八度半

來到元朗朗屏本想到老地方吃餃子，但見店內座無虛席，又因趕時間只得半小時晚飯速食，只好在附近找找地方快吃便算！向著趕往目的地方的方向進發，打算見到什麼就吃什麼經過見到有間台式小吃店，門外站著的服務員很有禮貌的示意入嚟試下，有晚飯套餐，反正也想不到吃什麼，即管試試吧 踏入小店內果然係地方很細小，只得三至四張枱，店舖大慨只可同時間招呼十人左右便當的價錢相當便宜$40左右…包飲品，也有好多選擇先選飲品… 榛果水晶咖啡，原來水晶也是咖啡啫喱條不是一般臺式飲品加的先草…涼粉條！ 但可惜服務員回應這款凍飲不能選擇甜度，略為偏甜選了肉燥大排骨便當冇揀錯肉排炸得香口，鹽酥炸皮夠薄脆 肉燥醬汁不會太濃味，但正合我口味 另一半選了滷肉牛展乾麵牛展非常鬆軟入味不會太鹹！至於滷肉… 對肥肉不大興趣的我就只試了一口舔舔滷肉汁味道吧！八度半水晶熱咖啡，沒什麼特別，只是店名而已，即係普通熱咖啡加了水晶(咖啡啫喱條)當晚店內唯一的服務員值得一讚非常有禮貌，態度熱誠，盡量配合顧客要求，只可惜請示了廚房後有些未能配合但整體服務及食物品質都算滿意，水準之作…查看更多

今日又帶阿囡出去搵食。無意中搵到呢間台灣飯店。佈置雖然簡單但感覺很舒服。我叫一個鹽酥炸雞肉燥便當 炸章魚餅和芒果綠茶。鹽酥炸雞非常好食 不過太咸味道很好味。 食完又想食。肉燥飯味道很好不會太咸。好適合小朋友食 不過有點差異就是蛋凍 如果可以係暖暖地就還有就是章魚餅 好似炸耐左 有點硬和無味道。…查看更多

沒有台灣家庭式小店那種味道, 但還是找到一點點台灣味。 台式特許經營店,食物質素穩定。環境尚算整潔,價錢合理。 或店面空間有限, 2個人食還可, 4個人難坐, 多過4個應唔可以同枱了~…查看更多

最近都好多時在元朗這邊一人午餐，同樣地時間不多，要求是不要太多人，今天去到早前經過覺得有興趣的台灣小店，試新野。星期六兩點，人不多，好容易找到位坐。叫左野食，不到十分鐘黎齊。芋香珍珠奶茶 跟飯加$2:叫左少甜，芋味好濃，太過濃，奶茶味好弱，仍然覺甜膩，而且味道不太自然，底下珍珠好多，細細粒，偏淋。肉燥芝士蝦餅便當$42:蝦餅炸得外皮太死實，炸漿偏厚，內裡芝士有流心，但芝味不足，夾雜一些無咩味白蝦仔，實在吃不下去。肉燥軟綿多汁，均在香甜的珍珠米飯上，著實不錯，不過飯量較多，而肉燥不夠拌飯，所以我吃剩了一半白飯。這台式便當餐廳，食物和飲品也一般，勝在服務好，阿姐非常有禮貌，讚。…查看更多

今晚去工聯會上堂前，見到一間台式食店，出面睇門口都比較簡單，只是一個餐牌。諗住試下新野，就叫了一個鐵路肉燥飯 $35，可以包一杯$12飲品，不過太少飲品是$12，所以叫了一杯熱的珍珠奶茶$14，只需補差價$2就可以飲到了。點餐時個侍應姨姨好好服務，店內計埋侍應3人，如果不是繁忙時間，都應付得到。等了約5分鐘，好靚的肉燥飯出現眼前。肉躁有好多，可以撈到成個飯，飯的份量適中，飯的水份不是好多，生菜是烚完就上碟，蛋同普通蛋沒有分別。熱的珍珠奶茶是用紙杯載的，拎上手不會好熱，珍珠痴埋一舊，好甜而且好淋，不太好吃。而奶茶的茶味好濃，蓋過甜味。食完之後坐一陣，發現都幾多人外賣，外賣的食物都入盒都入得好靚，好有台灣食便當的風味，而食物即炸即整，好熱哄哄的感覺。辛勞工作一整日，食到豐富的一餐，就覺得好滿足。希望下次再試下它的麵。…查看更多

聽朋友講幾好味，所以試下。去過兩次，食左芝士炸豬扒撈面，同鹽酥雞撈面。店員姨姨好親切好好禮貌，雖然舖頭細細，不過都坐得幾舒服。撈面係肉燥加台灣面，味道唔錯，清清地唔會太咸，分量對女仔黎講都好夠。每碗都會配兩粒鱈魚腐好好味！餸方面分量就比較細，不過做得比較精緻，味道好好！炸既野真係炸到脆卜卜，唔會一大pat粉。40蚊包杯12蚊飲品，唔錯丫！…查看更多

是日經過試下，叫左三樣野1. 熱奶茶少甜 - 好淡，無茶味，無奶味2. 凍香芋珍珠 - 好甜，但有好香既香芋香味3. 香酥大排骨 - 新鮮炸起，調味剛好，肉夠鬆軟，皮亦夠脆總結: 沖調師能力有待提升，但餐廳都算干淨，可能新開張，見到有食評話肉燥飯不錯，都想試下…查看更多

午膳時間…目標食店突然休息一天…唯有轉移陣地…隨意閒逛…點知比我發現左呢間台式新店…呢度小店經營並不顯眼…一入門口…廚房一目了然…乾淨企理…而座位只得十數個…裝修都比較簡樸…餐牌係傳統簡單既台式肉燥飯 ，米線，小食，珍珠奶茶等等…先order左個套餐…套餐包一杯12蚊既飲品…仲可以補差價選擇其他飲品添…於是乎我選左朱古力珍珠奶茶…500cc份量…味道十足…珍珠飲到尾都仲有剩…而且夠哂冰凍…唔駛等好耐…主菜就熱辣辣上枱…係肉燥芝士豬扒便當…肉燥閃爍爍但唔覺油…反而係肉汁既味道…配上粒粒中軟度既珍珠飯…尤為好味…豬扒唔係好大件…麵包糠炸得香脆…內餡除左芝士同豬扒外…仲有火腿…口感雖豐盛…但豬扒反而薄左…如果芝士多返少少…應該感覺更美味…伴碟仲有兩粒鱈魚豆腐同三條生菜…唔會齋食豬扒飯咁寡…鱈魚豆腐軟綿綿又好有咬口…幾好味…以台式食物黎講…呢度價錢食物成正比…套餐有埋珍珠奶茶只係四十幾蚊咋…最重要係抵食又好味吖麻……查看更多