世贸中心翻新咗之后冇以前咁死气沉沉，亦都多咗好多唔同嘅商舖。系行街嘅时候，无意之间发现咗呢一间过江龙，其实当时最吸引嘅位系亀井鮨系全港首间主打「生酮寿司」嘅舖头，但系由于我真系好想食淀粉，所以最后都系嗌咗其他嘢，如果下次去嘅话一定会试一试。‣ 北海丼 $288每间餐厅嘅北海丼都会有啲唔同，例如有啲北海丼会有白身鱼或者吞拿鱼。而亀井鮨嘅北海丼有三文鱼、帆立贝、蟹肉、蟹籽、日本海胆同甜虾，咁啱都系一啲我好钟意嘅刺身。三文鱼嘅肉质细嫩，对我嚟讲鱼肉肥瘦适中，同时都带有鱼香，我忍唔住再额外嗌多咗几块三文鱼。帆立贝质地相当柔软，唔会有腥味。其他刺身就正常发挥，但海胆略嫌腥味较重。‣ 香葱鲔鱼腩蓉丼 $198食落去嘅时候觉得鲔鱼腩蓉丼比起想像中出色，佢喺香葱混合饭素，令鱼香味道更加突出。而我觉得鱼蓉食落去个口感相当之绵密，同时鱼本身都好新鲜，所以每啖你食落去都会觉得好幸福。‣ 杂锦天妇罗 $128本身对天妇罗冇太大嘅期望，但我觉得系有惊喜。天妇罗外表睇落金黄酥脆，唔会觉得个炸衣太厚，食落去好似成口炸粉。最惊喜嘅位系佢真系可以保持到食材本身嘅口感同埋风味，就好似香菇，咬落去嘅时候啲汁系口腔入面爆发出嚟。当然佢嘅炸虾都处理得唔错，可以保持到虾嘅嫩滑弹牙。但我觉得比起炸虾天妇罗，佢啲蔬菜天妇罗更加值得一试。#foodbara_diary…查看更多
