九記潮州打冷菜館

家中屋企部匹半冷气机好似够期，所以同女友落旺角D电器铺睇睇.原来匹半变贫窗口机得LG同格力哩个牌子，选择少得可怜....归家前，顺便系旺角食埋饭，早排去街头标记打冷，今次去街尾哩间九记打冷，点知就超级中伏！点咗鹅肠并猪大肠，芝士虾伊面，椒盐鱿鱼须，荔枝梳打同提子梳打.优点：1, 潮州打冷居然有荔枝同提子梳打，够创意！2, ......再揾唔到优点鸟！缺点：1, 冷气不足！2, 猪大肠质素比标记韧.3, 虾伊面嘅虾唔挑虾肠都算！虾只又细，都算！虾肉口感有D霉，完全唔弹力！好明显D虾已经唔新鲜，但照出菜俾客！4, 椒盐鱿鱼须一上枱，颜色偏深，都算，鱿鱼须件件口感过韧，唔弹牙，唔掂！5, 相比起标记，每一碟菜份量都不足！6, 埋单$334，我帮衬标记食四个菜加两罐汽水，鹅肠并猪大肠，蚝饼例牌，豉椒炒圣子，椒盐鳝球，都只系$331！贵又贵过标记，份量又少过标记，质素又差过标记，依家完全明白点解标记门口排哂队但九记就.....！即时将九记列入本人在世至今遇过最差打冷店！不再帮衬！…查看更多

事源系5月26号7:00左右到咗呢间餐厅度约咗五个朋友食饭 庆祝其中一个朋友生日 啱啱开始点完𩠌𠮶阵冇乜嘢 我见到有个女人走埋去同个老板系倾计 倾得好开心 仲倾到摸老板个身体 我谂佢哋应该系好熟 后尾个女人行埋嚟我哋张枱到 问我地几多岁 系咪读紧中学 识唔识饮酒啊𠮶啲 又系咁叫我哋不如叫支啤酒饮啦 咁我同我啲朋友系唔饮酒嘅 系咁推佢话唔使啦唔使啦 佢又系到话陪我饮杯啦 最多我请你地啦 跟住见佢攞咗$100出嚟比个老板 就话要支狮威 佢自己饮咗几杯 又系咁迫我啲朋友饮酒 又狂咁样问我地系做啲咩㗎 超级滋扰到我哋 就同佢讲只系想安安静静食餐饭 佢就行返去自己张枱到之后佢就再过嚟我哋张枱仲搬埋张凳食饭 我即刻吓咗一跳 唔系嘛 依家疫情同你三唔识七 仲要同你食饭 佢知道我哋唔系好钟意佢 佢就系咁问我系咪骚扰到你地 骚扰到你哋咪讲啰 我哋个阵好惊佢系痴线 就叫佢返去自己张枱食饭啦 佢又同我啲朋友细细声讲嘢 骚扰到我哋冇办法食饭 我哋已经唔理佢 佢甚至行过嚟 同我讲 妹妹啊 我有啲嘢想同你讲啦 你可唔可以出一出嚟先啦 但系前提我系唔识佢 我就同佢讲我要食饭 你有咩就系到讲 佢就讲话我都系想take care你姐 到时唔好话我冇take care你呀 你出嚟先啦 我有啲嘢想同你讲啊 佢个样又好似想喊咁 我男朋友系隔离就同佢讲 不如系呢到讲啦 我男朋友好保护我 但系个女人就系咁摸我男朋友条腰同埋个pat pat 同佢讲你出一出嚟先啦 我想同佢讲句嘢啊 摸咗好多下 摸完左边和右边 因为我坐入边 所以佢冇办法直接接触我 仲用只手摸我男朋友膊头同埋条颈 又系咁拍佢膊头 我就同佢讲唔该你可唔可以缩开你只手 佢就一野拍落去 话拍多两下又会点样姐 大佬啊 我同你喺三唔识七 凭乜嘢 你要咁样骚扰我哋食饭 仲要非礼我男朋友 𠮶刻我真系嬲咗 佢跟住就同我讲佢有个女两岁 问我有冇兴趣返楼面 我自己本身有工作更何况冇我都唔会返 呢一餐饭我哋食咗$1024 我见到有$23喺啤酒钱 所以我有理由怀疑呢个女人喺认识餐厅嘅负责人 佢甚至系系呢到返工负责卖啤酒 我本身唔歧视卖啤酒嘅行业 但系因为我哋唔饮啤酒 系佢自把自为帮我哋叫咗一支 系佢自己拎咗钱出嚟话请我哋饮 佢自己一个人饮咗半支 最后竟然要我哋帮佢埋单 呢种行为我极之讨厌 我唔知佢呢啲行为有冇犯法 ，但系如果我啲朋友唔系到嘅话 我会果断报警 因为我唔想影响到佢哋嘅心情 再加上佢哋本身食完饭 之后有自己嘅节目 唔想阻到佢哋 所以我决定系呢到讲出嚟 餐厅方面可能个老板系唔知个女食客咁样做 个老板曾经经过过我哋张枱好多次 佢都冇理会过 所以我相信应该系佢啲朋友甚至系佢指示个女食客咁做所以大家如果想去呢间餐厅之前 有个心理准备会俾个女人骚扰甚至会非礼你哋啲男朋友/老公 如果你愿意嘅话 你就去啦相我就冇影到啦 因为𠮶刻我根本冇心情影相 总之我自己系认为呢个女人好恐怖 更可能有系有精神病最后俾返个食评 叫咗个蚝仔粥 一般味道好淡冇乜蚝蚝饼 一块饼都唔知落咗几只蚝 食极都食唔到黑椒牛柳粒 系芹菜炒牛扒块 完全唔系牛仔粒 同埋根本冇黑椒味 啲肉又韧炒菠菜 正常 好难炒得唔好食开边煎鱼 呢个味道还可以 猪红煲 好细碗 一碗得几旧 唔抵食炒鸭肾鹅肠红肠大杂烩 鸭肾同红肠正常 鹅肠食咗一啖 即刻呕返出嚟 去食肥妈都冇咁嬲 有腥有臭 都唔知有冇洗干净 仲有几个𩠌唔记得咗 …查看更多

旺角区想打冷又想避蓝店，所以拣左依间😂。两个女仔食，唔算好饱，价钱同个碟头成正比，都算抵食😆。蒜蓉炒豆苗 $68叫左少油少盐，尚算可以接受到啦，但食得打冷都难免系比较油同比较咸㗎啦😩。豆苗系真系豆苗，唔会有根，个茎位都唔会好硬。炒都岩岩好，入口都好嫩😍。椒盐九肚鱼 $88炸得唔错嘅，上菜嘅时候都系热辣辣😚。人生第一次食九肚鱼🤣，都系觉得椒盐鲜油或鱿鱼须好食啲。相比其他，依个𩠌较贵，但都唔会觉得唔抵。细蚝饼 $60以市区来讲$60一个细蚝饼都差唔多！但我地觉得个粉浆好似有少少厚，食落去明显地食到啲粉。不过胜在佢啲蚝仔数量都好多，同埋啲蚝都大粒，所以问题都不大🤨。叫左支Asahi $28埋单$244（无加一）…查看更多

曾经系我哋一班朋友嘅饭堂，谂唔到咩就食九记啦。自从限聚令就少咗聚会，今晚就炒几个小炒上去朋友屋企加𩠌🤣。🔻椒盐鲜尤🔻依然保持香脆🤤，椒盐味道够浓，再点少少喼汁，将整个味道再提升👍🏻🔻鱼香茄子🔻送饭一流，淡淡既鱼香味，有口感既肉碎，仲有索晒味既茄子🍆，就好似成个𩠌既灵魂咁🤣。虽然有啲油，但系都会追住一啖一啖咁食🤣。🔻黑椒牛柳粒🔻睇落冇咩特别，食落劲香黑椒味，而且又辣辣地👍🏻，西芹配菜系几多嘅，牛柳粒就少咗啲，不过胜在够镬气👍🏻。🔻细卤水并盆🔻卤水颜色好靓，味道唔会太咸，不过食材切得比较细件同比较薄，食落口感差啲。虽然有外卖，但系份量细咗，不过好彩保持到个水准👍🏻…查看更多

依间潮州打冷开通宵做宵夜可一试，疫情之前同朋友凌晨12点几好肚饿系Mk一带，于是误打误撞试。.👓四人套餐 $328▶️鹅片 (散叫 例$90 大 $138)例牌份量约12块，可能成本关系所以用咗冰鲜鹅片，肉质实欠肉香，卤水唔入味，普普通通少失望。评分：6/10▶️潮州煎蚝饼 细 (散叫 细$60 中$85 大$110)蚝量中规中矩唔算特别多亦唔算香蚝味，蚝饼质感吾似蛋浆粉质，似薯粉的蚝饼咯。另外似炸蚝饼所以卖相金黄色咬落脆卜卜好香口，口感加分。评分：7/10▶️咕噜肉正常发挥嘅咕噜肉，不过未去到好突出出色。评分：6/10▶️虾仁炒蛋虾仁都多，呢度嘅格局同价钱不要期望系贵酒楼咁大大只虾，蛋亦算滑，同样是个中规中矩嘅虾仁炒蛋。评分：6/10▶️胡椒猪肚咸菜粉肠汤 一窝好重胡椒味，猪肚粉肠沾上浓郁胡椒味所以唔会有腥味好食，不过唔好期待个汤好多料。评分：6/10▶️饭/粥四碗👓韭菜猪红 $48用了鸭红，口感滑溜，用了肉汤来熬煮，重韭菜味而且带点香辣，入味惹味好食，捞饭一流👍🏻评分：8/10👓蒜蓉油麦菜就咁随机同佢落单叫咗个菜，卖相好靓立立令但个菜食落好油😐评分：5/10…查看更多