元朗冰室

今晚晚餐齐齐去咗间冰室，快靓正，亦平靓正。环境光猛，地方企理，座位唔少，有卡座或长排座位，坐得舒适。晚巿有很多选择，有几款招牌厚猪扒菜式、小菜、炒粉面饭、套餐、常餐、小食都有得供应。禾味烧BB鸽 ($53)虽然细细只，但相当多肉，皮烧得亮泽香口，肉嫩多汁，味道咸香，唔驶点淮盐都够晒味。Double 厚猪扒饭追加辣肉酱（$69+$5）份量十足，两大块厚猪扒黄金香口，啖啖肉，充满肉汁，果然系招牌菜，推介！辣肉酱都好值得追加，香辣惹味，用嚟捞饮一流，食多几啖，正！胡椒猪肚鸡 （$88）先呷啖汤，充满胡椒香，辛辣暖胃，得！鸡虽不算很嫩，但好有鸡香；猪肚爽嫩入味，好味！仲有支竹、芹菜、白果、蒜头等，丰富入味。二人小菜套餐 （$172）拣两款小菜外，仲送油菜、白饭和热饮，抵！有多款小菜选择，点咗黑椒茄子牛仔骨煲，热辣辣上枱，牛仔骨好惹味，辣辣地！仲有爆香咗嘅洋葱、蒜子、红椒、茄子等，咸香惹味。梅菜蒸皖鱼（+$15）即点即蒸，蒸得岩岩好，好嫩滑，伴着梅菜一齐食，最佳拍挡！灼菜心（$0/跟餐送）翠绿鲜嫩，份量都唔少，赞！抵食好食!…查看更多

去宝琳做完嘢，想揾茶餐厅医肚，咁就去咗新都城三期嘅元朗冰室，心心念念想食佢哋驰名嘅猪扒！我就叫左个厚猪扒拼沙律成，只手掌咁大块嘅猪扒，食落好松化，配埋秘制甜豉油，的确不错，配埋沙律可以轻食一下，做下午茶啱晒！另外点左招牌沙嗲牛肉面，沙嗲味几香浓，有啲花生酱味，牛肉都几软腍，唔会好辣！奶油脆猪亦系必点之选，超巨型size嘅奶油脆猪，非常香脆，上面满满嘅炼奶，滋味满分！最后我哋仲食埋BB乳鸽，热辣辣炸起上枱，原只免切，就咁食超滋味，皮脆肉嫩又多汁，好正！…查看更多

呢度最出名嘅厚切猪扒真系名不虚传每款猪扒料理都做到极致，绝对系区内隐世良心出品✨🐷必食推荐▫️厚猪扒配司华力肠饭猪扒厚度足足有2cm！咬落肉质爽口弹牙，仲要系无骨设计啖啖肉好满足😌▫️焗厚猪扒饭邪恶拉丝芝士＋开胃蕃茄蛋＋镬气炒饭底，三重享受！猪扒保持厚切口感，吸收酱汁后更juicy😋▫️龙仔荷叶腊肠蒸鸡饭荷叶清香渗透每粒饭，腊肠油香融入嫩滑鸡件份量足够两人分享，传统风味十足！▫️枝竹羊腩煲❄️ 冬季限定羊肉炆到入口即化，枝竹吸尽浓郁酱汁搭配新鲜生菜平衡腻感～🍜沙嗲牛肉出前一丁浓郁沙嗲酱包裹嫩滑牛肉即食面煮得刚好，汤底香浓唔会过咸▫️蜜饯豚肉叉烧丼饭豚肉叉烧带焦香蜜味，酱汁甜度刚好，捞饭一流！…查看更多

同班妈妈行完新都城三期，脚软肚饿之际撞正呢间「元朗冰室」，一于入去歇脚医肚！冰室光猛干净，卡位阔落，啱晒我哋一班师奶吹水打趸～今次试咗几款招牌，真心抵食又足料，同大家分享下！🍜 沙嗲牛肉肠仔面沙嗲汁香浓惹味，牛肉唔会韧仲几滑身，加埋煎到脆边嘅肠仔同埋弹牙丁面，个汤饮到底先安乐！下午茶必选～🐷 驰名厚猪扒必点！真系厚切㗎，咬落去肉质松化又juicy，唔会干争争，仲有微微蒜香，煎得啱啱好！配饭或者夹包都一流。🐟 鱼柳配沙律块鱼柳炸到金黄酥脆，入面鱼肉依然嫩滑，沙律酱捞住杂果同薯仔，清新解腻，怕热气嘅叫呢个就啱啦！🍞 奶油猪大大件烘到外脆内软，满满嘅炼奶同牛油溶入包隙，甜而不漏，食完成个人都幸福晒～系邪恶但忍唔住口！🐦 乳鸽香脆驰名乳鸽皮脆肉嫩，用手拎住撕开食先过瘾，鸽肉仲有肉汁渗出嚟，送啤酒仲正（不过我哋饮冻柠茶咋）！🍚 瑶柱蛋白炒饭炒饭干身唔油，瑶柱丝同蛋白份量唔孤寒，食到淡淡鲜香，够镬气！想食得清淡啲又唔想寡，叫呢个准冇错～🍗 炸鸡髀配薯条鸡髀大只到呢～炸皮脆卜卜，肉质嫩滑到离奇，点埋茄汁真系无得输！薯条即炸热辣辣，香脆到唔停口～✨元朗冰室✨#元朗冰室 #新都城美食 #港式冰室 #将军澳揾食#妈妈放风日 #下午茶之选 #港女饮食日记 #冰室控 #猪扒控集合…查看更多

「厚猪扒专门店」【元朗冰室】自1991年创立以来，分店遍布港九新界，目前全港共8家分店。餐厅主打厚切猪扒，坚持用优质食材，配合传统烹调手法，为食客呈现最地道的冰室风味。餐牌选择多元，由经典冰室菜式小食、港式铁板，以至日式、湘蜀及川菜风味一应俱全，无论一家大细或三五知己，都能轻松找到心头好。极品厚猪扒拼冰室沙律 ($54)选用厚切猪扒，煎至表面微焦，肉质香软不柴，咬下猪味浓郁带肉汁，配搭清新沙律，平衡了油香，夏天吃感到清爽。焗意式烤猪扒饭 ($65)厚切猪扒金黄香口，配上茄酱与芝士焗制，香浓惹味。饭底以炒饭制成，粒粒分明、蛋香扑鼻，较一般白饭更添层次与风味。沙嗲牛肉出前一丁 ($49)汤底浓郁但不会过咸，牛肉片软腍入味，即食面煮得软淋适中。配上香烤蒜蓉厚多士与嫩滑炒蛋，再来一杯冻柠茶，正宗茶餐厅风味。奶油脆猪 $30猪仔包即烘至外脆内软，涂上牛油与炼奶后咸甜交融，经典港式风味。芝士焗薯蓉  ($45)甫上枱芝香扑鼻，薯蓉口感细腻软滑，配上浓郁牛肝菌汤及香脆法包同享，带点西式风味。照烧汁鳗鱼 配 乌冬 ($64)鳗鱼油香嫩滑，乌冬弹牙，配合猪骨汤底，很有日式风味酸菜鱼 ($88)选用无骨鱼片，肉质滑溜。酸菜入味开胃，汤底微辣而不呛，贴近本地人口味。…查看更多