侘寂珈琲 (西九文化區) (已結業)

叫咗一个西京味鲑鱼意大利面，点知上到嚟系白汁唔系西京烧味，另外鲑鱼其实只系鲑鱼碎唔系一旧鱼，一旧鱼都无。另外餐厅冷气完全不足够，一路食一路出汗，好彩自己带风扇，如果唔系热到傻咗。俾咗$128食咗呢个假西京味鲑鱼意大利面，真心痴线，我会话连$40都唔值，旺角楼上啲boardgame舖店员煮出嚟仲好食过佢。今次系第一次喺openrice比评价，因为实在系中伏得太严重，所以唯有打呢个食评希望大家睇到唔好再中伏。…查看更多

🍂☕️ 为左去睇无人机和烟花表演，特登去西九文化区，顺便打卡咗呢间隐藏喺艺术公园嘅「侘寂珈琲」。😍日系侘寂风装修配文化区宁静氛围，简直系都市入面嘅小确幸！🍝🧀明太子意粉，奶油酱汁浓郁，明太子咸鲜无辣味，可惜无其他配料！ 🥬🍤关西大阪烧饼，配份量较少，不过加埋酱汁同木鱼花，味道正常！ 🍗🧂日式炸鸡，即叫即炸，外脆内嫩，份量算多，鸡肉都好嫩，点柠檬汁更加开胃，难得cafe做得好味嘅小食！😊 …查看更多

趁圣诞节去西九龙行吓感受吓圣诞气氛。网上见到有人推介呢间Cafe就谂住去试吓，叫咗杯flat white外卖攞走。点不知竟然得到一个非常之唔愉快嘅经历。先唔好讲杯咖啡嘅质素，一杯外卖咖啡竟然要等成廿几分钟，而讲紧嘅系其实前面只有一张单。等待途中只系见到侍应拎出啲食物，而无出过一杯饮品。我哋等外卖坐嘅位正好对住个咖啡机，见到完全冇店员去水吧，即系咖啡机𠮶边其实完全冇人帮手冲咖啡。等咗10分钟嘅时候我有礼貌地问店员，几时先有杯咖啡。店员答我舖头里面有好多张单所以要等待（个问题嚟啦，明明夹埋我哋只有两张单）。等咗15分钟先见到有一位店员施施然喺度开始冲咖啡，前面𠮶两位客人我谂大大话话都等咗差唔多30分钟先拎到杯咖啡。又落单起计25分钟后，我哋先拎到杯咖啡。我哋打算同店员反映吓，因为前面根本就冇单，而店员亦冇谂住要帮手处理啲饮品，加上一杯外卖咖啡等廿几30分钟其实实在唔系太合理。店员嘅态度非常之恶劣，不停口讲话系多单所以做唔到，而我哋离开嘅时候佢哋亦都喺我哋背后议论纷纷。咖啡嘅质素其实唔算系好差。但系你拉呢一个花，仲衰过唔拉。搞咁多嘢整色整水，不如打好个奶泡先啦。…查看更多

见天气好就去西九海滨长廊揾嘢食纯粹见呢间唔太多人排队就入去食关西大阪烧 $78🇯🇵大阪烧唔系好大饼 大阪烧面头有烧汁 沙律酱 紫菜同木鱼丝🍘咬落都有粉浆味 蛋味就冇正正常常蒲烧鳗鱼意大利面配日本玉子 $148🐟蒲烧鳗鱼感觉干咗少少玉子就未熟哂嘅🥚意大利面都系啱啱好 不过就唔系几夹到玉子鲷鱼烧叮当饼小丸子 $58 🎏鲷鱼烧就同出面买返嚟自己气炸冇乜太大分别叮当饼系奶黄馅 而且都香奶黄 食落去爆浆 而且佢啱啱整好热热地 几好食小丸子比较清新少少 桂花香甜甜地丸子都好烟靭QQ的🍡…查看更多

西九文化区 咖啡店同朋友行到热热地想揾一间咖啡店坐下叹下冷气饮啖咖啡倾下计食件cake然后等日落，所以第一次去到依间咖啡店环境空间感都大，座位不少，店舖有提供熟食，意粉Pizza，轻食，甜品，小食炸物等熟成食物选择较多，反面甜品选择较少得几款。咖啡方面，一般的意式咖啡都有，大多是热饮，只有几款有冻的选择，其中对紫薯拿铁非常有兴趣，可惜不敌夏天的炎热果断放弃，改选了普通的ice coffee latte（$53），咖啡味道正常发挥，而同行朋友选择了冻的蓝色菠萝特饮（忘记价钱🥲），其中包含了椰子奶？和菠萝汁，对我们来说有点甜，不过尚算可以接受。另外，选择了店内唯一一款蛋糕，熔岩朱古力蛋糕（$88），云呢拿雪糕配搭心太软的组合，基本配置，熔岩心太软未算太溶岩，流心程度一般。…查看更多