環境古色古香，雕花木門、刺繡屏風、紅燈籠高掛
像穿越回清朝宮殿，超有儀式感，更免費借漢服拍照
方桌圍著紅木，分隔成獨立「包廂」，私隱度滿分
自助區過百款配料，丸子蔬菜涼菜齊全，甜品有雪糕及四川冰粉，解膩一流
鴛鴦鍋底麻辣側紅油翻滾；豬骨側奶白濃稠，完美解辣
六款肉類任食：牛嫩肩、牛板腱、特級肥牛、羊卷肉及牛胸爽
包鮑魚、生蠔、沙白蜆等高級海鮮，$298性價比逆天
黑毛肚、鵝腸、豬黃喉等無限續，飲品啤酒任飲
…查看更多
。芒果汁同山楂汽水，芒果汁果香自然甜度適中，山楂汽水比較少見，氣泡夠足，酸甜清爽，兩款飲品同火鍋出奇地夾。鴛鴦鍋，揀咗四川麻辣鍋同鮮濃番茄鍋。麻辣鍋夠曬正宗，牛油香氣濃郁，花椒同辣椒嘅比例啱啱好，麻香過癮又唔會太嗆喉。番茄鍋亦係驚喜之作，湯底用新鮮番茄熬制，酸甜開胃，啱曬淥蔬菜同海鮮
。爽口小菜，揀咗幾款四川前菜試下。泡椒鳳爪香辣惹味，黑木耳爽口彈牙，粉絲麻辣鮮香。美國特級肥牛，油脂分佈均勻似大理石紋，輕輕淥幾下就食得，入口牛味濃郁兼帶奶香，無論點麻辣定番茄湯底都咁好味。牛胸爽，呢個部位比較少見，睇落以為係肥膏。淥完口感爽脆彈牙，油脂甘香但完全唔膩，好食到叫多一碟。海鮮，套餐包埋數款海鮮，鮑魚新鮮彈牙，廣島蠔肥美多汁，海蝦爽甜，沙白蜆乾淨無沙，全部海鮮落鍋煮完都保持到原汁原味
。炸乳鴿，外皮炸得金黃香脆，肉質嫩滑多汁，醃料味道恰到好處，唔洗點醬已經好夠味。炸酥肉，酥肉即叫即炸，食落酥脆唔油膩。最正係落入火鍋淥一淥，酥肉嗦曬湯底鮮味，比直接食更加好味。火鍋配料，除咗QR code落單，出面仲有火鍋配料區，30多款配料任揀。老豆腐吸湯一流，午餐肉厚切有肉感，鵪鶉蛋入味，土豆同冬瓜煮淋後特別清甜，最後再食兩啖生菜，營養好均衡。自製冰粉，食完火鍋，一定要食d甜品。店鋪提供冰粉自製櫃檯，提供數款配料自由搭配，仲有熊貓頭TIM。冰粉冰涼滑溜，紅糖味香甜唔膩，加上山楂碎同珍珠椰果等配料，口感好豐富。哈根達斯雪糕，最後再食埋個雪糕做結尾。雪糕草莓味清新自然，果肉豐富奶香濃郁，細滑口感令人回味。…查看更多
