低調高手

【湾仔区】【低调高手】好耐之前食过筲箕湾名物低调高手鸡蛋仔，觉得都系一般，唔值得排咁耐队。始终大家都要理解我嘅情况，我本人家住沙田第一城，搭车去筲箕湾可谓迢长路远，真系唔容易成日去。另外，沙田第一城本身已经有非常杰出嘅鸡蛋仔屹立多年，根本无需外求。不过，近年呢间低调高手好似愈来愈受欢迎，更加「高调咗」咁同唔同嘅商户合作。例如今次讲呢间，系开喺铜锣湾营多超市里面，咁啱喺我公司附近，就贪方便食咗几次。第一次同同事一齐买，见佢啲鸡蛋仔有唔同味道，好似妈咪鸡蛋仔咁，都几吸引㖞。我食 $38 嘅「黄金鸡蛋仔」，系有咸蛋黄嘅，同事食 $40 嘅「朱粒鸡蛋仔」，系有朱古力粒同榛子粒。两只都几特别，同本身个味都夹。之后亦都分别食咗各 $28 嘅「鸡蛋仔」同埋「格仔饼」少糖，都唔错，不过我都系中意屋企楼下𠮶间多啲，情意结吧。。。（地址：铜锣湾信德街1-7号美兰阁地下A号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am湾仔区 #铜锣湾 #天后 #低调高手 #黄金鸡蛋仔 #朱粒鸡蛋仔 #鸡蛋仔 #格仔饼 #1am1810 #1ambackup…查看更多

呢间鸡蛋仔已经想食好耐🥹，奈何本店喺筲箕湾太远就一路无试。朋友讲起先知原来有铜锣湾分店，所以一齐黎试😚分店虽然喺铜锣湾，不过唔系最中心位，系近中央图书馆同圣保禄医院中间，位于印尼超市「营多」入边(柏丽酒店对面)，所以可以凉住冷气食呢样几加分🌬放工时间谂住无人所以无打电话叫定。虽然去到前面都有人，不过都唔使等好耐，约5~10min就有得食。拎完可以喺两张枱既立食位到食埋先走🤣🔅原味格仔饼 ($28)店员好贴心问使唔使切半，方便食🥰。格仔饼望落唔脆仲惊惊地中伏😂，不过一拎到上手就feel到好脆！食落唔会好甜比例啱啱好🥰💮🔅朱粒鸡蛋仔 ($42)鸡蛋仔够脆唔会太空心，蛋味几香。蛋浆系原味，纯粹加左朱古力粒同榛子粒，所以食落朱古力味唔算超浓，但甜度啱啱好😋，系价钱略嫌贵左少少…查看更多

第一次去铜锣湾呢间分店，原来系喺印尼舖头入面，有啲搞笑，之前筲箕湾食嘅话最少等半个钟，呢度等5分钟就得 。原味鸡蛋仔：外脆，但里面软嘅部份比较少，因为空心嘅部份多啲，整体嚟讲都好食，但我依然觉得筲箕湾𠮶间系最好食 。铜锣湾呢间，食一次就可以 。…查看更多

好耐冇食过鸡蛋仔，同朋友行开铜锣湾，经过呢间喺中央图书馆隔离嘅呢间鸡蛋仔舖， 上openrice都见佢有好多正评，就同朋友嗌咗个鸡蛋仔加原味既格仔饼，夹埋56蚊， 见佢个menu仲有其他味，但我地就叫咗个原味嚟试下。因为佢系即叫即整嘅关系，等咗大约十分钟， 个格仔饼都系新鲜热嘅仲系脆， 而个鸡蛋仔呢就好似张相影出黎咁，大概有一半左右填满，而另外上面呢就系薄薄一层，因为食既时候仲系热，所以系脆同埋好香蛋香味，整体味道都系正常，同一般出面食𠮶啲冇太大分别，但系唯一一样就系觉得个格仔饼啲酱太多， 食咗两啖觉得有啲漏。😕…查看更多

喺筲箕湾屹立多年嘅《低调高手大街小食》主打鸡蛋仔及格仔饼今次去左隐藏喺营多入面嘅铜锣湾分店人流唔多，等左5分钟就有得食！❛ 原味鸡蛋仔 ($28)荣登我嘅全港Top 3鸡蛋仔！外层酥脆，里面半空心半蛋糕状 比例恰好，口感松软蛋香味几浓，甜度适中唔腻，隔左一阵都仲脆虽然唔平但真系几出色，值得一试！—𝙧𝙚𝙫𝙞𝙨𝙞𝙩? yes𝙤𝙫𝙚𝙧𝙖𝙡𝙡: 8/10—📍 低调高手 Master Low-key铜锣湾信德街1-7号美兰阁地下A号舖…查看更多