來多碗車仔麵 (民裕街)

营业中

休息中

今日喺附近做嘢，見到呢間車仔面，見佢都有少少人排隊，應該都唔錯，就行入去食下。排隊叫嘢食本身以為要自己拎過去，點知啲阿姐好好人幫我拎埋我去，服務態度仲幾好，會介紹你有咩好食。店舖環境唔錯，牆身好懷舊，好靚，可以影吓相打下卡。食物質素超好，特別魷魚好入味，如果食得辣一定要食佢哋嘅秘製辣椒，包你好興奮。

第一次試呢間車仔麵入到去店員態度很好，有禮貌(有笑容)，碰巧有客人漏低左藍牙耳筒，店員都好落力幫手搵叫左個四餸麵+杯凍檸茶豬腸-夠入味，唔會太彈牙好難咬豬紅- 唔會一夾就散曬，不錯咖哩魷魚-唔覺有咖哩味，一般蘿蔔-好入味，好清甜，唔會有渣，好好味另外，佢地既秘製辣醬，一定要試一試，唔食辣既我，對覺得好味道(食左頭皮有麻麻的)

呢間可能係呢頭裝修最靚嘅車仔麵檔！佢吸引到我係因為牆上的壁畫，價錢又唔貴，所以就試吓啦今次叫左豆卜、蘿蔔同魷魚三個餸加瀨粉豆卜浸滿濃濃既「好似滷水味既汁」蘿蔔都好入味，仲好甜呢度整既魷魚真係要讚下，超級爽口彈牙瀨粉都好入味，不過剪得太碎$32

來多碗⋯⋯我每每在紅磡工作過後，都會嚟整番碗，因為畢竟香港越來越少好食嘅車仔麵了，喜歡這裡嘅車仔麵外，還喜歡他們的服務態度，店員都很有禮貌的因為曾經在港島區，為了吃某某的出名車仔麵，吃得我擔驚受怕他們的蘿蔔真係可以比美銅鑼灣那X記，另外魷魚🦑、花冬菇都是我必叫的項目。重點係他們的秘製醬汁，唔係太辣，啱晒我口味，這裡的價錢相當合理，有時見到一些車仔麵賣到佰幾蚊一碗，真係嚇得我驚驚哋⋯⋯但這裡價錢合理，值得推介

唔怕同大家講，小弟都稱得上係車仔麵達人，鍾意食的程度係曾經一個月內每天都吃車仔麵！我每次見到車仔麵都想食，最喜歡車仔麵每次食都配搭不同的麵、湯底同餸。可能我恨我的人生冇車仔麵咁多姿多彩吧。下午餐時間咁啱經過呢間來多碗，就等我試試佢！一行到門口就比佢大大張的menu吸引，唔止係因為佢夠多餸，而係因為，兩餸只係＄25！？實在太難以置信了，燈油火蠟都係錢呀，難道呢間鋪冇諗住賺錢，只求打個和？？？？？？唔講咁多我一個箭步走入鋪內，搵個位擺低d野就揀餸。環境光鮮企理，講真呀有幾多間車仔麵會睇造咁整齊乾淨先得架。鋪內仲有不少壁畫，相信老細都係對藝術有一定追求的人！咁呢度就係自助形式，去到講要咩餸咩麵咩湯就ok。煮完碗麵個店員姐姐就推介要加辣汁，講真唔加辣都談唔上係一碗完整的車仔麵啦！之後直接比錢，個店員仲會幫你拎碗麵添。我就叫左個豬大腸＋豆卜粗麵仲以為25蚊麵底同餸實好少，但估唔到都幾足料，開始擔心個老細圍唔到皮了。豆卜不過不失，而豬腸彈牙又入味，加左推介的辣汁之後湯底非常好味。呢個價錢仲有呢個味道同份量，呀叔我都收貨了。食食下見下附近幾張枱都叫左辣魷魚，可惜我已經好飽，唔係我真係會來多碗的！

去開紅磡 喺家維邨對面見到有間新開嘅車仔麵 見價錢幾平 一面兩餸都只係＄25 就同朋友一齊入去試🤓 同好多車仔麵店一樣 都係先喺門口排隊叫麵同餸 再入餐廳坐低 店員會將個車仔麵放喺枱前 同朋友一樣 叫咗個一麵四餸嘅車仔麵 都係＄37！ 第一次去車仔麵檔有得叫波菜麵 好似幾健康咁就試咗 質地有啲似油面 幾特別 菠菜味較淡🤣但係個樣真係得意嘅 另外四個餸就叫咗店長推介嘅玻璃魷魚 雞翼 牛腩同埋豬腸 魷魚煮得啱啱好好彈牙 牛腩豬腸同雞翼都煮得好入味 值得一讚係個秘製辣椒醬 簡直將湯底昇華 每次去唔同車仔麵店都會飲晒啲湯 今次都唔例外😍 朋友就叫咗個 魚蛋 豬紅 豬皮 蘿蔔加幼麵 試咗佢個蘿蔔同埋豬紅 蘿蔔真係炆得好甜好甜！大家下次去都要試吓！豬紅都好彈呀好入味 朋友都話呢個價錢算好抵食🙌🏻 當然唔少得港式飲品! 最後值得一題係 可能佢新開 地方好乾淨 好少何車仔麵店坐得咁舒適 連廁所都好乾淨 店員服務又幾好 下次經過都會再嚟幫襯！

首先讓我講一下環境方面，這裏的裝修很懷舊但又會給予一種很整潔的感覺，而且有卡位，用餐環境十分舒適。然後我再講一下食物方面。有多款配料可以選擇，而這次我選擇了豬紅，滷水雞翼，竹輪和滷水蛋。這裏的豬紅不會太過淋，剛剛好，滷水雞翼亦十分入味。而我最喜歡的是這裏的湯底，是腩汁湯底來的。可以隨個人喜好加入辣醬。飲料方面亦有多款選擇，除了最基本的凍檸茶凍檸水外，還有乳酸氣泡飲料和豆漿。而這次我選擇了豆漿，豆漿有獨立包裝， 十分方便，而且味道不會太甜或淡。除了車仔麵外，店裏亦提供不少小食。這次我就點了一個韭菜鴨血，這款小食微辣，適合喜歡吃辣的朋友。點過餐後，亦會有店員送餐服務，他們態度很周到，老闆亦會跟客人聊天，讓我和朋友都吃得很開心和滿意。

係紅磡讀書既我經常要係呢頭食野，商場既野食厭左就行到街上面搵野食。走到黎呢一間來多碗車仔麵，門面睇下好有以前食開個啲車仔麵店，好有人情味既感覺😌車仔麵係我中學既時候簡直係我既午餐首選，一來價錢係平，二來好多唔同配搭，三來最緊要快。呢度都一樣有呢幾個特質！見到有咁多餸我地兩個都好三心兩意😋😋朋友叫左魷魚、蘿蔔、雞翼、魚蛋四餸米線，米線好滑量夠多而且唔會一啖爛晒！咖哩魚蛋雖然細細粒但就夠晒味。蘿蔔都好入味，秘汁雞翼好特別又唔似滷水，大隻得黎肉又實又滑❤辣魷魚真係必食，好彈牙又爽口，夠晒惹味！👅我就叫左響鈴、蘿蔔、牛腩、辣魷魚、生菜五餸米粉。響鈴係一叫即係盒拆岀黎架，唔會俾水汽搞到林晒。蘿蔔一咬落去真係好多汁呀！秘制牛腩真係好好食，量多之餘味道真係好夠而且好林，唔似一般既五香牛腩又實又無味！😋👍🏻每次食車仔麵都必叫既生菜都好靚呀，食落好新鮮爽脆❤仲叫左個新既台灣麻辣鴨血，用呢度自己整既秘制辣醬加新鮮韭菜整。鴨血味道既好特別，同魷魚蘿蔔一樣，黎呢度一定要試！加上呢度自己調既麻辣汁，好過癮！🙂呢度店員都好好人，好好禮貌，真係好人情味！最後兩個人埋單都唔洗100蚊呀;就算食到一碗五個餸都係41蚊，

見最近天氣還好，打算逃離港島區，尋找其他地方有風味的美食。經過我和友人努力地在網上尋找下，發現了這一間小店。 我們就選擇了紅磡的那間，希望少人一些。從黃埔地鐵站A出口一出，向左轉之後直行，直到第三個路口轉入去就到，十分方便。 一入到去，就見到有數十樣不同的美食，香氣撲鼻，令我和朋友都感到饑腸轆轆。 排了一會兒，到我們點餐的時候。五花八門的選擇，而當他們的價錢十分便宜，兩餸麵（$25）、三餸麵（$31）、四餸麵（$37）、五餸麵（$43）。 我們就打算叫所有自己想吃的餸，我就要了一碗有辣魷魚、貢丸、雞翼、生菜和漢堡扒的四餸麵（所有餸麵類都有包含一樣菜）。而我朋友就要了蘿蔔、魚蛋、豬腸以及一樣不記得名字的四餸麵，但佢就不要菜，可以按自己的口味去選擇。 不得不說的是魷魚以及辣醬的配合，爽口彈牙的魷魚，加上魷魚本身的鮮味同辣醬的配搭。一來令到味道的層次分明，二來加重了口感。而貢丸都有彈牙的口感，而且入味，連最基本的都可以用心煮成。 在飲品方面，我們都選擇了豆漿，雖然那個豆漿是一早就處理好的，但是感覺不到很多糖水在內，跟新鮮制造的味道一樣，又香又滑。 唯一麵的份量有點大

今日來到紅磡去開倉店掃平貨，沿途經過一間車仔麵店，就先入去醫肚再掃貨啦。呢間舖叫來多碗，門口貼有雜誌報道，餐牌一啲都唔貴，只要三十幾蚊已有四個餸，呢度order步驟唔係坐低先叫嘢食，而係先叫嘢食計左數再坐低，非常有效率，啱哂今日生活繁忙嘅香港人。環境方面，驟眼望落起碼有十幾張枱，有卡位，也有可以靈活移動嘅枱櫈，牆上貼滿手寫嘅必食推介，頭頂有比較舊式嘅吊掛風扇，好有傳統風味。店最入面有兩格洗手間，整體感覺舒適乾淨。我選左油麵、魷魚、枝竹、豬腸和牛肚，店員會問下你要唔要蔥，要唔要辣汁，我自己本身好鍾意蔥既香味，當然要啦，但就唔食得辣無要到辣汁。車仔餸色澤油潤好吸引，全部都炆得好淋夠入味，份量十足好飽肚。啲魷魚好爽口，枝竹好入味，豬腸洗得好乾淨好林，牛肚估唔到有咁香！檸檬茶夠凍好多冰，大熱天時行到熱啱哂，夠爽!

一間有故事的車仔麵～經歷時代 變遷～～本身都唔知道一間紅磡嘅車仔麵係有一個故事…入到店鋪裝 簡潔乾淨， 一啲都冇懷舊嘅風氣。誰知道一喝第一口湯的時候也種 似曾相識嘅感覺～隨著自己食麵嘅習慣會落辣椒油， 見呢間店有秘製辣椒醬！！！一嚐一嚐～～～～啲一個味道就係我小時候陪屋企人去食魚蛋河～個一種辣醬味道啦……… 跟住男朋友話我知… 呢間鋪頭嘅故事！牛腩汁一啲都唔肥仲好有牛腩味～ 豆腐卜同白蘿蔔 吸收曬湯汁嘅味道好好味…

今日俾公司調了過黎 紅磡 呢邊幫手頂同事放假！！！到左 lunch 時段 ，一落樓見到大部分餐廳 都冇開工🤦🏻‍♀️ ...... 一問之下先知 原黎呢邊 紅日 餐廳都冇開架 真夠奇怪 。最後揀左呢間 “來多碗車仔麵” 都好耐冇食啦好平呀 一麵兩餸 都只系$25 炸 仲有埋甜品添呀 🍮一麵四餸 車仔麵 $40( 豬紅，雞中翼，魷魚，生菜，菠菜麵+$3 )店舖入耐多人都系買翻公司食啦 平時好少食 豬紅架 見呢間豬紅幾多推介就試下先啦，真心好食同岀面好五同 豬紅吸哂湯的精華好入哂味架 。招牌魷魚🦑都叫左好爽口。系個波菜麵煮得有太淋 浪費左🤦🏻‍♀️

其實以前成日食觀塘既來多碗車仔麵，不過搬走左之後就好耐無食過啦。估唔到而家紅磡都開左呀，咁就方便好多啦。一去到見到裝修好乾淨，好舒服，同平時食車仔麵既感覺好唔同呀。首先就係門口揀餸先，所有野都係開放式，咁就唔驚污糟啦，仲可以睇下邊樣餸新鮮就揀邊樣添。樣樣餸都咁吸引，我就揀左魷魚，豬腸，豬皮同冬菇米粉。聞落已經好香啦，但食落仲好味呀，真係整得非常入味。冬菇大大粒，吸哂湯汁都好正呀。豬腸最怕就係污糟，不過佢呢度洗得好乾淨。而豬皮口感岩岩好，唔會太稔或者太硬。魷魚更加係必食推介，又大條又入味，真係100分呀。而朋友就叫左雞翼，魷魚，芝士腸同滷水蛋。佢就話雞翼好出色，出面夠入味而入面夠嫩。最後我地仲叫左個甜品，楊枝甘露。估唔到車仔麵店既甜品都咁好味，同出面既專業甜品鋪有得比呀。呢間車仔麵店又平又好味，下次都要帶朋友再黎先。

喺紅磡食嘢大家第一時間諗起嘅一定係車仔麵或者打邊爐，不過近日天氣非常之熱真係唔想食得咁多份量，見到有一間車仔面店個名幾得意叫做「來多碗」，就同朋友坐低試下。我就點左蘿蔔魷魚冬菇同腩肉，見到佢哋有秘製辣醬對於鍾意食辣嘅我來講就梗係要加啦，朋友就叫咗豬皮貢丸同埋秘製辣魷魚。首先講咗我個果碗先，蘿蔔食落口感覺到有好香濃嘅魚湯味，蘿蔔咬落去無根 唔會有渣，食得出蘿蔔本身就有處理好呢一樣真係唔係間間車仔麵都做得好，冬菇真係大大粒咬落口非常之彈牙，絕對唔係浸水浸到大一大果重，咬落口有非常之香濃嘅冬菇香味同埋蠔油嘅香味，腩肉睇到相就知道一層一層肥瘦均勻，經過處理之後腩肉一啲都唔肥膩仲可以做到入口即溶嘅感覺，佢個辣魷魚係用返佢自己秘製嘅辣醬做調味，本身秘製辣醬都有浸甜甜地嘅味道配合好香嘅蒜蓉辣味，成件事真係非常之惹味！朋友果碗都好正，豬皮非常鬆化爽口，因為非常之新鮮既關係，佢哋嘅豬皮都唔會有腥味，索左有秘製辣醬嘅湯汁真係口感味道都非常之刺激，貢丸大大粒有非常之重嘅冬菇味又彈牙，魷魚切到一條條啱啱好一啖就可以食一條，真係非常之貼心唔會彈到成面都係！最後我要推薦大家真係要試吓佢哋嘅秘製辣汁，佢哋用蠔油的甜

講真，食物水準係可以嘅，辣醬幾好味，配料都係大路嘢啦，特色就一般，勝在分量可以。推介嘅係冬菇、牛肚，反而牛腩好多時偏韌！價錢以而家嘅水平嚟講已經幾唔錯，三餸加杯嘢飲都係40蚊左右，若想輕鬆解決一餐都唔錯。不過呢間店嘅最大問題係成日都好早就賣晒d嘢！每次七點後去到唔係冇呢樣就係冇嗰樣，有時連麵都可以賣晒，若七點半後先到可能已得返幾樣餸，呢樣嘢就真係唔多得。或者真係入貨唔多啦，但俾人感覺真係麻麻哋。好似今晚咁又話冇晒粗麵，唉......