五福素

上次去观塘𠮶阵突然想食素食，咁啱系新装修完嘅巧明工厦遇到呢间五福素，心谂咁有缘预到，不如就试一试，估唔到食素都可以有惊喜。餐厅环境装修简简单单，静静地咁享受一餐十分之好。食物质素整体都唔错，试咗几款食品，其中素叉烧最精彩，卖相同真叉烧有99%似，味道十分清香，老板话系用榄角调味造出嚟，成品竟然整到滴汁嘅效果，认真犀利，食落口个感觉真系同叉烧差唔多，下次再去开𠮶头可以encore，约埋朋友嚟聚埋吹水最啱。…Read More

五福素开店后帮衬过两三次，发觉越嚟越多人帮衬，佢哋嘅味道同埋服务真系很好，价钱大众化，地方非常整洁，只是食物选择方面不是太多，希望未来可以多啲唔同嘅素食选择或者素小食💪🏻💪🏻。另外原来不是太多人知道呢间舖头究竟系边度🤦🏻‍♂️，虽然系商场地舖，但系呢个新商场其实唔系太多人认识，真系唔知原来商场地舖全部都系食肆，所以可能要做多少少宣传。今次先发现原来呢度有早餐供应，有我最钟意食嘅南瓜粥加炒面同埋煎素饺子😍😍😍…Read More

观塘巧明工厂大厦地方新装修做美食区，场内陆续有餐厅进驻，其中一间竟然做素食，吃的是纯素车仔米线，四款浓味汤底，十多种素料蔬菜任配搭，价钱算平味道亦唔错，观塘上班的朋友要save低了。观塘巧明工厂大厦都算近地铁站，原本新装修做美食区，目前场内只有几间食店，其他铺位未租出晒。店内装修简约清新，座位唔会好逼，坐得都舒服。主打纯素汤米线，有四款汤底十几款配料，除了米线亦可以吃土豆粉。店内也有饭餐，选项写在门口的板子上。三𩠌米线HK$58配菜都以素料为主，店员有特别介绍太阳蛋不是真鸡蛋，我拣了鲜蕃茄汤底，太阳蛋、有机香豆干和黑椒丸。米线本身有附生菜、芽菜和花生，看起来很丰富。鲜蕃茄汤底入面真系有蕃茄真材实料，味道亦浓厚清新很不错。有机香豆干带点烟熏味，整体都不错。纯素太阳蛋应该就系 Loving Hut 出品，在家煮面想吃也可以去网店买。我就第一次吃，口感就系煎到约略过熟的鸡蛋，蛋黄有点粉粉的感觉，味道也真有时点熟蛋黄feel，效果都几特别。…Read More

「观塘素食推介」第2次食，好好食🤤我最钟意食素鸭👍今次点选了这个午餐：素鸭又滑又香、生菜爽口新鲜、番茄薯仔汤水清甜润喉，食得出老板的用心制作，中秋佳节前仲送生果小拼盘（火龙果、哈密瓜都是新鲜鲜甜）。感恩食素！感恩你们的用心！观塘多一间提供素食的餐厅，也是素食者多一个的选择。（非素食者也愈来愈多到素食餐厅食饭，这固中的原因不探讨，反正就是凭感觉想食就食啦😆）这里环境舒服、宁静，整个滋场很正能量！这也是我再次选择来的原因。祝你们生意兴隆，继续做多些好食又新鲜又平民的食物。…Read More

感觉喺观塘想食素食好似唔系咁容易 想同食素嘅同事一齐食晏昼，都唔系咁易揾到地方今日跟佢嚟咗这一间素食餐厅老实说餐牌选择真系唔多， 真系谂咗好耐先至 拣到想食乜最尾拣咗这一个麻婆豆腐感觉麻婆豆腐都好大兜，另外都好有心可以拣大中小辣味道就…都明白始终系同平时麻婆豆腐会有一啲分别， 食完会觉得应该系健康嘅略嫌作为红米饭红米嘅份量真系太少同事话饭可以免费添加，但餐牌冇写，正常都食唔到太多饭另外仲有碗汤足料好味， 完全饮到红萝卜嘅甜味有阵时觉得食肉兽嚟食素食，口味同心态都要调节一下…Read More