佳記甜品

【元朗B仔凉粉｜怀旧甜品分量足但失色？】经过元朗试咗招牌B仔大菜糕，超大碗$98足够2-3人分享！配料确系丰富：芦荟、椰果、荔枝、香蕉、哈蜜瓜、桃、大树菠萝、西瓜…成个「水果联盟」咁多款式，视觉效果满分！可惜一食就跌watt——大菜糕质地偏硬，欠缺顺滑感，传统蛋香完全无踪影，似食紧啫喱多过经典大菜糕😢。而且唔够冰冻，夏天食少咗透心凉的快感，有点失望。另点鲜榨西瓜汁（$31/杯）确系原汁原味，清甜解渴，但价钱稍贵，同区比较选择可能更多。总体来说：分量取胜，味道平庸，怀旧党未必收货！建议试其他甜品可能更惊喜～ #元朗甜品 #B仔凉粉 #伏味笔记…查看更多

假日同女女去元朗走走，路经佳记甜品，见佢话想食糖水，就入咗去坐低。叫咗招牌B仔凉粉，啲凉粉滑溜唔黐牙，上面加咗好多唔同水果，有香蕉、西瓜、蜜瓜同啲啫喱，色彩缤纷，小朋友见到已经开心晒。凉粉唔太甜，夏天食特别舒服，啱晒怕热气嘅我哋。佢哋仲有儿童椅，方便女女坐得稳阵，唔使我一路食一路扶。环境方面，舖头虽然唔大，但干净整齐，地面冇黐立立，枱櫈都抺得几干净，对我呢啲带住小朋友出街食饭嘅妈妈嚟讲，好重要👍。最开心系，职员都几有礼貌，冇催单冇催人走，可以慢慢坐低食完先走，唔会赶头赶命。成体验好舒服，价钱亦算合理，真系几适合放学后轻松食个小甜品，满足一下小朋友之余，自己都可以叹番吓🍧👩‍👧。…查看更多

鸡翼尖 水准keep 住 劲好食肠粉劲滑 正但芒果酸ge....最惨系酸都俾客。。。我唔信我系第一个讲同以前甜劲好食经开都买，搬左小食，但而家差好多，同朋友倾开先知，转左用另一款芒果另一款芒果沙冰ge 芒果都系酸ge...真心嬲左…查看更多

去佳记甜品并唔一定要食甜品既，佳记甜品除左全港首创既B仔凉粉为人所熟悉之外，其实佳记甜品既小食都唔错，蒜茸香辣鸡翼尖一样好出名！不过想讲既唔系蒜茸香辣鸡翼尖......而系其他被不少人忽略左既小食，爽滑肠粉$10有4条；陈皮鱼蛋$10有8粒，有辣有唔辣，任君选择；烧卖分左鱼肉同牛肉两款，鱼肉烧卖$10有6粒，牛肉烧卖就$10得5粒；肠仔、脆皮芝士肠、猪皮同萝卜、仲有卤水既鸡蛋、鸡中翼同凤爪，唔认真睇真系一直都无留意原来佳记甜品有咁多款小食。用$30买左4条爽滑肠粉、8粒陈皮鱼蛋同6粒鱼肉烧卖，酱汁方面只系唔要辣酱，呢一碟有好多花生酱同豉油既肠粉鱼蛋烧卖系非常之惹味，绝对唔需要担心会有肠粉无酱淡而无味既情况出现！…查看更多

小编今日来到元朗一间甜品店「佳记甜品」，开业于1985年，门口是鲜明的橙色招牌🧡甜品店又叫元朗B仔凉粉，以巨型的B仔凉粉驰名，主打一系列凉粉、西米露、河粉捞、芒果西米露、芒果及榴梿班戟、芒果河粉等鲜果甜品🍨🥭 亦提供滋味小食包括驰名B仔鸡翼尖，元朗必食的人龙甜品店🙌🏻「芒果河粉」🥭 以鲜嫩大块芒果作底，加上冰凉爽弹的河粉、白色河粉滑溜香口，以蒟蒻粉和椰浆做成，外貌和口感像河粉，味道则带阵阵椰香🥥 配上鲜芒果制成的芒果浆🧡 冰凉又清新的甜品，必食推介🙌🏻「蒜茸香辣鸡翼尖」在花雕和蒜蓉酱汁与透明胶质中，做到「骨腍入味肉唔烂」，每只鸡翼尖都煮至十分入味🧡 蒜蓉香气和辣椒混合一起🧄🌶️ 吃得够过瘾，必食推介的小食🙌🏻🍽 ：芒果河粉；蒜茸香辣鸡翼尖👅好味指数：8.25/10；8.5/10💰消费：HK$46；HK$24📍 地址：佳记甜品 (元朗) 元朗教育路大坑渠侧…查看更多