京阪屋 (已結業)

新公司在牛頭角附近，有日收工老公接我一齊晚飯，於是在周圍覓食。行下行下去到德寶商場，發現裏面有個小小food court，入面都有好多提供不同菜式嘅餐廳小店，見到最吸引嘅係有日式串燒嘅呢一間。細望menu，發現食物款式好多，而且價錢都非常之平民化，特別係每日供應嘅套餐，當中燒牛舌便當連紙包飲品及小食，只需要$48！真係非常之超值，於是試一試。由於食物即叫即做，所以都要等少少時間，但絕對值得！因為牛舌份量好多，而且非常厚身有口感，同時都好淋，配埋香料非常惹味！小食亦不馬虎，我們點了雞肉串，有齊三色椒同洋蔥，雞肉一啲都唔嚡，好好味！總括而言係喜出望外的用餐體驗，10分推介！…查看更多

依家Food court 真係越嚟越少.好多都轉左去俾大型嘅飲食集團經營.啲小店生存空間越來越少.而家小店盡心去經營嘅模式.真係難上更難.因此好多嘅抵食又美味食品.一路一路咁淘汰失傳.痛心欲絕！今日我嚟到九龍牛頭角得寶商場嘅food court 木馬工房找食.呢度有成十間小店.有齊中/日/韓嘅食物.任君選擇.希望大家嚟支持吓啲小店.呢道啲食物一啲都唔貴.全部一個Set 都係講緊$40元至$50元左近.已經包埋主餐/小食/飲品.今日介紹間日式小店（京阪屋）各位食家睇吓抵唔抵！…查看更多

今次係得寶商場嘅food court入面搵食，呢到有好多選擇，有各國地方嘅美食，行咗一圈，終於都揀咗食日式嘢嘅京阪屋嚟試一試，佢主打係串燒加便當。 最後我揀咗日式鰻魚炒飯+雞肉串+紙包飲品套餐，個價錢係$48，個飯真係見到佢地係即刻炒嘅，味道好好，同埋竟然真係有鑊氣，講真，依家普通嗌一個炒飯都好少食到係有鑊氣，佢個調味都好好，所以個炒飯真係好有驚喜！ 另外個雞肉串淨係睇樣都覺得係有心機燒嘅，味道方面無失望，串燒入面嘅配菜都燒得好食，以呢個價錢食到呢個味道，今餐好滿足。不過留意返佢嘅份量唔算多，但以一個午餐嚟講都夠食嘅，所以都十分推介！ …查看更多

已經買咗幾次外賣，寫返個食評先。我係用OpenRice 外賣自取落單，佢會等你到咗先裝熱辣辣嘅白飯比你，我覺得呢樣好貼心。我叫咗照燒雞扒便當，雞扒煎到皮脆，又唔會好鹹，份量都好足，面頭四件，下面仲有三件，食到好飽😋…查看更多

之前食開都係堂食 今日諗住買啲燒嘢外賣點知今日啲食物冇乜味之餘...個雞髀肉勁酸..我諗應該壞咗好耐 佢唔係調味個種酸 而係好似成舊肉用醋浸咗幾日幾夜入晒骨個種酸...唉 失望到極點…查看更多

九龍灣得寶商場food court 有間賣日式便當，價錢好似都幾唔錯，精選套餐仲會送串燒雞肉串黑椒薯仔牛柳粒便當牛柳粒有啲韌不過牛味都OK，薯仔幾淋，醬汁嘅調味偏向比較鹹，我個人比較鍾意食有少少甜嘅醬汁，黑椒味唔夠濃烈；附送嘅沙律菜撈埋咗黑椒汁好奇怪本身應該係送串燒雞肉串，不過賣晒所以轉左慢煮牛舌，不過感覺唔似牛舌似牛肉多啲，牛味香濃，肉質好嫩，醬汁醃得好入味，感覺仲好食過主菜。…查看更多

<京阪屋>😋 之前在淘大行完街，想去得寶商場望望有咩好食。買左個Lunch便當外賣試下，覺得可向大家介紹下。位置在Food Court，食物好味。🎈黑椒薯仔牛柳粒便當 💰48送雞肉串 and 飲品 仲有送既雞肉串係幾有誠意，有別於其他一般就咁得肉的串燒。串燒中間夾有雞肉粒，三色椒，洋蔥，味道不錯。 串燒不會燒得太乾，串入三色椒，令賣相加埋色彩牛柳配埋薯仔係perfect match，牛柳粒不會太韌。薯仔都不會過硬，加埋醬汁配飯👍…查看更多

前兩日去得寶商場買外賣午餐，見到喺美食廣場有間日式料理便當價錢幾吸引日式鰻魚炒飯（送雞肉串燒）我都知道鰻魚炒飯係用鰻魚粒或者鰻魚碎做，不過佢啲鰻魚真係好碎，仲要食到一半先搵到一兩粒鰻魚碎😅，其他配料洋蔥蛋粟米等等都比較吝嗇，感覺食緊醬油炒飯，而且醬汁炒得唔均勻。反而有驚喜係送嘅雞肉串燒，雞肉嫩滑，配埋洋蔥和三色椒等等嘅配料爽脆清甜，再加上七味粉好惹味照燒雞扒便當：雞扒燒得都算香脆，肉質比較乾，份量唔多，得四件左右，而且冇醬汁，便當只有沙律菜做配菜，比較單調。送咗兩包紙包飲品…查看更多

環境：初次嚟到木馬工房，諗住有個地方可以食完嘢空曠啲做下嘢抖下。幾光猛舒服，下晝3點唔算多人。食物：日式鰻魚炒飯（連串燒、紙包飲品）價錢：是日精選 $48評價：⭕ 串燒好食，就咁已經聞到啲串燒粉味，流晒口水⭕ 雞肉同洋蔥三色椒呢個配搭幾好，洋蔥爽甜好難得❌ 串燒支簽手拎個位係凍嘅，呢下有啲吊詭⭕ 鰻魚炒飯好食，夠鰻魚汁，夠味⭕ 鰻魚粒都幾重手，啖啖都食得到鰻魚❌ 炒飯配三色豆係咩玩法？即時心傷。諗住照食算，但係真係唔得，用咗好多時間挑返出嚟❌ 少少，真係少少位見到白色飯粒，未夠勻，但係無礙整體經驗幾好，可以覆桌。…查看更多

又係food court搵好野食既時間，😆呢日想食個串燒當下午茶，就揀左呢間坐低試試～ 餐廳主打串燒，另外亦有日式便當同埋韓式飯卷俾食客食下澱粉填下肚*傳統韓式泡菜飯卷 $48*飯卷入面既飯唔係白飯咁簡單，係沾有泡茶辣汁既飯，包有雞蛋青瓜🥒，表面灑上黑白芝麻，幾惹味架😛*羊架 🐑$38*食羊好怕有騷味，呢個羊架唔韌亦都冇好強既騷味*汁燒魷魚鬚🦑 $58/半條*個人覺得韌左DD🤣，如果煮淋番少少就好啦*菠蘿🍍 $18/2串*燒菠蘿幾時都冇得輸！燒完既菠蘿甜甜的好合我心意😋*孜然茄子🍆$38*店主唔慳料地加好多蒜蓉落去，令茄子有吸晒蒜蓉味，大大件夠曬兩個人share…查看更多

之前介紹過食物質素差咗嘅串燒店，今次居然喺牛頭角得寶商場food court用平民價格食到燒得好好味嘅串燒小店，仲要份量都唔差吖。重點係佢晚上6點前仲有6️⃣折吖😍✨雖然今次只係試咗5樣野食，但下次去到一定會再試🈵❣️✍🏻 / 燒菠蘿💵價錢：HK$18/2串🔘美味指數：❤️❤️❤️❤️❤️切開一口咬size超方便，燒完都仲有好多汁，唔會乾噌噌，食串燒必試👍🏻❣️✍🏻 / 燒孜然茄子💵價錢：HK$38/份🔘美味指數：❤️❤️❤️❤️❤️孜然味唔會好重，對我嚟講啱啱好。最鐘意一絲絲咁拉出嚟食😆✨✍🏻 /燒雞中翼💵價錢：HK$18/2隻🔘美味指數：❤️❤️❤️❤️❤️雞翼好大隻，啲肉都好滑吖，重點係燒得好靚，層雞皮微焦好正，抵食之選🙏🏻🥢✍🏻 / 燒多春魚💵價錢：HK$28/4條🔘美味指數：❤️❤️❤️❤️❤️朋友問我想食咩，第一樣想食嘅就係多春魚。燒多春魚一直係我至愛，咁嘅價錢有4條都有啲出乎意料之外，不過似乎就唔係用竹籤串起燒，但味道真係達到成為我至愛嘅水準🤤🌊✍🏻 / 燒雞軟骨💵價錢：HK$12/串🔘美味指數：❤️❤️❤️❤️❤️平時雞軟骨會加啲檸檬汁或者沙律醬，但呢串唔洗都可以喔～就咁食都好味，不過對比佢其他串燒價錢，呢個得一串突然覺得少咗啲（貪心人上）😜💘💵埋單價錢：HK$114/6折後HK$91.2🔘整體美味指數：❤️❤️❤❤❤…查看更多

今次來到京阪屋，吃了很多串燒。這小店在food court中，人流旺，主要吃日式及多國菜、燒烤和串燒等食物，我們點了十款食物，太開胃了！汁燒魷魚鬚：看圖便看得出魷魚鬚好長和大條，燒汁香濃惹味，魷魚鬚爽口彈牙。孜然茄子：茄子超級大片，是我臉的size的1.5倍孜然醬充足，蒜香配得茄子超好味。很大片茄子，比我臉大柚子蜜豬仔脾：柚子蜜是我最愛的醬汁，柚子清香，蜂蜜潤喉，豬仔脾嫩滑爽脆。羊架：接近秋冬天，就更喜歡吃羊架，烤熟的程度剛好，配上特制醬汁，微燻口感很正！串燒類：羊肉串：不會太韌，羊羶味太正！羊肉暖身。雞肉串：烤得香脆，但依然保持到雞味的清甜鮮味，口感很正！雞軟骨：軟骨很爽口彈牙，全部能輕易咬吞，很入味！燒鴨胸：鴨胸煙韌度適中，燒烤的方法來上碟，絕對是最佳的方法。一口牛柳粒：牛柳粒嫩，粒狀令人覺得易入口。意式香葉腸：比平時的香腸更厚身，口感彈牙，很想多吃幾串呢！點兩枝飲品令味蕾大開…查看更多

這店位置商場內food court，好彩小編與朋友早上早一點來，我哋食完離開時已經人山人海，這裏人流好旺，相信裏面啲食店應該不錯。今次去了一間食燒烤串燒嘅小店，睇住嗰餐牌見到咁多好味選擇，立即有選擇困難症😅。最後揀咗十樣，全部都值得讃👍。🌹汁燒魷魚鬚叫了半隻，魷魚非常爽口，汁亦到位，正。🌹孜然茄子全隻茄子打開，感覺好大分量，但加上蒜蓉配以孜然味，兩三口就KO了，正。🌹柚子蜜豬仔脾🌹羊架豬仔脾同羊架都燒得好香，柚子蜜加在豬仔脾上令味道提升，不過羊架略微燒黑，美中不足。🌹串燒‧ 羊肉串‧ 雞肉串‧ 雞軟骨‧ 燒鴨胸‧ 一口牛柳粒‧ 意式香葉腸串燒整體冇得輸，無可挑剔，印象最深刻嘅係意式香葉腸，這種腸之前未試過，但又真係好特別，好味。…查看更多

食過呢度嘅便當，佢嘅味道完全唔會令人想再食。不過嗰日係food court食開其他就想試下燒茄子，點知出奇地好食。同埋次次都想試佢地嘅韓式飯糰，但次次都賣晒～好彩food court有樣好，可以周圍間間食下～…查看更多

叫咗個和風牛肉飯 明明堂食但就咁用外賣盒比個客 已經放凍唒 入面有少量牛肉、飯、菠蘿同沙律。本身都幾期待 一黎到個賣相已經唔吸引 明明58蚊 用平價牛肉而且得幾片 味道極鹹完全放唔到入口 飯就係正常份量 除咗飯 每一格個份量都勁少 菠蘿係罐頭菠蘿 但有一陣放咗好耐嘅味道 完全唔值58蚊 我去加藤屋食下午茶二十蚊份量仲多過佢。好心新開就做好啲 收返呢個價錢就要有相應質素 比幾條cheap牛肉 淨想賺人錢 食完真係嬲。…查看更多