二鍋頭 (福苑)

营业中

休息中

旺角周圍都有好多火鍋店 但要搵到一間有牛尾煲 仲要係任食嘅真係好難🫣 而二鍋頭正正就係全港首間提供任食火焰牛尾煲嘅火鍋店😍🍀牛尾煲牛尾煲上枱嘅時候 仲會係我地面前加入少量嘅酒再點火 視覺效果好好🤩 牛尾嘅份量好多 如果兩個人食嘅話都好足夠😛 大食嘅朋友可以繼續添加😎 牛尾肉質好軟嫩 部分位置骨膠原充足😉 味道好濃郁 吸晒啲醬汁好入味好好食🤤🍀任點火鍋食材安格斯封門柳 大細厚薄恰到好處 口感有嚼勁 牛肉味好濃郁🐮 安格斯牛板腱有咬口 肉質軟嫩☺️ 鳳城水餃好新鮮 餃子皮又厚薄適中🥟 帶子 鵝腸 牛柏葉 豬頸肉都好新鮮 夠晒爽口彈牙😋

喺朗豪坊睇完戲同朋友超級肚餓 介紹咗佢嚟食呢間打邊爐任食 之前同朋友嚟過覺得好正👍🏻又可以任食雞煲豬手同埋打邊爐 嘢食質素唔錯加上店員服務好好 有陣時唔知食咩好又好肚餓都會諗起呢間🤩上到嚟員工推介新推出嘅牛尾煲 之前冇嘅新推出梗係要試吓啦 不過我哋驚太大煲會食唔晒，所以我哋叫咗半份嘅份量 上到枱店員會幫你煮一煮之後加少少玫瑰露酒令到佢有火🔥勁香好重胡椒味 每件都大大嚿亦都好淋😙之後我哋仲嗌咗雞煲 一下唔醒起叫半份可以食其他唔同嘅嘢 嚟到好大份我哋都驚食完會好飽 但雞煲嘅醬汁好惹味😋而且雞肉好嫩滑 唔覺唔覺好快食晒😂食完雞煲叫咗豬手煲 嗌咗半份嘅份量 豬手好好食味道好濃啱晒我呢啲重口味人士 大大啖食晒所有骨膠原落肚🤣我哋兩個都費事再嗌個打邊爐湯底 所以就直接喺個煲裏面打邊爐啦我哋叫咗啲牛肉 全部都好有牛味 又叫咗啲海鮮同之前一樣咁新鮮 個櫃仲有好多唔同選擇有蔬菜或者丸類或者麵類食咗大量嘅生菜同埋芝士丸 已經飽到飛起😆

天氣一日熱過一日🔥😅，但係某啲朋友👷🏻‍♀️對食火鍋🔥嘅熱情從未減退過🤣，呢日同佢👷🏻‍♀️一齊喺旺角，佢👷🏻‍♀️問我去邊度食火鍋好😜，我諗一諗，就帶咗朋友👷🏻‍♀️嚟呢度開餐🤣；嘩！真係好多人夏天打邊爐😆$268 一位嘅「嚴選安格斯牛 成人120分鐘 火鍋放題」😋先食「二鍋頭惹味雞煲」，上邊加有大量芫荽🌿，雞肉味道濃郁之餘 又有芫荽🌿嘅清香🤩；「雞煲」都係任食，另外仲有「鴨煲」同埋「豬手煲」，不過我哋食唔到咁多嘢，所以只係要咗「雞煲」，唔好浪費🤩湯底有8-9款可以揀，揀咗「豬骨湯底」，奶白色，裏邊已經有好多材料，當然包括豬骨，另外仲有蕃茄、粟米🌽、芫荽、香茅 等😋牛肉有：安格斯牛板腱、美國🇺🇸牛胸腹、安格斯封門柳、本地鮮滑牛👍仲食咗 豬頸肉、鳳城水餃、海蜆、活海蝦🦐、鮮蝦雲吞、脆鯇魚腩、墨魚仔、脆鯇魚片、白鱔片、西班牙豬梅肉 等另外，依家大熱天時都有西洋菜食👍

個friend叫左我好耐要黎試下呢間全港首間有牛尾煲任食，打邊爐有鷓鴣湯做湯底既‘二鍋頭’🥰🥰雖然細細間，但坐位坐得舒服，一d都唔迫，啱晒我地傾計😊一坐低，就有醬料同醬油放係枱上面，任我地調配，之後就揀要食雞煲、豬手定食牛尾煲，見個friend推介，我梗係揀牛尾煲啦！我哋揀好牛尾煲就再揀埋個鷓鴣湯做湯底打邊爐，之後就行去自助區拎飲品，飲品雪櫃有好多款罐裝同樽裝飲品任飲 另一個自助區有各種肉丸，蔬菜，公仔麵任揀火焰牛尾煲牛尾大大嚿好多肉，好淋夠嫩又入味，醬汁配搭得好好，夠晒嘢未👍🏻養生滋鷓鴣湯底（每日限定20鍋）竟然有半隻鷓鴣做湯底真係估唔到，配料有淮山，蟲草花，紅棗•••飲完個湯先至打邊爐，夠晒滋潤🥰安格斯封門柳口感嫩滑，牛味濃郁，油花較少安格斯牛板腱鮮嫩口感，油花均勻，肉味濃郁活海蝦、活海蜆、花枝片，雞公子、沙爆豬皮海鮮好新鮮，海蜆脹卜卜大大隻，雞公子大大粒超好食仲有其他好選擇，有紐西蘭羊卷肉，西班牙豬梅肉，豬頸肉，雞片，鴨件，牛胸腹，本地鮮滑牛，青口，帆立貝，吊桶仔，雲吞，水餃，魚皮餃，墨魚滑，黃沙豬膶······等最後梗係要食返杯雪糕雪條做甜品啦

早兩日諗住出旺角買野，順便食餐好，同朋友又想食雞煲又想打邊爐，於是就搵到位於旺角嘅二鍋頭☺️一次過滿足我兩個願望佢首先有三個煲俾你揀，分別係雞煲、豬手煲同埋火焰牛尾煲。本身見到佢個火焰牛尾煲都覺得好吸引，好似香港好少有得食☺️不過一心諗住過嚟食雞煲，下次先試雞煲我哋揀咗小辣，好惹味，我哋嗌咗半隻雞，雞味都幾鮮，同埋醬料再加配菜好夾好味，食到最後仲想加多半隻雞😁我哋轉邊爐店員推介鷓鴣鍋，可以先飲湯後打邊爐，不過我地鐘意辣，就簡左麻辣鴨血鍋，會有張QR code落單，我哋揀咗安格斯牛任食嗰個餐☺️安格斯封門柳好食🤤鵝腸都好肥美☺️出面仲有個公眾拎嘢食嘅地方，有菜有豆腐丸等等依個價錢性價比都好高，大推薦

餐廳位於旺角，除咗主打雞煲、豬手煲同鴨煲加火鍋任食放題之外，最近仲推咗個全新嘅火焰牛尾煲同鷓鴣火鍋湯，食完再飲，飲完再打邊爐，真係好期待😚 整體價錢合理，地點方便，非常值得到訪，記得要book位🤣一場嚟到當然唔少得叫返個牛尾煲啦～ 牛尾炆得夠腍，肉骨分離，大大件，啖啖肉，入口即化，肥瘦適中，醬汁濃郁，超級惹味，好適合配飯呀😂 encore咗好多次～ 另外食咗豬手煲，黑椒味幾出，豬手清潔得幾乾淨，唔會見到有豬毛🥹食完煲就可以打邊爐，要咗養生滋補鷓鴣鍋，成隻上，吸引🤩 先飲湯，清甜可口，好暖胃～ 配料以QR code落單，鮮吊桶仔、墨魚仔、帆立貝活海蝦、墨魚滑等都唔錯，菜同丸就要去自助區攞，會不斷refill，唔怕無嘢食，最後以雪糕作結，完美ending，捧住個food baby走😋

我間唔時都要打下邊爐先安樂🤭今次又去返上次食得好開心嘅邊爐+雞煲，我地就揀左個嚴選安格斯牛成人餐，人頭💰$268，星期五六日同假期前加$10，價錢都好貼地👍🏻🐔首先就揀個雞煲先啦，咁我地就嗌左小辣，雞煲可以揀走芫茜同走鳳爪，咁啱我地唔食就可以走哂，我覺得呢間店都好貼心🫡🌪旋風式吸入咁食哂個雞煲之後，就即刻開始打邊爐，我地揀左個豬骨湯底，諗住清淡啲，咁佢都幾香嘅，又唔會味精，幾啱我地🤪除左不停食牛之外，我都有喺出面夾野食，都好多野揀下，另外野飲同雪糕都好多款，好滿足！☺️

呢到係我同朋友聚會嘅食堂，因為旺角呢個位真係超方便。秘制火焰牛尾煲最近新出嘅牛尾煲！普通西式食牛尾就常見，但將佢放落放題嘅，我諗呢到先有。火焰就係靠玫瑰露酒，未點火就聞到果陣香濃玫瑰味，點火後咋咋聲，牛味大爆發。牛味香濃，充滿油香味，肉質鮮嫩。醬汁唔咸，唔會同牛味打交，味道平均。懷舊沙嗲鍋沙嗲味香濃，帶有微辣感，適合瘋狂食牛。安格斯牛套餐牛嘅選擇有安格斯牛板腱、封門柳、美國牛胸腹同本地鮮滑牛。雖然選擇未算多，但勝咗牛質素有保證，肉味濃郁，食落有層次。食夠牛都有其他肉類擇，鮮雞片、紐西蘭羊卷肉、西班牙黑梅肉全部都好有質素，肉質嫩滑。黃沙豬膶，沙爆豬皮都係必嗌！豬膶食落真係有細沙質感，清脆嫩滑，唔會好粉好散。豬皮更加係吸汁恩物，吸曬香濃嘅沙嗲湯。海鮮都好新鮮。菜類同丸類種類都多，可以自己慢慢揀。清熱飲路細細枝，唔怕太大枝飲唔曬嘥咗。

👧🏻😋👅🍽✨食完牛尾煲打邊爐-二鍋頭 🇭🇰 旺角西洋菜南街138號福苑2樓 🇭🇰-🔥二鍋頭有雞煲/豬手煲/牛尾煲三揀一, 再加120分鐘火鍋配料任食🔥三個餐由$228到$318不等, 我地揀左中間既「嚴選安格斯牛」餐, 已包括豬牛雞羊海鮮好豐富-😋😋😋120分鐘火鍋放題 - 嚴選安格斯牛 $268✅ 秘製火焰牛尾煲✅ 湯底 (10款任選) - 其中有款要加$68 養生滋補鷓鴣湯底好正, 出面冇見過!! 不過我D fd麻麻地就冇揀到✅ 任食嚴選安格斯牛 + 海鮮✅ 任食火鍋配料✅ 任拎飲品, 啤酒, 涼茶同雪糕-🐂 秘製火焰牛尾煲💯牛尾大大件好多肉, 食晒店員仲問我地使唔使再添加🤣 不過都係留返個肚打邊爐啦💯一上煲炒完後淋左酒就有火焰打卡, 酒香味重, 牛尾唔算炆到好腍, 不過就超級入味😋-🍲 湯底 - 懷舊沙嗲鍋 ✨食完牛尾成個鍋會換左, 唔怕食黎食去都係果隻味, 沙嗲微辣好香濃-🥩🦞 肉類 + 海鮮💯牛板腱同封門柳係呢個餐既主打, 上牛時都有label俾客人知係咩部位💯脆鯇魚腩魚味鮮甜, 雖然有骨食得麻煩D, 但係魚肉爽脆好抵叫💯活海蜆唔算好大隻, 但鮮甜冇沙💯雞方面有鮮雞片同雞件

120分鐘雞煲🐔&嚴選安格斯牛🥩火鍋放題 🍲($268)二鍋頭惹味雞煲 有唔同辣度選擇，今次我揀左「少少辣」🌶️，雞煲份量非常多，而家醬汁好惹味好濃，包住哂每件雞，雞件大部分都好滑，仲可以任添不同款色雞煲，除左二鍋頭惹味雞煲之外，仲有火焰鴛鴦鴨煲同黑椒豬手煲！大胃王嘅你可以挑戰試哂3款！嚴選安格斯牛🥩火鍋一共有9款火鍋湯底揀，例如有川椒麻辣鍋、泰皇冬陰功鍋、滋補藥膳鍋、胡椒豬肚雞鍋等等，我今次揀左正宗豬骨鍋🐷湯底奶白色，一睇就知好足料，仲要成大舊豬骨系入面，湯落最特別地方係加左啲胡椒粒，令到味道除左豬骨湯味之外，仲有微微辣。套餐有幾款牛牛揀，安格新牛板健、安格斯封門柳、美國牛胸腹、本地鲜滑牛，建議食頭2款，因為牛味濃，仲要大大塊，比一般出面食嘅厚少少，啖啖肉，好正，配埋自己調教嘅火鍋醬料食一流！現場仲有自助火鍋配料吧(>30款)＋蔬菜＋多款飲品無限量供應，包羅萬有，講真呢個價錢真係算抵食！脆炸豆腐粒($38)食食下想叫啲佐酒小食一邊吹水一邊食小食，呢個豆腐粒炸到細細粒，剛剛好一口大小，份量超多，炸得都算脆😋

鬧市中有一間性價比高嘅打邊爐🍲$268包雞煲及任食火煱 均有牛、豬、羊、海鮮、雪糕、小食、蔬菜等雞煲有分唔同程度嘅辣火煱亦有十款湯底比食客選擇❣️ 由於有紫洋蔥、芫荽、香蔥、八角花椒等香料成個雞煲超惹味 而且份量似係3-4人2個女仔真係食唔晒😳雞件嫩滑多肉食完原來仲可以加雞😂 職員之後轉火煱🍲 揀咗豬骨湯底 撈起咗成舊豬骨 果然真材實料。仲有粟米、紅蘿蔔等配料極度推介 🦐蝦 、帆立貝 、青口、鯇魚腩等都好新鮮🥩安格斯封門柳 其他仲有娃娃菜、金菇、魚皮餃、蟹柳、響鈴等等餐廳仲有羊腩煲、鴨煲、豬手煲等等選擇採用QR code落單 成個過程冇漏單仲有出邊嘅自助吧任君選擇 2個鐘食得好舒服 可以放鬆一下坐低同朋友慢慢傾吓偈～

最近朋友介紹左間雞煲好食叫我去試下🤭因為美美平時唔係好好雞煲所以朋友介紹得俾我就應該真係佢覺得好好食先會同我講😂咁我就即管試下啦📍二鍋頭(福苑)一去到已經聞到好濃嘅雞煲味🐔好似好辣咁haha原來除左雞煲仲可以揀鴨煲或者豬手煲咁我地都係揀返雞煲下次先試其他啦😌個雞煲黎到店員都有幫手兜下佢等佢唔好咁快燶煲雞都幾大煲🐔🐔我地都唔敢食哂 話哂陣間都仲要打邊爐🙊到打邊爐 我地就揀左豬骨湯底🐷本身諗住清清地都冇咩expectation點知黎到有好大舊豬骨 勁驚喜男朋友仲啜哂啲骨髓🦴邊爐啲餸都算幾豐富牛有四款 : 安格斯封門柳 安格斯牛板腱 牛胸腹 鮮牛肉🥩🥩四隻都好食 不過我地最鍾意封門柳另外都有啲海鮮 啲蝦都好多肉呢個嚴選安格斯牛成人餐食到嘔到係人頭💰$268真係好抵食👍🏻

一入到餐廳已經聞到好香嘅雞煲味，上枱時會幫手撈勻雞煲，睇見都惹味。砍到一塊塊雞肉好方便食，食完就可以打邊爐了。胡椒豬肚湯底，好足料，濃味嘅胡椒味仲有好幾舊豬肚係湯入面，令到啲餸都可以索曬啲湯味，尤其食響鈴嘅時候，真係入哂味。火鍋套餐有3個揀，揀左個中等，但已經有安格斯牛板腱，安格斯封門牛柳，牛胸腹同鮮滑牛。仲有海鮮食，見到都已經覺得好豐富。安格斯牛板腱切得好薄，所以一滾就食得 唔會好韌。而安格斯封門牛柳就好有牛肉味，肉質都好嫩。仲有少少活海蜆味道都幾鮮甜而且爽口。除咗呢啲牛肉同海鮮之外，有自助餐枱，有好多唔同嘅菜同丸可以選擇。仲有野飲同雪糕可以隨便食，選擇夠哂豐富。

諗住咁多好評去試吓 去到叫咗個雞煲啲雞嗰啲皮勁肥，肉又好粗鞋 火鍋先至離譜 食物種類得嗰幾樣 咁你就唔好話自己係放題啦 嗰啲鯇魚片好腥 喺度講話咩食物材料超過100多種 20種都唔知有冇☺️甚至嗰20種入面都唔係個個擺得落肚 雞子牛柏葉等☺️腸仔都冇條嗰啲蝦唔知係咪擺咗三日三夜 叫蜆又冇上最好笑係 譬如你叫個魚皮餃 你以為佢會一碟一碟上 結果係一粒一粒咁樣俾你😉嘢飲都係可樂同啲平嘢飲囉真心呢個價錢可以走去隔離打個邊爐 平靚正又唔使驚唔好食鍾意比人昆嘅朋友一定要試～

二鍋頭嘅鍋底款式好多，有雞煲、鴨煲同豬手煲。最鍾意食雞煲，果然味道好濃郁，而且份量仲好多添，食完仲有得加不得了！$300幾食到咁高質真係抵到爛，仲要之後可以轉火鍋🍲，繼續食～食到心靈都滿足胡椒豬肚湯底睇落幾有特色，所以就用呢個湯底滾食物都特別正。火鍋料有牛同海鮮任食，任叫嘅感覺真係好正，可以慢慢食有安格斯牛板腱同安格斯封門牛柳仲有蜆同章魚仔。牛板腱好快就食得，大淡大淡食，夠哂過癮。封門牛柳就好有牛味。蜆都洗得幾乾淨，而且都唔會腥。章魚仔就好彈牙，一口一個都幾爽。見到嘢飲有咁多選擇，啱晒夏日炎炎，可以狂飲野，見到有黑加侖子氣水飲，都即刻飲返幾罐～鍾意食雞煲火鍋嘅人真係會想再黎食😋。