佳記餐廳

今日番啅位於堅尼地城既呢間佳記餐廳，午餐時份頗多食客，剛好有張二人卡位空枱，就坐低睇下個餐牌。今日就番啅佢呢個無骨海南雞飯，有飯有例湯仲有飲料，全套$70蚊。等了大慨20分鐘碟飯先嚟到，份量都足既，油飯有味道但略嫌乾得滯，雞帶皮有雞味，口感豐富，例湯係合掌瓜煲豬骨，清甜好飲。整體滿意但冇之前咁好。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

年初二，一行六人，到西環隨便轉轉，到晚飯時間便隨便找個地方，因過年期間營業的食肆不多，便去了佳記餐廳，人多要等倪我地預咗，過年要加二都無問題，但係要受氣就有很大問題！因同行友人都是內地遊客，期間朋友看見有空位置應該可以安排我們入座，就用普通話問在收銀位那個老女人是否可以入座，但那女人用很差的態度回覆，一副不耐煩的樣子，後來我看到了，我就問佢係唔係要咁嘅態度同人講嘢，佢就反問我，話我識普通話，点解我唔代佢答我朋友，你地話佢係唔係有病，而家人地問你入得未，佢唔係覺得我可以代佢答，更何况我又唔係員工，我答既可以作準嗎？而當我們入座時，佢仲要不停係度説三道四，我叫佢收聲，佢都仲要继續講，咁既服務態度，香港既服務業真係要多謝佢！PS 奉勸貴公司，如果過年期間員工要帶著個人情绪上班，不如關門休息，呢D咁既服務態度，找再多打手寫好評都無用…查看更多

對於我最喜歡的餐廳之一——佳記，我有太多讚美之辭要說，因為它不僅僅是一家普通的餐廳，更是我心中的美食天堂。佳記的菜單總是令人驚艷，無論你是喜歡傳統美食還是追求創新口味，這裡都能滿足你的味蕾。他們的招牌菜「焗咖喱牛腩飯」絕對是一絕，牛腩肉質鮮嫩，配以濃郁的咖喱醬汁，香氣四溢，讓人回味無窮。此外，他們的炒飯炒麵也總是炊煙四起，香氣撲鼻，讓人一試難忘。無論是清爽的涼菜還是熱騰騰的湯品，每一道菜都散發著主廚們對美食的熱情和用心。除了菜品的美味，佳記的服務也是無可挑剔的。每一位服務人員都熱情友善，細心周到，讓人感受到賓至如歸的溫暖。他們不僅對菜單了如指掌，還能提供專業的建議，讓客人在選擇菜品時更加得心應手。無論是用餐環境的清潔舒適還是服務態度的親切周到，佳記都讓人感受到用餐的愉悅和舒適。在這裡用餐，不僅是填飽肚子，更是一種享受。無論是與家人共度溫馨時光，還是和朋友相約品嘗美食，佳記都能滿足你的所有需求。每一次造訪都讓人心情愉悅，讓人期待下一次再來的時刻。最讓佳記獨樹一幟的地方在於它的價格實惠而品質卓越。無論是平日用餐還是節假日聚餐，這裡都能滿足各種預算的客人，讓每個人都能輕鬆享受美食帶來的愉悅。總的來說，佳記不僅僅是一家餐廳，更是一個讓人心生愉悅和滿足的地方。如果你想要品嚐正宗美味的中華料理，享受優質的服務和舒適的用餐環境，那麼佳記絕對是你不容錯過的好去處。…查看更多

今晚響QE 探完病 ,原本想坐小巴落中環，但係太多人排隊， 見到隔離冇人等嘅 小巴，於是落咗士美菲路 食晚飯 。落咗車之後，一路行去 卑路士街，見到有間好光猛嘅茶餐廳 ，諗住求其食啲嘢。 餐牌一般價錢公道， 只係叫咗個最普通嘅 香港小炒 ：乾炒牛河同黑椒牛柳絲炒麵， 當時夥記問我哋飲唔飲嘢， 我哋話唔使， 夥記當時都話：好呀，多謝曬 。乾炒牛河正常乾身， 黑椒 牛柳絲炒意粉 超多餸。差唔多食完嘅時候，有個女侍應攞咗兩碗湯嚟， 我哋話冇叫湯，佢話請我哋飲 ，當時諗：賣唔曬，請我哋飲都好正常 ，唔好嘥； 但其實佢可以唔咁樣做， 因為未必嗰個客人 都鍾意 ， 但對我嚟講，我覺得ok。 （當時係苦瓜湯，我喺唔食苦瓜嘅）。 後來我同 嗰位女侍應 講多謝佢送啲嘅湯，佢話唔使客氣，仲問我使唔使加返啲熱茶。 到我走嘅時候，另一位男侍應 都提我攞齊啲嘢， 慢慢行。 超級好服務。其實同我同枱嘅朋友，佢都留意到呢間餐廳嘅服務係好好嘅， 好似古天樂講嘅‘’做多一步‘’， 我完全感受到。 多啲餐廳係咁，香港一定會更好。…查看更多

下午茶叫咗個乾炒牛河，牛肉又薄又嚡，D河粉黐埋一疊疊，河粉油膩，外暖內凍，根本就係翻叮食物！餐廳冷氣機一直滴水，衛生環境欠佳！ 侍應態度惡劣，粗聲粗氣！ 唔怪得咁多間分店都執笠！…查看更多

老公突然約食早餐，而且只有半小時時間，於是就去了佳記。之前試過這兒的晚餐，麻麻地好味，不知早餐如何。我們點了1）飽魚絲火腿絲通粉，配餐包炒蛋及熱檸茶，$38元。還有2）雪菜肉絲米粉，配餐包煎又雙蛋及熱菜蜜，$38元。食物賣相有點差😅，但餐包已塗了牛油，比想像中有誠意。而粉麵的味道ok，米粉還很爽滑，感到有點驚喜。可能無期望，總括來說早餐比晚餐優勝。…查看更多

叫外賣睇錯menu諗住即時想更正收銀話唔得架已入電腦，其實只係剛剛入單姐真係改唔到咩今時今日咁嘅服務態度我以後都唔會去食，因為入錯咗一樣我唔食嘅嘢我唯有棄單豪俾你阿姐食…查看更多

今晚跟朋友去西環佳記餐廳吃晚餐，西環佳記餐廳是一間提供地道港式美食的茶餐廳，餐廳都好闊落。晩市套餐的選擇比較少，今日叫了菜心炒牛肉套餐，海南雞飯和豬扒烏冬常餐。碟菜心炒牛肉好有鑊氣，牛肉都好諗。常餐的多士好鬆化，好啱我口味。平時我最喜歡吃海南雞飯的飯，但今日的飯有點硬，就算我平時都比較鍾意食硬飯都覺得太硬了。…查看更多

嚟到佐敦道附近想食個下午茶食吓，見到原來唔係間間都有下午茶供應，突然間望到佳記冰室，走去望下佢個下午茶都好吸引，咁就一行四人就走咗入去食，座位以茶餐廳角度來講，都算ok！坐落都算舒適，佢哋啲下午茶餐牌，全部用電子板顯示！好快趣我哋就揀咗四個下午茶；啲餐飛快哋已送到枱面！而品質都好有驚喜；尤其是個沙嗲牛西多士；啲沙嗲牛原來呢埋西多士中間，食落竟然係鮮牛！我最喜愛；另外兩個腸仔包鹹牛肉同埋沙律，就不過不失！窩蛋蕃茄湯意粉啲湯比較鹹！總括來說都超抵食，所有下午茶都跟熱飲，啲奶茶值得一讚！完全冇苦澀味；證明水吧衝得好有水準！下次嚟開佐敦都可以繼續食佢嘅下午茶餐！…查看更多

Simply bad experience as they simply have poor service.Gave us wrong foods and tried to blame us when theirstaff gave us something we didn't order.一個麵餐 餐牌寫凍飲加$8 最後比張單我原來加$22早餐共$57 叫店員更改 完全不理會 一般茶餐廳作風 話你有問題 你睇錯 午餐 原來 都冇咁貴 無言了我去隔離食個西餐也是一樣價錢 小心小心 中伏中伏 周圍其實好多嘢食 …查看更多

經過附近搵早餐食，睇睇食評見有個寫到依度既蛋好出眾，自己本身都係蛋控，決定要試試早餐既價錢偏貴，但都算多人食，正常茶記早餐，上餐超快火腿炒蛋 💖💖💖💖💖💖💖💖雪菜肉絲通粉 💖💖💖💖💖凍檸茶 💖💖火腿炒蛋，有餐包既不過我唔食所以走左，趁熱試蛋，賣相都睇得出係好滑，充滿蛋汁，相當唔錯先食蛋，真係好滑同多汁，好有蛋味，好介紹，配埋火腿一齊食更正，做得好好既火腿炒蛋但份量少左啲雪菜肉絲通粉，好大碗，係有湯底既，味道幾好，雪菜唔霉而咸淡適中，同平時茶記食既有少少唔同，中意雪菜既要試下凍檸茶就正正常常…查看更多

叫左個焗飯，點知等左成半個鐘都未到。一問之下原來根本無落到單。落單時仲有兩個店員，再三確認，台內人又唔多，幾個店員都無野做係度吹水。最後我等到唔奈煩再問另一個店員，先知根本無落到單。打工仔有幾多時間食飯真係心照，咁就比呢間野浪費哂，依後唔會再去。…查看更多

勁大條炸魚🤩又厚身🤩新鮮熱辣炸起🤩🤩無乜魚味反而胡椒粉幾出，但都有魚嘅質地嘅丹麥多士：勁好食😋😋jengs炒蛋：望落去以為幾老同乾，食落又幾好🤩🤩未算係滑但都above average!! 蛋味好出🤩茶走：有少少稀，茶味唔出…查看更多

蛋蛋蛋蛋蛋….全部都係蛋急急如律令召喚所有蛋控！勞蘇食最愛就係蛋，炒蛋滑煎蛋香水波正溫泉爽…實在太多正既蛋一於同大家訪尋訪尋，推介推介佳記茶餐廳，睇落坐落叫落都係普通茶記一間，正正常常，都舒服既，餐牌算係類似翠華咁既茶餐廳到底賣點係咩，好快就出現勞蘇食推介 —— 炒蛋，上枱普通一個炒蛋，望落炒得唔錯，一食點估到，滑到一個點，蛋汁好正，口感一流，生熟度完美係美式炒蛋，蛋味非常濃，啖啖都好似蛋黃咁係我食過其中一個最好食既炒蛋點估到$3x隨時好食過百幾蚊既all day breakfast配埋火腿好好好好好好好正沙爹牛肉米都有驚喜，湯濃而個沙爹好味，少少甜，米粉淋身好掛湯好好味另一個係特別早餐，白汁白菌雞絲螺絲粉，好creamy好香濃，好味既，有少少金寶湯feel，但都好正奶油豬就正常咁啦勞蘇食平時真係好少寫一餐半餐早餐或茶記，但今次個蛋真係無得輸夠膽講係暫時蛋控大募集中最好食既美式炒蛋個性價比高到無朋友，絶對無雙，住得近佢真係幸福#之後去食左幾日都係keep住個水準#第一次食茶記早餐要寫食評…查看更多

门口的大爷爱理不理的就算了本来点了堂食 直接一个外卖盒子很没礼貌放到桌子上 我说我点了堂食 一个阿姨居然直接吧外卖盒子打开说 那你就在这里吃啊 完全没有尊重人的意思 这个店家还是趁早倒闭吧毫无服务意识就是说 明明很空的店 给我外卖什么意思 …查看更多