影片
以上资料只供参考，请与餐厅确认详情
人和荳品厂呢个品牌已经好一段时间，亦都有唔同地方嘅分店，所以已经唔记得系第几次食嘞。🤗是夜有饭局但未够钟，所以饮杯嘢食一碟小食Hea吓时间咁。☺️多数都会嗌无糖豆浆，因为健康得嚟，豆味亦会比有糖豆浆嘅出啲。👍🏻而佢嘅鱼肉煎豆腐，亦一如既往咁煎得唔错，两面都系香香脆脆咁，唯一要讲嘅就系佢嘅鱼肉系薄到唔多觉嘅。🤭今次见到隔篱枱有「卤水豆腐豆卜」，望见又几好，咁下次食素日就可以嗌埋，因为鱼肉煎豆腐，虽然唔太感觉到个鱼肉，但食素日系唔可以食嘅，咁而家就可以改嗌呢一个。😉今次Hea食就知多一个选择😃
继续阅读
我本身是一个豆腐花爱好者。基本上素食就是以大豆为主，所以我的餐单有很多东西离不开以大豆制成的副制品，以增加蛋白质。而店内的豆腐花即叫即整，大豆还是隔夜泡浸过，感觉到石膏粉的比例不是太多。豆腐花犹如布丁的质地，用汤匙尝试过爽滑弹牙质感，入口却是即溶而不大一点苦涩味。
继续阅读
已经回访多次铜锣湾渣甸街的人和荳品厂，这家怀旧式港式豆品店主打新鲜自家制豆腐花、豆浆及各款经典小食。店面以简约实在装潢为主，换上新装后环境光猛整洁，设有堂食及外卖，非常适合随心坐低品尝一碗顺滑豆品或街头小食。我的最爱：鱼肉煎豆腐 - 最出名之一，外层煎得微脆，鱼肉够鲜甜，豆腐入口软滑。建议加豉油或豆瓣酱，咸辣香气带出豆香，每件大大块，饱口又足料豆浆（无糖） - 黄豆新鲜打磨，豆香自然，无糖款特别适合注重健康的豆品迷。豆浆每日新鲜制作，口感幼滑，入口豆味突出豉油皇炒面 - 热辣上枱，份量大，色泽诱人。炒面带镬气，配以自家制混酱（甜豉油、辣酱、甜酱），咸香惹味，是经典港式平民小食
继续阅读
行过铜锣湾又想平平哋食个午餐，即刻谂到人和荳品厂，平靓正快，而且舖头装修过，比之前坐得阔落。豉油王炒面 $24 豉油王炒面有椰菜花丝、豆卜丝同芽菜，食落好有口感之余又唔会太油。如果觉得冇味嘅话，可以加少少甜酱调味，个人觉得加甜酱会好食啲。热豆腐花 $16 食豆腐花一定要食热嘅，豆腐花好滑好有豆味，咁多年都系咁好食。佢本身已经配搭咗糖水，个人觉得已经好够味，唔需要再落黄糖，大推😋必试因为今日一个人嘅关系，所以食唔到太多，下次会想食吓鱼肉酿豆腐，都好似唔错😍
继续阅读
屹立铜锣湾多年嘅老字号豆品店，左舖搬右舖后，铺面宽敞阔落咗，而食物都大致上仍然保持到出品水准。煎豆腐系豆腐上面酿上一层鲮鱼肉，煎到金黄。无论豆腐同埋鱼肉两面，都煎到脆，加埋甜酱或者豆瓣酱，香口之选。卤水豆卜豆卜入面浸满卤水汁，入口时倾涌而出（小心爆汁）。每次嚟嘅必食之选。豆花豆花非常之滑，豆味还不错。 本身有糖水，稍稍加黄味调调味已好够甜。原味之外仲可以选各种其他味道，不过其实原味先系最食得到豆味嘅。留意豆花有冻同热，所谓热其实系室温，而咁样豆花先系最滑嘅。豆品之外，呢度嘅粥都系推介。
继续阅读