几年前开张开始帮衬嘅伟伟川菜，基本上隔两个月就会食一次，今年初开咗私房菜，原有菜式价钱不变，分别系地方企理咗无咁地踎、冷气冻咗，有两间房可以包。环境唔系特别 Fancy，食物味道就需要担起重任，由地道四川师傅掌厨，加上食材新鲜，有时都觉得正过特登返大陆食 😋 新店菜单新增咗特别菜式，最想试嘅有豆苗炒猪肝、火爆黄鳝，暂时食过两次，奈何同行无人食内脏同鳝呢啲食材，下次揾其他朋友仔陪我再战 🌶️招牌菜鲜椒牛肉稳居榜首，牛肉次次都系劲新鲜，嫩滑得嚟带少许筋膜口感（重点系无用梳打粉乸过），简单加入青红辣椒圈一齐炒，落埋啲藤椒油麻中带点清新好鬼好食，轻松送 2 碗饭 🍚鲜椒田鸡肉质紧实，即叫即㓥确保新鲜度，加埋莴笋好开心 🥳辣子鸡细细粒唔上粉直接炸到干身，与花椒干辣椒花生腰果猛火爆炒，镬气十足 🔥 麻香咸辣恰到好处私房菜仲有变奏版辣子乳鸽（癫)，出面未试过嘅做法，炸乳鸽会嚡少少但肉香更浓，值得一试。手撕包菜周围都有，但整得好食唔系咁容易，如果火力唔够就会炒得唔透，椰菜口感难保持清脆，师傅用干辣椒炝炒做得好好，𪷽少少陈醋吊味啱啱好，同理土豆丝一样出色 💫食完咁浓烈嘅一餐，最后整碗冰粉顺返条气，满足 🥰 以上菜式食过廿次以上，跟住嗌一定无伏 👻四川凉面同四姐相比会更加重口味，辣椒粉花椒粉甚至调味都好重手，面质爽口不黏，连埋青瓜好大兜但都食得好过瘾，上次比较好琴日食好咸，仲要辣到飞起，即时同咗老细反映了 🥵另外鲜椒水煮酸菜咩鱼都可以悭返，拣嘅鱼唔啱，肉质嫩得嚟少少散，好多小刺基本上无可能清除干净，食落麻烦又影响口感，建议 Skip 🧏🏽♀️本身算几食得辣（谭仔中辣），店内大部份菜式无得拣辣度，Default 都 3 小辣 🆙，唔食得辣嘅朋友提前讲定，同埋要有心理准备油会比较多 🌞 无论边间舖，只要当日老细在场会特别好食，佢而家多数喺私房菜坐阵。利申唔同分店都真系多内地学生/ 打工仔，介意嘅话嚟之前自己斟酌吓啦，某程度上都侧面印证咗味道系正宗嘅 🤣 📍 伟伟川菜铜锣湾渣甸坊 30 - 36 号利发大厦 2 楼 205 号舖西环西营盘德辅道西 245 号兆安大厦地舖西环西营盘正街 1 - 7 号宝丰大厦 1 楼 B 号舖（私房菜）…查看更多
