影片
附加资料
投诉热线95575896
营业时间
今日营业
06:00 - 22:00
星期一至日
06:00 - 22:00
以上资料只供参考，请与餐厅确认详情
食家推介
平日5点几到店外卖，店内大约十几个人食野，谂住好快有得拎啦，最后等左大约半个钟。当时只有2个人叫外卖，等了大约24分钟我前面的号可以取啦（有人叫号），但到我个份出餐时只放在枱面，没有人叫号，如不上前去看又不知等到何年何日。之前都会去食帮衬，但今天遇到这些事情，令人却步，唔会贴钱买难受。唔好以为店内食野会比较好，上次帮衬，正常点餐啦，店员出左单就睇下啦，点知对对下无啦啦加左$4两个外卖盒既价钱，即刻叫佢改返，岩岩入黎食野咋，咁快要你哋D外卖盒做咩？
继续阅读
南昌食店选择唔多，食物质素一般都唯有顶住当食，员工成日贪客就将少数既食客左赶右赶，每朝短短十多分钟既早餐都食得唔安乐，感觉极差，而员工成日有争执吵闹，再方便都要放弃！！！
继续阅读
第一次想食评，唔好意思因为太嬲所以写多咗我哋一家一星期都帮衬两三次，今次我真系有啲嬲，今日我两母子大约晚上八点去到打算食晚饭，今日情人节，你哋啲安排真系非常差，你哋都系一般屋邨茶餐厅咋！有个侍应话你哋两位要搭四人枱，其实我都冇乜所谓，搭枱系同一个伯伯，个伯伯都有啲大只，我都唔好意思坐落去，咁我就话等一阵间，之后有个侍应喺角位话有张二人枱叫我哋坐𠮶度，咁我哋坐低咗谂住准备叫嘢，有个女侍应望到我隔离张四人枱坐咗个男仔差唔多食完，问佢系咪一个，个男仔话系，个女侍应转头又走过嚟同我讲你未叫嘢调去四人枱，佢话有个六位客人一阵间入嚟，我心谂我想等二人枱先等阵间才入座，个女侍应又冇乜礼貌，好似命令我要调去四人座，跟咗我就同佢讲唔使喇！我哋去太兴食，畀我感觉人少嘅就唔系客人，我觉得如果你要留位畀多人嘅，就唔好叫我哋入座，你有礼貌少少我都会考虑转位。坦白讲你哋小菜都唔系特别平，太兴都系贵少少，服务质素同食物质素高你哋几班，食餐饭都开心啲。除咗晚市，已经一段时间冇嚟食早餐，你哋啲意粉同通粉嘅口感好粉，一啲都唔好食，但我好欣赏你哋早更位男同事很努力，安排座位同服务都很好，晚间员工真系要多多学习！
继续阅读
之前食过这食店的下午茶，感觉一般，上次是星州炒米 。今次试吓晚餐，贵少少叫个牛柳。等了些时间，终于来了。极度失望，因为店员一放下，我就已经嗅到很重的腌肉味，我叫七成熟，但来的是全熟的，不会靭，不知是否有重手的松肉粉，用匙也能弄开肉，这不是什么西餐厅，但一百零八元啊，但比茶餐厅早餐的薄牛扒更差，我只好食意粉吧！因为不论气味和肉质，实在差到食不下。意大利粉湿湿过软，汁也只有咸味。非常后悔再给这店机会。不明还有人光顾，看一看，全点中菜。难道中式小菜会好啲？
继续阅读
唔齐人唔比入时有听闻，入咗坐低5分钟未齐人叫起身就真系第一次，香港食肆嘅服务态度有今日呢个［美誉］同食肆有今日咁嘅境况都系多谢类似呢间嘢嘅贡献，完全感受到之前Monkeyhmk评论中嘅体验，相信都冇乜机会评论呢间嘢嘅食物，因为唔会帮衬，亦会叫朋友唔好帮衬。其实已经冇乜评论可以写，但由于Openrice要写够200字先比评分，为咗婊扬呢间嘢嘅服务，唯有凑够200字，浪费咗大家嘅时间真系十分唔好意思。
继续阅读