得知屋企附近「京都大酒楼」推出了一蚊菜式做招来, 趁住台风假就同丫妈去酒楼食个晚饭。酒楼环境开扬, 座位唔算好迫。酒楼除了推出「一蚊」自选菜式, 仲有海鲜套餐同埋各款小炒。【脆皮飞天鸡】HK$1原本对一蚊货式不抱期望, 估唔到竟然系全晚最惊喜嘅一个菜式! 原烧只鸡栋笃企已经非常吸晴, 酒楼提供手套自行撕出肉食。烧鸡烧至金黄带点油光, 鸡皮酥脆, 撕开鸡肉, 丰富肉汁、黄油𣊬间倾泻, 绝对可以用肉嫩多汁去形容! 虽然细只, 不过都几厚肉, 两个人share食, 定必满足。【上汤西澳龙虾伊面】HK$328原只开边龙虾尽显份量, 上汤茨汁鲜甜美味, 伊面份量多, 尽吸汤汁精华, 不过龙虾肉质偏林, 唔系爽弹果种口感。【豉油王煎焗海生虾】HK$108（例）海虾表面平均有咸甜豉油汁酱包住, 部份虾肉质爽弹, 配上汁酱一齐食, 咸甜惹味。酒楼仲有好几款中式甜品供选择, 味道唔错, 唔会太甜。【桂花糕】HK$28味道清甜, 散发淡淡桂花清新香气。【椰汁红豆糕】HK$28椰汁味突出, 夹集嘅红豆口感绵密。…查看更多
