佰古嗲

🐾听讲大围积存街有好多小店美食，卧虎藏龙，今日熊妹就带树熊去兜个圈睇下有咩好食。📌主打马来西亚菜的《佰古嗲》门面简简洁洁，好少见的马来西亚菜，主要食椰浆饭、喇沙、咖哩、咖央多士等等，平时食西餐多，都好耐无试过东南亚菜，一于一试。鲜牛油咖央多士，$38邪恶爆灯😈，都系想食。好鲜明的一牌牛油🧈夹左多士中间，侧边涂了些咖央酱，咸香带点甜，食咖央多士真系要加呢块牛油。水鱿蕹菜，$58蕹菜类似蕃薯叶，水洽了加入豉油同辣椒油，仲有好多水鱿，劲爽口，夹埋食好惹味。鱼仔XO酱萝卜糕，$46几特别㖞，一口萝卜糕上面铺满XO酱鱼仔，辣辣地，夹埋一齐食几过瘾㖞。细渗，$88食马来西亚菜点会唔食肉骨茶呀？招牌肉骨茶有好多款，紧系拣个小杂汇 - 细渗喇。有猪脚，鸡脚，五花腩肉，金菇，豆卜，猪肚等等，肉骨茶好浓味，浓得黎又好清，当归味又唔算好重，秋天饮暧笠笠好补身。重点⚠️系可以无限添加！系加真汤唔系加水！OMG！太蚀本了吧！抵饮呀！椰酱饭配生炸全鸡髀，$92招牌生炸鸡髀🍗睇餐牌幅相都好吸引！系超大一只！根本就可以覆盖成个碟。掂呀！生炸好新鲜，鸡皮脆卜卜，炸到收干啲油份，锁住鸡髀的肉汁，鸡髀肉质嫩滑一啲都唔鞋口，果然招牌菜！绿色的椰浆饭，马来西亚喜欢用色素加添食欲。大大盘饭仲有啲花生粒，鱼仔，辣酱捞埋一齐食。香浓咖喱喇沙，$86好大一碗㖞！份量多到二人都食唔哂。面头放满配料，有薯仔🥔、豆卜、鸡肉、虾、炸腐皮、鱼片同芽菜，正宗喇沙面底系用上米粉同埋油面混合，喇沙汤底好浓郁，加入了椰奶带有椰香味，每条面粉条挂满浓浓汤汁，带辣味好惹味。美禄恐龙（冻），$30香浓白咖啡（热），$18📌貌似一间平庸的小店，没有大龙凤的装潢，默默地守在大围积存街一角，内里干坤完全唔简单！款款菜式够特别，足料大碗价钱亲民，又无加一，难怪客源不绝，平日晚巿上下层都爆哂棚，仲要排队等位确实以实力取胜💪🏻。…查看更多

好耐冇食马来西亚菜喇, 今日黎到大围既佰古嗲好有惊喜呀!!餐厅分上下两层, 装修简简单单, 但系几舒服, 墙上面仲有猫咪壁画, 好可爱丫服务方面好好㖞, 店员会主动讲解辣度, 有啲菜可以拣唔辣／少辣, 非常细心~~食物款式好丰富, 有好多特色马来西亚菜鲜牛油咖央多士 $38多士烘得香脆, 外皮金黄, 入面搽满厚厚嘅咖央酱~食落外脆内软, 咖央甜中带少少椰香, 配埋牛油嘅咸香真系perfect match水鱿蕹菜 $58蕹菜爽口唔会腍, 水鱿片切得厚薄适中, 咬起嚟烟韧弹牙叁巴辣椒酱带微辣又唔呛喉, 味道浓但食得出菜香~细渗 $88肉骨茶一上枱个瓦煲仲冒烟~ 汤底呈深啡色, 有阵阵中药香同胡椒香飘出嚟~~饮一啖, 首先系浓浓蒜香扑鼻, 之后系胡椒辣味慢慢渗出, 最后带少少草根药材香同回甘味道浓郁但唔苦, 饮落暖笠笠~~~食材配料好丰富, 有猪腩肉, 猪肚, 炸豆卜, 鸡脚, 金菇等等...全部都吸收晒肉骨菜既精华, 超正丫!!芽菜鸡（例牌） $88马来风味嘅切鸡~~ 鸡肉滑到出油光, 皮厚带一层啫喱感, 鸡肉入味嫩滑!!芽菜够粗身、爽脆又唔会带生青味~个豉油底调得香甜, 淋喺鸡肉上面一齐食真系一流黄金酱虎虾 $168呢味真心正~~ 邪恶但好好食!! 绝对系必食之选~~虎虾只只都好大只, 啖啖肉, 爽口弹牙炸得香脆嘅虾壳微微焦香, 配上咸蛋黄酱, 咸香惹味特色拉茶 $22茶味香浓、奶味顺滑, 甜度唔会死甜, 比例好平衡, 饮落滑到不得了美禄恐龙 $30上面铺咗超厚美禄粉, 一汤匙都足够带返童年回忆!!底下系冻美禄, 味道香浓、甜度啱啱好…查看更多

舖头面积颇细，但系装修都明亮企理干净。芽菜鸡 呢个劲普通。冇加钱转鸡髀，结果系俾咗一大碟好大旧嘅鸡胸肉。件件都大大嚿又好鞋口。个汁又只系普通豉油汁，冇咩特别。唔推介。:) 配净猪油捞饭食到明显又香嘅猪油味，但系又唔会觉得好油腻。舖头阿姐介绍加少少黑豉油，加咗之后令到个饭增添咗一啲甜味嘅层次，好味。不过饭本身整得比较软身唔系粒粒分明𠮶种。:)手抓薄饼 薄饼都几松软酥香。系符合预期嘅手抓饼𠮶种质感同味道。:)细渗 可以有无限添加嘅肉骨茶汁。肉骨茶嘅汤汁饮第一啖就会觉得药材味颇重，系颇浓嘅酱油味同当归味果种。当然饮得多慢慢就会觉得有啲咸，但系本身攞嚟送肉食就觉得味道充足。细渗有唔同嘅材料，除咗排骨，仲有猪手、鸡脚，豆腐卜等等，一次过可以食唔同嘅材料，觉得都几好。姐姐牛丸牛丸系自家制手打嘅风味，口感比较粗同埋多粒粒嘅口感，牛肉味可以。比较欣赏佢嘅牛骨汤，佢系清汤汤底，再加比较浓郁充足嘅牛骨髓味道，而且冇咩味精汤嘅感觉，满意。另外汤里面仲有粉丝。👌🏼鲜牛油咖央多士多士都焗得松脆，咖央酱味道都香甜。不过对比起传统马来西亚食到𠮶种，呢度嘅多士就系平时港式嘅口感，唔算非常好薄脆𠮶种。美禄恐龙 …查看更多

呢日忽然好想食马来西亚菜，嚟咗大围呢间餐厅，店员叫我哋去楼上坐，环境会比较阔落😙大渗食马来西亚菜一定要食肉骨茶，呢间嘅肉骨茶好正宗，仲有得免费加添肉骨茶嘅汤😙 呢煲肉骨茶入面乜嘢都有，啱晒选择困难症嘅我😍 三层肉、猪肚、鸡脚、猪手仔、一字骨、豆卜、金菇同埋响铃，豆卜同埋响铃索晒肉骨茶嘅汤真系超正🤩砂煲香爆银针粉呢个银针粉好有镬气，用个砂煲上劲有仪式感🤣 每条银针粉都比酱汁包裹住，仲有肉碎、炸猪油、流心蛋同埋紫洋葱等等嘅配料，份量都几多㗎，同朋友share就啱啱好😉鲜牛油咖央多士劲推介呢份咖央多士，入面嘅馅料同多士嘅比例啱啱好，加埋有鲜牛油喺入面，虽然有啲邪恶，但系每啖都系幸福感👍🏻串烧沙嗲可以拣猪、牛或者鸡，我哋就每样嗌咗两串，沙嗲嘅花生味劲香浓，鸡肉串烧非常嫩滑🐥特色拉茶马来西亚最出名嘅饮品一定系拉茶，呢度嘅拉茶甜度适中，唔想饮咁甜嘅朋友仲可以拣少甜。美禄恐龙上面有美禄粉、蜜糖星星同可可脆片🦖大人细路都会钟意 。餐厅嘅墙上有好多可爱嘅壁画，特别钟意𠮶幅猫嘅画，画得细致，我都有同佢打埋卡先走啊😍…查看更多

佰古嗲 大围积存街14号地舖今日经过大围见到有间马拉菜叫「佰古嗲」系我钟意菜式，主打肉骨茶颇多人试，一于入去试下😊，餐厅分上下两层，墙壁人手画可爱嘅猫仔狗仔😍。 🧈鲜牛油咖央多士【$38】我觉得呢个多士系必试，口感松脆，好香牛油同咖央酱味，要趁热食味道一流 🥣细渗肉骨茶【$88】🔆（重点肉骨茶可以无限追加）🔆店舖主打必食💠有成10款肉骨茶任你选择，药材汤底加入当归枸杞肉桂。 唔好以为细细兜，确实非常之足料👍🏻，材料有五花腩、猪肚、猪手、鸡脚、豆卜、金菇等等，样样食材都上晒色入晒味，汤头充满浓浓药材香气！💯♨️ 🍤黄金酱虎虾【$168】虎虾份量超多爽口弹牙，而且开咗边好入味，个黄金酱以咸蛋黄、牛油和忌廉混合，咸香惹味。 🍜招牌福建虾汤面【$86】赤红色的虾汤底味道香浓不辣，大虾新鲜弹牙，配上油面、鱼片、鸡蛋同猪腩肉等配料，好丰富。 ☕️马来西亚特色拉茶奶茶 热【$18】即叫即拉用炼奶，茶香够滑💯，茶味香浓。🧉桔仔话梅水 冻【$30】好解喝，好好饮唔太酸，醒胃之选。😋…查看更多