八月茶室 (皇后山商場)

呢日去粉岭皇后山探亲戚，佢带我嚟呢间位于商场内嘅食店食嘢，睇个餐牌，发觉午市套餐最抵食，于是三个人叫咗三个套餐，分别系：豉汁蒸䲝鱼饭、干炒叉烧意粉，咖喱牛脷温泉蛋饭，送汤及热饮，而我哋三个不约而同叫咗热奶茶。䲝鱼size比一般茶记嘅细条，望落唔似系最平嘅黄立䲝，而系其他䲝鱼类，由于唔系我食，所以唔知味道如何。干炒叉烧意粉嘅份量都几多，但忘记影相，叉烧我食咗一嚿，味道过得去，如果腍啲会更好，色泽系我喜欢嘅深红色泽而唔系橙红色，唔知系唔系心理作用，觉得橙色嘅叉烧味道始终差啲。咖喱及牛脷都系我喜欢食嘅嘢，呢度嘅咖喱偏甜，似日式咖喱，但日式咖喱是微辣，而呢度嘅咖喱属小辣。牛脷整得好软熟，但可惜食唔到牛脷独有嘅膻味，咖喱捞温泉蛋系其中一个完美配搭，l'm lovin' it。不过，讲到最正系个饭，粒粒分明，非常软熟，好食。奶茶味道正常，而幸好呢间有啡糖供应，佢比白糖好饮啲。汤系粉葛汤，而且应该只有中汤，否则佢哋应该会问要中汤定西汤，呢方面有啲可惜，因为我比较喜欢饮罗宋汤。…查看更多

周末揾住附近既朋友志在揾个地方坐下嗌左下午茶麻辣鲜牛肉米线跟餐可以有炒蛋/煎蛋等选择仲有一个多士分量ok既比较惊喜系个麻辣米线汤好有味够酸够热，米线偏淋牛肉就普普通通，食到少少腥味总结而言不过不失未到好好食又不至于难食…查看更多

人生第一次来到皇后山，探完朋友一家，再到屋邨商场食Lunch ☺️朋友带我哋来到位于商场的「八月茶室」午市时间都好多客人，8成满座。餐牌上食物款式好多，我哋随意点了几款。食物好快上枱，每碟的份量都好大份！特别是烧汁炒乌冬，一大一小两个人食都有剩😅全日早餐卖相Ok ! 个丹麦多士好香好好食🤤常餐沙嗲牛肉公仔面，味道都好浓郁！冻柠茶好饮，水吧唔错👍🏻炒饭都好香好大碟👍🏻重叫了一份三文活比小朋友食，好厚身😀…查看更多

每次经过八月茶室都看到里面好热闹，看到人家吃的小炒很惹味。今天放工就去吃晚餐。我们点了川味小炒中的孜然牛肉、避风塘炒鲜鱿和西兰花腰果虾仁。孜然牛肉每片牛肉都很大片，微微的孜然的配合香港人口味，加上洋葱丝和辣椒，味道丰富，咬下去除了牛肉的香味还带有蔬菜丝的清爽。避风塘炒鲜鱿超大的一盘，非常足料。鲜鱿片包裹著薄薄的炸粉，加上炸蒜和小辣椒等等，香气四溢。每一片鲜鱿都十分弹牙有口感，咸香味十足。白饭上铺上炸蒜更加好配饭。西兰花腰果虾仁是传统港味家上小菜，西兰花和虾仁都事前用油下锅爆香，所以非常香。西兰花和虾仁都是十分有口感，不会燘过久，所以吃下去味道口感都是很新鲜的。这家餐厅每个店员都脸挂笑容，和每一枱客人和小孩都打成一片，十分温馨融洽，值得再来。…查看更多

过黎揾个朋友食饭，简简单单落楼下八月茶室食晚餐，虽说系茶餐厅用餐但又比到一个好好嘅用餐体验比我。首先讲下店内装修，空间大，座位寛阔干净，非常舒适。服务方面，店员都十分勤快，甚有亲切感，比人一种人情味满满嘅餐厅。食物种类都有好多选择，川菜、小炒、铁板餐、石头锅饭，虽然系去食晚餐，但仍然可以叫到炸脾西多，非常惊喜。咁多款式拣我地就每样嗌左一款黎食，有铁板银牙肉丝炒面、支竹冬菇炆牛肋条煲、惹味水煮牛肉、流心西多、公司三文治、炸鸡髀。铁板银牙肉丝炒面：面条外边脆口，然后又会食到Q弹嚼劲嘅口感，再配上鲜嫩肉丝同爽口银牙。加埋铁板上煮，够晒锅气令人食欲大增。支竹冬菇炆牛肋条煲：牛肋条经过炆煮后，变得非常软嫩，入口即化，肉质鲜美。支竹同冬菇嘅香气充分融合，估唔到除左火腩，换成牛肋条又另一番味道，摇身一变成为女人嘅浪漫。水煮牛肉：上菜已经闻到一阵充满香料嘅麻辣香气扑鼻而来，口水不禁加速分泌，麻辣味道令人感受到川菜嘅独特魅力。牛肉嫩滑多汁，配上蔬菜嘅清爽口感，辣味同麻味交织，果然真系惹味水煮牛肉。流心西多：唔系一般嘅西多，切开面包流心汁涌出，感觉治愈，奶油同咸蛋香味四溢。炸鸡髀：外酥内嫩，鸡皮炸得酥脆，真系怕肥都忍唔住照食，肉质鲜嫩多汁，实在系我最爱。公司三文治：除左鸡蛋、餐肉、火腿、番茄，仲有芝士，一般茶餐厅都唔会咁揼本，非常美味。茶室嘅小食真系好唔错。整体而言，八月茶室嘅菜色丰富多样，口味地道正宗，价格又实惠，比左一个好好美食体验比我地。…查看更多