二鍋頭 (福苑)

营业中

休息中

2020年6月14日。雨。旺角。呢日晏晝個天都好地地，夜晚就落雨喇避雨最好好啲咩？緊係打邊爐喇！任飲任食兩個半鐘都係$198，好抵喎！時間尚早，未算多人，之後全場爆滿！建議想食嘅話訂定枱～醬汁配料種類多！（埋單仲要見唔收醬料費！感覺更抵！！）除咗雞煲，原來可以嗌鴨煲，第一次見！但可惜我唔食鴨，鍾意食鴨嘅朋友可以試試新意思～火鍋選擇都算多款！6人以上仲可以2個鍋，幾貼心～出去攞嘢飲嘅時候順便睇埋雪糕櫃～但係最後食太飽。。。搞到食唔落甜品。。。好傷心！飲品都係好多元化～除咗汽水，隔籬仲有中式消滯、下火飲品同埋啤酒～任君選擇～二鍋頭惹味雞煲有埋餐廳個名，好明顯係招牌菜！男朋友唔太食得辣，揀咗小小辣，但完全無減惹味程度！首先，雞嘅份量驚人，雞腳都有3隻！入面應該有唔止一隻雞～兩個人努力地密密食，最後食剩5分1左右下次再食，我會講聲減啲份量，唔好浪費～滋補藥膳鍋食完惹味雞煲，我哋決定食清淡啲，所以嗌咗個藥膳鍋湯底非常清甜，乜都未淥，我已經飲咗2碗湯，呵呵～餐廳另外一邊有自助區，可以自己夾菜、丸、菇之類嘅材料側邊仲有響鈴、魚皮同公仔麵～我哋另外就用點餐紙落海鮮～推薦活海蜆！！勁大隻～仲要非常新鮮，

因為疫情關係, 呢幾個月都唔敢出街食飯, 難得疫情減退, 朋友同自己都放下戒心, 決定去食返餐勁既! 今次我同朋友黎到旺角既一間任食雞煲同打邊爐，間鋪叫做二鍋頭，相當有氣勢！雞煲辣度分左４類，分別係小小辣，小辣，中辣同大辣，因為有朋友唔係好食得辣，於是我地就叫左個小辣既雞煲。雞煲既雞份量非常多，好足料，連唔食得辣既朋友仔都話非常惹味，仲話小辣其實都唔算辣，下次要挑戰中辣，唔食得辣既朋友們都可以初嘗小辣先。食完雞煲就可以轉打邊爐，湯底分左８種口味，我地今次就試左沙爹湯底，好有沙爹味，唔辣，令到每件放入去既食材都入曬味。大家可以係後面既雪櫃拎自己想食既野，有唔同種類既菜，公仔麵，烏冬，雜丸等等，仲有我最中意既支竹同響鈴，岩曬食素既朋友。另一邊有飲品櫃，汽水啤酒同涼茶咩都有，隔離仲有雪糕雪條做飯後甜品添！而落單紙都有唔同既肉類同海鮮可以揀，呢到既肥牛絕對唔un，反而好柔軟易趙口，值得一試。

雖然天氣咁熱，但係都好想開着冷氣咁打邊爐。呢到仲有雞煲，可以邊爐雞煲一次過，滿足晒我嘅願望。首先一嚟可以揀雞煲或者鴨煲，連辣度都自己選擇。因為有朋友唔食鴨，所以我哋叫咗小辣嘅雞煲。雞煲入邊有好多配料，有雞爪、大蔥等等。雞塊都幾入味，唔算好多骨。食完嘅話仲可以refill。之後就可以轉打邊爐啦，肉類、海鮮類，大部份都係可以喺落單張紙度搵到，其他都係自助式。湯底方面選擇都幾多，而我就揀咗沙嗲湯底，沙嗲味都幾濃郁！最推介就係個墨如滑，好彈牙，食落好新鮮！呢度仲有我最鍾意嘅響鈴添，加晒分！飲品方便，呢度仲有好多鴻福堂嘅飲品，啱晒打邊爐嘅時候降下火！最後仲有雪糕做甜品添！

限制令終於解封啦!今日終於可以約一班朋友出嚟食飯啦!我哋就揀咗位於旺角嘅「二鍋頭」雞煲同打邊爐任入任食,每人唔使$200就可以任飲任食!(包一款啤酒)其實我就唔係太食得辣嘅,但係朋友比較鍾意食辣,所以我就試吓少少辣嘅雞煲,原來少少辣嘅雞煲都幾好味!最後我哋食咗兩次雞煲先轉火鍋我哋叫咗個鴛鴦,川朝麻辣配正宗豬骨湯!方便鍾意食辣同鍾意食辣嘅朋友都可以一齊食而且好多食物可以揀,蔬菜類遠慮肉類海鮮類都有鍾意調味嘅朋友有醬料自助區可以調教自己喜歡嘅味道!地方夠大又夠乾淨我哋食得好開心,靈柩好似以前咁幾個人一齊食飯真係好開心呀！

同朋友去聚餐，揀左旺角區比較方便。上網見一間都好多人推介的雞煲-二鍋頭。一班朋友去食，最好都係可以任飲任食，呢度有2.5小時任飲任食火鍋放題，坐食慢慢傾慢慢食。先黎可以揀「二鍋頭惹味雞煲」或「火焰鴛鴦鴨煲」。有四種辣度，可以揀小小辣，小辣，中辣同大辣。我地揀左小小辣雞煲，都唔算太辣，少少辣反而更惹味，連唔食得辣既朋友都接受到。雞件都有大大舊肉，岩晒我呢啲唔識食骨既懶人，另外又有啲骨位岩晒我中意啃骨既朋友，兩種都一樣非常入味。食完可以refill… 無錯，係雞煲同鴨煲都可以任食。食完雞煲，仲可以揀湯底打邊爐，平時去食其他，只係得清湯，但呢度有八款火鍋湯底仼你揀，我地六人以上仲可揀二款湯底，真係好少有。我地揀左鴛鴦，川椒麻辣鍋同正宗豬骨鍋。火鍋料方面，可以選擇都唔少。特別係欣賞店家將蔬菜，面，丸類都放了在自助櫃，可以按自己需要取用，很少見自助櫃有甘多選擇。而肉類，海鮮，及某些食品就可以寫紙仔落單。比起其他餐廳，二鍋頭有多好多不同的選擇，例如：白鱔片，海蝦，蜆，帆立貝，青口等等都係仼點仼食。我比較推薦綿滑嫩口不韌肥牛，超爽口脆鯇魚腩，超新鮮海鮮每樣都有試。飲品都有大約十款，汽水，涼茶，烏龍茶

可以一次過滿足哂食雞煲同埋打邊爐既願望😍，價錢仲要200蚊有找，真係抵一不得了。先來一個雞煲，辣度可以根據個人口味去選擇👍🏼，雞件都好多，煲到入哂味，大部份都好嫩滑😋，食完一個雞煲唔夠喉可再來多個😆。之後係火鍋，呢間餐廳同出面既不同之處係火鍋另外再選擇湯底，並唔係剩餘既雞煲直接加水，感覺冇咁多油同乾淨啲👍🏼。火鍋配料可以係紙上面選擇，有約30款🤩，海鮮食材新鮮爽口，肉類都有質素，餃類選擇多，而蔬菜類同丸類可以係出面2個大雪櫃自助取，菜都好大棵好完整，選擇超多。飲品同調味料都係自助式，可以係出面拎到👍🏼。

好耐冇食過雞煲喇 食雞煲一定要約班辣妹一起吃先好食😋， 今次呢一間係其中一位姊妹揀嘅 貪佢夠就腳 就係旺角中心對面 而且二百零蚊任食👍🏻👍🏻 汽水任飲 食完雞煲之後就係任食打邊爐， 先講下個雞煲先 辣度任你揀 由小辣開始食到中， 佢個辣度有少少甜味 而且唔搶喉 個麻嘅感覺都唔會太耐👍🏻👍🏻 而且啲雞入曬味 都算幾滑， 佢個雞煲嘅唔係雞腳係鳳爪嚟㗎 都幾好味喎 我哋食完兩個雞煲之後就開始打邊爐 款式都算多 當然有啲貴價海鮮要自費啦🤔， 我哋食咗個海蝦都算彈牙脆肉鯇都唔錯 總之用了都算新鮮 環境都企理乾淨 打邊爐我最愛係要午餐肉 佢個午餐肉都幾好味 裏面有肉絲嘅👍🏻 總括嚟講 任食打邊爐 佢嘅選擇都算多👍🏻

限聚令解封，即刻約朋友一齊食飯，成6個人，打邊爐就一定人人都鍾意食，我地就去了旺角『二鍋頭』雞煲/鴨煲兼打邊爐任食任飲。大家始終係想食雞煲，有四種辣度可選擇，小小辣/小辣/中辣/大辣，但係部分朋友不是太食得辣，所以叫了小辣，這個名叫二鍋頭惹味雞煲，佈滿洋蔥芫茜，賣相吸引，上枱時，店員會幫忙攪勻，調至細火後，讓我地慢慢品嚐，這個雞煲除咗雞件，亦有多隻雞腳， 雖然雞件未至於很多肉，但非常惹味， 小辣的麻香，令不太食辣的朋友們也讚，大家食完都不夠喉， 要encore多一份， 今次還挑戰中辣， 愛好食辣的我，當然覺得 過癮， 其他不太好辣朋友，就未必食到了。食完雞煲，我地叫了鴛鴦鍋 ，川椒麻辣鍋拼正宗豬骨鍋，賣相又係非常吸引，點菜單上面有數十款食物選擇， 每次落單可以叫10款，另設自助區，有數十款蔬菜丸類等可以任取，所有食物也很新鮮，川椒麻辣鍋，辣味不高，麻得過癮， 令肉類鮮味更出，尢其肥牛，特別入味好吃，正宗豬骨鍋，材料很足，味道清甜，用來打邊爐人人也喜歡。另外自助醬料，自助飲品任取，飲品亦包一款啤酒，想飲其他啤酒要自費。這裡地方整齊乾淨，食物種類繁多，食材新鮮，地方就腳，價錢大眾化，好適合

限聚令放寬了，終於見返朋友仔打邊爐旺角有間餐廳又可以任食雞煲鴨煲及打邊爐，地點又方便，價錢又經驗實惠，$188另計加一都抵啦。先嘆個雞煲，辣度有得挑戰下，第一轉少少辣，嘩，食完個嘴都麻左，雞件有脾位及骨位，都有好多件，加上芫茜，提升了雞煲的香味，而且麻辣汁滲入雞肉的肌理，好正，仲有雞腳，補充膠原，唔錯，我們人多，甘就再叫多轉。第二轉來個中辣，多左辣椒仔，店方會重新換過一煲，值得讚。打個鴛鴦鍋，麻辣加豬骨，真材實料，肥牛肉質不錯，脂肪及肉分佈均勻，海蝦新鮮，一串串方便食，鮮甜結實，墨魚滑食到墨魚粒粒，帆立貝都好大粒，正仲有飲品任飲，出面仲有其他丸類，蔬菜任君選擇，菜心很翠綠，其他食物都好正，好滿足

行完旺中就睇下有咩食 見到對面有間二鍋頭 係食雞煲邊爐 就去左食啦 今次早去所以都仲有位 但下次就要book定啦 因為都好full我地嗌左雞煲小辣 開頭食唔會辣 但越煮啲麻辣味出晒黎 但都唔會話勁辣個種 都幾惹味 同埋雞嘅份量都好多 同埋夠淋身 食完啲雞都半飽咁濟🤣 之後我地揀左川椒麻辣鍋 明明唔太食得辣 但偏要挑戰下 又係開頭食都還可以 但越打就麻辣味越出 好過癮😂不過有好多野飲可以止辣 有平時嘅汽水 茶等等 種類比平時嘅多佢有一張紙係for肉類同海鮮 而啲丸 菜 其他配料就自己出去拎 雖然係自己去拎 但個雪櫃都長期閂住 確保衛生我地就揀左肥牛 蜆 花枝片 墨魚滑 啲食物睇落同食落都新鮮 肥牛唔會太多肥膏 亦有牛味 唔錯 蜆就有海水味同無沙 岩晒鐘意食蜆嘅我 花枝片就好爽滑 墨魚滑就夠彈牙而其他嘅配料我地就拎左魚皮 響鈴 娃娃菜 丸 豆腐等等 魚皮同響鈴都好脆口 索埋麻辣湯底 真係好辣又正 而娃娃菜就真係要攤凍少少先食 因為佢好索啲辣味 攤涼下感覺上冇咁辣🤪 佢嘅蟹籽丸比平時嘅多餡 食落每啖都好滿足由於太飽嘅關係 我地冇拎多轉野食 就食甜品 雪糕雪條 好鐘意佢個隻椰子香芋味雪條 第一

每次去到旺角都好想打邊爐，但每次打親邊爐就好頭痛，太多太多選擇，間間好似千篇一律，價錢又差唔多，所以我哋嘅朋友多數揀一啲中心點嘅位置，唔太難搵，行行吓見到旺角站行落黎呢間，見到人頭湧湧，就上去睇吓啦，可能我哋都係早，唔使等位，於是就入去試吓啦，任飲任食嘅火鍋最啱我哋，職員仲可以話雞煲可以添加，另外火鍋料嘅款式都好多，放喺雪櫃入邊，保持新鮮，嘢飲起碼有15款，仲有雪糕，我哋兩位食完雞煲，跟住就打邊爐，雞煲味道適中，唔會太辣，因為太多打邊爐材料，乜嘢都食啲啦，烏冬好煙銀，仲有啲菜都好甜，另外丸類都好多，如果鍾意三五知己打邊爐又想多款式嘅，值得一試

一向都好鍾意食任食火鍋，貪佢一個價錢就可以食齊多款配料，仲有埋任飲，非常超值。今次就去左旺角依間火鍋店，環境非常乾淨企理，我和友人被安排坐梳化位，好舒服。我們選擇了先食雞煲，之後打邊爐。可以選擇食鴨煲的。雞煲賣相吸引，分量十足，雞肉大大件又香又入味，食落仲好惹味添。火鍋方面，我們選擇了豬骨湯底，真材實料，味道濃郁，抵讚! 配料選擇多，除左點菜紙之外，仲有火鍋配料自助區，配料新鮮, 肥牛同鮮牛肉質素好好👍食埋雪糕，雪條，真係非常滿足!任飲任食價錢:9:30pm前入座$198+10%9:30pm後入座$178+10%

放工約左朋友係旺中等，行左陣見肚餓，就近近地係到揾一間 ，一出旺中對面望到間上樓火鍋 ，落地玻璃設計，都新淨又近，所以上去試下。原來係雞煲任食火鍋， $188 加一 全包。環境衛生都ok, 有卡位坐又有電視，氣氛幾好！首先會有雞煲或鴨煲任選，我就點了小辣雞煲，唔夠可以再追加，但本身都幾大鍋，最後一鍋就okay,雞煲好惹味，有大蔥香茜等醃菜 份外滋味食完雞煲之後，輪到火鍋出場！！有8款湯底，我點了藥膳鍋，清得來又可以補補，啱我任食可以係單到order，又有自助區的蔬菜，肉丸之類！海鮮以蝦最鮮味，點了兩轉✌️最後飲品甜品都有港式和韓式兩大口味。

今天颱風漸行漸遠，陣雨過後天氣涼涼，正適合我約了朋友一起來旺角的二鍋頭打邊爐🍲，好開心💕因為是自助放題，我們都專門餓了餓肚子，就等著今晚一邊聊天一邊慢慢吃雞煲和火鍋，真的是幸福感爆棚吖🥰🥰我們先點了惹味雞煲，雞煲底料和雞肉都超級入味，真是我想念已久的味道啊！😋😋飲料選擇也是驚喜到我，種類很多，我最喜歡一款韓國的蜜桃🍑果汁，裡面有鮮嫩的蜜桃果肉，果汁也不會過甜，清爽酸甜可口好適合搭配雞煲呢。二鍋頭二鍋頭，雞煲吃完過後就該第二鍋啦😂開始上火鍋，選了藥材清補湯底，湯都蠻好喝的，有紅棗枸杞等，湯帶著一絲絲甜味，暖暖的喝起來胃也很舒服，並且又可以多吃一些了😄我喜歡吃肉，我們點了肥牛、羊肉、鮮嫩牛肉等，也去自助蔬菜吧拿了一些蔬菜：超級新鮮的生菜、西洋菜、山藥、蓮藕、響鈴、還有嫩豆腐，真的是一頓健康滿足大餐！這間餐廳總體來說食物質素、用餐環境都超出想像的好，絕對推薦朋友們結伴來試試喔，聊天敘舊打邊爐的最佳場所，餐廳又不會很吵，服務員態度也超級友善。好吃好喝好環境，以後約朋友打邊爐就來這裡啦！😇😋

又来二鍋頭吃放題火鍋🍲真是開心🥳上一次吃是半年前了，今晚多了好多人，看來生意興隆，因為真心是貨真價實！258每位，吃到飽🥰😍😍餐廳位置進地鐵🚇方便好找～今次選擇了雞煲，小辣味。雞肉細膩多汁，特製烹飪🍳下，很入味。最有特色的是，吃完雞煲後，還有火鍋🍲可以吃。我們選擇了藥膳養生鍋，湯底是枸杞紅棗等藥膳料理，喝一碗特別清甜，感覺這一週的疲倦都在食物的滋養下，消失殆盡⋯⋯配菜在一個大冰🧊櫃子裡面，任拿任吃：）飲品也是任吃。一不小心又放任自己了一下。吃飽喝足，睡意上腦😂點了牛肉和蔬菜🥬都特別新鮮，最喜歡牛肉，特別細嫩。很適合朋友聚餐！讓你吃到飽🤓🤓總結一下，最愛還是湯底，如此鮮美的火鍋🍲用來煮什麼東西都已經很美味了