亞參雞飯 (奧海城一期)

10月1本身谂住同个朋友两个人去食饭，本身都知多人排队。咁我都排左半个几钟，谂住去前面可以好快入去。排到前面的人基本上都系两个人食都唔想搭枱。店员就开始叫人入坐，叫左几枱都系排起后面嘅3-4人，一直都唔叫前面唔搭枱嘅两个人入坐。 叫到后面，所有3-4人都系晒坐，佢都唔放人入去坐。后面基本上已经冇晒啲三至四人排队，有一两张枱一直吉咗喺度。点样一直都宁愿唔剈人入去坐，咁就吉咗张四人枱喺度。而其他二人枱就一直都喺度排队，唔知等紧啲乜嘢。排到后面都冇乜人排嚟食。 而果张四人枱就一直吉 左。基本上果电源嘅入座安排系唔合理。😇😇讲真间嘢嘅嘢食唔差，但系啲安排实在过分地差。…Read More

每个星期都会过嚟奥海城揾食，呢次又系拣咗嚟亚参鸡饭，之前都来吃过好几次，因为好钟意呢度嘅环境，干净企理，座位又舒适，印象最深刻嘅系员工嘅服务态度非常亲切，无论繁忙与否都系面带笑容！之前过嚟都系食招牌菜＂海南鸡饭＂！今次决定试吓明炉亚参鱼（套餐$108有碗白饭+饮品）然后再点个炒虾面，非常满足😍…Read More

6月11号我去奥海城亚参鸡饭，用APP点餐，叫左杯冻柠茶想走甜。因为APP冇得拣，1位女待应，之前冇见过，可能新黎，讲野有啲黏脷根的，佢答我嘅野我唔系听得好清楚，我再讲只系想杯饮品走甜，因为我真系唔饮得甜野，之后佢好晦气咁同我讲得啦！得啦！就走左。。。呢个系贵公司教员工对客人嘅态度？…Read More

今晚经过亚参鸡饭，就被门口嘅牛骨煲广告吸引住我🤩，当我还在考虑紧要吾要去试吓嘅时候，有一位好好笑容嘅女员工走到我身边，很有耐心甘给我推介呢个套餐！见呢位女员工对客人甘热情又有礼貌，今晚就决定试吓！当我哋坐低后，另一位员工马上走到我面前问需唔需要帮手落单，而且在上菜时，又不忘提醒我哋小心小朋友不要靠近个煲（因会点火，会比较热）而且当我哋有需求时，马上帮我哋解决！最重最系每位员工都好好笑容👍🏻👍🏻当时餐厅内差不多满座，但呢度啲员工只有三个，在呢种繁忙时间，员工都可以甘有效率又细心照顾客人，在香港嘅服务业已经很少见！以后食饭会多啲选择呢度🫰🏻…Read More

长者朋友想食马来西亚风味的简单菜式，我就比个建议，不知会否合心意?!店内整洁，有大量舒适雅座选择，细阅餐牌后用手机程式下单。马来班兰咖央多士 $25多士切成一口大小非常松化，咖央酱有点飘香，没有油腻感，甜度也恰当，好满足，好食!怡保鱼三宝老鼠粉汤锅 $68汤锅用木盒托起保温，怡保鱼三宝是鱼蛋、鱼腐、鱼片，从马来西亚直送，鱼质几滑，不只有鱼，还有肉碎，味道适中，份量不俗。冻柑桔特饮 . 热罗汉果茶点一份主菜可以加$10选饮品，相量过后选三杯饮品。柑桔特饮和罗汉果的味道适中，罗汉果甘味恰当，柑桔特饮有轻微咸味，两款饮品让喉咙舒适，真系好抵饮!热马来拉茶加$10来一杯拥有泡沫的拉茶，味道有点似奶茶味，但甜味多一点。鸡丝扎肉汤河 $68有软腍的鸡丝，鸡丝味道适中，另有大粒黑椒劲浓味的扎肉条，最喜欢是鸡汤，有鸡香味不太油，一面饮汤一面食河粉，够饱之余又暖笠笠。新加坡喇沙米线 $82以辣度5分满分来计喇沙米线辣度为4分，一面食一面饮一小啖汤，辣得过瘾!! 材料有虾、鱼片、通菜、豆卜、蛋等，丰富惹味，香味浓郁!马来咖喱牛腩饭  $78咖喱牛腩几香，牛腩件头也不少，炆得入味软身，薯仔同样软腍，饭量足够。咖喱汁不算辣，咖喱较香浓带点椰香，非常开胃!马拉盏通菜 $38通菜翠绿油润，份量算多，有一少匙酱料在碟边，味道偏咸香及椒香，配通菜味道突出。又将通菜加入马来咖喱牛腩饭的咖喱汁同样好食，不用浪费余下的咖喱汁，这样食通菜很有新鲜感兼食得开心!在天冷时食有汤或有汁的主食真系几暖胃又开胃，主食加饮品及菜，无加一服务费，经济抵食，味道也合心意，长者朋友们出乎意料之外的满意! 付款以自助方式进行，环保免打印单据及自选付款方式，几方便快捷!…Read More