云手工火鍋店

营业中

休息中

呢日係尖沙咀食晚餐，朋友帶咗我去一間酒店的火鍋店打邊爐。估唔到餐廳仲有串燒食，而且係好好食。🩵火焰三椰雞煲 $348個人覺得係必點，用酒炒香半隻雞同2種椰子肉，再用2種唔同嘅椰子水再煲滾，湯汁一個人都可以飲兩碗！職員好貼心，會幫手筆走雞油。🩵水晶滑牛 $128真係軟滑到不得了，秘訣係要將牛肉沾上蛋液再燙熟。🩵手打黑松露墨魚丸（半份）$52🩵手打芝心牛丸（半份）$52🩵自家黑松露蟹肉餃（半份）$68餐廳有唔少自家製嘅丸類，呢幾種食咗都真心唔錯。🩵雜菜拼盤 $88菜類拼盤份量好多，喺椰子雞湯內煮熟，食落都有浸浸椰子清香。🩵廣島蠔 $48🩵荔枝豚肉串 $48好推介食串燒，少少焦香脆口好惹味，調味料醬汁都唔錯。🩵檸檬梳打 $68 味道好夠檸檬香，都有四杯。餐廳好適合朋友聚會，家庭聚會，餐品真材實料，手工製作，位置在酒店入面，質素有保證。

喺尖沙咀行咗全日街，晚餐當然要食返個滿足嘅火鍋好好慰勞吓自己！呢間云手工火鍋主打粵式火鍋、刺身同埋串燒等等！餐廳嘅裝修亦非常之典雅精緻～火焰三椰雞鍋💰HK$348店員會幫手將雞件炒香，先落少少酒，再加椰漿水、椰皇水同椰汁雞湯，炒果陣有火焰🔥，令人大開眼界！湯底味道與別不同，雞肉嘅鮮甜味更為突出，椰子味就輕柔而隱約，為成個湯增添咗一絲清新嘅層次感，真係令人忍唔住飲多幾碗！雞件亦肉質嫩滑～水晶滑牛💰HK$128滑牛肉質新鮮，帶有微甜嘅牛肉香氣，口感亦特別滑嫩～手打蝦滑💰HK$98手打蝦滑口感滑嫩，彈性十足～娃娃菜💰HK$48娃娃菜爽口清甜，吸收咗湯底嘅精華～美國安格斯牛小排(1串)💰HK$68牛小排肉質厚實，一咬落去肉汁四溢，味道濃郁而香醇～廣島蠔(1串)💰HK$47廣島蠔好肥美，用咗孜然粉去調味之後，味道變得獨特而誘人～無糖可口可樂💰HK$18

冇揀錯 打邊爐首選 前幾日朋友生日 去咗一間係尖沙咀嘅手工火鍋店 佢除咗有火鍋 仲有刺身 串燒 可以滿足不同人嘅需要👍 環境好靚 高檔裝修🥰 ✨火焰沙白蟹鍋348好有儀式感 沙白蟹鍋上枱後 職員係我哋面前幫我哋炒，差唔多就加洒 再點火 再炒多幾下就加湯落去 滾一陣就可以食蟹加飲湯啦 沙白及蟹都好肥美 蟹好多膏添 湯底都超甜😋 ✨美國安格斯牛肉$268分量都好多 雪花均勻 好鮮甜 好高質 鍾意食牛嘅唔好錯過😋 ✨花雕醉雞件（半隻）$138雞件好新鮮 好似新鮮雞 鮮嫩彈牙 好食🥰 ✨自家製黑松露蟹肉餃$68黑松露味道香濃 係推介的餃子🥟 ✨雜菜拼盤$88✨豆腐$38每種菜都好新鮮 娃娃菜塑咗啲湯嘅味 特別鮮甜 豆腐非常滑溜😋 ✨稻庭烏冬$48咁靚嘅湯底 一定要食烏冬 先至完美😍 ✨燒雞軟骨$48✨燒粟米$28我鍾意食燒粟米同雞軟骨 水準都好高👍 ✨酸梅湯$68自家製酸梅湯都好正 可以下火 唔會太甜 啱晒我😉 整體嚟講 地點方便 食材高質 有服務 係打邊爐嘅好地方😎😎 🎈云手工火鍋店 (尖沙咀)尖沙咀加連威老道20號瑞生尖沙咀酒店3樓

最愛打邊爐嘅我，有朋友介紹呢間嘅火鍋湯底超正👍🏻我當然要即刻去試吓～～裝修好企理，坐位好舒服，而且仲有VIP房，一大班人去食都係唔錯選擇😉😉去到坐底店員好熱心介紹邊啲係必食推介，係大陸食椰子雞就多，香港嘅反而未試過！🤣店員用牛油炒香咗雞件，之後再落酒點火，最後加椰皇椰青同雞湯再煲滾，個湯超級香甜！😋雞肉雖然唔係同超濃雞味，但都十分之嫩滑，同大陸食嘅椰子雞係不同感覺～😲飲完湯食完雞就試吓個小食酥炸惹味茄子🍆，茄子炸得剛好唔會太油，調味好香辣惹味！👍🏻另外佢哋仲有刺身、串燒！超級多元化😂😂我就揀咗自己最愛嘅牛舌～厚度岩岩好，仲跟咗黃芥末籽吊一吊味😝😝配料方面揀咗啲幾得意嘅手工丸，包括係香煎鵝肝墨魚丸同手打咸蛋黃蝦丸。兩款都好好味，好有趣～出面係未必食到！😃😃仲有叫咗本地手切牛頸脊、新鮮鵝腸、黑松露蟹肉餃同手工腐皮餃，每款料都唔令人失望～🥰🥰呢個火鍋好多野都主打手工～係好有特色，唔似平時普通打邊爐！鍾意食特別野嘅真係要黎試吓啦🤣

云手工火鍋店👻最近同朋友去咗試下云手工火鍋真係一個好選擇環境舒服氣氛好食物質素又高除咗打邊爐仲有串燒簡直係完美嘅約朋友地點😋.🔅 燒雞軟骨 HKD 48 呢個雞軟骨外脆內嫩燒得剛剛好食落去有啲煙燻味簡直係開胃小食😄🔅 粟米串 HKD 28 粟米串烤得香脆口感十足簡單又好味仲可以當小食食啱啱好😛🔅 火焰沙白蟹鍋 呢個鍋真係好豪華蟹肉同沙白夠鮮甜店員首先將蟹同沙白炒香加入一啲煮食用酒再點火惹味又打卡一流🔥🔅 美國安格斯牛肉(中) HKD 268 牛肉切得薄薄肉質滑嫩啲油脂花紋好鬼吸引牛尾夠濃入口即溶仲加咗啲冰喺側邊散發住啲仙氣😎🔅 花雕醉雞件 HKD 138 醉雞肉質滑嫩酒香撲鼻食落去真係好滿足絕對值得一試😆🔅 自家製黑松露蟹肉餃 HKD 68 餃子皮薄餡多黑松露味道濃郁蟹肉新鮮每一啖都有驚喜🤭🔅 雜菜拼盤 HKD 88 一個色彩繽紛嘅拼盤搭配多種蔬菜清新可口仲可以中和火鍋嘅油膩感健康又好味🔅 酸梅湯一榨 HKD 68 呢款酸梅湯清新解膩飲落去唔會太甜仲有點酸酸嘅口感.整體來講：豐富多款 惹味好食😚.🎈 云手工火鍋店 (尖沙咀)尖沙咀加連威老道20號瑞生尖沙咀酒店3樓

FD黎香港旅行，指定要試哩間火焰火鍋，咁一早book定台啦。餐廳裝修得古香古色，除咗火鍋，仲提供數款串燒同小菜。美國安格斯牛小排，串燒火候唔錯，牛小排表面焦香，內裡juice，用咗醬烤方式烤制，同牛小排好夾。火焰花甲蟹鍋，哩個鍋底係今晚主菜，用咗一整只新鮮花蟹同埋大量花甲烹製。侍應會係面前炒熟鍋底，之後落咗白酒點火，用火焰對海鮮進行二次烹飪。宜家食海鮮正當季，海鮮新鮮肉質飽滿好鮮甜。用海鮮煲制嘅湯底，飲落都特別清甜。水晶滑牛，新鮮牛肉厚切，撈埋雞蛋一齊下入湯底。微燙已經可以食，牛肉肉質軟嫩牛味十足。手打蝦丸（半份）同午餐肉，FD嘅最愛，蝦丸彈牙爽口，午餐肉伴有碎碎肉粒。皇帝菜，分量都幾多下，皇帝菜新鮮鮮甜，佢獨特嘅香味同海鮮鍋底好夾。稻庭烏冬，烏冬質素唔錯，煮幾耐都好有韌性。烏冬嗦曬湯底滋味，食到停唔落口。

火鍋店位於尖沙嘴瑞生酒店三樓，位置方便。店內環境優雅，坐得舒服。有好多不同款式湯底、手工丸類、餃類，花多眼亂，值得細味。火焰三椰雞鍋雞件點火烤至半熟，鎖緊保留肉汁，再倒入新鮮椰汁，加上奶白雞湯煮，慢火煮滾湯底，清甜滋潤。秘製蝴蝶腩蝴蝶腩唔係度度有，肉質有彈性，口感極佳。紐西蘭羊肉片淡淡嘅羊臊味恰到好處，淥一淥就食得。花雕醉滑牛全部滑牛用花雕汁浸一會，再放落火鍋灼熟，肉質嫩滑，充滿酒香，大推介牛骨牛汁丸喜出望外嘅濃郁牛肉鮮味，肉丸彈牙，十分推薦手打鹹蛋黃蝦丸彈牙蝦丸入面真係有鹹蛋黃，食落好咸香鮮味。自家製黑松露蟹肉餃餃子皮煙韌，黑松露加上蟹肉的鮮味，味道合襯，非常美味。自家製牛肉小湯包牛肉餡料足，牛肉湯汁滿滿，有爆汁效果。美國安格斯牛小排串燒牛質嫩滑，肉味香濃冬菇串冬菇新鮮，燒烤後香味突出

餐廳主打手工湯底，手打丸類同手工餃子，仲有唔同海鮮同肉類選擇。另外仲有串燒可以食，真係一次滿足兩個願望。火焰三椰雞鍋($348)全個鍋底都係係客人面前即場汁準備！店員先將黃油雞同椰子肉煎香，之後加上白酒再點火，令到雞肉有酒香。跟住分別加入椰青水、椰皇水同鮮雞湯，慢火煮滾湯底再撇走湯面油脂。湯底飲落清甜滋潤而且有椰香。花雕醉滑牛($128)新鮮牛肉配上花雕酒，嫩滑無筋，酒香豐富。秘製蝴蝶腩($128)蝴蝶腩唔係咁易度度有得食，呢到嘅蝴蝶腩肥瘦均勻，肉質細嫩而且有彈性，十分有咬口。紐西蘭羊肉片($138)自家製黑松露蟹肉餃 ($68 - 半份)餃皮煙韌，饀料有菇碎同蟹肉碎，黑松露味濃。自家製牛肉小湯包 ($68 - 半份)牛肉小湯包牛肉湯汁好多，一咬開有爆汁效果，牛肉饀好滑好香。手打鹹蛋黃蝦丸 ($52 - 半份)手打蝦丸釀左鹹蛋黃入去。蝦丸爽口彈牙，而且鹹蛋黃咸咸香香，口感同層次十足！牛骨牛汁丸 ($52 - 半份)串燒美國安格斯牛小排 ($68)冬菇串 ($28)

朋友帶我嚟呢間出名手工湯底嘅火鍋店，餐廳地點位於尖沙咀鬧市，都方便！湯底～火焰椰子雞湯呢款湯底真係超清甜，原個椰皇即開即倒，椰子水嘅香氣與雞肉完美融合，淡淡湯都好滋潤。水晶滑牛配搭蛋黃嘅厚切滑牛肉，肉質非常鮮嫩，有牛味，啖啖肉，值得再encore！手打墨魚丸、手打蝦丸兩者都口感彈牙，吃上去有著豐富海鮮風味，和清甜嘅湯底好夾，讓人驚豔。雪場蟹棒帶有淡淡甜味，很有口感。串燒廣島蠔烤至微焦，蠔肉外酥內嫩，香味濃郁，如果份量多啲會更加好😆喜歡惹味嘅人士就啱哂。

本身個人都喜愛飲老火湯，今次order呢款火焰椰子雞湯底，睇住店員先炒香雞件和椰肉，點火炒香，再加入幾個新鮮椰皇水，遠距離已聞到香氣，湯底一滾就飲得，濃郁度十足，入口香甜，忍唔住都飲咗幾碗先開始打邊爐！火鍋材料有鮮蝦雲吞、招牌新鮮鵝腸、花膠、鴨血、炸枝竹和台灣寛粉，款款都很新鮮，花膠，呈半透明，滾大約10分鐘就食得，口感滑潤，能很好地吸收火鍋湯底味道。台灣寛粉都係吸湯之選，淺米色寬條狀，口感富有彈性，煮熟後很滑順。我哋另外都order咗廣島蠔串燒，用竹籤串起，蠔身表面微微焦脆，色澤金黃，入口有汁，帶有淡淡鹹香，搭配檸檬汁，入口很鮮美。

餐廳標榜「手工湯底」，雖然比一般湯底略貴，但真材實料，專人服務，是值回票價的。我們點了🏅「火焰三椰雞鍋」（$348）。店員先在我們面前爆炒雞件，黃油雞加上新鮮椰子肉，炒幾下已香氣撲鼻。跟着點火！甚有氣勢。之後是新鮮椰皇水、椰青水和鮮雞湯，未飲已想像到的清甜。湯滾起後店員還會細心撇走油脂，清甜滋潤的椰香雞湯便可享用了。一邊飲雞湯，一邊食幾款小食和串燒，最後打邊爐，非常滿足。打邊爐中途會再加雞湯，同樣清甜可口，絕不會稀釋無味，抵贊。小食和串燒都很精采。小食：🏅招牌酥炸惹味茄子（$68）～～大碟惹味，茄子炸得外酥內軟，香脆可口，一點也不油膩。串燒：🏅荔枝豚肉串（$48）、🏅白鱔（$88）～～豚肉片卷着荔枝肉，清甜有口感。～～白鱔肉嫩多汁，魚皮脆卜卜，好好食。火鍋配料：～～🏅花雕醉滑牛（$128）：新鮮牛肉片嫩滑無筋，自家調製的花雕酒汁醇厚，美味。～～🏅手打鹹蛋黃蝦丸（$52）：手打蝦丸彈牙，口感十足！ 鹹蛋黃控不可錯過。～～🏅皇帝菜（$48）：新鮮大份，洗得乾淨且乾爽。

云手工火鍋尖沙咀加連威老道 20號瑞生尖沙咀酒店3樓與朋友在尖沙咀逛街，攰攰地想搵間環境清靜嘅地方打邊爐，就喺加連威老道的瑞生酒店內的「云手工火鍋店」開餐，真的有小驚喜😍朋友喜歡吃蟹，梗係揀「火焰沙白蟹鍋」鍋底，材料豐富，主要有海蟹和沙白、再加上辣椒、紅蘿蔔及香芹等配料👍服務員把酒放入鍋底中炒香內裏的材料，熊熊火焰就出現，有啲噱頭㗎🤪另外我哋揀了花雕醉滑牛、手打芝士牛丸、鹹蛋黃蝦丸、自家製黑松露蟹肉餃、鮮蝦雲吞、水餃等，還試埋串燒，最後點了一份雜菜拼盤，吸收晒湯底的精華，食得好滿足👍整體來說，這裏的食材材料新鮮，海鮮及肉類有鮮味，肉質嫰滑，而且份量足；丸類肉質彈牙，我最鍾意係有流心蛋黃的蝦丸，非常惹味；另外最特別的是花雕醉滑牛，牛肉味濃郁又夠滑，加上我哋喜愛嘅花雕味另有一番風味，正到爆❤️我和朋友都非常享受今晚的打邊爐晚餐，質素相當高，絕對值得一試😃

📍餐廳：云手工火鍋🏫地址：尖沙咀加連威老道 20號瑞生尖沙咀酒店3樓好耐之前食過一次，覺得喺酒店內嘆火鍋確係不同，除咗食物質素高之外，環境超級舒適雅致，服務殷勤，所以今日再同朋友到「云手工火鍋店」打邊爐，又見到新增了串燒食品供應，都點咗兩款試試，有水準😃～串燒雞翼及荔枝豚肉串燒得夠香口，加了適量的七味粉及孜然粉調味，很惹味，肉質口感佳😀～火焰沙白蟹鍋真係有一隻肉質鮮嫩的蟹㗎，沙白的份量也不少，而且新鮮😋上枱吸晴，服務員將材料炒香後澆上酒，造出的火焰效果夠特別，令我哋睇得開心😬～美國安格斯牛肉沒有叫大份量，點選中的份量都足夠我哋四個人食，牛肉肥瘦適中，肉質嫰滑，大家都讚不絕口🤗～花雕醉滑牛我哋好鍾意花雕的香味，把全部滑牛放入花雕汁浸咗起碼15分鐘先再放落火鍋裏便灼熟，好好味呀，所以終於encore咗一碟😍～自家製黑松露蟹肉餃黑松露味道非常濃郁，蟹肉鮮味，口感佳😀～手打鹹蛋黃蝦丸很有爆汁的感覺，鹹蛋黃流沙的感覺好正，蝦丸彈牙兼有蝦味，美味之選😍～雜菜拼盤份量足，有唐生菜、津白、粟米、番茄，及油麥菜等，全部夠新鮮，特別鍾意唐生菜的爽脆😊

《云·手工火鍋》以手工鍋用料豐富聞名。店內裝修簡潔，空間寬敞，座位舒適，唔會有擠迫感，適合一大班人聚會。 店內除咗提供火鍋外，仲有刺身、小食及串燒選擇！為咗留肚試佢嘅火鍋，只點咗幾串串燒。🔸牛舌心外脆內軟，如果份量再多D更好；荔枝豚肉配搭不錯，用半肥焦香豚肉包住荔枝，好Juicy。期待已久嘅手工鍋，有8個選擇，order咗「火焰三椰雞鍋」！店員親自將雞、椰子🥥及海底椰炒到微微金黃，再倒酒點火迫出食材味道，之後倒入新鮮椰青水、椰皇水及雞湯煲滾（要讚讚店員，幫客人隔走雞油，先讓客人品嚐雞湯）。成個湯底好清甜，散發濃郁椰青香，令人不斷添飲🤤；雞肉份量大，新鮮嫩滑，味道較淡，但配埋自選醬料，味道就剛剛好🥰🥰店內提供多款火鍋配料，而海鮮、本地牛、安格斯牛、手打丸、手工餃都係店中亮點。所有配料都經過嚴格挑選，保證咗口感和質量，特別推薦佢哋：- 美國安格斯牛肉：雪花分布平均，肉質鮮嫩，口感佳，肉味濃👍🏻- 自製黑松露蟹肉餃，皮薄餡料足，黑松露味濃，雖少少蓋過蟹肉鮮味，但都好好食- 手打蝦🦐丸爽口彈牙，味道鮮，完全食唔倒粉漿感- 驚喜✨雜菜拼盤竟然有冰菜，外面唔容易食倒

秋風起到了火鍋季節 朋友約打邊爐仲話係酒店入面 原來是位於某尖沙咀酒店的3樓 地點方便 座位闊落坐得舒服店員先上了個九宮格醬料給我們自己調配 這樣比較企理而且不用自己行出去整 讚心大心細之後選了火焰三椰雞鍋 $348 很好奇為什麼是「火焰」 原來是店員會先上鍋連生雞煎炒 再加酒然後加火令到有火焰炒香雞件 最後加上椰皇、椰青水及雞湯煲滾便食得；首先一定要飲番碗椰子雞湯 清甜而雞味濃厚 好飲！火鍋料值得一讚是很多都有半份/大小的選擇 即使人少都可以試多幾樣 最後會推薦✨美國安格斯牛肉（大） $378: 上枱便見到雪花很漂亮 份量合理 店員建議碌5-10秒便食得 牛肉滑身而且牛味濃✨牛骨牛汁丸（半） $52: 小心咬開雖然不是爆汁 但中間看到很多牛汁 好吃✨自家製黑松露蟹肉餃（半）$68: 餃子皮薄 食落啖啖黑松露味 但又不會太搶 不錯另外這裏還有串燒選擇 我們試了荔枝豚肉串 $48 牛舌心 $58 及日本鱈魚乾 $48 3款都不錯 特別是牛舌心 夠厚身而且入味