影片
港铁红磡站 D1 出口, 步行约6分钟
继续阅读
电话号码
23366682
23366928
营业时间
今日营业
10:00 - 23:30
星期一至日
10:00 - 23:30
以上资料只供参考，请与餐厅确认详情
去完科学馆经过尖东附近有唔同食肆，见到呢间有晚市优惠，6时后惠顾粉面送热饮，转特饮都系加$5，又几抵。于是入咗去叫左牛腩米线同紫菜四宝河粉，加两个红豆冰。想走芫荽芹菜但要葱，餐厅表示芫荽芹菜同葱不能分开，所以只好一并放弃。但冇左葱既香味，令牛腩粉失色不少。牛腩份量唔多，但由于价钱唔算贵（$60），感觉还可接受。惠顾当日是星期日晚上，人流不多，餐厅亦只有三台客人。用餐体验整体良好，如果下次经过尖东科学馆附近，可以再战。
继续阅读
今日公司好多野做，要做野做到9点几，咁就同个同事落去楼下九鼎记食2碗牛什面啦！好彩系佢收工前入到去，咁睇返佢个餐牌都是以牛为主，有牛什，牛腩，牛脷，牛肚等等，咁我就点左个牛什粗面，而我同事就点左个牛什河。咁2个面都好快就到了，配料都充足，有牛肺，牛肚，牛膀及牛肠，首先吃牛肺，都非常入味，而牛肚及牛肠都炆得非常淋及入味，汤底亦非常浓非常入味，面都非常弹牙，而朋友都说河粉都滑滑的，最后我地食完就埋单走人了，唔好阻人收工。
继续阅读
拣咗牛杂河，嚟到成碗都系汤，完水浸，浸过晒所有𩠌，河粉成饼，就算几忙都帮帮手撩开吓呀，我有比钱㗎！坐系间餐厅中间张加台，都唔好问舒唔舒服，食咗唔知咩落肚就走，劝大家唔需要试，免得一肚气啦！
继续阅读
住系红磡附近，行过见到餐牌好似几实惠就谂住试下午餐叫左崩沙腩加牛丸，两者都正常无咩特别，汤头淡左D ，不过其实$63 都可以接受。特别之处在于员工既态度，讲野无尾音，唔讲真系以为去佢地铺到乞食。接受到比钱买难受先好帮衬
继续阅读
【油尖旺区】【九鼎记粉面世家】做 1am红馆 系列我一向尽心尽力，为求得到更准确嘅用餐体验，好多时都唔止帮衬一次。然而，呢间嘢就真系令我冇办法再帮衬喇，嘢食问题事小，态度问题事大吖嘛。我食完都即刻上某个食评网站睇睇，原来都唔止我一个系咁，我都有必要出声讲吓。我叫咗 $63 嘅「牛魔王河粉」，加 $14 转鱼面，除咗牛杂之外都冇乜见到其他嘢，原来所谓嘅牛魔王得牛杂、牛筋、牛腩，即系「腩杂河加牛筋」。咁唔紧要，讲清楚就得，点知一叠起真系得一嚿牛筋两嚿仔牛腩，同侍应讲声，佢仲好似觉得系我食咗咁。「牛魔王」同「牛杂」个差价系成十几廿蚊嘅时候，我唔会 expect 佢畀得咁少我。不过又咁讲，畀得少有畀得少嘅好，佢哋啲牛腩真系好难食，碗嘢放喺新加坡我惊佢犯法，因为近乎系牛味香口胶，畀两嚿我又真系够我嚼一晚。牛筋还好，不过得一嚿咋。嘢饮我加 $8 饮「冻柠茶走甜」，正常茶餐厅水准。叫埋 $35 嘅「炸墨鱼丸」嚟食，都系合理嘅件事。原价 $120 做紧八八折埋单 $106 就落到楼，其实都唔可以算话好平，尤其系碗嘢可以引到我叫侍应过嚟问嘢已经好少有，再加上啲咁嘅态度，我就唔推荐喇。。。（地址：尖沙咀科学馆道14号新文华中心地下30-33, 35-36B号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #尖沙咀 #尖东 #红磡 #1am红馆 #九鼎记粉面世家 #九鼎记 #牛魔王鱼面 #冻柠茶走甜 #炸墨鱼丸 #1am1544 #1ambackup
继续阅读