元気寿司 (京瑞廣場2期)

🍣元气寿司高速线 港女至爱😝夜晚系附近揼完骨冇咩好食就拣咗元气由于差唔多9点，我见冇乜人仲以为佢要收铺一入到去就任坐咁 一个人食咁就坐bar枱由于好饿嘅关系，都叫到成枱都系，冇乜人嘅好处就系可以放几个位都冇人理你🙂‍↕️元气经常都会有update，所以唔会食到厌。同埋有一set3件，我就觉得呢啲好好嘅选择，因为可以一次过食3款唔同味，唔洗夹硬食2件一样😝仲有天气冻嘅关系，叫左个乌冬，加埋七味粉，即刻成个人暖哂😌…查看更多

最近外卖平台有买满300半价嘅优惠卷 我set好时间抢咗一张见到元气寿司都有粉参与即刻落单买佢嘅外卖嚟食吓 作为一个三文鱼爱好者 叫咗个杂锦三文鱼寿司盛b 一共12件寿司 有厚切三文鱼 三文鱼腩 炙烧黑椒三文鱼 脆蒜烧三文鱼 三文鱼籽军舰 同辣味三文鱼军舰仲叫咗个经典寿司盛A 一共22件寿司 有吞拿鱼 三文鱼 蒲烧鳗鱼 脆蒜炙烧鲽鱼 帆立贝 墨鱼 甜虾 炙烧刺身虾 炙烤赤鱿 北寄贝 小柱军舰 盐葱赤海虾军舰 即使系外卖送到过嚟 啲寿司都摆得好靓仔 一望到就好有食欲！ 好好味！ 埋单都只系236蚊！…查看更多

小朋友上完兴趣班后，成日都话要食寿司，终于开咗间元气。次次黎到元气，叫到成枱嘢，薯条、鸡软骨都几唔错，小朋友最钟意食蟹柳卷，每一次嚟元气起码叫三碟以上，寿司反而普通。整体黎讲算合格。…查看更多

这篇文章的标题是，近排食多咗《元气》。原因为何? 就是因为我公司附近开左间《元气》，也顿时成为了大家 team lunch 的其中一个胜地。那天，同事吹鸡，我们一班人就火速地在 Apps 攞定位，一够钟就跑过去，以最充足既时间，吃寿司午餐。《元气》早已经不是回转了，大家用手机扫了 QR Code，就可以开心地各自点餐。然后，所点的食品就会由一部子弹火车运送过来。所以，现在的《元气》已不再是《元气回转寿司》而是《元气高速列车》。用自己的手机去点餐有一个好处，就是你会清楚知道自己点过些什么。一班人来食时，不会攞错人地既，也不怕忘记自己点了些什么。我就是一份芝麻八爪鱼来做当日既日式午餐前菜小点。这一个芝麻八爪鱼，够大只，也够多酱，而且芝麻味亦够香。当日，印象好似是 promote 紧油甘鱼。所以大家都点了同油甘鱼有关的食品。而我点的其中一个，是油甘鱼刺身。《元气》的鱼，够新鲜，而当日的油甘鱼够晒爽甜，十分之可口。另一个是长鳍吞拿鱼刺身，入口非常之香滑，鱼的鲜味也非常之浓烈。虽不是最顶级是吞拿鱼，但我这次得到的，都算是高级的一次享受。吃好刺身，就慢慢地吃寿司。只中一份是虾贝三点，有螺片寿司、赤贝寿司同甜虾寿司。除螺片既口感比较奇怪之外，其余两个都好好味。甜虾的海水味十足，不需要点酱油都美味满分。再多来一份油甘鱼，油甘鱼腩寿司。一入口，鱼腩内的鱼油可以说是爆出来。若不包饭，直接刺身咁食，一定更满足，那鱼油香会更精彩地在口腔内停留。日本鲷鱼寿司，一吃就感受到那鱼肉的香滑。肉质上，也是一流的，入口除了滑之外，也有一定的烟韧感，是很有口感的海鱼鱼肉，够鲜味，肉质结实，味道美。此时，我突然感觉到，这鱼肉煎香再食，或是整条以中式蒸熟来食，一样咁美味。最后来的寿司是青森熟帆立贝寿司。帆立贝熟食有熟食的好，因为煮熟了会很香口。但刺身食就会多了几分的香滑口感。对比之下，若是配寿司，刺身会是比较合适。唔够饱啊，我后加了一客腐皮乌冬。汤底是鲜甜的，腐皮也是鲜甜的，乌冬吸了汁之后也保持一定的烟韧感，够饱肚之余又鲜甜可口，真不错。因为就脚，因为好味道，近排真系食多咗《元气》。始终，《元气》既出品，称得上是大众化兼有保证，唔会食得唔开心。…查看更多