九運來粉麵世家

我今日专登去试佢哋嘅牛沙瓜拼崩沙腩捞粗面，真系冇令我失望！崩沙腩系牛嘅横隔膜位，筋膜同肉相间，佢哋炆得够腍身之余，个汁又好香浓，食落脂香满溢。牛沙瓜即系牛嘅第四个胃，口感爽口弹牙，清洗得好干净，完全冇腥味。粗面捞匀啲腩汁，真系非常惹味。另外叫咗个油菜，$20有交易，份量都几多，可以拣腐乳酱或者腩汁，叫腩汁可以捞返个捞面更浓味。最惊喜系个炸鱼皮，$20就有一碟，脆卜卜。餐厅环境光猛干净，坐落几舒服。佢哋最近仲推出咗$29外卖，喺铜锣湾区来讲，性价比真系爆灯，好适合打工仔或者想快脆食个lunch嘅人。…查看更多

去铜锣湾 九运来 食麻辣捞粗，超满足！🔥🌶️麻辣牛腩牛筋捞粗牛腩腍到入口即化，牛筋弹牙又够入味😛辣椒油同花椒香到爆灯！🙌🏻捞粗吸晒汁，啖啖都麻辣过瘾！麻辣手撕鸡捞粗手撕鸡肉嫩滑，辣油捞晒落去超香🥳净云吞皮薄馅靓，虾肉弹牙，汤底清鲜😆🫶🏻虽然系「净吞」但完全唔输蚀👍🏻整体麻辣度中等偏重，辣得痛快又有花椒麻香！🙂‍↔️环境热闹坐满人，服务快手。价钱超亲民，两个人食到成叠碗都系$200左右，抵到爆！佢哋仲有29蚊外卖粉面，简直系打工人恩物🙂‍↕️下次要试埋佢哋嘅麻辣牛肉面同肥牛捞粗！😍九运来运…查看更多

OT完同同事去咗九运来粉面世家食餐暖笠笠，发现几款菜式都相当出色，价钱又亲民，忍唔住要分享一下～🐤 秘制鸭腿煎蛋豉油捞粗 鸭腿份量十足，色泽红润，肉质够腍又入味，啖啖肉唔鞋口，煎蛋同粗面捞埋一齐最正。面条爽口弹牙，每啖都渗出豉油香，真系好想狂加料落去大食 😋🍥 云吞拼牛肚面（转鱼面） 牛肚够厚身又大大块，每块都炆得好入味，咬落软腍有层次。云吞大粒，虾肉又弹牙又鲜甜。鱼面质感特别，烟韧香口，食落鱼香淡淡，主打一个唔系度度有得食嘅新鲜感～🍗 小食拼盘：炸鸡翼、炸云吞、炸鱼角、炸墨鱼丸 全部都炸得够脆，外层香口但唔油腻，鸡翼外脆内嫩，炸云吞包住肉馅炸得香（个皮超级脆！），鱼角墨鱼丸更有弹性，一份几个人share最啱，直逼啤酒小食level～成日OT或返工唔想煮嘢，呢度仲有$29外卖，方便快捷，性价比高到爆灯，平时买番公司一样正。整体用料足，环境干净，系铜锣湾区粉面懒人恩物！…查看更多

去咗铜锣湾嘅九运来粉面世家谂住食崩沙腩，可惜今日去到已经沽清～～认真受欢迎!! 下次要去再试过，今次点咗八宝同四宝河，都大大碗非常足料▪️招牌八宝鱼面超级丰富嘅配料，有牛腩、牛柏叶、牛筋、牛丸、贡丸、鱼皮饺、墨鱼丸同鱼蛋！腩汁汤底非常惹味好浓厚，另外升级做鱼面，非常推荐，鱼面质感弹牙，充满鱼肉香气，食起来非常饱肚▪️紫菜四宝河四宝包括有白鱼蛋、鱼皮饺、贡丸同墨丸，汤底清清地但搭配咗炸蒜同葱花食也不错，河粉份量超多，大大碗！▪️炸鱼片头香口弹牙而且热辣辣，配有泰式酸辣酱…查看更多

揾食揾到骆克道，呢间粉面世家绝对系隐世高手！一于同大家分享下今日嘅美味旅程～开碗双沙牛腩河，汤底浓得嚟唔油腻，牛腩炆得软淋入味，仲带少少筋位添，河粉滑溜溜咁索晒汤汁，每一啖都系满足！朋友嗌咗碗牛丸鱼蛋米，牛丸弹牙爆汁，鱼蛋爽口鲜味，个汤清甜得嚟唔会抢咗食材风头，抵赞～小食拼盘超有惊喜！炸鸡翼外脆内嫩，咬开仲有肉汁；炸鱼片头同墨丸香口弹牙；炸云吞脆卜卜又唔会油淋淋。另外单点咗炸鱼皮，浸一浸汤半脆半软，𠮶种口感真系停唔到口～饮品方面，冻奶茶茶味够浓又滑溜，仲有杯朱古力香浓顺喉，完美配搭！…查看更多