仿膳

㖊日（29-11-2025 Sat）晏昼，同老公回收完物资后，嚟呢喥食晏，佢喺我以为只有酸辣汤但有银针粉嘅呢间买咗$65.00嘅公司米线，要清鸡汤银针粉，饮热菊花蜜。等咗一阵就有齐，睇见每样食材多数得一件，有墨鱼丸，白鱼蛋，贡丸，墨鱼条，五花腩片，白萝卜，鸡中翼各一，豆卜几件，丸类同墨鱼条呢啲来货味道同口感都正常，豆卜唔够腍同唔入味，白萝卜清甜冇渣，但又系唔入味，鸡中翼应该系卤水鸡翼（？）呢个好啲啲，因为唔系唔入味，面系唔够味，五花腩片普通正常，银针粉口感正常冇问题，清鸡汤味道都唔太浓。2.66分热菊花蜜就够味同几好饮。4分抵食系2.7分…查看更多

乐悠居Food Court 系我既饭堂！呢度有唔少隐世高手经营既小店，仿膳系其中一间。推介蚬肉米线，有廿几粒蚬，粒粒饱满，汤底系花胶鸡汤，唔口干，好味到汤都饮埋。呢个要加入荃湾必食米线之一！另外仲有各种鸡饭，猪手饭，好足料！推介大家来！…查看更多

以前住附近成日食仿膳既鱼翅捞饭，搬走左之后都不时返黎食，一直以黎店舖员工都好友善同好有礼貌。但最近搞婚礼，本来想揾返仿膳订翅，就问佢地报价，讲一忽唔讲一忽，佢都未报价就叫我地比订先，果$5000都唔知系报价定系订金。 我地问点样送货，就咁一句「叫车」就算，喂你叫车都要讲清楚你系用顺丰定其他公司、运费系店家预付定我地到付、有无附加运费、预计系当天朝早送定有其他时间送货（我之前系电话上已经讲晒我地晏会资讯）等等架。我地资询紧场地比唔比我地系外面订鱼翅（有附图，我地真系问紧），等紧答覆，迟左几日覆佢就开始催，又+又？咁样。然后过几日晨早8点几就send个反白眼🙄emoji，一瞓醒起身见到呢个emoji真系黑人问号？？ 唔知有咩得罪佢，然后佢仲话我呃人，我由始至终都无confirm过要落单，净系问佢攞报价。总之，我地以后都唔会再帮衬。…查看更多

普通午餐，叫个2𩠌线食一攞餐，就觉得怪怪地。碗米线水汪汪一边， 平时食米线，都会见到的𩠌系面。返到位，用筷子夹下，数一数5块又薄又细 腩肉 + 3 块 细短 牛栢叶仲少过$35蚊车仔面无下次…查看更多

叫咗外卖，「鲜鸡姬松茸牛肝菌米线」同「白蚬米线」：前者嘅米线冇乜特别，特别在佢个汤底，味道系浓郁嘅菇菌味，捞底见到满满嘅汤渣，除咗上面两种菇菌仲有虫草花，好足料，几乎抢咗主角鲜鸡嘅风头，一向食开嘅舖头用嘅鸡九成九都系厚皮有层肥膏，呢次嘅鸡肉质尚算嫩，最紧要系皮薄、冇肥膏，呢点一定要赞！至于后者，配咗米粉，冇特别，白蚬非常新鲜，只只都有肉同饱满，数一数竟然有成25只，啖汤除咗有蚬味，捞底见到有金华火腿，好有诚意！以晚餐动辄要六十几七十蚊嚟讲，相类价位下，呢间嘅出品真系性价比高，值得推介！…查看更多