和牛盛中M6和牛三角腩肉味濃郁🐄有咬口🤤韓風醬油牛肋肉醃得入味🐂肉質軟腍，少少甜😋必試Mozzarella芝士雞腿肉🫕拉出芝士絲卷住嫩滑雞腿肉🐓幾夾👍🏻.海洋🌊套餐包含💰鮑魚新鮮彈牙😗虎蝦大隻🦐味淋魚干燒到金黃香脆🐟比目魚西京燒魚油十足🐠仲有半殼扇貝等🐚.野菜🥬套餐包含💰有牛油粟米🌽黑松露牛油雜菌🍄‍🟫牛油金菇🧈🍄推介黑糖番薯燒🍠香甜軟綿😛.揚物🍤套餐包含💰有香芋丸、章魚小丸子🐙炸餃子棒🥟各種天婦羅等🦀🎃必食一口芝士🧀芝士味香濃軟滑😆.小菜🥢套餐包含💰有中華沙律、味付螺肉、泡菜🌶️.甜品🍮套餐包含💰有雪糕同雪條🍨🍦.飲品🥤套餐包含💰有Sapporo🍺汽水🫧茶類飲品🍵果汁等🧃🥭…查看更多

本身想食另一間燒肉但人地無位得呢間新開既 可以book到7點咁就試下新餐廳呢晚個場坐唔滿星期日晚市只係坐左一半職員態度好好 未齊人都俾我地坐住先等齊人先開始落單計時出面多數餐廳未齊人 就算有枱都唔入得住睇得出個別職員無咁熟架步 但都好積極 密密收碟經過見個網燒黑左會主動幫手換網成餐換左3-4次網全晚肉質都保持到水準 唔會得一開始先俾靚肉調味亦唔會太重手 一開始俾一大set頭盤頭盤有誠意 有雞泡魚乾、牛肋條、鮑魚入面仲有比目魚、鰻魚呢兩款魚都好好食！油脂好足夠！可惜霞套餐無得任食呢兩款魚另外虎蝦好大隻新鮮 翻兜左幾轉炸物炸得啱啱好 唔會油笠笠可惜熟食同飲品選擇比較少煮青口真係偏鹹 魷魚仔煮完好細粒呢兩樣都可以唔洗試鍾意海鮮既話專心食蝦雪糕係香港&韓國品牌黑芝麻雪糕好味職員話霞套餐做緊買4送1 (menu無寫)所以我地一行5個人 啱啱好優惠左既話 埋單連加一 人均唔洗$400呢個價錢以肉質&服務 坐到2個鐘幾抵食如果揀1.5個鐘既套餐就會食得趕d希望之後保持到水準依家香港飲食業難做唔想以後一街都係連鎖店…查看更多

食完真係以為自己去咗轉日本啊！我同朋友叫咗個「雨餐」試勻咁多款正嘢首先講主角A5和牛西冷，一放入口真係不得了！油脂分佈靚到好似雪花咁，入口即溶，牛味香濃到呢……跟住個四品和牛燒肉拼盤有齊A4黑毛和牛三角腩、後腰肉、牛肩同薄切，每款都有唔同口感，三角腩肥瘦適中，後腰肉肉質軟淋，薄切輕輕燒兩燒就食得，正！海鮮都唔輸蝕，鮑魚新鮮彈牙，生蠔大大隻，燒完依然juicy。清酒煮蜆酒香十足，蜆肉飽滿冇沙。炸物方面，一口芝士拉絲拉到半米長，天婦羅蝦脆而不膩，忌廉蟹肉餅咬開真係有流心架！特別要提雞泡魚乾，燒到微焦點少沙律醬，送啤酒一流。最後食個烏冬雪糕，凍冰冰又煙韌，個口感好過癮。成餐飯食足兩個鐘，捧住個肚走，埋單都係合理價…查看更多

今日試咗「雨」套餐，最正當然係佢個日本A4和牛燒肉盛頭盤，仲有任食足足180分鐘，可以揀超過110款款式，牛魔王即刻滿足，肯定係超級夠飽！🤩 環境舒適、坐得自在，服務有禮而且上菜、收碟、換網夠快，慢慢燒足180分鐘都好chill。🤩 地點近巴士站，放工約飯超就腳🚌！🤩 開場先來大大塊A5和牛西冷，成塊面咁大啊，仲要係有厚度～成塊咁上！如果自己出去買，肯定都要好幾百蚊一塊架！🤩 之後就係A4和牛多個部位輪流上網格，油香誘人！🤩 海鮮方面有鮑魚、比目魚西京燒同有殼生蠔，夠晒澎湃🦪！🤩 仲有好多炸物：香芋丸、炸薯角、章魚小丸子、蟹柳天婦羅、炸餃子棒、忌廉蟹肉薯餅、蕃薯天婦羅！🤩 收尾當然以dadino雪糕壓軸🍨！🤩 啤酒任飲每位$20，抵飲🍺！推介：鮑魚新鮮爽彈、海味清甜；韓風瓷壺醬油牛肋肉醬香入骨，燒到邊位微焦更惹味🐮🔥。慢慢燒慢慢傾，滿足感爆燈！🔥優惠tips:🐮「雨」餐半價星期一至五：實付$1,330/2人星期六至日/公眾假期及前夕： 實付$1,354/2人（此價已計加一）🐮「霞」餐 17:00前入座 買一送一，須現金支付星期一至五：實付$502 /2人星期六至日/公眾假期及前夕：實付$526 /2人（此價已計加一）…查看更多

鬧市都有間性價比超高既任食日式燒肉店～係超高質素💯😋A5和牛都任食啊🤪！仲要可以食足3粒鐘🤩食完抖抖回一回氣又食過都夠時間！我地食最貴既「雨🌧️」餐～原價係$1108一位 但而家做緊優惠 ‼️買一送一‼️所以真心超抵呀😆每人幾舊水咋😍日本A4和牛燒肉盛頭盤真係名不虛傳😍😍有以下呢啲：⭐️A5和牛西冷⭐️四品和牛燒肉盛⭐️韓風瓷壺醬油牛肋肉⭐️香蔥薄切和牛⭐️鮑魚⭐️味淋魚干⭐️比目魚西京燒餐廳好貼心 每枱都貼左張紙介紹每款頭盤食物點燒最靚😆同埋燒幾多分鐘～ 所以冇乜難度 😼果塊A5和牛西冷真係好驚為天人😙咁大塊仲要入口即溶咁🤗🤗超好味～食完頭盤就掃QR code 點野食！係以下咁多款牛都任食🥰🥰真係好幸福～A4和牛三角腩A4和牛肩胛肉A4和牛和尚頭A4和牛後腰肉A4香蔥薄切和牛澳洲M6和牛三角腩韓風瓷壺醬油牛肋肉香草羊架鮑魚比目魚西京燒有殼生蠔🦪甜品唔少得仲有Haagen Dazs Ice-Cream🍧 飲品方面都有兩個大雪櫃任拎任飲🥰滿足～…查看更多

兄弟姊妹們，如果妳係「食肉獸」，又想搵個地方放縱一下，尖沙咀嘅「八木橋」真係要bookmark定！佢哋個日本A4和牛任食套餐，認真抵食到暈，保證妳食到捧住個肚走！一講到個A4和牛，真係要畀個Like佢！啲雪花靚到呢，鋪滿成塊肉。食落個口感真係無得輸，勁濃牛味之餘，真係好似喺個口裡面融化緊。我同班Friend都不停喪嗌，完全控制唔到自己！平時食燒肉放題，啲海鮮多數都係「搭單」貨色。但呢度嘅海鮮拼盤，絕對係「主角級」！比目魚燒到金香脆皮，裡面啲肉仲係超滑溜；生蠔夠晒大隻，燒完一啖咬落去，啲海水嘅鮮味同汁一齊爆出嚟；最誇張係隻鮑魚，新鮮到冇朋友，燒完之後咬落去「煙煙韌韌」，鮮味十足，完全係高級料理嘅質素！估唔到除咗牛同海鮮，連個羊架都咁出色！羊嘅風味好突出，但係一啲都唔會羶，外面燒到有少少脆口，入面依然保持到肉汁同嫩滑。食完咁多和牛，轉下口味食件羊，個感覺非常圓滿。呢個套餐真係冇得彈，由頭盤到海鮮都絕冇欺場。環境舒服，服務又到位。誠意推薦畀各位為食兵團！…查看更多

【油尖旺區】【八木橋日式燒肉】同美女朋友喺尖東試呢間想試好耐嘅日式燒肉，因為睇中咗佢哋「午市買一送一優惠」。入到去佢哋畀咗最靚嗰個位我哋，係望到晒漆咸道南㗎。要咗 $438 嘅「霞」套餐，乜都未講就先上前菜，有「中華沙律」、「味付螺肉」同「泡菜」，都幾好食㗎喎。跟住開爐試「澳洲和牛燒肉盛頭盤」，幾款都好正喎，包括「澳洲四品和牛盛」同「韓風瓷壺醬油牛肋肉」。呢度嘅特色係唔會有超猛火，慢慢燒，啲肉嘅生熟度可以拿揑得更加好。跟住試「Mozzarella芝士雞腿肉」，邪惡芝士配嫩滑雞肉，係非常滋味。跟住都試咗「米澤三元豚肉」、「鮑魚」、「味淋魚乾」、「比目魚西京燒」、「虎蝦」同「多春魚」，慢慢燒，燒出嚟質素高好多，燒到有燒烤師傅嘅功力。仲試埋蝦、蟹柳、番薯同南瓜「天婦羅」，炸得幾好食。另外都有試「章魚小丸子」，都係高質嘅。除此以外，佢哋嘅「飲品櫃」同「甜品櫃」嘅嘢係無限追加，飲品嘅選擇有好多，揀都有困難。而甜品就有成個雪櫃任攞，我比較中意食甜筒，哈哈。計錢，佢哋係做買一送一無錯，用返原價嚟加一，折實咗之後嘅埋單價係 $526，兩位嚟講呢個價算幾過癮。。。（地址：尖沙咀漆咸道南57-59號金馬倫中心2樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖沙咀 #尖東 #火鍋 #紅磡 #1am紅館 #八木橋日式燒肉 #噴水池 #霞套餐 #澳洲和牛燒肉盛頭盤 #澳洲四品和牛盛 #韓風瓷壺醬油牛肋肉 #Mozzarella芝士雞腿肉 #米澤三元豚肉 #鮑魚 #味淋魚乾 #比目魚西京燒 #虎蝦 #多春魚 #1am1916 #1ambackup…查看更多

八木橋日式燒肉地址: 尖沙咀漆咸道南57-59號金馬倫中心2樓尖沙咀新開業日式燒肉放題店，有4款放題套餐最平只係每位$208！ 今次專攻佢個日本A4和牛「雨」套餐，超多款式。晚餐到訪八木橋日式燒肉，餐廳位於尖沙咀金馬倫中心二樓，環境簡潔雅緻，座位間距適中，氣氛寧靜，適合慢慢享受燒肉時光。A4和牛就好靚仔咁呈上枱！啲雪花分佈靚到好似藝術品一樣，油花均勻，燒到五成熟左右就食得，個種濃郁嘅牛油香味充滿成個口，肉質軟嫩到不得了，完全唔使點咬，個種油脂感真係邪惡到極點，但又令人忍唔住一塊接一塊咁燒！食和牛食到飽!! 最令我念念不忘、食完返唔到轉頭嘅，係個名幾得意嘅A4岩手和牛和尚頭！店員好心機介紹，話呢個部位好稀有，一隻牛得嗰好少，係大腿內側嘅精華部位。一食之下，果然名不虛傳！任食燒肉、海鮮、天婦羅等近100品料理 , 仲有多款任飲飲品，一定回曬本。肉類🥩任食澳洲M5和牛: 外腿肉、崩沙腩、嫩肩肉，肉味香濃有質感👍。其他肉類都好多款，有韓風瓷壺醬油牛肋肉、一口牛、牛舌、日本米澤三元豚肉、蒜香燒雞中翼等，食肉獸大愛海鮮🦐🦪任食海鮮有鮑魚、比目魚西京燒等。比目魚燒到兩面金黃，魚肉超嫩滑，一啲都唔腥。連鮑魚都有得任食，燒完之後爽口彈牙，唔會韌，鮮味十足。食完濃味嘅和牛，再食啲清甜嘅海鮮，個感覺正好！揚物/天婦羅🔥熱騰騰香脆可口大蝦天婦羅、一口芝士、蟹柳天婦羅、章魚小丸子、炸南瓜🎃、炸蕃薯🍠米事/麵食🍚🍜赤坂魚蛋烏冬、冷素麵、白飯。飲品🥤有得任飲玻璃樽裝可樂,可以GUR 下，唔少得仲有包裝茶飲解膩同消脂。甜品🍨住食杯裝雪糕，當然仲有其他韓國牌子雪條任食。總結：環境舒適乾淨套餐好抵食用INLINE / WhatsApp 訂座更可享杯裝啤酒🍻住飲！#尖沙咀#金馬倫中心#八木橋日式燒肉#海鮮#肉類#蔬菜#天婦羅🍤#任食雪糕#啤酒#汽水任飲#A4和牛#雲#雨#霞#雪…查看更多

作為重口味代表，八木橋嘅韓風瓷壺醬油牛肋肉絕對係我全晚最愛，冇之一！由頭到尾，我個味蕾都俾佢哋嘅濃味菜式深深俘虜！佢用個小瓷壺裝住，一打開蓋就聞到好香嘅醬油同蒜味。啲牛肋肉醃得好透徹，醬油嘅鹹香帶住淡淡嘅甜味，仲有啲芝麻香。一放上燒爐，醬汁遇火焦糖化，發出「滋滋」聲，聞到都流口水！燒到外層有少少燶邊，入口味道濃烈，肉質帶少少咬口，但一啲都唔韌，真係邪惡到震！呢個味道，真係白飯殺手，可惜係任食，唔係真係想叫碗白飯嚟送！食完濃味，可以燒一燒A4香蔥薄切和牛，用和牛本身嘅油脂清香中和一下，準備迎接下一個濃味衝擊。再叫返件羊架，羊架本身羶味唔重，但肉味濃郁，燒到外皮香脆，裡面鎖滿肉汁，點少少薄荷醬或者簡單嘅鹽已經非常好味，都係比較濃郁嘅選擇，非常適合我嘅口味！成晚嘅節奏就係「濃味 -> 清一清 -> 再濃味」，呢度嘅濃味選擇真係做得出色，由頭到尾都係味覺嘅衝擊，食到唔願走！如果你係重口味同道中人，嚟到記住重點掃貨！…查看更多

如果你問我，放題任食最驚喜係咩？我一定答你：係「八木橋」嘅 A4岩手和牛和尚頭！冇諗過任食都可以有咁高質素，絕對係全場MVP！另外一定要試嘅係 A4香蔥薄切岩手和牛。薄薄一片，輕輕一燒就熟，仲要keep到嫩滑。重點係上面滿滿嘅香蔥同少少醬汁，一啖食落去，和牛嘅油脂香同蔥嘅清爽夾埋一齊，味道同層次即刻豐富晒，真係超惹味！海鮮方面，生蠔同鮑魚都係必點之選！隻蠔大大隻，燒完之後依然飽滿多汁，蠔味濃郁；而隻鮑魚燒到咁啱火候，食落爽口彈牙，完全唔會韌，鮮味十足！仲有款 韓風瓷壺醬油牛肋肉，醃得夠晒入味，帶少少甜味，燒完之後肉質依然鬆化，係濃味愛好者嘅恩物！以任食嘅標準，「八木橋」嘅A4和牛質素真係超班！尤其係個和尚頭，真係食到唔停得口。下次再嚟，我第一時間就一定係再點呢個！…查看更多

今次嚟八木橋做食肉獸，專登揀啲唔同口感嘅部位嚟試，發掘 texture 嘅樂趣！由入口即化到煙韌彈牙，正！首推澳洲M6和牛三角腩！呢個部位脂肪唔算最多，但勝在肉味濃，而且咬落去非常有口感。佢唔係「淋滋滋」嗰種，而係充滿嚼勁之餘又唔會韌，你可以用牙齒慢慢撕開啲肉纖維，越咬個牛肉味就越出，可以慢慢享受牛肉嘅原汁原味，大滿足！對於唔想全程食「入口即化」嘅朋友，呢款係必點！另外，韓風瓷壺醬油牛肋肉又係另一種口感體驗。因為有醬汁包裹，燒完外面帶點焦脆，有少少似食緊牛肉乾嘅外皮，但裡面依然保持到軟嫩多汁，一種肉有雙重享受，好過癮。最後試咗羊架，火候控制得好，切開仲係誘人嘅粉嫩色，肉質非常鬆化，用刀輕輕一切就開。同埋燒鮑魚嘅爽脆彈牙，形成鮮明對比。隻鮑魚燒完之後，用剪刀剪開一小塊一小塊，嗰種「卜」一聲嘅感覺，就知佢有幾新鮮彈牙。成餐飯就係喺呢種「嫩、滑、爽、彈、韌」之間遊走，口感豐富到極點！對於追求食肉口感，而唔單止係油脂嘅人嚟講，八木橋絕對係一個天堂！…查看更多

今次去咗尖沙咀試呢間烤肉放題，真係飽到上心口！我哋叫咗個最頂嘅餐，一開波個「澳洲和牛燒肉盛合」啲牛真係無得彈，個「澳洲四品和牛盛」油脂靚到呢，攤上個爐度「滋滋聲」，入口即化，牛味濃到癲！我特別鍾意個「澳洲M5和牛外腿肉」，薄薄一片，輕輕一燒就食得，點少少鹽已經好正。另外個「米澤三元豚肉」都唔輸蝕，肥瘦均勻，自己燒到脆脆哋邊，好香口。海鮮都唔錯，最鍾意係扇貝同鮑魚，夠新鮮又唔韌。至於個「Mozzarella芝士雞腿肉」就真係有驚喜，一拉開有成米長芝士絲，雞肉又滑，惹味到震！中途醒起要食啲蔬菜平衡下，順便試咗啲「揚物」，炸蝦多士同芝士波都脆卜卜，唔會油淋淋。個「韓風瓷壺醬油牛肋肉」醃得夠入味，甜甜哋好夾個燒肉味。佢個「味淋魚干」，燒到金香脆口，送啤酒真係一流。講起海鮮，佢啲「燒廣島蠔」都唔可以錯過，大大隻，燒完都唔會縮到好細，仲好juicy，蠔味好出。另外佢啲「一口牛」都有幾隻味揀，我試勻咗原味、韓風醬油同法芥味。最正係法芥味，嗰陣芥末香唔會攻鼻，但係又好惹味，同牛肉嘅油脂好夾。仲有個「赤坂魚蛋烏冬」，食到最後叫個熱辣辣嘅烏冬，個湯底清甜，魚蛋又彈牙，可以暖暖個胃，完美！炸物方面，除咗之前講過嘅，佢個「忌廉蟹肉薯餅」都好正，外皮脆卜卜，一咬開入面係流心嘅忌廉蟹肉醬，熱辣辣要小心燙親個嘴呀！仲有「蕃薯天婦羅」同「南瓜天婦羅」，炸粉夠薄，食到食材本身嘅甜味，用來中和下啲肉氣就啱啱好。肉類仲有個「韓風醬油牛肋肉」，用個瓷壺裝住，醃得好入味，帶少少甜，燒完之後肉質好淋，好好味!…查看更多

話說前排去咗八木橋試佢個日本A4和牛任食套餐，食完真心要同大家分享，因為性價比高到嚇親人！一落單無耐，盤A4和牛就好靚仔咁上枱！啲雪花分佈靚到好似藝術品一樣，油花均勻，睇見都流口水。放上爐度燒，啲油「滋滋聲」咁響，香味即刻撲鼻而來！燒到五成熟左右就食得，一入口——嘩！真係即！化！囉！個種濃郁嘅牛油香味充滿成個口，肉質軟嫩到不得了，完全唔使點咬，個種油脂感真係邪惡到極點，但又令人忍唔住一塊接一塊咁燒！食和牛食到飽，呢個願望終於實現！估唔到除咗牛，啲海鮮都咁出色！比目魚燒到兩面金黃，魚肉超嫩滑，一啲都唔腥。生蠔都好肥美，燒完之後依然Keep到好多汁，好鮮甜！最驚喜係連鮑魚都有得任食，燒完之後爽口彈牙，唔會韌，鮮味十足。食完濃味嘅和牛，再食啲清甜嘅海鮮，個感覺正好！以任食套餐來計，八木橋真係交足功課。由頂級嘅A4和牛，到高質嘅海鮮同羊架，款款都有水準，完全冇因為係任食而將貨就價。服務同環境都唔錯，換網都換得幾密。如果你係大胃王，又係和牛同海鮮嘅忠實Fans，咁呢個「八木橋」嘅任食套餐，真係抵食到癲，絕對要Bookmark試一次，保證你滿足到捧住個肚走！…查看更多

[ 八木橋日式燒肉 ]尖沙咀新開業日式燒肉放題店，有4款放題套餐最平只係每位$208！試業期間有以下優惠：提早一日訂枱「雲」、霞」、「雨」套餐送刺身頭盤一份「霞」餐午市買一送一「雨」餐全日半價「霞」/「雨」餐晚市6位送1位✿ (2小時) 「霞」澳洲和牛燒肉盛 星期一至四成人$418/位、小童$168/位任食燒肉、海鮮、天婦羅等近100品料理。前菜🥗有中華沙律、味付螺肉、胡麻豆腐等開胃菜。肉類🥩任食澳洲M5和牛 (外腿肉、崩沙脯、嫩肩肉)，肉味香濃有質感👍。其他肉類都好多款，有韓風瓷壺醬油牛肋肉、一口牛、牛舌、日本米澤三元豚肉、Mozzarella芝士雞腿肉、蒜香燒雞中翼等。海鮮🦐🦪任食海鮮有鮑魚、半殼扇貝、廣島蠔、虎蝦、清酒煮蜆、牛油香草藍青口、比目魚西京燒等。野菜🥒🌽秋葵、牛油金菇、牛油粟米等。揚物/天婦羅🔥蝦天婦羅、一口芝士、蟹柳天婦羅、章魚小丸子等。米事/麵食🍚🍜赤坂魚蛋烏冬、冷素麵、白飯。飲品🥤🧃有得任飲玻璃樽裝可樂，夠氣又夠凍👍，仲有包裝茶飲。甜品🍨每位1杯Häagen-Dazs雪糕，另外有其他牌子雪糕任食。總結🫦 呢間日式燒肉放題店新開張環境舒適乾淨，試業期間優惠吸引，係聚餐約會好選擇👍。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿八木橋日式燒肉地址：尖沙咀漆咸道南57-59號金馬倫中心2樓電話：6144 8242✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多