元朗合隆潮州粉麵 (智群商業中心)

今日嚟到灣仔覓食，嚟到呢間位於皇后大道東既元朗合隆潮州粉麵，午餐時段到店，食客疏落，坐低睇下個餐牌，最後決定點個三餸豬雜米粉，豬雜要了豬膶，豬肺同埋豬大腸，仲要了招牌白胡椒湯底，$55蚊，份量都頗多，豬膶略嫌煮過火喉，有點乾硬，豬大腸同豬肺就正常好味，上餐時加咗幾多芹菜，白胡椒湯底有點淡，唔夠濃郁。整體有點失望。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

好彩啲嘢食好味，不枉我極端天氣情況下，出邊排隊曬到燶🥵。雖然條人龍多過10個人，但算排得快嘅。差唔多到你嘅時候就已經落定單，加快上菜時間。我就試咗個白胡椒湯米粉，配三個餸，包括豬肚、豬粉腸、同埋鮮牛脷。碗米粉好大碗，下次一定要少米粉，因為我根本食唔晒，至於餸嗰方面都算多，食極都仲有，好味道。當然最吸引我就係個白胡椒湯底，小小辣，飲落去個喉嚨好舒服，如果冬天嚟飲，應該會好暖身。朋友就食咗個撈飯，配咗豉油，飯底好好味。至於啲餸同埋個白胡椒豬肚湯就另上。服務方面，負責維持秩序個叔叔有燦爛嘅笑容，同每一個食客都有傾有講，好有交帶。…查看更多

之前都幫襯過呢一間餐廳嘅其他分店，覺得佢嘅胡椒湯做得非常出色，食完落佢個胃度，簡直係暖笠笠，好舒服！所以今日就決定行過見到都幫襯佢另一間分店！銀針粉嘅份量非常多，而且唔係好多餐廳可以提供銀針粉，所以今日就揀咗！佢同湯底嘅味道都非常夾鍾意食銀針粉嘅朋友真係不能夠錯過！牛肉餅嘅質素都非常好，充滿牛肉嘅味道，而且絕對唔會有好多麵粉嘅味道，證明餐廳嘅材料質素都非常高！墨魚丸非常爽口彈牙，餐廳係自家製嘅墨魚丸，所以都非常出色！…查看更多

噚晚特登去食間之前覺得唔錯嘅潮汕粉麵店，點知入去就嬲爆。明明好多空位，個男店員偏偏要我一個人坐吧枱。我坐低咗之後，佢又叫我轉位，完全唔尊重客人。之後我直情走人，佢仲裝無辜問點解唔食，真係令人無言。最嬲係，隔離枱啲客人都話冇所謂，一齊坐得，但佢都堅持唔比。成件事完全係服務態度問題，唔知係歧視定咩原因，總之好唔舒服。為咗食碗粉麵搞到咁真係唔值。以後唔會再去，亦唔建議朋友幫襯。鍾意食潮汕粉麵都有好多選擇，冇必要嚟呢度受氣。…查看更多

叫牛利羊肉双併外賣，回家打開無牛利嘅。落晒大雨，唔再落去啦。上網搵電話打去，又原來冇電話俾你搵到。幾好呀，好似咁想搵佢反映都搵唔倒。低級錯誤，叫嘢的時候都唔算太忙。咁都可以啤漏牛利，明明兩餸得番一餸。差差差差差。。。。…查看更多

堂食點了一份一字排骨飯食落去味道都唔錯，然後睇到牆上各種遠的價目表鯪魚球一斤$180老闆話冇落胡椒粉同埋全部都係手打放咗陳皮。聽咗之後覺得都有啲吸引就買了半斤是結果一打開個盒一聞就有好濃嘅胡椒粉味，然後再食一啲陳皮都冇呃人。總結鯪魚球又貴…查看更多

夥計態度惡劣：1. 鄰座伯伯取自帶礦泉水飲，被夥計喝止！伯伯話只是要飯前服藥而已⋯⋯2. 我已經吃了九成，就來食完走人，居然要我移到隔壁桌去！完全不尊重食客，呼呼喝喝。…查看更多

可能係星期日假期，約中午時分都算多人在門口等入，坐下叫了一碗豬潤加粉腸米粉胡椒湯底 ，首先想講呢一碗米粉完全唔合格，第一盛裝的碗份量好少，另外所謂白胡椒湯底完全食唔到白胡椒湯味？？最重要係想講嗰啲粉腸入面是帶苦味的(所以沒有食哂)，而豬潤就又細塊又乾，齋俾這50蚊份量細，又沒有飲品可以加購，又坐到迫迫夾夾咁！真的不值一試。…查看更多

灣仔的元朗合隆潮州粉麵，呢到嘅特色配餸真係出面粉麵檔比較少見，就好似豬什類嘅豬心，豬脷，真。潮州風味我點了3拼粉麵，分別是鮮牛利、豬肉青 & 魚皮餃，搭油麵同白胡椒湯底。呢個湯底真係世一，唔太辣，今日涼涼地岩哂，又可以軀寒 。每一樣配料都非常新鮮，牛利的口感滑嫩，豬肉青的味道鮮美，魚皮餃外皮薄透，內餡鮮香。真係新鮮包，唔似冷藏個種魚皮餃 。油麵的口感彈牙，吸哂湯底的精華，呢個麵真係可以再encore🍜❤️環境比較懷舊風，綠色白色紙皮石，我都鐘意呢種80年代感 。lunch都超多人，證明真係好食！…查看更多

一直都好想試呢間元朗嘅豬雜粉。今日朋友過黎香港揾我，一於帶佢一齊去食啦。朋友都係豬雜嘅愛好者，幫佢叫咗個大嘅豬雜河。而我自己就因為太鍾意食牛筋牛腩，所以最後都無叫到豬雜，下次先啦。牛筋牛腩不過不失，最神來之筆係配豬油撈麵，一絕。叫果時都唔知叫豬油撈乜好？佢有麵/米/河/銀針粉/飯，糾結咗一陣，叫豬油撈麵啦。黎到一食，真係正，我個人覺得，豬油撈麵正過豬油撈飯。再加個足料五花茶，滿足。下次一定要叫豬雜粉食。…查看更多

Went to this Chinese noodle resto in Wan Chai for lunch with colleague..I ordered Small Pork Offal with Rice Noodle. The pork offal assortment included liver, intestine, lung, stomach, ear and tongue. The offal was slightly dry and tasted quite plain, seeming to struggle to absorb the broth's essence. The liver slices were thin. Luckily I selected White Pepper Soup for the soup base, which helped to elevate the flavour of the dish. My colleague ordered Beef Tripe and Pig Ear with Rice Noodle. She selected Soy Milk Pork Bone soup base, which had a white appearance. .The resto got popular during lunch hour. The price of the food was relatively cheaper compared to other options in Wan Chai. …查看更多

呢間潮洲鋪新開張幾個月左右lunch次次經過都見佢地排晒長龍搵日終於同男友嚟試下第一次食完覺得好食，所以有再嚟翻兜第二次第一次嚟叫左：🍽蠔仔泡飯個湯係白胡椒湯底，幾好味，少少辣味，d蠔仔都大粒同比得多，整體唔錯，可以encore🍽沙薑雞沙薑雞另外有比醬點雞食，但我通常唔點，試佢夠唔夠入味，雞肉有d鞋，個雞好淡味，似白切雞，唔掛得要靠點醬食，呢碟沙薑雞覺得好麻麻🍽牛筋腩正常水準，唔算好特別，筋位唔算好多，因為都“多肉”第二次再嚟食：🍽單餸 - 鮮牛肉 白胡椒湯 銀針粉個鮮牛幾好味，唔會"那"冧去冇晒牛味，同埋都比得幾多肉，白胡椒湯勁正，因為我鍾意白胡椒個辣味，飲左好多啖，冬天飲完暖笠笠，返到公司唔算口渴，味精應該唔重🍽3餸 - 魚片頭 黑椒牛丸 珍珠蠔 撈銀針粉魚片頭正常，黑椒牛丸就失望了，因為完全冇黑胡椒味，覺得似街邊好普通既牛丸咁，珍珠蠔係比泡飯隻蠔再細粒少少，就正正常常，銀針粉鋪頭加左少少豉油落去撈撈🍽上湯白蘿蔔蘿蔔正常貨仔，個湯係白胡椒湯底嚟…查看更多

😎位置方面，喺灣仔站行過去大概2分鐘，方便而且喺皇后大道中，絕對唔難搵，大大個綠色招牌！😎食物方面，梗係要食佢嘅胡椒湯，同米粉配搭非常好，而家天氣轉涼，食胡椒湯個人成個人暖笠笠，非常好！揀咗牛舌，墨魚丸同埋支竹，三個餸都非常好食，支竹再加胡椒湯底吸入佢本身精華嘅味道😎服務方面，上菜時間都幾快，大概5分鐘，覺得可以接受😎價錢方面，有好多個餸可以選擇我揀咗三個，$53，如果食飯嘅話就加15！我覺得食米粉類別嘅會比較抵…查看更多

呢間餐廳係食胡椒湯，如果冬天食嘅話一定暖笠笠，同事非常推介，所以就去咗試佢嘅三餸米～$53/3款, 佢嘅辣椒油同埋菜譜都好似好好食，嘢食未到之前就食咗佢嘅菜譜 味道都幾辣 不過我覺得都幾好食好開胃 碗嘢好快到咗 大概3分鐘 胡椒湯嘅味道非常香濃 飲啖湯先開始食 都好好飲 好暖個胃 佢嘅招牌牛肉餅原來可以外賣 下次打邊爐買啲返屋企食 味道非常好食 好似牛肉滑 爽口彈牙！牛舌就冇乜味道 不過勝在厚身 整體都可以嘅 米粉好大碗 我都食唔晒啲米粉 下次再返嚟試吓佢其他餸先 有好多唔同嘅選擇…查看更多

同事呢一排都推介呢一間胡椒湯底為主嘅餐廳，佢係有幾間唔同嘅分店，咁啱就開咗喺皇后大道中，公司行過去大概都係5分鐘路程，新舖嘅裝修亦都非常簡約，空間感亦都比舊舖大，坐低堂食亦都唔會有好迫嘅感覺，今日就嚟試咗佢嘅三拼米🙈🙈 本身想食墨魚丸，但係賣晒🙈🙈芫荽牛肉餅係呢一間餐廳其中一樣特色嘅食物，喺出邊都好少有呢一個牛肉餅嘅配搭，係用新鮮嘅牛肉滑製造，所以食落去都非常爽口彈牙🙈 牛舌亦都非常有口感，佢同日式嘅唔同，佢比較厚身，所以咬落去有另類嘅口感🙈🙈 加埋米粉食嘅配搭都好，鍾意食辣嘅我，尤其我哋點少得㗎呢一間餐廳嘅辣椒油，餐廳自家製嘅辣椒油做得非常出色🙈 有衝動買一支返屋企🙈🙈…查看更多