八月花 (朗豪坊) (已結業)

咕噜肉一上枱已经闻到阵阵香气，肥瘦分明嘅肉炸得外脆内嫩，咬落去油香四溢，完全唔腻。酱汁酸酸甜甜，比例掌握得极好，唔会抢味，反而令肉味更突出。每一件都好似经过精心设计，唔系乱咁炒出嚟。食完真系会忍唔住讲句：「呢个系我食过最好味嘅咕噜肉！」脆皮鸭系另一个惊喜。个皮炸得香脆但唔油腻，咬落去有种「咔」一声嘅满足感。鸭肉保持嫩滑，冇半点干柴，啖啖肉都好juicy。配埋店家自制嘅梅酱，酸甜中带微微果香，令整体味道更有层次。龙虾年糕好有创意。龙虾肉鲜甜弹牙，年糕烟韧得嚟唔黏牙，两者结合得出奇地夹。酱汁微辣，令龙虾味更突出。系一道好有节日感觉嘅菜式，食落去有种「新年先食到」嘅仪式感，但而家可以随时享受，真系幸福。清炒豆苗炒得好干净，冇多余油份，保留咗菜本身嘅清香。入口爽脆，完全唔焗。系一碟好适合平衡味蕾嘅菜式，食完重口味嘅主菜之后，嚟返碟豆苗，整个人都清醒晒。牛腩陈村粉炆得够腍，入口即化，汤底浓郁但唔死咸，有种老火汤嘅深度。陈村粉吸晒汤汁，每啖都系精华。食落去有种好熟悉嘅感觉，好似返咗细个喺茶餐厅食晚餐，𠮶种温暖、𠮶种人情味，喺呢碗粉入面完全呈现。我用左白金AE 平日75折即刻觉得劲抵食！！！…查看更多

58年来第一次写食评，竟然是写灾难的经验。出品质量是灾难：食品质量偏低，举个灾难级例子-炸鲮鱼球。12位点了2碟，上枱的时候基本上是凉的，咬下去中间是生的有特色服务是灾难中的灾难：冇人加水在香港酒楼实属正常。叫侍应，5分钟冇人应。有人答你，然后对方忙碌而忘记也可以理解。回头看侍应忙于与客户聊天，交谈甚欢，你明白了，你的存在是打扰她们了。看看自己身处的地方，不是别的地方，是八月花！是美心的八月花！是香港美心的八月花！只能怪自己无知，今非昔比难怪香港餐饮业，如此如此。…查看更多

食物叫了大部份都要二十至二十五分钟先上枱。当叫侍应跟进时，他出去看一看，跟住攞咗一笼沙嗲牛肚入嚟，但牛肚只得四五嚿，份量很少。所有食物都唔够热，摆到冻晒先攞出嚟俾人客，炸云吞冻哂又唔脆，煎酿三宝啲汁king晒。刚巧父亲节做双皮奶特色食物，又话座热佢俾人客，等人客叫起，但上台都系冻晒，真的十分令人失望。唯一可取是叉烧饭。…查看更多

朗豪坊八月花🤬香港餐厅推动大家北上消费，因为呢间餐厅简直系难食嘅表表者曾几何时，系一间高级酒楼，因为成为大集团旗下所以变差？？？ 已不用写食过甚么了，因为太太太难食，不想拍照不想记得来过😤鲮鱼球系冻嘅，似足隔夜。鲍汁凤爪，酱汁好深色，但完全冇味嘅。炸两，同吸水海绵一样。谂住蒸包都正正常常啦，黐牙㗎，啲料仲要好少。本身想叫个蒸饭，冇信心再加单了。另外，完全无服务，由开茶到加水，楼面围埋倾计都乍看不见，都多次努力招手及重复开大声要求才受理😡，而家大集团管理有那么差吗？绝对无下次🤬🤬🤬🤬:(…查看更多

约咗屋企人星期日饮早午茶 (11am)，一早已经打去订位，我哋 7 个人，全部都系大人。我哋冇迟到，仲早少少去攞位，酒楼竟然安排我哋坐 6 人枱，我哋话点坐呀，佢哋竟然话其他枱有人订咗，我话我哋都有订㗎，最后先勉强换张 8 人枱 (酒楼话可以坐到 10 人 🤦🏼‍♀️🤦🏼‍♀️🤦🏼‍♀️)。 位置好迫，因为系角落位置，坐得较辛苦，都算啦！点嘢食，蒸点完全冇问题 👌🏻，但其他就。。。。。萝卜糕，唔热，勉强叫做暖蛋挞，冻嘅，系冻，冇暖嘅感觉 🙈🙈🙈最后老公叫咗个咖喱薄饼，点之前都问过𠮶侍应系咪热食，仲要 11:30 后先可以叫嘅，一到 11:30 就即刻落 order，等咗 40 分钟先有得食，心谂等咗 40 分钟，碟嘢应该热啩，点知老公攞上手都觉得奇怪，冻嘅，咖喱汁都系冻嘅，有冇搞错，最后揾个侍应话取消，真系离晒大谱 😤😤😤P.S. 我想食呢间嘅原因，系因为佢有我想食嘅「糯米饱」，但今次经历真系好差，冇下次 …查看更多