尖沙咀🚇嘅二锅头真系火锅控嘅天堂😍，佢阔落又舒适嘅环境加上座位宽敞，空间感十足✨，无论系三五知己定系一大班朋友聚餐打边炉👏，都唔会觉得逼。佢主打唔少特色煲类🍲，仲有无限时任食火锅放题🎉，绝对系一大卖点👍，真系食到你捧住个肚走！今次我哋试咗几款招牌煲🍲，款款都咁有惊喜🤩！首先嘅系秘制牛杂煲🐮，牛杂炆得够晒入味😋，有牛蒡、牛肚、牛肺同埋牛肠，口感软腍得嚟又带点嚼劲👅，每一啖都充满住秘制酱汁嘅精华✨！跟住系秘制火焰牛尾煲🔥，呢个煲真系够晒Gimmick！店员会即席将玫瑰露酒🍶倒入煲内再点火🔥，视觉效果一流！牛尾炆到软腍入味🤤，带有淡淡酒香🍶，食落暖笠笠，超正！仲有香浓黑椒猪手煲🐖，猪手炆到软糯入味😍，黑椒味香浓得嚟又唔会太辣🌶️，猪皮胶质丰富💫，食落啖啖肉🍖！汤底方面🥣，我哋拣咗鸳鸯汤底🍲，一次过试晒两款口味：越式香浓牛肉锅汤底比较清，😆带有香茅同埋其他香料嘅味道🌿，有啲似越式牛河嘅汤底；胡椒猪肚🐓鸡锅就够晒暖胃，胡椒味香浓🌶️，猪肚同鸡肉都好腍滑🐔！打边炉又点少得靓牛肉呢🐂？我哋叫咗牛板腱同埋本地鲜滑牛肉🐮。牛板腱肥瘦适中，渌几秒就食得，肉味浓郁🥩；本地鲜滑牛肉肉质鲜嫩滑溜✨，一入口就感受到佢嘅鲜！海鲜方面，墨鱼滑弹牙爽口🦑，粒粒蟹籽咬落卜卜脆💥，口感层次丰富；活海蚬只只都好新鲜🌊，肉质饱满鲜甜。仲有墨鱼仔🦑，细细只好可爱😊，渌熟之后口感弹牙，鲜味十足👏。自助区💪嘅火锅配料都非常丰富，例如有金针菇🍄、粟米🌽、水鱿🦑、豆腐同埋唔同嘅丸类，任君选择。小食方面，酸辣凉拌鱼皮🐟都好出色，鱼皮爽脆弹牙💥，酸酸辣辣好开胃🌶️。最后当然唔少得甜品啦🍮，佢哋有几款大福🍡，我哋食咗芒果大福🥭、草莓大福🍓同埋抹茶大福🍵，大福皮烟韧软糯😋，配埋果味cream系入面，好香甜。雪糕柜仲有多款口味嘅雪糕🍨，食完火锅再食个雪糕🥰，真系透心凉！总括嚟讲📝，呢度劲多款嘅特色煲类同埋烤鱼系外面的火锅放题好少有嘅🌟，而且呢度一个价钱全部任你食💰，加上无限时任食🕒，真系可以慢慢食⏳，慢慢享受！…查看更多
