大热天时35度，带住小朋友活动完之后，身水身汗，见到附近有元朗冰室，一于入去医肚。餐厅嘅装修主要以黄色为主，感觉精神有活力。打开餐牌，有很多不同嘅选择，由一般茶餐厅嘅食品，到小朋友喜爱嘅菜式都有，正值下午茶时间，我哋一于试多几款一齐食。咖喱牛肉意粉牛肉嫩滑弹牙，意粉啖啖挂上香浓嘅咖喱汁，咖喱汁唔算辣，大人小朋友都食到。招牌厚猪扒上枱发现块猪扒size大过我只手, 唔单止大，还要是厚厚的。入口香脆啖啖肉，满满嘅肉汁，香气四溢。素菜pizza配薯条是日pizza是素菜口味，上碟时小朋友见到已经心心眼😍，我哋一人一块，食落有惊喜。批底香脆，配上三色椒及菠萝，香甜爽口，小朋友食唔够。和风鸡肉披萨 小朋友要encore 🍕, 试埋佢嘅和风鸡肉披萨。全个pizza有八件，鸡肉配上和风酱，加埋脆脆嘅饼底，一人一件好快又食晒。冰室一口西多士一口西多士外脆内软，配瀑布炼奶及朱古力酱喺面，切好晒一粒粒size刚刚好，小朋友食到舔舔脷，如果多啲朱古力酱仲正。禾味烧BB鸽外观色泽光亮，散发着脆皮香气，入口皮薄肉嫩，配上淮盐，提升乳鸽口感层次。沙嗲牛肉包嫩滑弹牙嘅牛肉，配上香浓嘅沙嗲酱，再放入刚焗好香脆嘅热狗包内，入口沙嗲酱满满的近乎爆出嚟，夹埋热狗包吃刚刚好，口感大满足。咸鱼鸡粒炒饭炒饭够干身，粒粒分明，配上爆香咗嘅咸鱼粒及鸡粒，每一啖都有唔同嘅口感，层次分明，一人一碗好快又K.O. 哂照烧汁鳗鱼丼小朋友想食鳗鱼，煎香嘅鳗鱼面上铺上厚厚嘅鳗鱼汁，香滑绵绵，配上海带、粟米及配菜，大家表示食完饱饱。总括而言，价钱大众化，性价比高；夏天热热，坐得舒适。小朋友最钟意食佢个比蕯，绝对系厚切猪扒以外嘅另一小惊喜。…查看更多
