倆仨杯

9月1号路经此店，见到餐牌上面嘅芋圆仙草几吸引，所以叫咗一份，另外再叫咗卤水鸡心，点知拎到碗芋圆仙草后，发觉入边一粒芋圆都冇，甜品稀如水，根本用佢附上𠮶只外卖叉系冇办法可以食到碗嘢，咁咪谂住去问店员俾支饮管，等我可以方便饮到碗入边嘅糖水，点知佢同我讲，就咁拎起个碗用口饮咪得啰，呢啲唔知系咩态度，唔系我买碗嘢饮，俾支饮管都唔得呀嘛😡😡😡😡😡😡😡😡😡咁喺佢好唔愿意嘅情况下，最后都俾咗啲饮管我，我饮饮吓跟住发觉，唔见有芋圆喺碗糖水入边，我用只叉揾到见底都唔见有一粒芋圆喺度，咁我咪又走去问佢啰，我攞咗碗嘢俾佢，跟住佢用只叉撩咗碗野几下，好唔愿意咁走去比返三粒芋圆落我碗糖水度，我问佢，唔系啊嘛，成碗糖水得三粒芋圆？你摆出嚟张相都唔止三粒啦，佢话系得咁多㗎咋，仲话喺公司指定份量，咁你咁讲，我咪唯有上网揾吓你公司嘅资料，问吓你公司啰，跟住我上网揾到佢哋公司联络嘅WhatsApp同埋email，咁我咪WhatsApp同佢联络啦，跟住回覆我𠮶个人话佢系H R，会叫返佢舖头嘅人联络返我，但系到而家已经成个星期，完全冇人覆过我， email又冇人覆，连间公司都咁垃圾，唔怪之d员工会咁啦，不知所谓…Read More

今日中午去食lunch,见门口午餐menu不错便去counter 点餐。我叫了鸡翼乌东和铁观音奶茶，付了钱才发觉佢收了我散叫价钱，我叫个经理（一个三十岁以下女子冇眼镜马尾女）俾番差价我，佢竟然话：「个set转咗la!” 之后手指住佢旁边个小menu话呢个才是新的。我们叫佢换走门口个餐牌佢完全无视我们。之后佢话：「无得退钱！你叫佢自己赔la!” 之后指住佢个下属。 跟住个经理话散叫个portion大d,鸡翼多两只，之后我便算。点知拿到乌东之后个portion完全冇大，鸡翼只多了一只，我问个经理佢竟然话散叫只多一只冇两只，我话我同d Frd都听到多两只，之后佢劲黑面话：「算！俾多只你！」呢啲员工净系帮公司倒米，以后不再帮衬。…Read More

食十年台湾甜台湾甜品，还未见过咁嘅质素叫咗10号，寒天爱玉肉仙草芋圆，声称系绿茶底成碗嘢好水，冇绿茶味， 芋圆得两粒，仙草无味，劲硬，真心劣食之最，职员完全唔想收钱落单 ，绝对无下次 …Read More

首先，餐厅环境非常污糟，周围都系垃圾冇人坐都冇人执。第二，啲野食真系好求其，屋企自已煮咁款第三，两个人净系俾支叉同筷子，问店员拎支匙羹，竟然要加一蚊？😂我未试过食汤面净系俾筷子唔俾匙羹，问个店员咁我点饮汤？佢净系识答要加一蚊，但前一个讲普通话嘅女人问佢拎多个餐具，佢答完要一蚊，个女人坚持要佢就就咁俾左个女人。🙂🙂🙂我地谂住餐前食少少野先谂住黎叫下小食等食晚餐，点知食到冇哂胃口！…Read More

服务方面：店员服务态度之差令人印象深刻，希望之后能有改善打算下单时店员用力掉下餐牌马上问叫甚么，想的时候再问「叫得未」，面容表情是黑面斜视。第一次到茶饮店舖有如此差的服务态度。饮品方面：热饮味道正常，但只提供胶饮管和胶杯，热到难以拿着在街上饮，不建议叫热饮。朋友叫是冻饮，芋圆的味道可以。环境方面：台式的设计感觉舒服，有不少文青语录。之前去过启德分店，店员的服务态度正常，希望尖沙咀分店店员态度能有所改善。…Read More