二鍋頭 (福苑)

营业中

休息中

今日又去了旺角吃火鍋放題，這店除了無限時、無限量任飲任食火鍋外，就連羊腩煲、4款口味的烤魚，也是任食！還有頭盤，我們選了秘制火焰牛尾煲。整個套餐只需$318（需加一）。因我們只有兩個人，更貼心的安排是，頭盤、羊腩煲可要半份，那就可吃更多其他的食物了。雖然全塲爆滿，服務員也細心講解套餐，以及很快便送上食物。頭盤的牛尾煲十分惹味，每一件也帶有點酒香和微辣（可自選辣度），而且牛尾肉質軟腍。接着便是羊腩煲，又一惹味菜式。羊肉軟腍入味，配以支竹和冬菇，味道豐富。另一滿意的是配鴛鴦湯底，我跟朋友口味不同，可以各選所好（清湯豆腐鍋 + 胡椒豬肚雞鍋 ）。這火鍋放題的食物很豐富，我們只吃了一部份，喜歡酸辣涼拌魚皮、牛板腱、本地鮮滑牛、鮮蝦雲吞、鳳城水餃、魚皮餃….等，不能盡錄。臨走前，差點忘記吃返杯雪糕，那就完滿了。

最近又去咗食火鍋放題，今次仲要係無限時，可以食足7小時！🫶🏻🫶🏻🫶🏻.打邊爐之前有5款煲可以無限追加，包括烤魚、雞煲、牛尾煲、豬手煲同羊腩煲，我哋揀咗烤魚同雞煲，味道好好，清江魚肉質實淨冇細骨，每件雞件都有肉，調味唔錯！.之後就到打邊爐環節🍲，可以免費轉鴛鴦湯底，一定要試豬骨湯，奶白色好濃郁！.火鍋配料選擇都唔少，牛肩胛肉質鮮嫩，仲有大量丸類同海鮮任君選擇✨✨✨.最後當然唔少得任食雪糕啦！.📍 二鍋頭 (福苑) (旺角)旺角西洋菜南街138號福苑2樓

FD推薦咗哩間鋪頭，7個鐘無限任食任飲雞煲，4款烤魚，羊腩煲，牛尾煲等，食完仲可以打邊爐，咁一定要試試啦。餐廳裝修得好中式，晚市full咗7成，真係好旺。忌廉乳酪同馬蹄爽，飲品好豐富，除咗傳統汽水果汁，仲有韓式飲品，飲多幾罐都回本啦。泰式鳳爪同皮蛋，套餐包埋小食，鳳爪彈牙爽口，皮蛋辣醬惹味，同皮蛋好夾。二鍋頭惹味雞煲，用自家制醬汁煲制，醬汁醬香味濃郁，唔會好辣。醬汁入到雞肉裡面，肉質嫩滑，食落好惹味。鴛鴦湯底，食完雞煲，可以轉做打邊爐，今次揀咗麻辣鴨血鍋同冬陰功鍋。冬陰宮湯，香茅味濃郁，湯底酸甜惹味。麻辣湯底包含大量鴨血，鴨血嫩滑，湯底唔會好辣。肉類同海鮮，套餐包括數款海鮮同肉，其中牛板鍵最為出色。牛肉薄切入口爽滑，質素唔錯。海蝦個頭唔細，鮮甜彈牙。火鍋配菜，除咗QR點餐，仲有好多配菜任揀。稻庭烏冬烏冬幼滑有彈性，建議放落冬陰宮湯底，烏冬嗦曬湯底味道，食到停唔落口。雪糕，食得再飽，最後都要食多幾盒雪糕，雪糕奶味濃郁，入口即化。

最近天氣突然凍咗好多，又係時候圍爐食羊腩煲烚吓烚吓🔥🥰喺網上見到有人分享呢間位於旺角既二鍋頭餐廳推出緊最長7小時羊腩煲烤魚雞煲火鍋放題套餐😱放題即係任食喎！仲要咁長時間，啱晒同朋友慢慢坐，邊食邊傾🤭餐廳位於旺角中心對面，交通非常方便👍🏻Book左平日8:00pm去到餐廳都有唔少客人,座位寬敞坐得好舒服☺️仲要設有好多部電視比客人睇，如果撞啱世界盃足球比賽既時期，成班朋友一齊打住邊爐睇一定好有feel😆本身以為餐廳一眼睇晒，原來經過一條走廊另外一邊都係屬於餐廳既，擺放左各式各樣嘅火鍋配料同調味料🤤- 費用$318/1位 （未加一）費用包括任食羊腩煲，4款口味烤魚，再加雞煲，牛尾煲，豬手煲任食，然後再揀湯底打邊爐😋🤭 打邊爐仲包含超過100款火鍋配料😱- 前菜（掃碼自助點）竟然有我最愛嘅香辣鳳爪同埋麻辣魚皮😋唔係好辣，但係好惹味😋- 羊腩煲😋羊腩煲真係好正，羊腩炆得好淋入晒味，煲入面其他配料都好入味，有馬蹄 ，冬筍腐竹，冬菇😋食完肉再用個湯底烚吓生菜配埋腐乳食，食落去唔會膩，仲非常夾😋無論係同朋友定屋企人聚會，羊腩煲都係寒冷天氣嘅最佳選擇，食完真係好滿足🤭- 黑椒豬手煲😋豬手煲得剛剛好，肉質

唔可以俾害群之馬危害香港飲食業！今日星期五。見凍凍地，六點半五個人一齊食羊腩煲。上網睇呢間鋪啲煲主打任食。重點係強調無限時！坐低左之後拎野飲。都係放題果啲無特別。然後一個似係經理嘅男人同我地講，用膳時間係六點半到八點半。果下我同朋友講，唔係無限時咩？朋友都打咗個突。諗住食兩個鐘算數....跟住我哋同行五個人，兩張枱有兩個電磁爐，正常都會俾我哋用兩個爐，嚟咗一個羊腩煲之後，一位侍應姐姐同我哋講：你哋要唔要每人加$10開埋另一個爐？我地嗰下聽到真係呆咗我哋五個人每人$400買張單$2000，開多個爐每個人要加$10，唔係呀？如果你話每人要加$10先有多個爐，咁點解你唔安排一張個爐喺中間嘅枱，你咁樣即係擺明屈我啫，如果係咁多Hidden charge，就唔好學人講話無限時任食，咁樣好肉酸囉。我地最後係有每人加$10，因為剩係得一邊有爐，另外一邊嘅人係完全夾唔到嘢。食物嘅味道其實正常，但係加$10開多個爐同埋餐牌寫無限時，但係無啦啦變到得兩個鐘。我同成班朋友都話冇下次。如果真係要收費，應該清清楚楚寫到明喺餐牌度，每人加$10開多個爐我真係以為自己去咗BBQ...................

呢個星期咁凍，又係打邊爐嘅時候啦~ 🤣 $3xx 一個價錢任飲任食，仲要無限時真係好 crazy！😋 惹味雞煲 ~ 首先食個雞煲，辣度要咗微辣，香濃嘅醬汁，輕微嘅麻辣感，配上嫩滑嘅雞件，啖啖肉都好入味，果然係好惹味！😋 羊腩煲 ~ 冬天一定要食限定嘅羊腩煲！好多羊腩，而且炆得好腍，唔太喜歡食羊嘅朋友都可以試少少，因爲無咩羶味。😋 清江烤魚 ~ 條魚好鮮嫩，而且重點係魚骨唔多，啱晒大人小朋友 🤣食到咁上下就開始轉鴛鴦鍋打邊爐！自助區同埋 QR code 落單，有過百款選擇都係任食，約埋 d 酒腳嚟仲可以任飲啤酒，大滿足~~~

早前係ig見到呢間放題好似好多嘢食,於是同朋友去吃,首先叫咗的雞煲同牛尾煲,雞煲叫咗少辣上咗來的雞冇乜香味又不好吃,跟住再叫咗個牛尾煲,都係不好吃,之前叫咗個沙哆湯底又係不好吃,起初叫咗幾碟不同的牛,點知碟碟都不好吃,的牛上咗來不單止賣相不佳總要不新鮮冇一碟好吃,第一次吃放題吃到完全不飽,與同行友人叫咗一round已經吃不落口,至終服務質素則一般😅😅完全丟咗三百五落咸水海

近近地上去「二鍋頭」食特級極上和牛120分鐘火鍋放題(2位)😌.二鍋頭惹味雞煲🐔雞件麻辣入味🌶️加埋大蔥、芫荽🌿更加香口😬.越式香濃牛肉鍋🍲入口牛肉味清香👍🏻加上洋蔥🧅香葉🌱辣椒、青檸🍋‍🟩酸辣開胃😛.肉類🥩有安格斯封門柳🐂安格斯牛小排、安格斯牛板腱🐄西班牙黑梅肉🐖牛小排油脂分布平均😍肉味重🤤牛板腱同封門柳比較大塊😉嫩滑有咬口😗.火鍋配料🥢牛柏葉🐮鵝腸🪿活海蜆同活海蝦🐚🦐牛柏葉同鵝腸大條爽口😆海蜆、海蝦鮮甜😋.自助吧🍽️有唔同菜類🌽🥬餃子🥟丸類🍢菇菌🍄豆類製品、年糕、麵食🍜響鈴、魚皮等🐟.甜品🍮有幾款雪條同雪糕🍦🍨.飲品🥤有汽水、茶類飲品🍵涼茶飲品🫖果汁🥭啤酒等🍺

好耐冇食過咁抵食嘅打邊爐啦😍之前朋友食過呢間而家冬天個個都想打邊爐就介紹咗呢間，佢喺旺角中心對面非常之易搵又近地鐵站～-環境都幾大，自助區有三個雪櫃嘅嘢飲、雪糕、蔬菜、丸類、公仔麵、同埋醬料～其他肉類、海鮮類或者其他配料都係喺QR code另外叫🥰仲有啲即食嘅小食，泰式鳳爪、魚皮都好好食😋-而家竟然仲係無限時❗️❗️❗️仲好多唔同款選擇🫶🏻其實就最多任食7小時無限量任飲任食既，但都已經好足夠！旺角店，尖沙咀店都有🫶🏻我地叫左「極尚鮮味」套餐 $318@1（日至四）套餐任食羊腩煲、雞煲、牛尾煲、豬手煲同任食4款口味烤魚，最後仲可以打埋邊爐❗️超抵🥹-開始我哋食咗羊腩煲先！羊腩煲肉質鮮嫩，唔蘇，湯底濃郁，香料恰到好處，仲有啲馬蹄、菇、腐竹同筍，份量啱啱好，啲汁淥菜一流😋-第二轉我哋就食豬手煲黑椒豬手煲口感彈牙得來又炆得夠腍，黑椒炒得好香，黑椒香氣同豬手完美融合😋-其實仲有雞煲同牛尾煲未試🤣但已經食唔落啦開始要打邊爐啦🤣湯底我哋揀咗蕃茄薯仔湯同胡椒豬肚雞湯非常推薦胡椒豬肚雞湯未煮嘢食我已經飲咗成碗😍飲完暖笠笠🥰跟住我地就不斷encore牛板腱、蜆、蝦都好新鮮👍🏻重要係店員態度都好好，好難得🥹

天氣寒冷，相約朋友一起享受一頓熱氣騰騰的火鍋實在是再好不過了。今天我們選擇了旺角的二鍋頭，價位合理，僅需三百多元便可以享受七小時的無限量任飲任食，最特別的是二鍋頭三寶：雞煲、豬手煲和牛尾煲任食，任食烤魚或羊腩煲，最後還可以打邊爐！火鍋配料還超過100種！我們就當然要一試了！微辣雞煲我們的第一道菜是微辣雞煲。醬汁香濃，帶著微微的麻辣感，讓我們吃過不停。雞肉煮得恰到好處，皮膚外脆內嫩，汁液豐富，口感滑嫩。特別的是，這裡的鳳爪炸得金黃酥脆，更加入味，讓整個雞煲的味道層次更加豐富。烤魚接下來是店員推薦的清江魚，清江魚的骨頭特別少，每一口都十分鮮嫩。烤魚有四款口味，麻辣味、香辣味、酸辣味和醬香味。朋友遷就我吃不辣的醬香味，魚肉鮮甜，肉質滑緊，非常滿足。煲內的芫荽增添了香氣，而豆腐卜吸滿了湯汁，讓整體的味道更為豐富多元。火鍋配料湯底是免費的鴛鴦湯底。朋友今次可以吃川椒麻辣鴨血鍋，而我則點了越式香濃牛肉鍋。火鍋湯底非常濃烈惹味。火鍋的配料選擇也十分豐富。我們點了牛栢葉、雲吞和水餃，每一樣都彈牙爽口，份量十足，讓人吃得非常滿足。活海蝦、吊桶仔、帆立貝和海蜆也都非常新鮮，鮮味十足。自助區的各款蔬菜和丸類

雞煲、羊腩煲、烤魚呢啲周圍都有，但係可以食足三款，仲有秘製火焰牛尾或者豬手煲，食完仲可以打個靚邊爐，仲可以連續食足七個鐘，真係第一次聽。先食雞煲，店員會幫你攪拌, 炒到香香的先享用. 雞件醬汁非常入味, 辣度適中，食到舔舔脷。之後再叫秋冬至愛羊腩煲，大大件羊腩，仲有馬蹄、冬筍、冬菇同竹蔗做配料，食完暖笠笠😋之後就梗係唔少得打邊爐啦，可以揀個鴛鴦鍋，一次過滿足兩個口味。配料都唔嘢少，有好多出面未見過，例如：三星蔥貢丸，芋頭丸，南瓜包，呢啲咁特別。飲品竟然仲有鴻福堂，啤酒都有幾款，啱晒我哋🤩最後雪糕佢哋採用咗香港本地品牌，仲有隻馬來西亞好出名嘅榴槤雪條。用料一啲都唔曳，呢個價錢，呢個質素，真心推薦👍

位於旺角的火鍋店，尖沙咀及沙田都有分店，餐廳以任食7小時無限量任飲任食作招徠，可以選擇雞煲、豬手煲、牛尾煲，烤魚或冬天限定的羊腩煲，吃完還可以再點，最後來個火鍋任食，食物多款，性價比十分高。任食烤魚煲：清江魚 烤魚平時較少吃到，所以想試試看。4款口味，選了麻辣味，兩款魚選擇，分別是清江魚或海鱸魚，前者較少骨，多肉，肉質也蠻滑溜彈牙，不帶魚腥味，吸收了湯底麻辣味，更加惹味。火鍋湯底：川椒麻辣鴨血煲冬天吃這些麻辣湯底最適合不過，吃完渾身都暖和了。而且湯底越滾越濃郁，放入蔬菜、豆腐等等，均吸收了湯底精華，十分入味。火鍋配料都是在外面凍櫃自取，有多款蔬菜、丸類及麵條。出面還有醬料區、飲品櫃、雪糕雪條櫃。肉類及海鮮類則在紙上選取，侍應會送到枱上。

呢排天氣凍左好多🥶最想打邊爐😋🍲呢間而家而家推出最多任食7小時無限量任飲任食火鍋放題，仲有任食雞煲，牛尾煲，豬手煲，同埋而家仲可以任食羊腩煲😍，仲有任食4款口味烤魚呀！醬香烤魚🐟我哋叫揀咗清江魚，魚肉好肥美、厚肉又冇骨，食得方便👍🏻醬香味好香，而且魚肉夠哂入味😋可以免費鴛鴦湯底👍🏻我哋揀咗川椒麻辣鴨血湯同埋胡椒豬肚雞湯，兩個湯底真係啱晒凍冰冰嘅天氣令到個人暖笠笠😌肉類：牛板腱、本地鮮滑牛、西班牙黑梅肉、紐西蘭羊卷肉，肉類好新鮮，尤其本地鮮滑牛嘅肉好有驚喜，因為好厚但係好嫩滑👍🏻海鮮：脆鯇魚腩、海蝦、海蜆、墨魚滑、雲吞，海鮮新鮮、鮮甜👍🏻不過我最鍾意都係脆鯇魚腩肉質厚爽脆又無骨😋而海蝦好大隻同埋肉質爽口😋自助區有好多新鮮蔬菜、丸、腸等任拎👍🏻除咗火鍋料之外，仲有小食😆麻辣鳳爪同川椒麻辣糖心皮蛋真係唔錯😋最後梗係要食返甜品做結尾啦，呢度居然有澳洲牌子Bulla嘅雪條😍

天氣又轉涼啦 又係去打邊爐嘅時候 當然去交通方便嘅旺角區又再次去二鍋頭 旺角 食返個 火鍋呢個又係任飲任食馬拉松七個鐘嘅煲食足三款煲 先嚟一個二鍋頭王牌雞煲叫咗少少辣，十分惹味店員即場幫忙炒起雞煲，十分有誠意跟住叫咗個枝竹羊腩煲阿媽話平時食咗個枝竹羊腩煲都成二百幾蚊呢度係任食嘅，但係我哋都食唔到咁多叫佢份量少啲 啲羊肉有埋腐乳 太好 羊肉唔韌唔錯再嚟叫咗芫荽皮蛋鍋QR code落單點火鍋配料 好方便啲配料都好新鮮而且有個自助蔬菜同埋肉丸豆腐等等，非常多選擇 自助飲品區都好多多款最後一定要食返條雪條作為甜品二鍋頭 (福苑) (旺角)旺角西洋菜南街138號福苑2樓#二鍋頭#二鍋頭旺角#Hkblogger #hkfoodblogger #hkfoodie

上星期 同兩個朋友, 第一次到訪旺角二鍋頭 ,一試佢嘅羊腩煲任食, 坐低就發覺原來係前後有五個煲可以輪流任食 ,羊腩啦,烤魚啦, 牛脷 ,豬手, 雞煲！ 仲要係 可以輪住不停添食,唔會話食一次就冇 ,地方坐得好舒服 .負責人Edward 解釋得非常清楚, 而每一位員工嘅服務都非常快非常好. 點才換煲嘅時間 唔會超過一分鐘, 絕對唔會有 揼你波鐘嘅感覺.原來食完煲之後仲有 用qr code落單嘅任食打邊爐, 牛肉呀海鮮呀都唔差㗎喎！當你埋單你會覺得物有所值同埋 性價比真係好高！食完之後 差唔多隔日就諗返起啲羊嘅美味！ 我推薦畀其他朋友去食,已經又約定下星期同其他朋友再去食一次, 如果大家想食羊腩煲要食到夠喉,食到過癮,我極力推薦！！！