亞參雞飯 (新翠商場)

营业中

休息中

成三點幾先食啱，肚餓甩肺喺附近嘅商場入咗去求其搵間OK嘅餐廳！海南雞飯我都啱食，而且呢間朋友介紹過嘅我未食過入去試吓！價錢都OK嗌咗兩個海南雞飯，同事嗰個海南雞係雞胸，我係雞髀，同佢交換左，有需要可以要求轉白飯！兩個人嘅話share食都得，一個油飯一個白飯又返個顏色唔係黃色，佢似係豉油味，冇乜雞油嘅香味，但係又有油可能唔係我杯茶雞覺得正常發揮冇乜特別，醬油就幾好味！加咗一疊白灼芽菜，特登叫佢走油白灼，醬汁另上唔知係咪呢個時候，環境非常舒適，一二都唔多人，而且侍應嘅服務態度全部都非常之好！服務比滿分！

食物合口味，價錢都合理，但因為服務員的工作態度和處事方式，令人體驗極差。食品可以都唔會再想來第二次（當你叫完野吃飲品都到了，但因桌不夠放你幫忙拿著其中一碟菜服務員就立即放下其他食物即走，令人覺得我要自己解決品夠位或一邊吃野一邊攞住碟菜大家夾😂）

第一次寫食評，平時好少會特登去寫啲咩，上個月底去食下午茶，around 三點幾去，人流唔係好多，快快脆嗌咗碗雞絲河，味道係相當不錯嘅，上菜速度都算快，但係個服務員竟然一邊食住麵包，一邊第送餐俾啲我，其他枱佢都係食住做，對咁樣嘅衛生意識表示震驚，我全程就好驚佢跌啲麵包碎落去。佢重要係黐住IC牌。😅口罩令冇咗係咪就代表可以咁唔講衛生？？？

今日晚上喺呢間舖頭光顧，Order咗海南雞飯肉骨茶飯同埋另外一個菜等咗好耐都冇得來，啲單每一台食客都要cut單因為佢哋接order做唔來，令到服務水準大減下次不會再光顧。幸好陳經理悉心安排之下，最終能完成晚膳。但係就要被迫改成另一樣食物才完成我們的晚膳。希望呢個情況有待改善。

話說我同家人拜山後就到該店食下午茶，點了幾樣食物，其中下午茶餐值得推薦，價錢味道合理。另外，海南雞飯個油飯值得一讚，油飯香口及重口味。但我見到一個奇怪景象，事情係我用餐其間聽到有粗俗句子，一望之下發現一個廚房員工正在鬧其他員工，首先聽到句子很粗俗（媽媽前媽媽後），重點還要是個女人！本來計劃下次小朋友放學後再來試喇沙米線，但我怕又有粗口影響到我小朋友，唯有遠一點去康怡的分行。

如果想吃南亞特色美食，最近吃過一間都頗不錯。亞參雞飯 還主打新加坡地道風格的海南雞飯。店內裝修走的是南洋風格，四個人會有卡座，感覺坐起來比較舒服。🐣亞參去骨海南雞飯 ($99)有得加錢轉成雞髀，不過我覺得不加也可以。因為本身雞肉已經好嫩滑，雞味濃郁。還配了一碗清雞湯和粒粒分明的雞香飯。🦐新加坡喇沙米線 ($81)喇沙帶有淡淡的椰香甜味，雖然不是死辣那種，但辣度甚高，若不是吃開辣的不建議點這個。配料都幾多，有蝦、魚片、雞蛋、豆腐卜、芽菜和通菜。有一個+$39 選兩款小食的優惠，都幾抵食。選了 - 鳳尾蝦春卷 (4件) & 馬來斑蘭咖央多士。前者炸絲網的春卷很酥脆，佐以甜酸醬吃夠惹味。後者的多士好脆身，配以甜度適中的咖央，吃了兩件都不覺得滯膩，也剛好緩和了喇沙的辣呢沒有套餐的關係，飲品是需要另外加錢。都是加了馬來拉茶 (+$10) 但凍熱的份量相差好像有點大? 而且熱的會很甜，但很絲滑。

幫襯過幾次，睇住呢間分店開到而家，有段時間食物質素keep唔到，可能唔同人做嘢都唔同，而家正常嘅。由以前人手落單，到而家自己落單，你都唔好要求有什麼專業服務。今日有個待應阿姐對同事問長問短，其實都無乜嘢，感覺有交帶，但都唔好將情緒放落工作上，攞隻匙羹唔使好大聲，我咁岩坐係旁邊，個下真係嚇一嚇，成餐飯簡直耳仔受罪。其他同事有樣學樣，成間舖不停嘈。我好少寫食評，我都明白做食肆難免有以上情況，但我未試過去一間食店是這樣的。難怪幫襯的人愈少。

同老友路經柴灣新翠商場，辦完公事要醫肚，見到亞參雞飯，門面吸引又坐得好滿，就入去試下。舖頭嘅口號話自己嘅海南雞飯值99分，食完都覺得冇花假。我哋叫咗招牌去骨海南雞飯、巴東牛肉飯、香烤豬肉串、香煎手作蝦餅、南洋凍咖啡、凍薏米水。因為又想食咖哩，所以再點咗個好抵食嘅輕盈馬來咖哩雞撈麵下午茶。碟海南雞有雞髀肉同雞胸肉，三黃雞大隻多肉好有雞味，胸肉柔潤鬆化，多肉汁唔鞋，吸左碟底嘅調味汁更加好味。油飯香軟味佳，熱騰騰嘅雞湯都好好飲。巴東牛肉食落半筋半肉，彈牙冇渣，香料汁濃郁惹味有椰奶香，口感層次豐富，但有d麻辣，配杯凍薏米水最夾。呢度嘅小食都做得好出色，豬肉串肉質鮮味彈牙，肥瘦適中。蝦餅厚身，彈牙抵食，啖啖充滿鮮蝦味，記住要趁熱食。咖哩雞撈麵輕盈版份量也不少，咖哩唔辣，有馬來風味，充滿椰香，雞肉結實有嚼勁，仲有埋薯仔毛茄增加食用纖維。呢度嘅南洋咖啡、馬來拉茶已經落咗糖，兩樣味道都香濃，幾有特色，與港式口味不同，值得一試。我地留意到經理同待應做事勤快有禮，有團隊精神，值得讚賞。

要食海南雞飯，當然要搵一間平靚正㗎喇!!~呢間有吾少分店嘅<亞參雞飯>，價錢公道，食物質素又唔差，值得一再光臨。餐廳環境乾淨企理，卡枱座位寬敞舒適。<海南雞飯套餐>呢個海南雞飯套餐，配有大大碟海南雞，分量極多，重配有一大碗雞油飯同埋雞湯。呢度嘅海南雞，已經完全去曬骨，入口啖啖肉，肉質非常之嫩滑，並帶有少少脂肪，非常好食。雞肉完全沒有多餘嘅根同埋渣，細嫩無比。另外叫咗個<馬來咖哩雞撈麵>，無論雞肉同埋麵嘅份量都非常之多，個人非常鍾意佢呢度嘅咖哩汁，夠曬香濃，而且帶有微微嘅椰香味道。撈埋啲麵一齊食，非常惹味。<鳳尾蝦春卷>鳳尾蝦春卷外面用上絲網般嘅春卷皮，並包住鳳尾蝦肉來炸，入口非常香脆美味。<斑蘭咖央多士>斑蘭咖央多士外面烘得香脆，入面夾着一片厚厚的鮮牛油，帶有入口即溶的感覺，加上微甜的咖央，特別又好味。馬來拉茶 (凍)帶有少少馬拉香料味道的奶茶，味道非常特別。南洋咖啡 (凍)個人非常喜歡呢度嘅南洋咖啡，因為咖啡味道夠香夠濃。呢度仲有其他新加坡同埋星馬嘅菜式，下次可以再嚟試下呀！~

星期4放工，經過柴灣新翠廣場 地下， 亞參雞飯 就入去坐低咗。餐廳環境 幾闊落雖然地方唔算好大，但可與枱之間 都唔會好迫。食物方面主要係食星馬菜式。小食方面鳳尾蝦春捲炸到非常脆卜卜非常香口 配埋個甜酸醬 唔錯班蘭咖央多士 多士看到非常脆，配埋咖央醬牛油非常邪惡。主菜方面阿參去骨海南雞飯海南雞非常滑，配埋個油飯加埋啲三色醬汁(油醬， 酸辣醬， 薑蓉), 非常出色。馬來咖哩雞撈麵咖哩汁非常香離遠已經聞到香濃curry 味。 個麵底唔會太淋亦唔會太硬，剛剛好。雞肉亦都多仲有薯仔。飲品方面香茅薄荷特飲 好香嘅飲落好香嘅薄荷味 加埋soda, 唔會太甜。 食完個咖哩雞撈麵，再飲一啖香茅薄荷特飲 正！整體嚟講，食物質素味道，唔錯餐廳環境坐得舒服。值得再去！

今次同朋友嚟到柴灣撐枱腳之前一直想帶屋企人嚟呢度食海南雞飯，不過就唔啱時間，今次就嚟呢間小店食下啦位於柴灣新翠商場嘅地下入到去已經見到有三隻海南雞對住我😂😂部分menu如下：由於我同朋友都唔係海南雞fans，我哋叫左：1️⃣特色秘製炸魚餅魚餅少少辣辣地，唔加個醬都好味😆2️⃣椰香南洋包呢句有啲似多士，咁啱又有啲蜜糖同butter喺上面更加似😛南洋包咬落幾脆，硬硬地，有啲似甜品，我就幾鍾意，甜甜地的，不過個牛油實在太大嚿，我會整走佢先食囉3️⃣檳城蝦麵呢個面嘅餸十分之多，有腩肉、蝦、豆卜、雞蛋等，面底有啲似平時食開嘅油面。美中不足嘅就係個湯底有啲淡，好似冇乜味咁，朋友就麻麻哋個湯底，我不嬲食開都幾清淡，所以又覺得OK4️⃣馬來咖喱雞撈麵呢個好食呀🤪本身已經有豐富嘅咖喱汁、咖喱雞同埋薯仔，上嘅時候個匙羹就係一啖XO醬（？）你可以加埋落去撈勻佢。呢個有味好多，同埋側面嗰啲花生脆脆都可以撈勻成個面，面底同檳城蝦面個面一樣，呢個就味道濃郁啲咁解😇叫咗一杯熱檸茶同埋香茅薄荷特飲香茅味道好香同清新，會附上一支香茅喺杯嘢飲度😂😂食完咖喱呢啲濃味嘅嘢飲呢杯嘢飲就啱啱好啦

成家人去吃飯叫咗個海南雞飯同條蒸魚, 等咗成半粒鐘海南雞飯都食完條魚仲未到, 見廚房啱啱出咗條蒸魚點知俾咗隔籬枱...明明佢哋啱啱先落單, 問個侍應佢話我哋落單嘅時間差唔多, 上錯又唔認,明明我哋成家人見住佢哋啱啱坐低落單, 有冇搞錯遲來先上岸

今日同朋友去咗新翠商場行街，見肚餓就入咗一間出名食海南雞嘅餐廳🥳餐廳環境好舒服，感覺好新淨，員工服務態度非常之好，大概下午4:00時間去食，等左一陣就已經入咗去😛餐廳依家多科技先進，點食物都是用QR code 掃電話點餐，十分方便😛由於下午茶時間都非常抵😛所以叫左二個主食同二樣小食😊招牌海南雞飯$89海南雞既肉好嫩滑，有湯有飯有雞有醬汁，大大份，簡直抵到爛😜新加坡肉骨茶 $86超多配料有豆卜同排骨，超多配料，食到好飽😎上餐時仍然係熱辣辣👍🏻👍🏻一個人真係食唔晒，可以happy share比朋友食鳳尾蝦春卷$29呢個炸蝦春卷好好食😋食落唔會太油膩，二個食岩岩好☺️斑蘭咖央多士$27我勁鍾意食😋又熱又脆口😍推介凍柑桔特飲$28柑桔特飲不過不失，飲到最後仲有粒話梅食吓😋正凍香茅薄荷特飲 $28呢杯特飲好特別，飲品上插咗兩支香茅，我同朋友都忍唔住笑咗😂飲落薄荷味好重😂味道都不錯

放工覓食，要慰勞一天嘅辛勞，梗係要搵緊坐好啲同食好啲👯‍♀️👯‍♀️店舖雖然不是好大，但每張枱都會一段距離相隔，唔會好密集，而且坐位舒闊落，感覺舒服好坐😌 食物多選擇，亦都每樣都好吸引😋😋呢度主打食雞飯，點少得點返個亞參去骨海南雞飯🍚海南雞一碟都算幾多雞件，件件都滑雪雪，起骨起得清，沒有骨碎。我就唔食雞皮，但望落唔肥膩！黃油飯帶有淡淡香味，唔係普通雞油飯咁簡單👍🏾😋 肉骨茶無特定Formula, 度度食都會唔同，所以食星馬菜實忍唔住要試肉骨茶。呢度係新加坡肉骨茶，標榜重白胡椒味。雖然係重白胡椒味，但唔算好辛辣，同埋亦有肉味，唔會比藥膳及胡椒味蓋過晒😙 斑蘭咖央多士😍多士香脆可口，香甜的咖央醬加⼀片新鮮牛油磚，雖然好邪惡，但好享受😎 香烤豬肉串豬肉串一碟3串，食落去都幾多肉汁，一啲都唔乾身，碟邊配有香辣醬料，點同唔點都各有風味😜 ☕️南洋咖啡同馬來拉茶又係必飲南洋咖啡香濃帶甘：拉茶就香滑甘甜

呢間亞參雞飯係屋企樓下都開左一段時間，今日經過就入去試吓啦～-新加坡肉骨茶 $86肉骨好淋好食😋胡椒幾重味辣辣地好暖胃👍🏻冬天食完個人暖哂🥰-亞參去骨海南雞飯 $89雞肉嫩滑無骨用左三黃雞雞味濃郁👏🏻薑蓉有少少沙薑味好香😋油飯好香椰子味吸哂雞湯既精華🤤配上冬瓜草菇雞湯有少少雞味，清清地幾好飲🤭-鳳尾蝦春卷 $29外層好鬆脆😳加埋泰式酸辣醬，酸酸甜甜好好食👍🏻-香烤豬肉串 $33豬肉好juicy~加埋沙嗲醬好惹味🤪-香茅薄荷特飲 $28薄荷味淡啲，但好香香茅味👏🏻