雲貴川小鬍子 (西洋菜南街)

营业中

休息中

朋友介紹話有間土瓜灣開黎旺角嘅米線，就去會一會佢。試咗藤麻米線，只有小辣，揀咗麻辣雞肉、辣豬肚絲同木耳，+$5轉做薯仔粉。跟餐$10叫多杯鹹柑桔。湯底有驚喜，冇麻辣咁油，好香麻味之餘會越食越辣。薯仔粉唔算好煙韌；雞肉係一件件，好深色好入味但食落有少少鞋；木耳同豬肚都正常爽口，未話好出色。整體黎講最出色係湯底，價錢算貴但會因為個湯底久唔久黎食下。😻提一提成間鋪都有啲熱，尤其係坐近門口，只要有人出入就會有陣熱風吹入黎。

好耐冇嚟呢間食米線，今晚心思思想食佢個腩肉。基本上每一次都係嗌辣腩肉、豬軟骨同埋嗌一客六件雞翼。以前就外賣豬大腸，但係上面咁樣嗌都過$100。夠食就慳返一個鐘。以前就會食麻辣，但係自從佢有咗椒麻之後就一般都係食呢個，微辣感覺上冇咁傷胃。同埋呢種辣真係俾麻辣食得舒服。米線d份量好似少咗啲。腩肉同埋豬軟骨都一樣好味，d軟骨位一樣咁腍。反而今次啲雞翼就冇之前咁鹹。剛剛好仲保留咗好多肉汁。最後飲番杯凍鹹檸檬中和下，成個人舒服晒。

整體來說很好，就是價錢比較貴，點幾份送就總共73元，湯底還ok，沒有達到理想中好吃的程度，土豆粉也都OK，土豆粉好吃，土豆粉很勁道，食物和送都太貴了，下次我有可能就不會光顧這家店，如果你有那麼多的錢，可以嘗試這家店的土豆粉，唯一最珍貴的是土豆粉，被很少見的土豆粉吸引而來，很少米線店會提供土豆粉這一類的食物，罕見，我很難找到一家提供土豆粉的商店

酸辣走油都係咁油舊麻辣腩肉仲硬過我平時食啲雞胸同女朋友兩個食完個胃都頂住唔舒服冷氣又唔夠焗到想暈咁滯係杯凍奶茶唔錯炸醬烤雞翼係幾特別既，特別咸希望店家可以注意下。

#太子#雲貴川小鬍子#最好食嘅腩肉小鬍子係賣飛佛之一嘅舖頭，今次叫 腩肉+大腸+冬菇小窩米線 小辣，喺app落單，所以唔客氣地揀咗多蔥+多酸菜+加酸汁，爽米。腩肉份量超多，好大塊，勁入味，口感軟淋，係近年食過最好味嘅腩肉👍🏻 大腸冬菇，正常好食。湯底因為多蔥+多酸菜+加酸汁，有一刻突然有一種感覺，係因為好味，而好正好滿足😋小食蒜泥白肉，蒜泥夠多，五花腩薄切唔肥膩，中上水準。小鬍子都係小弟的飯堂之一，以前叫做「雲貴川風味」，好多年前未有米線谷時已經幫襯開。算係傳統老店之中，少數味道保持水準嘅舖頭之一。

今日喺太子想食米線，未食過呢間，就俾個機會佢試吓先。.呢度米線湯底有幾多選擇，除咗有基本嘅豬骨、酸辣、麻辣、番茄湯底外，仲有麻酸辣、重慶酸辣、藤椒、胡椒豬肚湯底，適合鍾意食辣嘅朋友嚟試吓。.我唔係太食得辣，叫咗酸辣湯底，小小辣。湯底真係幾酸，但就蓋過了我的「小小辣」辣度，食唔到有辣，可能要叫「小辣」以上先做到酸辣平衡。我老公食得辣，就叫咗藤椒湯底。老公讚湯底夠麻夠辣，但就無豬骨湯味，只飲到辣味。.我哋分別叫了5個餸：冬菇 — 共有4件，都入味、夠淋，但就比較薄、唔夠厚肉.麻辣腩肉 — 呢個好食，夠麻夠辣，又帶少少甜味，幾惹味.豬軟骨 —有2大件，都炆得幾淋幾入味，唔錯.蘿蔔 —有4件，煮到幾淋身，帶有少少甜味，無渣，都唔錯.豬大腸 — 份量唔少，但略嫌比較多肥膏較難咬得開.配菜有酸菜、芽菜、肉碎、韮菜，份量就比較少，就算我叫了多酸菜，份量都比平常少；不過米線就算幾多，食到好夠飽。

鍾意食米線嘅我哋，今日又去到旺角呢一區睇吓有咩好食嘅米線，今日朋友就揀咗呢一間！餐廳都唔算太多人，我哋直接Walk in都有位，價錢嚟講，我哋都覺得可以唔算太貴，同區嚟講係中價我覺得，餐廳嘅選擇亦都非常多，我今日就揀咗魚腐同埋雞肉兩個餸！餐廳嘅湯底非常濃郁，而且食到酸酸辣辣嘅味道，啱晒我嘅口味，而且佢嘅米線控制程度做得唔錯，唔會煮得太軟，入口都可以保持爽口彈牙嘅口感，雞肉就不過不失，我覺得不過勝在份量夠多！魚腐亦都爽口彈牙，夾埋米線食都幾好！整體質素覺得唔錯，鍾意食米線嘅朋友可以試一試！

衝突其實我都係可免則免出去食飯既話，同埋都唔會點寫食評既人！但今次真覺得好過份！係我去過甘多間餐廳食野最不受尊重既一次！我大約2點幾鐘到餐廳🍴當時拎住個蛋糕🎂滿心歡喜諗住比驚喜我朋友係餐廳食蛋糕。。可惜女店長聲稱：雪櫃無位。同埋雪櫃好污糟擺唔到我甘靚既蛋糕。加上要係度食無問題！我地無切餅費。不過要自己拎晒啲野走同唔會提供餐具😐⋯⋯甘我既然都嚟到啦朋友又已經坐低左叫左野食 食緊我都無辦法之下帶左個蛋糕入左去。都已經好失望！不過係呢個位無得怪間餐廳啲咩。去食之前無問清楚自己都有責任！令我覺得不受尊重既位唔係係呢度！而係當我地食完我地叫既野食之後叫其他店員收野（其他員工我自己覺得態度係正常。有問題既從來都係個店長）攞左幾隻匙羹開始食我地既蛋糕🎂！食完我地都好聽話有執好自己帶嚟既野諗住埋單走之際⋯⋯啊店長又出聲：叫我地抹番好晒匙羹🥄啲cream先好走。 。。。想問呢個係咩操作？叫個客清潔完啲匙羹先好走？使唔使我清潔埋自己食完嘅碗先埋單走佬啊？喺呢個位我完全諗唔明囉！同埋我覺得好唔受尊重！呢個我覺得係一個無理嘅要求！唔會有一個客人會接受到咁樣嘅溝通！之後我都出聲我話要我抹？仲要同我講話係！然後我

試試旺角新開小鬍子米線 必食藤椒湯底🤔？.⭐️藤椒湯底米線$35藤椒味突出 湯底有啲似酸菜魚幾惹味似得 配土豆粉唔錯⭐️豬軟骨$15 得2件有啲貴 煮得幾腍⭐️麻辣豬耳$11 口感爽彈 但份量還好.⭐️酸辣皇 酸辣湯$33默認有齊辣腩肉 辣豬肚絲 炸醬 腐竹個人唔係好鍾意佢哋腩肉🤔腩肉$11 肉質比較瘦 乾 滷水味肉茶葉蛋🤔豬肚絲$11 味道都係用返同一個滷水汁👍🏻炸醬$11 半肥瘦 肉粒咁重唔會好似譚仔一pat嘢（打文時見到 原來有條毛！？）.整體評價OK但旺角區暫時最鍾意係天星.#hkfunfoodrecord窮遊香港#hkfunfoodrecord_旺角.#雲貴川小鬍子 (西洋菜南街) (旺角)地址：旺角西洋菜南街103-109號地舖.⭐評分：味道：3.5/5環境：3/5服務：3/5 自己落單抵食：3/5.#hkfoodie #foodiehk #hkfoodblogger #hkblogger #hkfoodies #hongkongfood #食評 #旺角美食 #旺角必食 #油麻地美食 #油麻地必食 #佐敦必食 #佐敦美食 #尖沙咀必食 #尖沙咀美食 #香港美食 #米線 #米線關注組

餐廳入面有一個女人同一個男人態度十分差，都仲未食完只係放一放低筷子同個朋友傾計，個女人已經趕住收走臺面既野食同野飲，好似想你快啲食完快啲走，咪阻住曬，但果段時間唔係繁忙時間，亦好多空臺。亦聽到呢個女人對住其他臺客既食客好差態度，覺得個食客無聽清楚佢講已經無曬九菜同芫荽，而聲大夾惡講野。另一個男人態度又係勁差，留低左個樽，距勁差態度要嗌返轉頭拎返走個樽，其實甘差態度都唔洗指意有多回頭客同做得長，就算兩個係老闆都唔係咁樣對食客，呢啲餐廳無要求要六星級好好服務態度，但至少唔應該甘樣對食客。

今日去花園街個邊, 依度未食過不如去試一下, 吃飯時間都坐滿人, 但都有d位😅 用QR code 落單, 試下一個出面少見到有的藤椒湯底, 要左少辣, 加$轉土豆粉, 又係好奇未食過,另外試下豬軟骨, 再加生菜豬紅羅白, 可以走油加芫茜, 另外加$要左杯凍西洋菜蜜少甜😜, 等左一陣野飲送到, 似乎唔係太似少甜🤭, 隔一陣再來土豆粉, 份量都好足料🤩眼見豬軟骨都好多舊, 先試啖湯, 原來係有d花椒味, 少少麻的感覺, 唔太咸幾好味👍, 再整開d餸, 望下乜嘢係土豆粉, 類似上海粗炒的粗幼, 但食落唔係硬身, 少少淋淋地, 相比之下紅薯粉同米線好食d😅叫做試過😜 再食下豬軟骨, 味道我覺得咸左d, 係炆到好淋, 但不是我喜歡的味道, 而且我覺得肥左d, 食到好多膏, 搞到個湯走左油都變左好油😂 再食羅白, 都炆得入味, 豬紅一般般, 生菜都幾多🥰 但食到底就好油了😅我諗下次再食都唔好食豬軟骨😶亦可以試下其他湯底, 其實整體味道唔差, 只係比豬軟骨打左折扣😆 由於我係堂食唔係外賣, 所以沒有享用到openrice任何特別優惠啦🤭

香港唔少米線食店，但依間真係食完會返尋味😋.蕃茄湯底少辣 + 魚皮餃 + 麻辣腩肉 湯底：我最鍾意佢蕃茄湯底，濃郁香甜，辣味亦同湯底好夾麻辣腩肉：如果唔食得辣嘅人，但又想要少少辣味吊味，可以揀麻辣腩肉，肉質嫩口，辣味適中，推介👍🏻魚皮餃：純粹我個人喜好，但算係正常發揮的一款餸.滕椒米線 + 豬肚 + 麻辣雞肉 + 豬軟骨湯底：好特別嘅味道，唔係間間米線店都有，有種香麻味豬肚+麻辣雞肉：都係高水準發揮豬軟骨：我覺得係兩碗麵中最好食嘅一道餸，唔單止入味，肉質仲好滑嫩，又唔會太肥膩😋😋.唯一可惜係，當日米線煮得太腍，我相信只係一時失準，因為食過好多次都有質素保證👍🏻

喺旺角食過好多間米線🤔始終都覺得佢最好食今次試咗麻酸辣中辣辣味啱啱好 真正有麻辣嘅感覺我係一啖米線，一啖湯食完之後唔會太頸渴麻辣豬肚麻辣雞涼拌墨魚聽聞佢嘅滕椒辣湯底都好好食下次要試吓先

返工前特意去食小窩薯粉，因為唔太食得辣，點小小辣味道絕對適合食唔到辣嘅吃貨，最愛佢唔會一味得酸味，金湯低食完都唔會口渴。冬菇，蘿蔔炆得夠淋，凍O茶唔駛特意叫少甜，絕對唔會飲到糖尿病。最後要讃一下服務員，特別企收銀位哪個領班，真係好好禮貌，不只對食客，我見佢對樓面同事都好客氣，抵讚👏🏻👏🏻

兩餸藤椒米線$50 推（🎖️唔辣腩肉$10+🎖️蘿蔔$7）呢個湯底有驚喜 湯底好香胡椒味但係又冇胡椒碎 所以飲落去唔會攻鼻 似花椒味 但越飲越惹味 順口個樣望落有啲綠色但唔使驚🤣米線唔係好彈牙 都唔係好淋 唔算太大驚喜 但整體都掛湯 腩肉切得夠厚 大塊 醃得入味 濃味 下次都會揀呢個蘿蔔都係必叫 好淋 入味 無渣！兩餸酸辣米線$53 （🎖️豬軟骨$14+ 韮菜雲吞$10）酸辣湯底反而無咁驚喜普通 嗌咗小辣 唔係好辣 同埋唔夠酸望落都無咩酸菜 佢應該係叫麻辣湯底豬軟骨都有幾多 三大嚿軟骨位都幾淋 滷水味幾香 咬落唔係好硬韭菜雲吞唔推介 普通個皮好薄 浸入湯都爛曬 冇咩口感皮蛋豆腐撈 $28 推皮蛋同豆腐都切到細細粒咁食落去都幾方便 望落好多辣椒 好似好辣咁 但其實食落口係香多啲豆腐同皮蛋都幾夾 豆腐好滑 皮蛋又有啲彈牙 個口感都幾得意 用匙羹食會再方便d炸醬烤雞翼 $36/6隻 $6/1呢個麻麻哋 個炸醬其實似叉燒醬嘅味 而且烤得唔夠乾身 個皮唔脆 醃料味道唔夠出色 食食吓會以為自己食緊叉燒 唔推🎖️推薦嘅餸腩肉蘿蔔豬軟骨滕椒湯底都幾特別