元朗燒賣皇后妙舒

元朗燒賣皇后嘅招牌香菇豬肉燒賣，真係一絕！佢哋嘅燒賣配埋辣椒油，真係一流！外層燒賣皮薄而韌，咬落去香氣撲鼻，包裹住豬肉同香菇嘅豐富餡料，肉汁多而唔油膩。香菇嘅鮮味同豬肉嘅滑嫩完美融合，每一口都滿足味蕾，絕對係燒賣嘅精品之選。值得一試！另外，佢哋其他小食，例如：脆炸雞皮餃我都係超推介！唔好以為食雞皮就會覺得好油膩，佢哋炸得好脆，同埋咬落去唔會一啖油咁。呢個食法好新奇！仲要咬落去入面係會爆汁！好食得滯，一下子就冇哂。想食小食，又或者同朋友行街口痕，呢度嘅燒賣絕對係唔錯嘅選擇！…查看更多

@BOTH_STREET ♡倆口小吃之前係元朗開嘅，超級多人排隊而家喺依度做寄賣品！今日突然好想食抹茶🍵💚食左之前超興嘅抹茶忌廉芝士壓餅🥹去路德圍 竟然未售罄！好似食緊流心抹茶芝士蛋糕xd好夠抹茶味又唔會好甜超多餡 外皮仲好煙韌！抹茶控表示好滿足!!!(((o(*ﾟ▽ﾟ*)o)))♡好好好食(´°̥̥̥̥̥̥̥̥Ω°̥̥̥̥̥̥̥̥｀) 好開心…查看更多

行街行到肚餓，但又未到晚飯時間，就想食串燒賣頂住肚😆不過平時街邊嗰啲魚肉燒賣有啲普通，特登行過嚟試吓豬肉燒賣🐷✨食落去可以明顯感受到冬菇嘅香味，帶出一陣鮮甜，味道層次比一般魚肉燒賣豐富🍄豬肉採用較肥嘅部位，口感偏滑，唔會太乾柴，咬落去仲有少少肉汁，整體食感幾唔錯🐖豉油甜但冇太大豉香🥢辣油就雖然辣度足夠，但香氣略嫌唔夠突出，如果可以更香更惹味就更完美啦🌶️如果行過一定會再食！始終豬肉燒賣唔係周圍都有，呢度味道唔錯，價錢都合理，作為小食幾值得一試🤤…查看更多

今日（1-3-2025 Sat）同老公留肚到12點，嚟幫趁Try the bread(https://www.openrice.com/zh/hongkong/r-try-my-bread-%E8%8D%83%E7%81%A3-%E5%A4%9A%E5%9C%8B%E8%8F%9C-%E6%BC%A2%E5%A0%A1%E5%8C%85-r783238)，點知我哋12：36pm嚟到未開門，連半閘都冇拉開，即係連準備都未準備，但我哋肚餓喇，而且要出旺角攞嘢，咁留肚喺旺角食晏，就喺呢一帶食住少少嘢先啦。見到棟篤食係開咗，但又似未ready，而見到呢間已有嘢食喇，於是睇睇，我就鎖定$30.00嘅燒賣魚蛋孖寶共14粒，但老公又發現新嘢，就係芝士壓餅，佢話想試，咁我哋就要同樣$42.00嘅抹茶忌廉芝士同四色芝士各一件，但店員話要等15分鐘。咁我哋唔等啦，於是就要我諗嗰樣。店員問要沙爹定咖啡汁？我答沙爹汁，加完就有得食。魚蛋係白魚蛋，食落口感較腍，但仍有少少爽。燒賣係香菇豬肉燒賣，口感同樣係較腍，但味道OK。而兩樣都熱騰騰，沙爹汁香微辣，啱我。而佢嘅分佈係8粒魚蛋，6粒燒賣。上次食評係2022年1月14日刊登嘅呢篇：https://www.openrice.com/zh/hongkong/review/yeah-%E6%8E%83%E8%A1%97%E4%BB%A3%E9%A3%9F-3-e4302664…查看更多

#20241217 💛📍 #元朗燒賣皇后 @queenofsiumai 荃灣荃興徑10-18號富榮大廈地下04號舖 🍽️元朗阜財街14號宏豐大廈地下11B及11C號舖➖➖➖➖➖➖➖➖➖➖➖➖➖➖➖➖➖#芫茜魚肉燒賣 $24/8粒#招牌香菇豬肉燒賣 $23/8粒💭 既然叫得做燒賣皇后又點可以唔試下個燒賣，豬肉燒賣係酒樓果款燒賣，不過相對地少啲肥豬肉，食得出菇同豬肉既香滑🍄‍🟫芫茜燒賣就有啲唔同，口感綿啲同埋芫茜真係落足料，咬落會有芫茜既清香🌿另外佢個辣豉油都勁惹味，兩款燒賣點完都有畫龍點睛既作用，好正👑.#自家製白魚蛋 #沙嗲 $15/8粒💭 白魚蛋同出面街賣果啲炸魚蛋唔一樣，食落個魚味係香好多，而且口感又爽口彈牙，唔係果啲浸到發晒咁樣，就咁食都好好味🐟個汁有幾款揀，開初掙扎緊要咖喱定沙嗲，店員姐姐推薦左沙嗲，有啲花生粒好香，而且出面都唔常見有得配魚蛋，的確可以一試🥜.#脆炸雞皮餃 $25/5隻 💭 無諗過食街邊小食既魚蛋燒賣舖都有雞皮餃食咁高級😳新鮮炸起熱辣辣，個皮炸到香脆，咬開保留左少少煙韌口感，仲有咇汁真係要小心⚠️落左椒鹽十分夠味，個餡係韭菜豬肉，同雞皮都幾夾🥟.#荃灣美食 #荃灣黃店 #🐷在荃灣 #元朗美食 #元朗黃店 #🐷在元朗 #🐷_食 …查看更多

240831 來到燒賣皇后, 竟然唔食燒賣食刈包 食物 : 傳統刈包 $50 ~ 是倆口小吃的刈包, 見到忍唔住食咗一個, 個包皮真係好好食, 滷肉好肥, 但唔油膩, 食落整體味道好正, 雖然唔係第一次食, 仍然係最愛…查看更多

經過荃灣好想食章魚丸, 去路德圍搵食, 對面間唔憂做既八章軍要3pm先開,唯有試下呢間, 見價錢都OK, $28/6粒, 同葵廣差唔多, 但食落得章魚碎2粒(章魚尾), 無咬口又勁厚粉, 食緊粉波, 同葵廣每粒章魚丸兩大粒章魚差天共地。今時今日做小食店真係要靠好食先會做得住…查看更多

$28生菜魚肉少得離譜得5條，當中4條比較粗長，另一條短小得過份的組合 （見圖）不是傳統的白色高身發泡膠兜，而是圖中的短身膠兜圖中是回到家打開、未食的狀態，由於目測好少，所以一條條拎出黎睇下有幾多條，原來得5條⋯…查看更多

—唔知幾耐冇掃過街 真教人懷念香港街頭小食其實幾有特色🐷香菇豬肉燒賣6粒+ 🍢爽滑白魚蛋8粒店價$30 外賣平台外賣自取半價折咗$18因為好快pack完 店員話等到有人嚟拎時就即刻𢳂 咁就熱騰騰到手 揀咗基本辣豉油 燒賣較腍身但有菇味魚蛋爽彈 輕食得嚟都填到肚———————————————————元朗燒賣皇后妙舒 荃灣荃興徑10-18號富榮大廈地下04號舖元朗阜財街14號宏豐大廈地下11B及11C號舖…查看更多

夜晚11點半經過路德圍，想睇下附近有啲乜小食可以食，行前小小咁就見到好出名嘅元朗燒賣皇后。當時由於平日同比較夜，其實都已經冇乜人去幫襯，所以嗰陣就點左一份招牌燒賣試試佢，但點知一份燒賣都要等左接近15分鐘先出到比我，所以當下就覺得時間會唔會整得有啲太耐呢？只係一份燒賣昨喎，但之後食落口味道覺得其實冇乜分別，只係比其他鋪頭大粒小小咁解。但製作時間真係覺得有待改善，出貨次序都可以調整一下，等太耐真係乜心情都冇晒。…查看更多

入到呢間店，首先俾呢碟香菇豬肉燒賣扣住眼球。一口咬落去，滿滿嘅肉汁同獨特嘅香菇味撲鼻而來，個口感滑而唔溏，真系得啖得😋！再講講個白魚蛋，彈弓彈弓嘅口感，淋到叫人停唔到口，撈埋嗰啖咖喱汁，鹹香地夠味，絕妙搭配！跟住再試埋陳皮牛肉球。嗯...陳皮味可能有啲輕微，不過個牛肉球本身質感好足，咬落有嚼勁，唔會疏爛得滯。個配搭嘅喼汁為呢個菜增添咗分明嘅層次感，咁嘅鮮味，真係過癮！環顧四周，覺得呢度嘅小食種類好豐富，下次我一定要返嚟試埋其他款。今次嘅經驗，啖啖肉感嘅燒賣加埋彈牙魚蛋，擒拿晒我嘅味蕾！朋友仔，你地都唔好錯過啊🍢🥢👍！…查看更多

今日到元朗踩單車，途中有點肚餓，所以在附近叫了一份小食魚肉碗仔翅。店舖非常有效率，服務員轉眼就遞上了小食。這份碗仔翅加了麻油及胡椒粉，非常香口。魚肉份量多，爽口彈牙。完成整個碗仔翅後，我們再繼續踩單車。…查看更多

呢間燒賣舖頭有幾出名，應該都唔使特別我講，幾年前同朋友喺元朗第一次食，作為一個燒賣愛好者，食完之後即刻愛上。今次咁啱做完嘢經過，就嗌咗一份雙拼，加埋個辣汁，燒賣蒸得啱啱好，冇太腍或者太硬！同沙嗲汁都好夾，而魚蛋比想像中更出色，非常彈牙！水準希望keep住都可以咁好…查看更多

放假同朋友行完街見有啲肚餓就去左路德圍揾🤤作為一個選擇困難症患者，就嗌左皇后腸粉餐。30蚊就已經有4條腸粉、3粒白魚蛋、2粒冬菇豬肉燒賣、 1粒牛肉球。好扺食！👍👍腸粉分量多，加埋啲甜醬麻醬辣醬芝麻，又滑又香口。白魚蛋爽口彈牙，好有魚味又唔粉。冬菇豬肉燒賣係必食，燒賣除左加入冬菇同豬肉，仲加左鯪魚肉。同其他豬肉燒賣唔同，有豬肉既香味仲保留左魚肉燒賣既彈牙口感。😋牛肉球彈牙唔粉，仲食到陳皮香味。…查看更多

同🤴🏻買左 ‘ 喜茶 ’ ，行咗過去路德圍嗰邊我就隨口問句有冇野想食，🤴🏻又真係答有😇😇，咁我哋就去咗食燒賣啦！😂😂～～～招牌香菇🍄豬肉燒賣～～～$22/8粒 🤴🏻本身鍾意豬肉餡嘅燒賣多過魚肉燒賣，我哋就覺得呢款燒賣豬肉味一般，香菇🍄味亦唔重，仲要偏向 ‘ 淋 ’ 身，欠缺彈性😅😅！不過佢嘅辣椒🌶️油做得好好，辣🌶️味適中有油香，絕無油 ‘ 溢 ’ 味😊😊，同埋佢比嘅辣椒🌶️油份量都幾多，救翻起成個燒賣！…查看更多