今晚打邊爐

同台灣朋友慶祝生日，book咗間港味特色火鍋店，門牌打卡位集於一身既老香港懷舊風格打邊爐之如又可集郵，晚市更要訂位，平日未夠7點包箱及大廳已座無虛席！加上服務親切更讓人讚讚～店內特色一人火鍋，揀咗個靚靚雞煲和滋補湯底配埋自己喜愛食材一流，食物方面嚴選牛肉和生猛海鮮一定走唔甩，皆因老闆喺海鮮批發商前菜花生｜自家製蘿蔔和話梅爽口到胃牛魔王拼盤(牛腩心、吊龍、牛頸脊、五花展)選用秦川牛優良的黃牛，仲要閹過所以冇激素食得放心，紋路油花美細嫩多汁活海蝦$168/6隻，棟喺盤中生猛大隻，烚完之後蝦身又膏又爽彈匠心湯底及雞煲共11款size大/小可選擇＂宇宙雞煲＂香料十足唔算會好辣，食完滑嫩雞件，加埋配料火鍋水晶粉惹味另一鍋＂松茸花膠雞湯＂滋補養顏重膠原，花膠睇落仲好有成意，湯頭濃郁唔各有味精打邊爐暖胃又暖心；配料新鮮雜菜籃子，彩色絢斕Sake Cup｜雙色檸檬茶｜可樂店家推介柚子口味清新人意甜品黑、白雪糕～朱古力同雲呢拿口味…查看更多

今晚同朋友專登去咗尖沙咀呢間新開嘅「今晚打邊爐」，未入門口已經俾佢嘅霓虹燈招牌吸引住！成間店充滿港式懷舊風，最特別係所有餐具都印住「今晚打老虎」logo，連紙巾同碗碟都係統一設計，真係好用心～最驚喜係老闆做開海鮮批發，啲海鮮新鮮到令人驚嘆，仲要送$300現金券，絕對會再encore！🦞 精選雙人海鮮盤 ($488)｜鮮度爆燈！個海鮮盤豐富到睇到嘩一聲：· 大海蝦：上枱時仲郁下郁下，淥熟後蝦殼一剥就離，蝦肉爽甜彈牙，仲有滿滿蝦膏· 南非鮑魚：切片上碟，厚度均勻，淥1分鐘就食得，口感軟嫩帶嚼勁，鮮味濃郁· 蟶子王：長過手指又肥美，完全冇沙，咬落鮮甜多汁· 北寄貝：貝肉飽滿，淥10秒就捲起，口感似食緊鮮甜象拔蚌· 琵琶蝦：外形似龍蝦但肉質更細膩，用筷子一挑就成條肉起出· 即開生蠔：即叫即開，蠔肉肥美creamy，海水味濃郁呢度仲有攻略教每款海鮮嘅最佳淥煮時間，確保食到最完美狀態！🍲 一人一鍋湯底｜真材實料· 松茸花膠湯 ($68)：湯滾時已經聞到濃郁香氣，裏面有成隻兩指闊大花膠，仲有幾隻大松茸同紅棗。打邊爐前飲碗原湯，鮮甜到黏嘴唇，煲到最尾花膠就嚟融化喺湯裏，精華盡出！· 麻辣鍋 ($46)：用多種香料炒製，辣度溫和帶麻香，唔會蓋過海鮮鮮味，愈煲愈香濃🍢 特色小食｜即叫即製· 椒鹽鮮魷 ($118)：炸粉薄如蟬翼，魷魚圈爽脆彈牙，灑滿椒鹽同炸蒜，香口到停唔到口· 汁撈花甲 ($138)：花甲每隻都開殼，浸喺秘製蒜蓉醬汁裏，鮮味帶微辣，真係好開胃· 陳皮牛肉丸 ($48)：手打牛肉丸加入陳皮絲，咬落彈牙，陳皮香解膩又提鮮🍗 其他配料｜質素驚喜· 去骨雞肉片 ($58)：切得薄透，淥30秒就熟，肉質滑溜似雞髀肉· 皇帝菜 ($38)：翠綠新鮮，索盡湯汁後菜甜湯鮮· 稻庭烏冬 ($38)：最後先落！烏冬吸晒海鮮同花膠湯精華，滑溜又掛湯，完美收官🍻 飲品｜清爽配搭· Orion啤酒 ($52)：冰凍順喉，氣泡細緻，完美中和海鮮嘅濃味· 雙色檸檬茶 ($38)：用青檸同黃檸雙重酸甜，清新解膩🌟 特別加分位▪️ 環境：霓虹燈+懷舊港風裝修，每個角落都係打卡位▪️ 服務：店員主動換碟加湯，仲送$300現金券（3張$100）▪️ 細心位：廁所備有漱口水同橡筋，方便食完濃味整理儀容今餐由頭鮮到尾，海新鮮度無得輸，湯底真材實料，加上懷舊主題同細心服務，絕對係會encore之選！推薦俾鍾意食海鮮同埋想體驗港式風情嘅朋友～…查看更多

同朋友約左食晚飯，朋友話「今晚打邊爐」。問餐廳名，佢話咪「今晚打邊爐」囉！餐廳環境裝修成港式、海鮮又平又靚，細問才知道原來餐廳老闆是做海鮮批發，怪不得海鮮那麼新鮮了。和朋友各自嗌了海鮮火鍋單人餐套餐。套餐有八款時令海鮮。套餐包含下列菜品：獨家湯底（九揀一）、手打丸類*二款、田園沙律、手工餃子*二款、美國牛肩胛、蔬菜拼盤和精選粉麵。先上兩小碟前菜：花生🥜和「話莓蒜片白蘿蔔漬」。另和朋友各一小碗蟹凍，落了豉油更提鮮！😍先選湯底：朋友嗌了「五指毛桃椰子鍋」：我嗌了「姬松茸花膠濃湯鍋」。最鍾意佢一人一鍋👍🏻。手工餃子：酸菜豬肉餃和韭菜餃。我尤其愛吃韭菜餃。皮薄餡料多唔錯👍🏻。另嗌了兩款小食：❤️椒鹽鮮魷點喼汁同吃酸酸的十分開胃🤤。❤️酥炸蜆蚧鯪魚球炸得香脆！口感彈牙😋。❤️另外再嗌左碟：手切騸牯牛•腩心。牛肉切得薄身易咬，和套餐包的美國牛肩胛一樣牛味香濃～🥰精選粉麵揀左：烏冬和朋友一人一杯雙色檸檬茶。打完邊爐飲杯檸檬茶消消滯不錯👍🏻！…查看更多

相約友人吃火鍋，他帶我到樓上火鍋店，門口已經充滿玩味，有不少霓虹燈牌，還有酒樓傳統的紅底金字，懷舊的港式風情宇宙雞煲$168松茸花膠濃湯 $68雞煲醬汁香味濃郁，雞肉嫩滑，不愧是宇宙雞煲；花膠濃湯有大塊原條花膠，有驚喜牛魔王拼盤 $468每款牛肉都想試，拼盤一次過滿足願望，店員介紹是鮮切騸牯牛，油花豐富，肉質滑嫩鮮甜，牛魔王必試西班牙黑豚梅肉片 $108油花豐富均勻，豬肉味香濃，吃得出的高質食材韭菜餃 $56/4隻脆炸響鈴 $58必食韭菜餃，餡料飽滿，韭菜新鮮；響鈴即炸口感酥脆，吸飽湯汁Orion $52日本啤酒冰涼清爽，泡沫幼滑，吃火鍋配啤酒特別合拍店員介紹，老闆是做海鮮批發，新鮮高質，下次來試試…查看更多

今日同老公去尖沙咀食“今晚打邊爐”，真係好有驚喜！餐廳門口有個打卡霓虹燈位置好靚，入到去就已經有種懷舊感。裡面裝修得好像以前酒樓，牆上竟然仲有兩隻老虎，好有意思！我同老公每人一個爐，湯底方面我揀咗姬松茸花膠濃湯，老公就試咗鹹牛乳毋底粥底，味道都幾特別。餐廳推出嘅二人海鮮餐份量十足，琵琶蝦、蟶子、鮑魚一應俱全，每樣都好新鮮，口感超讚！而且聽講佢哋嘅海鮮係每日由東興海鮮批發供應，難怪平靚正又好食又新鮮啦！湯底一送出來，已經聞到味道好香濃郁，我忍唔住先試飲左一啖，隻花膠大得驚人。而老公的湯底就係有濃濃牛乳香味，加上佢鍾意嗰種獨特的口感，表示下次一定要再來。除咗海鮮拼盤我地仲叫咗手打蝦丸同埋騸牯吊龍伴，美國牛肩胛。蝦丸口感真係好實在，全部都係蝦肉，味道好正，牛肉肉味濃厚。老公對佢嘅湯底一直讚口不絕，真係好難得！職員服務態度幾好，有問必答。我仲問佢哋點解海鮮咁新鮮，佢就話因為每日都由東興海鮮供應。佢哋仲有私房菜可以預訂，搞到我好期待想即刻拉埋屋企人組隊黎試。而家佢哋即將喺灣仔開新分店，新分店係小菜形式真係好期待！總結嚟講，“今晚打邊爐”真係非常推薦，加上環境好、有心思的服務，食物也好味，下次一定要再來！#香港美食 #尖沙咀好去處 #今晚打邊爐 #東興海鮮 #港式環境 #海鮮又平又靚 今晚打邊爐 (尖沙咀)尖沙咀金馬倫道23號金馬倫廣場2樓A號舖…查看更多

尖沙咀新開嘅火鍋店 招牌勁搶眼 要打個靚卡先！餐廳老闆本身做開海鮮批發 所以一定新鮮有質素 海鮮餐價錢唔貴 3百幾蚊就可以食足8款海鮮喇鍾意食海鮮嚟呢度打邊爐都係個唔錯嘅選擇但今晚同牛魔王朋友想試下一樣高質嘅騸牯牛先呢度可以一人一鍋 連雞煲都有一人份雞煲辣辣地好惹味 一人份大概有4分1隻雞啦要推介松茸花膠濃湯 花膠大隻過我手掌又夠厚肉湯底勁鮮甜 飲番碗湯再打邊爐真係好正一定要叫手切牛魔王拼盤 騸牯牛日日新鮮到貨可以食到腩心 吊龍伴 牛頸脊 五花趾 呢碟牛💯吊龍伴最啱我 肉味濃油份又重 食落又香又鮮甜五花趾夠爽脆 腩心快煮5秒都好正 肉味最濃自家製水餃同手打五寶丸都咁出色 真材實料雜菜籃份量多 打風啲菜咁貴都咁大份真係夠誠意椒鹽粟米好香好惹味 粟米超甜！飲番杯雙檸檸檬茶 大大杯茶底夠晒濃 解辣一流餐廳仲有包房 下次約埋朋友去邊唱K邊打邊爐！…查看更多

一直都好鍾意打邊爐，但係未必每一間火鍋餐廳多數位置都唔係好好坐，因為諗住揀一間環境好餐廳坐得舒服傾計，就黎試吓呢間。一去到就見到呢度有好靚嘅霓虹燈，可以影相打卡，而且呢度嘅環境都好好好坐，所有位置都好闊落，推薦大家嚟試下。我哋就叫咗個麻辣雞煲，食落唔會太辣，好開胃。我自己最推薦嘅，就係呢個手切牛肉。厚薄程度啱啱好而且非常新鮮，牛味都好濃郁，非常適合打邊爐。一人一鍋好方便衛生，如果想試唔同湯底，又可以同朋友share，湯底呀雞煲呀價錢唔太貴，亦都好適合大家黎打卡。同埋員工服務態度都好好，好有禮貌。…查看更多

一直都好鍾意打邊爐，但係每一間火鍋餐廳多數位置都唔係好好坐，因為同女仔大學同學敘舊，諗住揀一間環境又好，而且食物又好嘅餐廳，朋友介紹呢間，黎試吓啦。一去到就見到呢度好靚嘅霓虹燈，所有女仔朋友都好開心咁影相，而且呢度嘅環境都好好好坐，所有位置都好闊落，非常推薦大家嚟試下。首先，我哋就叫咗個麻辣雞煲，估唔到份量咁大，而且雞肉非常嫩滑，食落唔會太辣，但係好夠麻，而且好開胃。我自己最推薦嘅，就係呢個手切牛肉。厚薄程度啱啱好而且非常新鮮，牛味都好濃郁，非常適合打邊爐。炸饅頭都十分抵讚，好少地方有得食呢個炸饅頭，但係佢外脆內嫩，完全唔使點煉奶都好好食。凍檸茶本身係我最鍾意嘅飲品，呢度嘅茶底好濃郁，而且檸檬啱啱好，非常開胃，越飲越想食。呢間火鍋餐廳除咗價錢平之外，亦都好適合打卡，非常推薦點解黎試吓。…查看更多

係尖沙咁發現到一間好有港式元素嘅打邊爐店，最平$2xx就可以食到新鮮生猛嘅海鮮套餐，性價比簡直係拉滿啊！今次就叫左💰2️⃣6️⃣8️⃣ 六款海鮮套餐所有套餐都會包含獨家靚湯底（五揀一）手工餃類、二款丸類、三文魚刺身3片、時令蔬菜、嚴選手切靚牛肉、包含醬料費 / 茶介等等鍋底揀左花膠濃湯魚翅鍋🥘，鮮味十足，花膠同手掌一樣大🖐🏻，啱曬女仔骨膠原補充三文魚刺身🐟，超厚切，勁肥美😝嚴選手切靚牛肉🥩，雪花紋靚，肥瘦均勻，牛肉味超重主角海鮮拼盤🦀，琵琶蝦蝦肉鮮甜又爽口彈牙，蟶子超大隻，海蟹多膏多肉，拼盤份量十足過足口癮…查看更多

之前喺社交平台睇五月份新開 到所以嚟試下 首先店員介紹咗韓國生蠔👍🏻 $48/隻 超大隻 好抵食！！！ 然後火鍋湯底我揀咗貴州紅酸湯 朋友揀咗花膠湯 😋 因為朋友喜歡食牛 所以多點咗個牛肉蛋糕 係由安格斯牛小排做嘅蛋糕造型 Haha 仲有HB 牌但係我哋生日有排 但打卡都好靚 🤩 地點方便 食物都好新鮮 店完得好有禮貌 下次我會嚟試過海鮮套餐 🙆🏻‍♀️…查看更多

首先煲底好正，粥底喺香港真係唔常見，煮出嚟嘅海鮮好嫩，啲蝦仲要剝埋殼，勁彈牙，鍾意食海鮮真係可以試吓😂😂，小食都好多唔同花樣，btw炸饅頭同乳鴿upupup😋🙌🙌🙌🙌，啲嘢飲都好fresh，自製特飲好正，加埋環境都好乾淨舒服，設計都好靚，對於鍾意打卡嘅女仔真係好友好，簡直係平時出街嘅落腳勝地…查看更多

今晚來到（尖沙咀）一間火鍋店今晚打邊爐個名都幾搞笑，今晚打老虎等於法國人（你好嗎）how do you do食呀，開心又一晚，好玩又一晚首先服務好好啦，伙計笑容😊好好，有求必應，加拿大象拔蚌，厚切，非常之好食，之後叫佐海鮮套餐，呢個幾好喔，包湯底，包茶介，同埋騸牯牛肉，真心夠食，不過小食又叫佐，撈汁花甲，原隻炸豬手，夠曬Hyper，最後食雪糕時見到隔離檯食奄仔蟹，好肥啊，下次一定要試下，又有房，唔錯，再來試過！…查看更多

一間食小食食飽人，不是打邊爐食飽人的火鍋店，都幾離譜！不過要讚啲小食好吃😋！我7:00到已經不停食小食，食到我叫侍應唔好再出，出D正常野好嗎⋯⋯去到7:45出刺身，份糧少到離晒譜，三文魚只是每人一件，到8:00幾先出第一蝶牛，但只係食到一件，海鮮仲慘，款款得6-8件，蟹估計只得兩隻碎上，但我地係12人枱喎⋯⋯我有一刻諗，係咪放錯枱，三文魚真係人頭但得一件，一碟雜丸，跟住肚餓都頂唔順，問侍應可唔可以再出牛，最後都要去到90分鐘後先有第二蝶牛，成晚只見三次牛，這叫打邊爐嗎？$600/人頭食都要咁樣配給，我寧願搵間散叫，都唔寧願食小食食飽！都唔知食咗D乜嘢😵‍💫😵‍💫😵‍💫…查看更多

見社交平台有廣告就試試佢新開嘅鋪頭，有懷舊裝修， 可以打咭安排有房座職員又nice 年青， 滿滿嘅活力食物方面 海鮮勁新鮮 上枱時不自覺地發出 *嘩嘩聲*前菜三文魚又肥美湯底好味另外叫咗三杯飲品， 都唔係hea架 , 檸檬茶又好飲同朋友坐坐足3個半鐘超滿足…查看更多

呢間餐廳係 即使同朋友聚會 都可以自己一個鍋打邊爐👍首先，我哋揀咗五set套餐大家share ，以呢個價錢 食到#高質嘅海鮮 ，有#蟹，#琵琶蝦，#北寄貝，#鮑魚，#蜆，#蠔，#帶子，#象拔蚌，#螺，仲有#蟶子，係物超所值嘅！之後包左肉丫 丸丫 菜丫特別琵琶蝦，好鮮甜; 北寄貝，好彈牙個湯底都好足料 有嚿大花膠 兩個 松茸，呢個湯好夠膠🥰之後仲有火焰#奄仔蟹，啲膏爆到呢，好甘甘甜甜，超級正~~同個海膽 好#鮮甜#creamy 爭啲都唔記得咗個炸魚皮 佢浸落個湯嘅時候 會有Bibi 卜卜的聲😋丫~~~~同埋個咕嚕肉我好鍾意佢外脆內軟嘅感覺 一咬落去 碎左嘅聲音 然後個肉 仲係好Juicy仲有一個口水西瓜蜆 辣辣地甜甜地幾開胃BTW 佢地嘅夥計制服吸引到我嘅目光…查看更多