允升甜品

营业中

休息中

去長洲就係不停食食食,但食到幾飽都好,都一定要嚟買埋個芒果糯米糍先走~如果要堂食就有最低消費,所以買咗幾粒芒果糯米糍就出去食。佢嘅糯米糍皮真係好輕好軟,唔似一般嘅糯米糍皮要咬好耐。雖然係冬天,但芒果都好甜,正。每次嚟都只係買芒果糯米糍,下次有機會有時間再試下佢啲糖水。

嚟過長洲嘅都知一定要食芒果糯米糍 雖然我記得以前來長洲 唔知其他人啦我自己就唔係食開呢間甜品嘅😂所以對我來講邊幾新鮮㗎🤤 佢呢間嘅芒果糯米糍 咁多人推介當然都冇令我失望 佢唔算係皮好薄嗰種但又唔係厚度得好少芒果肉 佢嘅芒果都係大大嚿好足料 而佢層糯米皮唔厚唔薄啱啱好有啲咬口👍🏻因為平時都係食開普通嗰隻所以今次另外再嗌左個黑糯米！都幾好唔錯唔錯好有黑糯米味🤣因為佢如果堂食嘅話就一定要叫糖水所以我哋都嗌左個楊枝甘露 雖然佢呢度淨係出名芒果糯米糍但佢個楊枝甘露都唔差㗎🥰總括而言今次體驗唔錯我諗以後嚟長洲都要食返次😂😂😂😂

聽聞呢間係長洲出名嘅甜品店，難得入到長洲再去試試啦，點知都係有點失望。上次同朋友入長洲時，己經試過 佢地g嘅芒果糯米糍，咬左一谈，feel 到中伏，芒果係酸嘅。今次再入長洲，打算俾多次機會，點知都係失望。上次深刻教訓，今次我己經無再試芒果糯米糍，但甜品啲芒果依然酸到不得了，加埋啲西米一齊食都係好酸。同行友人話芒果糯米糍都係酸芒果，真係無下次。

嚟長洲一定要食芒果糯米糍！今次試下依間先禮拜六聖誕節正日大概3點幾門口就已經有好長人龍如果係外賣糯米糍直接行入鋪裡面買就得㗎喇兩件普通皮同兩件黑糯米皮芒果糯米糍皮薄而且幾煙韌芒果都好大塊多汁但芒果就唔算好甜食到最尾有少少酸但到值得一試㗎！

允升甜品鋪頭睇得出有啲歷史，裝修好傳統，不過乾淨企理，自設嘅洗手間都非常乾淨。呢間出名芒果糯米糍，我四點幾去到已經賣曬，想食記住早啲嚟。雖然無糯米糍，但我都試咗兩款甜品。糖不甩 $16等咗10分鐘先上枱嘅糖不甩係值得等待！糖不甩仲暖暖地，煙韌不痴牙。旁邊啲碎碎好有果仁香，小小脆，幾好食。薑汁撞奶 $30呢個唔係餐牌上面，另外貼紙係牆上推廣。睇得出係即撞，而且係超超超嫩滑！一吸落口即刻消失，推薦👍另外就講下服務，姐姐做到無停手，所以講嘢比較直接而且中氣十足，但我感覺到佢係用心做嘅，只係語氣唔似而家時下追求嘅溫柔。我發現長洲好幾間鋪都係咁，「大聲唔代表無禮貌」，所以服務我都覺得ok😂

嗰日同男朋友嚟到長洲，又點可以唔試吓呢度嘅甜品呢！上網睇都話呢間允升甜品好出名，就決定嚟呢度試吓。入面環境就唔算好好，但係對於一間平民小店，算係坐得舒服😜▪️芒果糯米糍👍🏻皮薄，現實都睇得出皮好薄。芒果肉好甜，而且唔會有芒果絲，順口鮮甜，糯米皮出面嘅粉唔會好厚，唔會食到成咀粉，推介👍🏻▪️芒果西米露👍🏻呢個真係幾好食，入面有一粒粒嘅芒果肉，而且入面芒果汁都好重味，每一啖都食到芒果嘅味道，抵食！推介👍🏻

導遊推介允升芒果糯米糍，一見到門口好多人，舖頭好細，見到做芒果糯米糍個負責人，不停手不停手係咁做。等到我們有位入去坐，連order出名嘅芒果糯米糍及荷花生糯米糍。但是已經冇花生糯米糍，所以我哋想叫個榴槤糯米糍，但係都沽清。隨後跟住嗌咗個奶皇糯米糍，原來這個是最後一個畀我哋叫埋，已經沽清。整體糯米糍喜皮薄鬆軟，芒果超勁大舊，真係可以畀個like佢。奶皇糯米糍都ok唔係咁甜。但係都係芒果糯米糍好味。我們仲叫咗個芝麻糊及紫米糖水。 不是敬甜嗰隻囉，I like it，黑芝麻糊好滑，紫米都好味。整體嚟講，甜品係好味嘅。

允升甜品黎到長洲 必食糯米糍 🍡即包即食 勁新鮮🥭芒果紫米糯米糍 $15比普通白皮煙靭 同有紫米香勁薄皮再包住大大件水果😋💕榴槤糯米糍 $15比芒果味既皮厚少少 食落軟糯一啲一大啖咬落去 滿滿既榴槤餡🤤🥣榴槤至尊 $40小朋友先至要揀 我全都要🤩榴槤控 滿足所有願望之選☺️😋靜靜雞指數 🐥🐥🐣🥚🥚🔂再偷食指數 ✅✅✅☑️☑️💲減荷包指數 💸💵💵💵💵——————————————————店舖資料📍長洲新興街5號地舖#eatstealthily #靜靜雞食 #長洲美食 #cheungchau #甜品 #糯米糍 #長洲必食 #芒果 #dessert #允升#asianfood #mochi #紫米 #asiandessert #香港美食 #美食 #yummy #food #hkfoodie #foodiehk #離島美食 #離島 #假日 #weekends

喺長洲行到熱最適合就入去涼下冷氣，食返幾舊糯米糍，飲返碗冰凍糖水消下暑！幾年冇嚟過，原來而家有得揀紫米皮！皮薄餡靚，一定係長洲必食之一😋😋😋😋.One of the most historic mango mochi shops at Cheung Chau. Offer an air-conditioned dine-in space for you to take a break. Love their mango mochi sooo much! The mochi with purple glutinous rice skin tastes special so do check em’ out!!

允升甜品💚雪糕雜果西米露(朱古力味) $30雪糕雜果涼粉(雲呢拿味) $30雪糕雜果涼粉(朱古力味) $30-雪糕雜果西米露🍦雜果包括西瓜 蜜瓜 哈密瓜甜度偏甜印象中都好似多汁🥰朱古力味雪糕🍫都OK大球仲會有啲朱古力碎喺入邊🤤唔會話太化學劑甜加埋花奶好好味😋．雪糕雜果涼粉涼粉係有涼粉味🤣同普通涼粉一樣都要靠隔離嘅唔知咩增加甜味🙈-估唔到去到長洲嘅第一餐竟然係食甜品🤣呢間野好近東堤個店員好好人好主動咁幫我拎走張凳4/7 eat-好味程度：🌕🌕🌕🌑🌑抵嘅程度：🌕🌕🌕🌑🌑服務態度：🌕🌕🌕🌕🌑會回頭率：🌕🌕🌕🌑🌑

每次入黎長洲 都即刻入黎哩到訂芒果糯米糍 因為每次入長洲都會食到好飽 唔外賣做手信當宵夜 當日係食唔落呀😂食過好多間芒果糯米糍 情有獨鍾「允升甜品」既芒果糯米糍 因為糯米皮好煙韌 厚薄適中 芒果好甜 佢個樣係圓形 涼浸浸 返到屋企沖完涼食 真係覺得今天既長洲之旅好圓滿👍🏻提提大家 如果想外賣做手信 記得要早d去訂左先 如果太晏先訂 有機會訂唔切呀～😊同埋新興街成條街都係食肆 經過入去食個糖水 再訂埋糯米糍 簡直係完美👍🏻👍🏻

之前都有聽過呢間糖水舖食過一次普普通通但前排去長洲見到佢冇客唔洗等未有船咪入去個甜品 一入門口我狗仔係狗袋入面有個姨見到佢個頭仔又冇話寵物唔入得咪照食囉落左單食緊既時候個阿叔無啦啦沖過黎指住話唔可以帶狗入黎 格離個姨姨話有狗袋唔緊要啦 落單前你唔講 人哋食緊啦 你想點先叫一個左個凍奶同一個雪糕什果珍珠 西瓜呀密瓜唔甜都算 芒果又酸 D珍珠又好硬 我覺得生果未必每個都甜我都明 但珍珠都整得咁差都係第一次 我都唔知自己食緊乜嘢 最後食咗上面個雪糕就唔想食咁就六十幾蚊

🥢允升甜品 (長洲)有睇過介紹長州嘅都應該知道呢間甜品店近碼頭 大約行八到十分鐘就到懷舊足料甜品舖芒果奶凍芒果無話好甜 但好足料 好多芒果奶凍都一樣唔太甜 有奶味不過可以再凍啲花生糯米糍呢度都出名糯米糍皮簿 餡超多 好香花生味值得一試果汁都唔係一味落糖水嗰種 喉嚨C伏指數/yummy:👅👅👅👅👅/10🛎預排隊時間大約十分鐘🛎家庭式經營唔好期望有好服務🛎唔係話好好食 但絕對係一間足料嘅甜品舖📫長洲新興街5號地舖

今日同朋友去長洲玩當然就要試一試芒果糯米糍啦😍😍😍依家芒果糯米糍好耐之前已經有幫襯過隔左好幾年時間見到佢仲喺度所以今次都特登再嚟幫襯因為我哋喺平日下午嘅時間過嚟所以舖頭有好多位唔洗排隊舖頭嘅環境就冇咩大變化我哋叫咗一份雜果涼粉水果都算幾新鮮另外在叫咗一個芒果糯米糍因為佢嘅份量都幾大如果一個人食就應該食唔晒所以我哋兩個人share一個糯米糍味道同普通糯米糍差唔多芒果都算好新鮮好甜果皮亦都係啱啱好唔算好厚但如果可以再薄少少會更加好

夜晚嚟咗長洲嘅允升甜品買嘢食，我買咗個芒果凍奶。佢外表其實好靚，好多芒果擺喺白雪雪嘅同埋上面。食落芒果唔酸，OK甜，凍奶都好香滑，凍奶上面好多淡奶，我鍾意淡奶所以加分。整體而言10分唔錯，價錢$28，外賣加多$1，CP值不過不失啦。