九運米線王

最近成日都掛住九運米線王既世一雞翼🥹，所以二次回訪再去食返佢地既金湯酸辣湯底米線。對我黎講，呢間米線店真係幾特別，因為完全吾用味精同醋精，湯底全部用豬肉熬出黎，配料選擇又多又特別，令成碗米線好實在。 .今次照舊點左必食既 「招牌秘製珍寶雞翼米線 $66」。金湯酸辣湯底呈現金黃色澤，一入口就先有溫柔酸香，之後辣勁慢慢滲出黎，辣得黎吾會搶走湯既鮮香味。米線滑溜吸湯，配埋酸菜、豆卜、肉碎、芽菜、蔥、韭菜、芫荽，酸酸辣辣又層次好足。至於雞翼就係另上，四件都炸到外皮金脆，咬落即刻「咔」一聲，入面肉質軟熟多汁，沒有冰鮮味，味道帶少少甜又帶黑椒香，食到中途已經好想再追加一份🤣。另外仲可以加配日本爆汁脆皮腸（+$14），真係吾同一般雞肉腸，皮薄一咬即爆汁，肉味香濃，好岩愛食腸既人。 .之後仲叫左「自選九運小鍋米線 $38」，湯底都係揀番金湯酸辣，辣酸比例真係幾岩口味。加配既香菇貢丸（+$12）好有彈性，咬開時香菇既清香同肉香一齊散出黎；肥牛（+$12）切得薄又嫩，湯底滲透到每片牛肉，食落滑溜香口；再加多幾條日本爆汁脆皮腸（+$14），成鍋米線即刻由普通升級到滿足感爆棚😆。 .飲品方面，我揀左 無糖可樂 $6，配炸物真係冇死錯人，冰涼爽口又解膩；另一款係 支裝豆漿 $10，豆香濃郁得黎吾會過甜。.仲食埋一份 特色拼盤 $38，拼盤包括炸櫻花蝦餅同魚肉春卷。蝦餅外層薄脆，蝦香同油香好搶；魚肉春卷皮脆而薄，魚肉餡滑身帶微甜，兩款一齊食好似小食時間咁開心🤭。 …查看更多

呢間銅鑼灣新開既米線鋪，位置有啲隱蔽🧐主打零味精同世一雞翼米線🐥招牌珍寶雞翼米線(4隻) $66當然叫左佢地個主打米線，佢地個雞翼大大隻啖啖肉，炸完再淋佢地個秘製醬汁😎個皮仲好香脆，醬汁甜甜地同雞翼好夾☝🏻湯底揀左招牌麻酸辣少辣，唔算好辣🌶️裡面仲有豆卜、芽菜、肉碎等配料，都幾惹味🍜自由拼米線 $38起揀左櫻花蝦餅$12、豬紅$10、蘿蔔$8，🍄野菌雞湯+$3米線，我地試完重口味既麻酸辣，另一款就試下個清淡啲既野菌雞湯🐥個湯仲有唔同菇菌喺裡面，我地重口味人覺得再濃啲會更正，不過佢地無味精，個湯飲哂都唔怕☺️每款配料都唔錯，仲有芋泥蝦餅可惜賣哂，下次要試下🍤吉列芝士蝦球(3粒) $32一咬開蝦球裡面啲芝士就爆出黎🧀呢個組合唔會輸，不過係細粒左啲，唔夠喉overall:店舖位置唔大，坐得比較逼，我地星期六下午黎食都要排一陣🙌🏻大家黎食首選一定要試佢地個雞翼米線配麻酸辣湯🌶️我地仲見到有枱單點左成10隻雞翼成座山咁😂中意雞翼既朋友仔推介…查看更多

銅鑼灣、灣仔之間的交界，有一間新開的餐廳，餐廳主打是以風味酸辣米線為主，非常適合香港人喜愛吃米線。而我和同學仔也是米線的粉絲來，當然要去試下吸引程度如何啦!米線湯底有4款選擇，分別是招牌金湯酸辣、招牌麻酸辣、魔鬼辣及野菌雞湯，而選擇野菌雞湯是需要另加$3元。美食推介﹕招牌珍寶雞翼米線﹕雞翼米線可選擇3隻或4隻，每隻雞翼都非常大隻，炸得非常香脆，而且加上甜甜的豉油醬汁也有另一番風味，雞翼超好吃。湯底選了金湯酸辣，濃濃的酸湯，酸味及辣味剛剛好，配上米線一起吃非常配搭。另外，還加了2款配料，魚肉春卷及瑞士汁雞翼尖，春卷魚肉彈牙，瑞士汁雞翼尖超入味，甜甜的。現在想起這碗米線也想再去吃，因為真心覺得好吃過譚X米線。炸吉列豬扒米線﹕吉列豬扒炸得外脆內嫩，而且外層脆皮薄薄，內層肉汁仍可鎖住，超好吃。湯底選了野菌雞湯，不吃辣的朋友仔必選之一，濃濃的雞湯配上時令的野菌一起煮製，清甜香濃。另外，還也有加了2款配料，豬紅及櫻花蝦餅，櫻花蝦餅也是油炸食品之一，非常香口，而且爽口彈牙，好好吃。*整體米線彈牙、湯底出色、配料選擇多。*餐廳雖少，但環境乾淨。*職員招呼友善也很細心。…查看更多

話說最近銅鑼灣新開左一間米線店「九運米線王」，成日見Openrice上面有人post話好食，仲話湯底無味精無醋精，主打豬肉湯底，配料仲好特別！😍 我同朋友平時都好中意搵新餐廳試，見佢地成日爆滿，心癢癢就決定黎試試！雖然店面吾係好大，位置得十幾個，但係晚市真係全場滿座，氣氛熱鬧到不得了！🔥.招牌秘製珍寶雞翼米線 $66第一樣叫左佢地既招牌秘製珍寶雞翼米線，揀左金湯酸辣湯底。呢個湯底金黃色，望落已經好吸引！😎 飲一啖，辣中帶酸，酸香好開胃，湯底好濃郁好鮮，絕對係米線既靈魂！配料有酸菜、豆卜、肉碎、芽菜、蔥、韭菜同芫荽，食落好有層次，米線爽滑彈牙，超滿足！😋 講到雞翼，佢係另上，保持外脆內軟，咬落好香脆，完全無冰鮮味，少少甜仲有陣陣黑椒香，四件雞翼真心唔夠喉，食完即刻想再加單一份！😜 另外我仲加左櫻花蝦餅（+$12），蝦餅炸得金黃酥脆，蝦味好濃，超正！仲有日本爆汁脆皮腸（+$14），同一般雞肉腸完全唔同，皮薄肉嫩，咬落汁多肉香，食到停吾到口！🥰.炸吉列豬扒米線 $66第二樣叫左炸吉列豬扒米線，湯底同樣揀左招牌金湯酸辣湯底，酸辣味岩岩好，飲到暖晒胃！😊 炸吉列豬扒係另上，呢個真是一個讚點，豬扒吾會因為浸湯而變腍，保持外層香脆，內裏juicy，份量仲好大件！蘸少少沙律醬，味道更上一層樓！😍 另外加左蘿蔔（+$8），蘿蔔爽脆，帶點清甜，幫到解膩，配湯底同豬扒真係岩晒！🥗.無糖可樂$6飲品揀左無糖可樂（$6），冰涼涼好解渴，氣泡感岩岩好，飲落清爽無負擔，配酸辣湯底同炸物真是一個完美match！🥤 尤其食完辣辣既米線，黎一啖無糖可樂，簡直係人生樂事！😜…查看更多

🍜🥢🥣好食但小貴嘅米線✨qr code 落單， 可樂加$6，豆漿加$10✅炸慢煮豬頸肉米線 -$66米線嘅份量足夠，如果細食嘅都可以揀少米線，米線嘅質感唔錯幾彈牙。湯底試咗招牌金湯酸辣（正常辣），的確係唔錯，酸辣味都足夠，好惹味。配料有少量嘅芫荽、蔥、芽菜、酸菜、肉碎，及2粒切半左嘅豆卜。個豬頸肉都幾大份，切開咗十幾片，嗰邊炸得香脆，配咗泰式辣醬幾好味，不過比較油膩。配料嘅份量略嫌太少，一餸米線嚟講要60幾蚊，仲要唔包嘢飲就偏貴，好食，但係未必會encore。…查看更多

喺銅鑼灣行完街想食碗米線， search到呢間除咗米線之外雞翼好似唔錯，於是就去試吓~招牌秘製珍寶雞翼米線個雞翼味道調得幾唔錯，外皮炸得啱啱好，脆得黎又唔會太鹹。雖然好邪惡，但我一個人都食晒三隻雞翼碗米線有好多配料，包括肉碎、芽菜、菇、韭菜、豆卜。湯底我揀左招牌野菌雞湯，個湯底清清地，完全食到米線同配料嘅鮮甜。我另外仲加咗日式醬油叉燒，有三大塊，啖啖肉，唔錯唔錯。我仲加左罐無糖可樂，食完咁多野飲返罐真係好爽！…查看更多

真心唔明呢個咁淡味既雞翼叫做世一雞翼,內面係完全無味既同埋係生既有血水,跟住我同同行既朋友大家都係食酸麻辣湯底大家雙眼對望,我以為自己個味覺出現左問題都話個湯底好淡,跟住我地同個店員講佢話因為我地叫左小辣,呢個咩道理,我好似食緊滾水米線咁,隔離枱聽到都話雞翼好淡,店鋪最後食完係會送coupon比顧客既,其實如果想留客既整好味D咪仲好,仲有你間鋪個位又唔係方便都吊腳,唔好食都唔緊要個態度真係唔得,大家小心中伏,我地唔飽到要飲珍珠奶茶…查看更多

🔸招牌秘製珍寶雞翼米線 $66🔸招牌野菌雞湯 +$3🔸日式醬油叉燒 +$15🔸無糖可樂 +$6-銅鑼灣行街行到攰，就入咗九運米線王醫肚。舖頭唔算大，但坐得舒服，環境乾淨，啲店員都幾有禮貌，感覺幾親切。我叫咗招牌秘製珍寶雞翼米線，雞翼有四隻，炸得香脆又入味，啖啖肉唔會乾。米線配野菌雞湯，唔辣但好鮮甜，有幾款菇類而且啲菇仲有口感，唔係煮到淋晒嗰種。加咗日式醬油叉燒，三片肥瘦適中，醬油味唔會太濃，幾有層次。飲品就揀咗無糖可樂，啱晒想食得清啲又唔失口感嘅人。整體嚟講，食物質素高，價錢合理，份量夠飽，係一間值得回頭嘅米線店！…查看更多

之前係IG成日見到有人推銅鑼灣呢間米線，今日終於去試因為驚平日lunch hour好多人，所以叫老公去排隊先🤣佢話等左大約10分鐘就有位(我數過小店得20個位😂)但食食下望返出出面見到又有條人龍仔🫣⭐招牌金湯酸辣雞翼米線 (四隻)雞翼好飽滿，新鮮炸起熱辣辣，香脆得黎唔會太燶，有D甜甜地蜜糖味咁，唔錯👍🏻米線口感正常，湯底偏淡，似係湯底溝出黎咁，唔太食到"酸"同"辣"，一般般然後望到佢張單上面寫住無味精無雞粉，如果係真的話先勉強接受到呢個味(因為一入口對個湯底好失望😂)⭐招牌金湯酸辣櫻花蝦餅&竹笙配料無咩特別，份量都偏小，湯底一樣偏淡見到隔離檯嘅豬頸肉望落幾靚，我諗呢度嘅餸真係得豬頸肉同雞翼比較出色🫢如果唔駛排隊都可能會再黎食雞翼同試下個麻酸辣湯底既～…查看更多

呢間招牌米線店真係幾有驚喜，碗碗都夠哂料，仲有啲小心機～😋 1️⃣ 招牌秘製珍寶雞翼米線（$66） 呢個真心推介，雞翼煮得好入味，啲皮夠滑，肉仲啱啱熟，咬落啲汁會爆出嚟，完全係一個小小嘅幸福時刻！🔥 金湯酸辣湯底少辣啱啱好，酸酸辣辣刺激味蕾，但又唔會太重口，飲到最後都唔覺得膩。墨魚丸彈牙再加少少鹵水腩肉，呢個組合簡直係滿分選擇！💯 2️⃣ 炸慢煮豬頸肉米線（$66） 豬頸肉煮得好嫩滑，仲帶少少煙韌感，超過癮！配埋麻酸辣湯底，層次感即刻提升，麻味同酸辣味平衡得好好，唔會搶晒豬頸肉嘅風頭。少麵嘅要求亦都啱啱好，分量適中唔怕食到好飽滯。👍 配菜：特色拼盤 櫻花蝦餅炸得香脆，咬落有隱約蝦味，魚肉春卷外脆內嫩，完全係米線之外嘅bonus！🥢 飲品：豆漿 豆漿味道正常，冇咩大驚喜，但飲完湯底再來一啖，正好幫你沖走啲辣味，算係好搭配。🥤 總結：呢間米線店真係CP值好高，$66食到咁豐富，真係值得一試！👏 評分：8.5/10 🌟…查看更多

銅鑼灣近期最岀名既米線都應該係九運米線王啦特別適合愛吃港式風味米線同埋酸辣湯底既你地😍😍座位唔多 但係具有特色，仲有吧枱😙🔸招牌珍寶雞翼米線雞翼份量十足 真係好珍寶😂😂皮脆肉嫩 炸到十分脆口配合埋酸辣湯米線 一口米線一口雞翼 絕對是幸福的組合🔸自由選米線我選了叉燒和櫻花蝦餅 兩樣都係好特別其他米線舖都唔會見到有d餸叉燒香味濃郁 肉質軟嫩帶點焦香櫻花蝦餅炸得香脆 好食好食🔸吉列炸蠔外皮金黃酥脆 咬下去非常過癮每一口都鎖著鮮甜多汁的蠔肉 我覺得必食既📍九運米線王 (銅鑼灣)📍香港銅鑼灣摩理臣山道8號地舖…查看更多

晚市去食，當時沒有太多客，煮過一碗麵？？真的好困難嗎？就此事件，我亦去消委會投訴中。希望其他食店，因此為鑑，謝謝大家先..............................…查看更多

本身見到銅鑼灣新開米線，我開頭手機單，但單內無有得走芽菜，但我已即時向女店員說走芽菜，但佢話製作中，不能走，但廚房員工聽到我講，佢話幫我煮過，但女店員話不可以，所以只好不情願地碗麵夾起芽菜，我本身對芽菜有敏感，2天後頸部出現大量紅點，最後只好看醫生，我亦見門口雪櫃有大量大陸淘寶湯料，大家要食的，就自己想想吧，店鋪招牌亦聲名無有味精同雞粉，本人就此事件已發出律師信給這店舖，其實如果當時店員能幫我處理走芽菜，本身不有此問題發生，我亦知道出街吃飯，是不會沒有味精的，但氣憤是服務上有問題。…查看更多

🐷📌 #豬西食銅鑼灣 #九運米線王九運米線王位於銅鑼灣，湯底都幾唔錯，鮮味十足，湯頭香濃不辣亦可選少辣，適合口味多變的食客。🍜招牌秘製珍寶雞翼米線雞翼入味軟嫩，外皮都幾脆口，與野菌雞湯底相得益彰，米線都幾彈牙，由於我哋驚食唔晒咁大碗米線 所以叫咗少麵，岩岩好食得曬，份量Perfecct～ 湯底清甜香濃🍜炸慢煮豬頸肉米線／招牌豬頸肉米線豬頸肉炸得外層香脆，肉質保持嫩滑多汁，搭配甜辣醬食就更加滋味，配野菌雞湯及少麵量恰到好處，完美平衡口感。🥬唐生菜（上湯灼）唐生菜爽口清新，灼於上湯中味道清淡自然，即刻感覺健康咗～ 減低整體油膩感大家記住食多啲菜，飲食均衡啊！！！！飲品叫左 ： 🥤豆漿／玉泉梳打水📍九運米線王銅鑼灣摩理臣山道8-10號.#米線 #銅鑼灣美食 #雞湯米線 #招牌雞翼 #豬頸肉米線 #清新蔬菜 #港式港式小食 #hkfoodie #foodiehk…查看更多

見佢雞翼咁出名，講到好好食就特登去食大隻就真係大隻嘅，雞翼係炸的幾香但咬落無咩味，得個皮有少少醬料未肉就完全無味，有點哂左隻雞翼🫣米線個招牌酸辣湯底 係唔錯嘅👍🏻意外地佢個豬頸肉 有灰火香味係意外地好食所以如果大家去試 就食豬頸肉 會開心過食雞翼…查看更多