雲南媽媽米線

营业中

休息中

湯底濃郁，配料澎湃！身為米線控，聽聞深水埗「雲南媽媽米線」的招牌「雲南大豐盛米線」配料超多，今日終於一試！果然名不虛傳，一碗上枱，幾乎被滿滿的配料遮住湯底，視覺效果先贏一仗！湯底：我選了清湯底，適合大眾口味。湯頭有濃郁的肉骨香氣，帶微微蕃茄和香料層次。配料：· 豬爽肉：肥瘦均勻，入味。· 雞肉：嫩滑不柴，似用雲南香料醃過，帶少許孜然香。· 腐竹、芽菜吸飽湯汁，爽口又惹味。•自家製酸菜，酸甜脆口，完美中和湯底的油膩感。• 最驚喜是墨魚頭：爽口彈牙，好有咬口 米線份量足，煮得剛好，掛湯力強，嗦起來超滿足！缺點：配料雖多，但部分如火腿片稍嫌普通，若換成雲南特色食材（例如乳餅或酸筍）會更地道。環境：小店格局，座位略擠，但乾淨企理，服務員態度親切，上菜速度快。總結：$68一碗「大豐盛」性價比高，飽到捧住肚走！推薦給愛濃味、重配料嘅米線迷。下次想試佢嘅「蟲草雞湯米線」！回頭指數：★★★★☆評分：★★★★☆ (4/5)抵食指數：（人均約$50-$80)---標籤：#深水埗美食 #米線控 #酸辣上癮 #大份量

大盛唔好食，湯太淡，墨魚頭怪味，小辣唔辣，中辣太辣，冬菇好食😋 金湯魚好味，個湯飲得出係有魚味，大份束料。米線份量唔錯👍湯底無咩味精味，小食無試，下午茶送嘢飲。環境： 冷氣夠，卡位環境闊落，餐牌有d污糟，地下座位算乾淨

涼拌墨魚咀有驚喜👍🏼涼拌醬汁調味剛剛好，辣油不是使用科學辣油，酸度辣度平衡得非常好。墨魚咀非常爽口，沒有腥味和雪櫃味👍🏼小窩米線點了小辣酸辣，配菜有蘿蔔，腩肉同大腸，滷水汁偏甜，但整體很不錯👍🏼 但係如果下次再去幫襯的話就會選擇中辣甚至大辣，小辣嘅程度可以形容為譚仔十小紅糖糍粑雖然唔係最好吃的那種，但係也不錯👍🏼 外脆內軟，上菜嘅時候都係熱辣辣的，黑糖沒有很甜，外皮非常軟糯，建議可以食完米線後先至叫就可以熱辣辣咁食

從來未寫過食評，但係今日第一次為咗呢次體驗去寫食評，其實呀女成日去深水埗打波，所以要搵嘢食，門面好普通，一啲都唔起眼，無咩裝修，不過我地都係食嘢為主唔係食裝修，小食墨魚嘴好好食，米線同湯底正常，正常嘅，但係豬軟骨非常淋又入味，炸醬好出色，估唔到可以比得起葵涌米線小店，真心欣賞，如果行開深水埗，唔使一定排曬隊食文記，食呢間都好有驚喜，冷氣都好涼爽，坐得舒唔舒服就一般般啦，不過咁都好闊落嘅，真心推介比大家。

就算間野幾好食我都唔會主動寫食評，呢間鋪可能算叫新開所以唔算太多人黎食？見擬似老闆娘好辛苦甘响門口係甘叫啲人入嚟食，真心唔想佢無生意要執笠，決定寫個食評推推佢老公叫金湯底 貴啲但好惹味，我叫招牌麻辣 都唔錯，不過佢啲湯底唔係果啲好濃好油果種，鍾意濃厚湯底既人可能會嫌佢唔够邪惡好少地方有墨魚頭 佢有 仲要係好味，熟度岩岩好，以後唔洗專登過海去榮記食豬大腸一直係我食米線都必點既 我覺得中上，老公點腩肉唔乾身好入味鋪頭乾淨企理 想食雲南米線可以試吓

第三次專登過黎食啦.好鍾意佢既湯底，好鮮，真係好似佢自己所講用左6h 去熬製既湯底. 超推薦佢既小鍋米線. 小食既話，前2次係食小蘇肉 ，好好味，份量又足. 今次就麻辣豬耳，都好唔錯，份量都多.

行完深水埗商場同屋企人唔知食乜，見佢仲有空枱，所以就直接行入去。產品望上去都幾豐富，因為唔知份量，所以我哋就先嗌咗一個大米線，店員姐姐好誠意咁推介我哋去試佢哋嘅米線同埋唔同嘅湯底根據姐姐嘅介紹，我哋叫咗一個雲南大豐盛米線。入面嘅配料好豐富，有魷魚木耳芫荽腐皮雞絲蟹柳酸菜芽菜，仲有嗰啲唔記得詳情可以睇返餐牌，唔食某啲配料嘅記住提醒姐姐幫你哋走咗佢。米線就唔算好多，但係都幾好食，要提醒一下魷魚都屬於海鮮高膽固醇嘅食物，佢哋整得唔太熟，但係都要注意份量係有驚喜嘅蒜泥白肉，蒜泥味唔算好多佢係$1薄豬肉捲上青瓜口感好新鮮，我唔係食好辣嘅人都食到。仲有食咗一個嘅鮮蝦腐皮卷，佢感覺似係炸魚蛋，即叫即整，而佢個蝦滑都打到好細。

#深水埗#雲南媽媽小弟係深水埗嘅飯店，今年已經幫襯咗好多次。喺福榮街黃金商場對面，某米線連鎖舖隔離。腩肉甜甜地勁好食，大腸到好正，冬菇係乾冬菇炆嘅，味道比鮮冬菇濃。今次叫中辣，大約係其他舖頭嘅小辣程度。嗌咗爽米，好彈牙，但有少少硬，睇嚟正常程度應該啱啱好，唔使特登叫爽米。有幾位谷友都話雲南媽媽好食，但係冇乜人幫襯。我都覺得奇怪，可能係附近太多選擇，新舖頭少人留意。份量都幾足，唔覺意食到見底，飽晒😋

今日去試雲南媽媽，墨魚頭腩肉小酸辣小窩米線，萵筍腩肉小麻辣小窩米線，大腸豬潤中麻辣小鍋米線，炸雞翼，炸腐皮春卷，泡椒魚皮。辣到比起出邊。墨魚頭細舊嗰啲好好食，有口感有味道，不過大嚿嗰啲有少少韌，腩肉，大腸，豬潤都出色，豬潤大塊得來厚度夠，好味，米線好滑，唯獨係個湯底冇乜層次，爭少少，我叫嘅係中辣，食出嚟係小辣。炸雞翼，完全係生炸，脆口得來，入邊唔乾，有肉汁。炸腐皮春卷都炸得好好，不過入邊嘅魚肉略嫌唔夠口感，整體好食嘅，泡椒魚皮就好似大陸一拆袋即刻食得嗰啲，唔推薦。食完唔算好口乾。

#深水埗#雲南媽媽#有靈魂的米線近來新開張，睇到幾位谷友好評，深水埗實在太方便，吸引咗我入去。腩肉+大腸+冬菇 小窩米線 小辣。湯底微辣、唔鹹，入口舒服。腩肉微甜偏瘦，薄切口感軟綿。大腸入味少肥，但稍嫌煙韌。冬菇索滿湯汁，好食。由於湯底有大量肉碎，而且唔鹹，勁好味，幾乎飲晒見底。個人覺得米線要有足夠肉碎，先至有靈魂，呢個湯底絕對係相當出色👍🏻熱辣辣嘅天氣，最後食返碗冰粉，prefect ending😋

I came to Sham Shui Po and met this Yunnan mother.Hot and sour taste is very appetizing.The environment is clean and fresh.I like eating his duck blood very much. It's delicious.Fried chicken wings are a little burnt, but they are also delicious.很喜歡酸辣的那個口感。很開胃！米線也很軟，這個雞湯底很贊！在深水埔很有性價比，值得下次再來。

雲南媽媽米線嘅「盤盤撈」(姐姐咁叫)——作為晚餐，今次我揀咗風琴，、腩肉、同埋框粉，配埋公仔麵底，都幾滿足個份量都幾大！（可能因為我比較細食）風琴豆腐都幾有咬口，配少少麻辣嘅配料，都算惹味。 腩肉都算肥美，不過份量就比較少。 返份就都算係咁，配埋公仔麵底，份量都唔錯，辣度啱啱好，食完我都有啲飽。 但係對我嚟講美中不足嘅就係食物都比較油， 食得唔係好慣。而呢間舖頭嘅環境都算乾淨企理，服務態度都OK， 但係價格好似比以前仲係叫「花小椒」 嘅時候貴咗啲， 但係嚟講都係一般晚市嘅價錢。

平時午餐都有黎呢個舖位食飯，而呢個米線店既上一手係一間食川式冒菜既店，價錢貼地，味道都唔錯，而今日打電話黎叫外賣，仍然叫到花小椒既菜式金湯酸辣米線（$57）（外賣+$2）如果揀金湯酸菜，就只配一餸，我就揀左豬爽肉，牛柏葉（+$9），鴨血（+$9），再轉公仔麵（+$2），再加底（+$12），味道係幾好，係同舊舖一樣既味道，特別係湯底真係正👍🏻但係舊舖既午市套餐原本已經包3餸，再送阿薩姆紅茶，我加底埋單都係大約$70，依家食一模一樣既食物貴左$20真係R曬頭，最重要佢地既外賣電話都冇改，所以我係唔知花小椒已執變成今日既雲南媽媽‼️ 完全就係舊店運作，改過個名，改個更貴既餐牌，食物一樣，真係可以用搶錢黎形容，今餐算我唔好彩，唔知佢已經執左再重開新店，不過食埋今餐就冇下次架啦😡

深水埗一間新開嘅米線舖頭，唔知係咪新開嘅關係，舖面非常乾淨衛生見到米線關注組介紹，就過嚟試吓。叫咗兩碗金湯酸辣湯底BB辣，我個碗要咗3餸，豬紅、萵筍同腩肉（餐牌上邊寫住招牌必點），又真係幾好食，不過偏肥。另一碗都係腩肉、蟹子丸（唔好食。。。）同通菜。金湯酸辣湯BB辣原來都幾辣，或者我哋兩個唔係好食得辣掛，食到滿頭大汗下次要嚟試下招牌小窩米線同蟲草花雞湯米線先！希望餐廳可以保持水準，唔洗食3哥譚仔啦