五目屋

难得黎到太古广场返炒散，点都要去附近觅食下嘅（其实系带唔到饭🥹）。基于我人生路不熟，费时行太远，又适逢星期日，隔离条街好几间餐厅都冇开，所以就拣咗呢间日式餐厅去解决我嘅午餐。menu选择都多嘅，可以系秘制咖喱亦可以系忌廉蘑菇汁配各式食材嘅蛋包饭，丼饭，乌冬都可以。我系忌廉控，所以叫左忌廉蘑菇汁配流心芝士汉堡扒蛋包饭，例汤，沙律，另外加碟唐扬炸鸡。忌廉蘑菇汁流心芝士汉堡扒蛋包饭🧀🥚🍚忌廉蘑菇汁嘅菇味都有煮到出黎，酱汁浓稠度适中，最怕水汪汪，同埋稠到捞唔到饭，呢个系刚刚好，蛋皮薄，亦都仲有少少滑蛋嘅质感，汉堡扒就似平常出面嘅来货，无咩特别，好软淋，芝士都流心嘅。面豉汤/ 沙律面豉汤比想像嘅冇咁咸，但系汤碗可能因为设计嘅问题，手柄无洗干净😥沙律就是正常的切丝沙律，为我的午餐加添一点素菜😂唐扬炸鸡即叫即炸，因为热到个嘴😵，皮都唔算好厚，但系鸡肉质感唔够好食，亦有阵味，唔知系雪藏鸡定点😅😅不过二三十蚊有5旧鸡，仲想要求d咩啊…查看更多

五目屋嘅广岛牡蛎蛋包饭真系几有新意，今次我拣咗忌廉磨菇汁，感觉同一般日式蛋包饭唔同，有啲西式融合。忌廉汁香滑，捞埋饭同菇一齐食，味道层次多啲，唔会单调。最惊喜系炸蚝，啱啱炸起，外皮超脆，咬落去热辣辣，入面嘅蚝又够鲜甜，真系唔错！日替餐汤就比较普通（面豉汤），整体嚟讲个餐唔算惊为天人，但胜在够特别，炸蚝值得一试。今次好在weekday嘅lunchtime唔洗等好耐已经有位，值得再去，下次会想试下其他酱汁配搭。…查看更多

餐厅位于Bowtie coffee个边条街以前都有几间唔错既餐厅但最近发现原来执左好多间呢间五目屋反而总生存到🙂‍↔️听个名都知食日本菜不过唔好期望太高✨广岛牡蛎蛋包饭$72✨Lunch set包一杯热饮同前菜佢既前菜都唔错最钟意食粟米沙津热饮系热奶茶个 D至于个餐…我会用茶记质素黎形容佢😅首先D蚝臭臭地一食就知唔新鲜日式咖喱几好食既不过蛋包饭唔算滑鏊体黎讲一般般啦不过咁既价钱都唔会要求太多得闲想食下日式咖喱就黎试下lor~…查看更多

餐牌好多选择而且好抵食 呢份好似系$5x(?) 除咗鸡扒乌冬 仲包咗一碗汤 一碗椰菜沙律， 感觉系几丰富嘅乌冬质地一般般 唔系好有弹性 又未至于淋晒嘅 另外配菜仲有海带同鸡蛋 其实真系算唔错但系个鸡扒真系唔太掂 虽然呢个价钱都预咗系雪藏鸡扒 但系有啲餐厅处理得好啲个味道都好啲。呢个成旧肉都好淋咁样 唔太新鲜嘅感觉可能嗌返煎嘅鸡扒配咖哩饭会好啲挂，见人话佢嘅咖哩好食不过见过价钱咁平本身都冇咩期望，所以冇太大失望，但未必会再试…查看更多

一到lunch time, 兰杜街就逼爆，间间餐厅门口都有人等紧位。呢间日式小店有丼饭、乌冬、蛋包饭、咖哩饭，任君选择～😋主食会配日式前菜同埋绿茶或餐汤，前菜系椰菜沙律，餐汤系椰菜萝卜汤，清淡而且有好香嘅萝卜味～🤩照烧鸡扒亲子丼 $67照烧鸡扒份量比较少，鸡皮比较湿，好似冇煎过咁，油脂仲喺块鸡扒度，腌得好入味，偏咸。饭上面有一层滑蛋，加入咗唔少洋葱丝。正宗亲子丼应该有味醂嘅香味，呢碗亲子丼反而有好浓郁嘅照烧汁味，食到底仲有颇多汁。个人不推荐🥲吉列猪扒咖哩蛋包饭 $72吉列猪扒好厚肉，份量好足，冇猪肉嘅臊味，但一嚟到只系暖暖哋，唔系即刻炸嘅。咖哩偏甜口，typical日式咖哩。蛋包饭个蛋好嫩，薄薄一层，啱啱好盖住个饭，而饭嘅份量好多，啱啱好可以捞晒啲咖哩汁。会话系抵食嘅日本嘢，上蛋包饭嘅速度好快，亲子丼反而等咗15-20分钟，质素普通，期望唔好太高。🤨…查看更多