偶遇台北 (荃灣廣場)

有一段时间冇喺香港食台湾嘢，咁啱见到呢一间看似台湾小食嘅餐厅，就入去试一试。睇过餐牌，午餐价钱并不便宜，order咗个酥炸海岛蚝卤肉饭($88)同台式红烧半筋半肉面($88),价钱包括一杯台式热饮(拣咗桂圆红枣茶）。 个卤肉饭同个牛肉面嘅卖相都相当唔错。但卤肉饭只有两只蚝，炸得唔错，而卤肉嘅份量也极之少，基本上系食完都唔会饱嘅。至于个牛肉面，牛肉并非如台湾般用上牛腱，而系类似牛肋肉；个粗面比较腍，冇嚼口；个汤有啲药味，比较奇怪。个桂圆红枣茶就十分之行货，应该系即冲𠮶种。买单嘅时候发觉原来仲要加一，即系话平均要接近$100一个午餐，绝对系物非所值，应该唔会再帮衬😥。…查看更多

原身想食楼下间老厝边 点知执左😭误打误撞就黎左呢间偶遇台北 见有个2人餐所以入去试下入到去职员都好有礼貌~我地嗌左蟹柳粟米起司蛋饼-好食！🤩不过略嫌太多沙律酱😮‍💨盖过左蛋饼同其他材料既味道酥炸鱿鱼须-有惊喜！🤩炸粉唔厚！又唔会超油！但有少少咸🤣番茄杂锦豚肉锅-味道无话好惊喜 正正常常 都好食既 但2人份量黎讲的确少左啲😫话晒都无主食 所以焗住要加钱加个饭先饱😣如果两个女仔细食都可以接受既🙈最后我地加左$48试埋个卤肉饭 个人觉得加$15要个白饭仲好🤣椰汁仙草红豆芋圆-正正常常 愈食愈觉得有啲甜手打柠檬茶蜂蜜柚子茶最后埋单$403 呢个价钱黎讲份量真系有啲少🫠经过可以试吓既~…查看更多

放工时间不多，本来黎到荃湾广场本来以为要等位，竟然不用等位，心里怀着不仿一时既心态😄，食落要encore! 红烧半筋半肉牛肉面$85D面一食就知系手工好QQ，个汤够浓郁，筋同肉都够淋，冇得输🤣💪非常推介！！！…查看更多

一开始新开张嘅时候，卤肉饭好好味，可以系话我食过最好味嘅卤肉饭卤肉又肥又黏口，入口即溶好可惜而家嘅卤肉饭已经唔同咗，瘦肉比例多咗好多，变成咗一碗劲普通嘅卤肉饭，唔知系咪转咗师傅呢？然后一开始嘅臭臭锅只味系劲香，辣度啱晒香港人嘅程度，少少辣，但系而家嘅臭臭锅变到劲咸，真心想食返以前嘅偶遇台北，希望餐厅老板同师傅睇到可以收到顾客嘅意见最重要系我想食返以前嘅卤肉饭同臭臭锅🤣🤣🤣🤣🤣🤣🤣🤣…查看更多

今日喺荃湾广场买咗戏飞，见未够钟就医肚先。试咗碗台式红烧半筋半肉面，真系要大力推介！一上枱已经闻到浓浓嘅红烧香味，令人流晒口水。首先讲吓个主角——半筋半肉，牛筋同牛肉都炆得超级淋，入口即化嘅感觉正到爆！牛肉松化得嚟唔会散开，牛筋又滑又糯，吸尽咗汤汁精华，味道浓郁得嚟唔会死咸，卤水功夫绝对满分！配菜都绝唔马虎，虫草花爽口得嚟带啲咬劲，仲有清甜嘅红萝卜同白萝卜，炆到透心又入味，同浓汤出奇地夹。个面底更加要赞，台湾面煮得啱啱好，够晒弹牙，挂汤能力一流，每啖都食到汤汁同面香。整体嚟讲，由汤底到配料都做得相当出色，一碗落肚大满足！如果钟意食台式牛肉面嘅朋友，呢碗半筋半肉绝对值得试，保证食过返寻味！…查看更多