允升甜品

营业中

休息中

去長洲行完山熱辣辣想食啲透心涼嘅食物。 見佢門面好多選擇就去一試。西瓜沙冰試得多今次試哈密瓜沙冰，見佢新鮮榨汁冇加任何糖水消暑簡直一流夠清甜 比想像中好飲。除了芒果糯米糍必食另一推介榴槤糯米糍 除咗芒果厚肉，榴槤肉都唔輸蝕夠大舊，榴槤迷嘅你必吃一個都嫌少。

在長洲有兩間店，都是襯熱鬧試下，叫了三款，只事影了一張相，因為賣相真的有點求其，所以都求其影一張就算！阿女就貪靚，話個透明甜品好得意，但其實是冇乜味的！我就叫了鮮果涼粉，賣相故然冇啦！同阿媽把水果切成粒用個碗裝住一樣，相比較許乜乜甜品，這間店的食品在賣相及味道方面其實很欠誠意！(因為在旅遊期間幫襯其他店，服務很好！沒有比較沒知道的！)店員的態度又麻麻，落單一次叫了三款，以為職員好記性連寫都唔洗寫，但到製作食物時又問我地叫咗乜！當時我真係O咗咀！這種格調相信因為太多人似我慕名去試之緣故，恃着有客，作風高傲！

放假入長洲，超級熱，來吃個甜品消消暑，這家很多人，我們點了三種甜品-三色芒果腸粉、榴槤紫米露、榴槤糯米糍。芒果肉是甜，但不夠凍，三款腸粉皮以芝麻味最濃，綠茶味欠缺茶味，但個人不太喜歡芝麻味配芒果，兩者我都愛，但合在一起覺得麻麻。榴槤紫米露有一湯匙左右的榴槤肉，不太夠，但都算剛好熟透的榴槤肉，好吃的，紫米露不太甜。榴槤糯米糍皮較厚，餡不夠飽滿，味不重，差了些少~由於天氣炎熱，來這裡嘆冷氣吃甜品是一大快事，很多人來幫襯，只是甜品不夠凍，可能銷量高，不夠時間雪。

炎炎夏日，難得與友人到長洲放鬆放鬆。但氣溫高達攝氏34度，剛巧見到允升甜品就來試一試，順道抖涼。餐牌有多款甜品，看得我與友人眼花撩亂。餐廳主打芒果甜品，但亦有提供不同類型的甜品供顧客選擇。見到其他顧客都點了芒果甜品，可惜與友人已經吃飽其他長洲地道美食，故點了沙冰，解渴之餘亦透心涼。店員姐姐知我們點三杯沙冰亦大笑出來。店員十分有心思為我們三杯沙冰配上相應顏色的飲管，亦喝得出沙冰有真果肉打成，十分有驚喜。下次來長洲一定要留肚品嘗店內其他甜品！

我要吃要吃要吃要吃長洲大大芒果糯米滋🍨～雖然無以前咁好食甚至差左好多⋯但一場黎到點都要湊湊熱鬧嘅😂😂～糯米滋還是大大的, 紫米款原來同普通的是一樣味道, 傻傻分不清哈哈, 腸粉挺滑的, 不過豆腐花就不太行了....沒有豆味也不滑......好像退步了很多.......不過聽聞係主理人受傷無做....希望佢地會繼續努力啦!!支持本土食市~~~~好味指數😋：6/10翻啅指數🙆🏻：6/10 （呢度老字號點都要試下嘅🌝）人均消費💰：10-99服務態度👨🏼‍🍳：5.5/10乾淨指數🌝：5/10

今天特意同表姐一同4人來到長洲遊玩順便掃下d特色小食，行行下吾覺意行到允升甜品，因為落雨既關係無咩人，立刻入左去坐低叫左碗芒果綠茶share，又叫左2個芒果糯米慈好好味，好甜好香芒果味身為芒果控既我好滿足。每次來長洲必食的甜品。仲有好多其他選擇，好似熱既紅豆豆腐花都好好味，CP值很高，表姐都話好香好正，離開時又買左2個芒果糯米糍拎走。但忘了影相，哈哈～～～～～～～～～～～～～～～～～很值得食下的打卡點。

幾個朋友到長洲玩，天氣太熱，所以我們到允升食甜品，休息一下。我點了一份芒果西米露，味道不會太甜，而且只需20元，抵食。芒果的份量很多，而且很甜，西米份量亦不少，真的頗抵食。

朋友約去遊長洲問我有咩必食，我話落船必須先去訂糯米糍。冇錯，係要一早訂，否則諗住臨走先walk-in買嘅話，sorry你可能敗興而歸。小店坐落於麥記後面小巷，10點幾落船店未營業，但係開咗門已經可以預訂。因為正在備餡料，充斥咗好濃烈嘅榴槤味，因為要諗買幾個粒企咗一陣，我發現好似有啲頭暈。公司有位先生話愛榴槤，所以買榴槤糯米糍($12/粒)，結果被公司一衆榴槤友激讚，甚至話好食過招牌芒果。而唔食榴槤嘅我就比店內榴槤“香”攻到有少少頭暈，咁榴槤友應該係喜歡到震吧!招牌芒果糯米糍($12/粒)，內含一大塊完塊芒果，家人朋友及公司內芒果友全部豎起拇指叫好。唔好意思，以上均為身邊家人同事朋友食後感想，本人芒果、榴槤都唔食，但係允升都仲有驚喜: 登登......花生糯米糍($7/粒)! 佢嘅花生唔係醬狀，而係粒粒分明嘅，而且唔會太甜，冇椰絲，我真心大愛。允升亦有其他基本生果類甜品，沙冰都好好味，食完魚蛋或者正餐去食埋佢，就真係完美喇。本人一買三十幾粒成幾舊水諗落好似有啲貴，但係開心share之後大家激讚食得開心又好似化算返喎，ok，開心就得啦，呢啲錢，駛得好值!

每次去長洲！ 一定要食芒果腸粉同芒果糯米糍！ 雖然糯米糍宜家好似好似港九新界到處有！但係去到長洲！ 你都會專登去食！ 上個星期去jor 長洲！ 例牌去jor 呢間食芒果腸粉！ 而且熱辣辣！ 坐有冷氣地方！最舒服！！ 😝推薦芒果腸粉！ 個腸粉係由椰汁整成！ 好滑. 包住大大粒芒果！ 而d 芒果出jor 大大粒,切得好靚外,都係粒粒甜！ 淋上d 芒果汁！ 更加入味！ 😍😍😍另外都有點jor 個芒果布丁,上面都係佈滿芒果！ 好抵食！布丁唔會過分甜！ 啱啱好襯返d 甜芒果！

聞名不如見面..見到openrice好多like👍好想黎食..入黎總店之前都經過分店..都幾多人等位..甘岩有人走..我地有位..叫左最出名既芒果糯米滋同榴蓮糯米滋..簡直係一流...皮薄又夠彈牙..餡勁大又好味..可以稱得上係長洲最好食..本人之前有食過其他..都無呢個水準..呢個真係一試難忘...🙈另外果個芒果大西米都好出色..而家連深水埗松記都食唔到呢個水準..反而杯雪糕涼粉就一般...但呢度既糯米滋同大西米會係我再黎長洲既原因👍👍👍

今日見天氣好同友人入左長洲行吓，順便去買平安包入得黎長洲當然唔少得食魚蛋同糯米糍啦！而我今日不得不提嘅就係哩間甜品老字號-允升甜品。首先，我已經幫襯過哩間嘅糯米糍好多次，由佢未太多人幫襯，到而家周街都話自己係“馳名糯米糍”，我都係照舊幫襯佢。可能期望越大失望越大啦，我同自己講，幫襯完今次以為就永不幫襯！點解會咁嬲？事源今日又去允升，雖然店鋪都接近坐滿人，但都容易搵位（唔算full晒）。叫落單都叫咗十幾次先有人理。我都唔明，雖然店鋪係細，得一個阿姐負責落單同寫野，你知道我地叫“寫嘢”可唔可以比少少反應？唔比都算，黎寫嘢果陣仲要黑口黑面，好似我阻住你咁？？我order咗榴槤糯米糍，我友人就隨便點咗個糖水食。跟住阿姐話“每位最低消費13蚊，不包糯米糍，後面寫得好清楚”。雖然我唔知幾時加咗哩條rules，但佢寫到出黎我當然無得反駁啦，但最大問題係，阿姐你態度洗咪咁差？仲要以衊視嘅咀臉同我講，我當時真係咩胃口都無。正常情況下我會叫個糖水當解吓渴，但佢咁嘅態度咁嘅咀臉我真係無胃口！話咁快佢就响我張單加左13蚊。我轉咗個榴槤糯米糍做take away，因為我真係好炆，而最後我都無order嘢，就咁比

老實說，這家是老店，不能用都市人喜甜的角度去決定好味或不好味。今天陪由 🇨🇦 回來的媽媽去看包山，媽媽已經幾十年沒有去過長州，我們抱住吃地道小食心 態入去一試。榴連豆腐花，簡單甜品，滑滑豆腐配榴連加小小花奶，幾有創意的小甜點，配合起來，幾好味咋喳，甜度岩岩好，➕麥米, 可惜芋頭不粉，味道ok.芒果糯米慈，皮比薄，芒果大片，但是生左小小，問心，令願食不夠熟芒果，好過浸糖水或是比熟到爛的芒果。榴連糯米慈，皮好厚，不過也很軟熟，榴連小。糖不甩，麵圑軟熟，花生，芝麻好香全部埋單$77, 💰Vs 出品ok la.講真d榴連不是靚，同出面一些講名用金枕頭店出品無得比，但是收費也不同😂

今日是復活節假期的尾升，當然要入黎長洲🛳湊熱鬧啦！😋真係超級多人，但總好過去大型商場行街啦⋯⋯芒果控既我黎到長洲點可以唔去允升甜品吃芒果西米露同芒果糯米糍呢😝好！去相片引下你地先😋芒果西米露的芒果好甜，出面咁熱入黎食一碗直頭透心涼😍入得黎又點可以唔食埋芒果糯米糍呢？皮簿多芒果👍🏻👍🏻正

今日尊登嚟長洲食嘢， 聽講呢間甜品舖幾出名 ，就入嚟試試。叫了一碗楊枝甘露， 好香芒果味，又唔太稀， $20一碗， 抵!另外叫咗一碗芒果凍奶， 滑嘟嘟嘅凍奶，加埋香甜芒果一齊食， 好味，$25一碗

入到長洲，諗住搵間老字號食芒果糯米糍，就係咁出事啦。搵到間店舖，見人唔太多，諗住好好彩，點知係中伏的開始。職員態度差，諗住食物好，他們寸D，原來唔係的，一定一定一定唔會再去。我們叫左3件芒果糯米糍，有2個是酸的，3個都超多水，同個皮黏唔埋，整到好似食緊兩樣食物呢環境方面，小店，老字號，要求不要太高。點餐方面，一次叫晒會好D，忍他們職員的態度一次就夠了。之後，我們去左食另一間老字號的芒果糯米糍，好食好多呢。。。。。。