影片
营业时间
今日营业
18:00 - 23:30
星期一至日
18:00 - 23:30
以上资料只供参考，请与餐厅确认详情
星期六晚最好就系同朋友食下野倾下偈，黎到尖沙咀K11附近嘅串烧店试下，晚上真系好full，一定要订位，同埋有户外位，坐一晚都几舒服呢度串烧款式都几多，原来我哋2个人都叫左21样食物😮😮真系睇到menu样样都想食🥟小食类蟹粉日式豆腐 : 初头以为系冻豆腐加啲蟹粉，原来系炸豆腐加大量蟹粉，份量好多，蟹粉好滑好香墨鱼滑紫菜大虾: 呢个系想像唔到咩样，原来系紫菜包住墨鱼滑同你虾一齐炸，口感弹牙，海鲜新鲜，好特别嘅组合芝士年糕: 好特别地跟左练奶上枱，又咸又甜又几好食虾多士: 虾胶份量仲厚过块多士，炸起热辣辣系好食🍡肉肉串烧类盐烧西班牙五花腩味噌松阪猪豚肉秋葵卷盐烧鸡腿肉盐烧牛舌芯韩风烧牛肋肉盐烧和牛牛小排山椒鳗鱼汁烧白鳝以上我觉得样样都好高质，肉质新鲜，调味适中，上枱又热辣辣，其中牛肋肉，牛小排，豚肉秋葵卷，味噌松阪猪系几推介🍡甜甜串烧类蜜糖烧菠萝蜜糖烧粟米港式蜜糖多士夹住雪糕食完肉串就好想食甜野，菠萝多汁好甜蜜糖多士夹住旧大雪糕，多士烧得好脆，配埋雪糕好夹🍹饮品荔枝柠檬梳打可乐
继续阅读
原来「人生有限杯串烧店」喺尖沙咀都开咗分店，依间分店设有不同类型座位选择，包括有360度Bar枱座位、户外座位、室内座位，$10起一串串烧，依家嘅新Menu有更多创意小食。*此餐厅收取全单10%服务费。蟹粉日式豆腐（单点$68），日式扬出豆腐口感外酥脆内滑溜，蟹粉份量多，味道鲜甜，略嫌配以樱花虾食用之后，味道偏向咸鲜，稍微盖过蟹粉味道。焦糖菠萝鹅肝酱多士2件（单点$58），鹅肝酱口感香滑，略嫌肝味及油脂味道较淡，焦糖菠萝味道香甜，可以中和腻感，法包多士口感香脆，饭落带牛油香味。咖喱牛舌油炸鬼（单点$58），薄切牛舌口感软嫩，牛味浓厚，咖喱味道偏甜、辣味欠奉，油炸鬼即使放凉了，仍然食落脆卜卜。蒜蓉菜脯烧元贝2只（单点$48）。日式秘制汁炸鸡全翼（单点$38），表面铺有黑芝麻，鸡全翼即叫即炸，一咬即刻爆汁，略嫌腌肉酱汁味道偏咸。鳗鱼饭团（单点$38），鳗鱼肉质厚嫩，食落充满蒲烧酱汁味道，饭团口感脆口，偏向饭焦口感，另外，紫菜为独立包装，略嫌并未烧过，所以紫菜香味、脆度尚未完全带出。韩风烧牛肋肉（单点$28）。麻糬豚肉卷（两串$40）。盐烧鸡中翼（两串$40），鸡皮口感薄脆，鸡肉食落好Juicy，配以柠檬汁食用，味道清爽。盐烧鸡腿肉（两串$40），鸡皮食落带有焦香味道，鸡肉肉质厚身，食落啖啖肉。味噌松阪猪（两串$30），肉质爽弹，味噌味道甜咸，配以七味粉美乃滋食用，味道更佳。豚肉蒜枝卷（两串$30）。泰式墨鱼须（两串$20），表面铺有孜然粉，每一粒墨鱼须都好大粒，口感弹牙，食落带有鲜味，配以泰式海鲜酱食用，味道酸辣。盐烧西班牙五花腩（两串$20）。惹味烧鸡脚筋（两串$20），味道微辣，略嫌口感较韧、硬实。手打柠檬茶（单点$28），味道正宗，可以媲美连锁手打柠檬茶手摇店的出品。百香果柠檬茶（单点$28），内有大量百香果、青柠，味道酸甜。
继续阅读
「人生有限杯.串烧店」位于尖沙咀赫德道新分店，地方更大更宽敞，而且设有吧枱可以睇住师傅做串烧，而且仲有新登场Menu，$10 / $ 15 / $ 20区串烧当然唔可以错过，呢度两个人饮杯啤酒食吓串烧，或者一大班人聚会都咁适合👍呢三个区真系超抵食，一定会拣到你心头好，整体串烧非常有水准，尤其是鸡类，烧得外焦内里Juicy，最推荐鸡腿、鸡尾和鸡皮都系水准之作，另外鸡肝加上黑松露酱味道更加浓郁，小青椒和粟米十蚊鸡更是抵食▪️$ 10 区 ｜樟树小青椒、蜜糖牛油栗米▪️$ 15 区｜ 鸡肝、荔枝豚肉卷▪️$ 20 区｜鸡腿、鸡中翼、鸡皮、鸡尾▪️免治鸡肉棒 $ 28而家手打鸡肉棒，口感爽脆仍然食到粒粒鸡软骨肉，沾上烧汁和蛋黄，超好食👍▪️焦糖菠萝鹅肝酱多士 $ 58串烧以外嘅必点推介，鹅肝酱超级滑溜味道浓郁，配合焦糖菠萝和香脆多士，滋味无穷▪️蟹粉日式豆腐 $ 68全新菜单，豆腐炸煎外层香脆内里滑溜，淋上蟹粉酱和樱花虾干，蟹粉味道超级浓香，和炸豆腐一齐食，口感丰富▪️蒜蓉菜脯烧元贝 $48元贝蒸得刚刚好，配上蒜蓉菜谱和粉丝，香香辣辣好惹味▪️流心蛋薯仔沙律 $ 68传统日式薯仔沙律，介乎薯蓉和薯仔之间嘅口感，加上蟹籽、流心蛋和黑芝麻，非常好食▪️紫菜大虾墨鱼滑$ 68呢个小食超香口，用紫菜包住虾肉和墨鱼滑炸香，味道鲜香、口感弹牙，沾上明太子沙律酱更加惹味▪️SAPPORO 买一送一 $ 48食串烧就梗系饮啤酒，买一送一唔系唔饮呀嘛
继续阅读
要数呢期最旺嘅串烧店非佢莫属😚 系烧烤堂嘅质素但系再平啲㖞😝 留港消费 $10一串串烧 唔系用合成肉 要推荐🔥 烧海鲜有惊喜🩵❣️墨鱼滑大虾 $68Must try‼️ 好似其他地方冇食过 蟹肉弹牙炸得好脆 配埋个少少辣嘅mayo非常惹味🙂↕️❣️惹味烧鸡脚筋（微辣）$10❣️鸡肾$20❣️鸡腿$20❣️翠肉瓜@$10$10-20嘅串烧要嗌两串起✅ 好钟意鸡脚筋嘅口感好爽弹 配埋啲辣粉好似零食 超送酒🐥🦵🏻鸡肾好新鲜 里面仲系粉嫩🩷鸡腿好靓仔每台都有嗌 睇落系三黄鸡😋 开放式厨房睇到厨师好有心机烧到件件都皮脆肉嫩👍🏻❣️蒜蓉蛏子 $38@1❣️元贝 $48@2❣️白鳝 $48平时食串烧唔敢食海鲜惊太贵 但呢度可以放心试‼️ 蛏子元贝啖啖肉 好清甜啊救命😍 蒜蓉粉丝烧仲落咗啲辣菜脯更加惹味🌶️白鳝皮脆肉嫩又冇骨🐟❣️豚肉荔枝卷@$15我钟意食咸甜嘅配搭🤣 荔枝真系好新鲜好甜阿妈剥嘅咁🙂↕️ ❣️鹅肝多士$58同烧烤堂个款有啲唔同 呢度嘅鹅肝系冇煎过比较似多士配鹅肝酱🪿🍞 配上焦糖菠萝同醋可以中和腻感😚❣️白酒忌廉煮蚬 $68蚬肉都系胀卜卜冇沙好juicy💦 个酱汁真系好Creamy的🧈❣️免治鸡肉棒（配日本蛋） $28❣️盐烧牛舌芯 $28鸡肉棒每次食串烧都会食 呢度真系平靓正😗 睇住厨师整解开咗原来唔系来货嘅迷思🧐 ❣️手打柠檬茶 $28❣️百香果柠檬茶 $28仲平过街边饮 有香水柠檬嘅香气🍋🍋🟩 大大杯酸酸甜甜好饮‼️
继续阅读
同朋友食饭大家都想饮下酒食串烧就岩晒 一边串烧加啤酒 一边倾下计第一时间就谂起之前食过呢间人生有限杯大部份串烧每串其实都只系$18 $28 好抵食仲有最平$10 真心任你点叫食到饱饱都得 //蒜蓉烧生蚝(两只)//生蚝大只入口鲜甜爆多蒜蓉加上葱花同辣椒 味道一流 //牛油果卷//牛油果既新鲜甜配上猪肉既咸香上面仲铺咗蛋沙律同紫菜 口感好丰富 //牛小排//牛小排够香油脂丰富 //牛舌//牛舌牛味浓郁 肉质弹牙 //咖哩牛舌手抓饼//呢个好特别 可配油炸鬼或手抓饼我地选择左手抓饼 配手抓饼真系一流手抓饼入口外脆内软咖哩香浓微辣 食得过瘾牛舌味浓郁 口感软淋 //盐烧鸡中翼//鸡翼火喉控制得刚刚好烧至外皮金黄脆口但仍然Keep到鸡肉嫩滑锁住肉汁 //盐烧鸡皮//鸡皮烧得非常香脆 //盐烧赤鸡颈肉//盐烧鸡颈肉有咬口 //免治鸡肉棒//鸡肉及鸡软骨的比例恰到好处保留爽脆的鸡软骨口感沾满月见汁更惹味 //五花腩//五花腩层次分明 性价比高//猪肋肉//浓厚肉香 味道非常浓郁 一点都唔腻 //荔枝卷//荔枝同豚肉好夹荔枝味道清甜 中和左豚肉既油腻感//鳗鱼饭团//鳗鱼大件 饭焦好香有咬口 //蜜糖烧菠萝//烧菠萝鲜甜多汁加上蜜糖烧过可谓甜上加甜可以中和了食左甘多肉之后既饱腻感 //Sapporo Premium Draft生啤买一送一//买一送一呢件事真系会令人忘记价钱 愈饮愈多
继续阅读