八方雲集鍋貼水餃專門店

耐唔耐都会想食下啲台湾米线之类嘅嘢，八方云集周围都有，近近哋又就脚，一于去马，最钟意嘅咖哩味煎锅贴，台式面线，猪大肠，贡丸硬系觉得好夹，走甜嘅珍珠奶茶，珍珠细粒咗口感好烟韧，更加容易吸呢一点非常抵赞，主角嚟喇，锅贴皮煎得非常之脆，出面嘅面粉脆浆非常之正，咬落口，坤坤声，最钟意呢度嘅醋，豉油，辣椒酱，三款都食哂，好似多几只味咁样，睇住佢即整嘅锅贴，一开个盖，啲烟涌晒上嚟个下，好治愈，埋单都系街坊价钱，难怪咁多年屹立不倒…查看更多

嗌咗啲嘢食唔系重点，重点系以前会俾埋点酱料𠮶个细嘅纸盘仔，我就问吓有冇得拎。然后就俾佢地好大声喝依家冇架啦 冇呀。成班人系度吱吱喳喳态度好差。ok,然后我问大个纸碟拎唔拎得，佢地大大声话收一蚊！好然后我唔要坐番低食嘢，我嗌咗个套餐有百香果双Q绿茶，食咗七八个字，仲未俾到我，问佢地，就话仲未落单㖞。真系激鬼死!之后终于等到啦，但系支嘢饮甜到乜咁，根本全部都系糖，完全饮唔落。然后啲阿姐仲喺度兜，话唔甜冇百香果味㖞，支嘢饮冇得少甜㗎，又冇得走。态度劲曳，对顾客好串。以后唔会再帮衬。…查看更多

突然戚起条筋想食下台湾嘢，呢头附近系得呢间都叫台湾过江龙，以前食过其他分店啲锅贴水饺都叫正路。谂住呢间都无衰嘅，点知大约7点半入到去，都几百无下，酸辣汤都买晒，中途都听好多食客叫嘢食，又系呢样无𠮶样无。唔紧要，无咪叫过第二样啰，如是者我就点咗招牌水饺5件+韮菜锅贴5件，包杯嘢饮，我就拣咗个奶茶双Q，点之前问佢边双Q，佢话椰果珍珠，咁就拣呢杯啦，$20饮品配餐唔使加钱。出咗餐之后都满心欢喜，点知就睇到有蚂蚁系立刻谢晒，唔知想点，佢系咪觉得我唔够蛋白质，想帮我加料?有拍片，但唔知点摆上来，不过影咗张相。…查看更多

星期六系香港仔整完啲银行野都1点，谂住系附近揾野食，最后拣左八方云集，好耐冇食lu🙈1. 招牌锅贴- juicy得黎又有脆脆底！好夹😆2. 招牌水饺- 如果怕热气嘅，就拣返水饺好过锅贴🥟3. 大肠面线- 依个系我嘅最爱，大肠唔会臭，好食啊！而且佢嘅面线同我系台湾食嘅完全一样㗎🩵4. 紫菜肉丸汤- 啲紫菜同肉丸异常嘅好食😋5.豆浆- 正正常常，唔太浓，但又未至于冇味😂不过如果有多一个选择 -> 无糖豆浆 会更加吸引🙈…查看更多

今日黎到香港仔食lunch，食左好耐无食过嘅八方云集，天气热得济🥵食食下都d蚊仔飞黎飞去🦟🦟叫左2 个set, 食佢嘅招牌锅贴，味道正常，但如果佢热d就更加好，上台只系常温，感觉放冻左少少， 配上个肉羹米线，肉丸味道ok，但羹底有阵味，配埋唔算话好好食麻酱捞面本来以为系冻嘅，上台发现系热嘅😨😨味道ok..系个貌相结左少少….天气始终好热，所以最后都食唔哂…跟餐饮品我最满意，冻豆浆真系透心凉！百香果椰果绿茶有口感，唔会太甜！…查看更多