傅師傅甜品小食

外卖一碗热芝麻糊+2粒汤圆，一碗椰汁西米露（未试过咁难食嘅椰汁西米露）总数$77；前者$35加$10 ，一般货色，后者$32;你话芝麻糊生磨都仲可以接受，但系椰汁西米露未食过咁贵兼咁难食…查看更多

本身谂住放工想chill下食甜品，冇谂过最近呢间见佢街铺似街坊店，应该唔唔会差得去边。。但入去发现佢卖啲甜品真系价钱甚至仲可以贵过同商场个啲，后尾我睇左好耐唯一能性价比高小小，但讲真啲份量超级少，食物而言都OK嘅，但就真系未必值得呢个价～但个雪糕口感冇咁钟意，但pancake系OK！环境就正正常常，食物整体menu其他评分我都只可以话普通，因为我认知中更多呢勒斯类型嘅铺头，甜品种类，足料程度同价钱系性价比同质素都好好多。我只可以话呢间唔系好差，只系极普通，但有得拣一定唔会去！…查看更多

一行六人凌晨2 点countdown 完食宵夜，估唔到仲咁多人，都几耐无嚟食，今次又再嚟，水准仍然保留到👍🏻我哋叫咗腐竹鸡蛋糖水😍$30 ， d 腐竹唔系溶晒，食落仲好有咬口，又唔会太甜，如果你唔食鸡蛋可以叫走鸡蛋，但系价钱一样，差少少嘅我觉得呢个腐竹鸡蛋糖水都几好食，值得推介。另外，个焦糖布甸都好好食，仲有叫咗杨枝甘露，杨枝甘露都系正常发挥，最后我哋仲叫咗一个心太软，不过就等得比较耐，心太软就一般般，但系都食得好开心，整体觉得个价钱其实喺大围嚟讲算系性价比好高👍🏻试过其余嘅甜品店，佢贵得来亦都唔系咁好食，相对嚟讲，觉得师傅个性价比真系算高，唔怪之得可以屹立喺大围咁多年。我觉得最值得推荐系腐竹鸡蛋糖水😋…查看更多

傅师傅响大围好耐了，去旧墟食嘢，多数响度食碗甜品或糖水朋友加拿大返香港，话𠮶边糖水麻麻，咁就同佢过嚟食我就食榴梿班戟，榴梿同cream夹埋个口感好饱满丰富，薄薄嘅皮配合得刚刚好朋友食芒果西米露，我食咗一啖，芒果新鲜冇酸味，西米有咬口，糖水甜度刚刚好，朋友都好满意👍…查看更多

平时唔会打食评，但佢呢间真系好差，腐竹鸡蛋糖水超难食，加汤圆个阿姐又奇怪咁话平时好少会咁样做，平时系出面食加汤圆咁普通嘅事，但佢都可以咁讲，完全唔明白啰，佢哋仲可以生存系度咁耐真系不解。…查看更多