九份飽 (黃埔新邨佳富樓)

营业中

休息中

九份飽係黃埔開左分店🤤lunch hour到tea time 都好爆滿😲裝修有特色，職員態度都好好👍🏻見有客人位置太大風想換位冇問題，有公公婆婆走時要落樓梯又多番提點要小心🤗#香酥排骨刀削麵 🍜❣️香酥排骨有5-6件咁多，肉質好鬆軟又入味🤤炸得脆唔油👍🏻可配麵/米線/米粉，fafafoodie 加$10轉刀削麵😀麵條煙韌有咬口，湯底都好濃味HKD62#薯餅火腿蛋餅 🌯好鐘意揀有薯餅既蛋餅，但黎到先發現原來呢款冇芝士🥺🥺下次一定要加芝士‼️‼️蛋餅皮唔係脆個款，但又唔係傳統軟淋個隻，係韌性高啲比較有咬口既，蛋味幾出～本身有少少醬油膏，配埋辣醬惹味HKD35#鹽酥雞 🐥好大份夠3-4人分，可以自己加辣粉🌶️🌶️邪惡之選😈如果雞肉再juicy啲仲好😜HKD38#茉香珍珠奶茶 🥤飲品有得揀0/3/5/8/全糖😀揀左走冰/0糖珍珠煙韌，茉香茶味好出，珍珠都唔太甜，成杯做到無糖感覺😊HKD23#百香果紅茶 🥤叫主食可以加$10配果味綠/紅茶，揀左走冰/3分糖百香果同紅茶味都好出，融合得唔錯+HKD10#九份芋圓 温 🍡有凍同温既選擇😉有超多粒三色芋圓好飽肚🤣仲有仙草/豆花/珍珠/小丸子～黑糖底甜度岩岩好唔會

黃埔都有幾間台灣餐廳，最近開左一間新嘅台灣餐廳係地鐵站附近，放左工就去食。餐廳環境都有啲台灣特色。👍🏽晚餐都有套餐嗌，有滷肉飯、香酥排骨飯等等，加$10仲有杯飲品添。香酥雞扒魯肉飯 ($55)。 4大舊雞扒都炸得好香脆，肉汁依然keep到。食呢d雞扒最好就係好多炸粉，呢度嘅雞扒無呢個情況，值得一讚。但滷肉嘅份量比較少，可以多番d😆紅燒牛筋腩油麵 ($60)。牛肉麵個湯好濃味而且唔油。牛筋煮得䭃而且入味，好好味。麵方面可以揀油麵、米線、米粉。小食方面，黎台灣餐廳食必定嗌台灣腸食。台灣腸 ($37) 味道小小咸香，幾開胃。蒜片略嫌厚得制，辣左d。肉鬆起司蛋餅 ($37)。肉鬆同芝士份量都幾多，好飽肚。冬瓜茶同鳳梨綠茶都係主餐加$10就有。冬瓜茶飲落好舒服。鳳梨綠茶唔甜，幾解渴。總括黎講，九份飽都好抵食，絕對可以食到九份飽走。😆

最近紅磡開咗間新店，主打多款地道台式料理，裝潢以九份老街為概念，帶點懷舊風格，具有特色，小店環境唔大，座位之間距離較窄，但勝在價錢十分親民化，值得到訪！主食要咗新出嘅紅燒牛筋腩麵，配料份量比想像中多，牛筋腩好大條，前者骨膠原多，入口滑溜、後者啖啖肉，唔嚡口、湯底鹹度適中，最欣賞係個麵，米線偏軟，入味，掛汁，搭配芽菜、菜心、蘿蔔等，健康又美味～ 小食選擇眾多，滷味拼盤包括豆腐、雞蛋、豬耳朵同雞翼，全部煮至淋身而且幾入味，兩人share啱啱好😃 個人私心推介呢度嘅地瓜球，紫薯番薯混合而成，紫色較甜，黃色較鹹，放埋一齊就啱啱好，外皮微酥脆，內裡超Q，煙煙韌韌嘅口感真係食到停唔到口🩷蛋餅口味都有唔少選擇，外層煙韌，有少少麵粉香氣，內裡包住滿滿嘅煎蛋，一款係芝士另外一款係薯餅火腿，前者單調，芝士味香濃，配上醬汁更加惹味、個人喜歡後者，味道同層次更複雜，鹹鹹地，脆脆地，又QQ地，好好味😝

近排船澳街開咗間台灣九份美食，午餐時間大排長龍，佢嘅門面裝修真係好有九份嘅特色，紅色燈，竹製嘅籬笆，完全係九份嘅情懷。我同朋友今日特登去懷緬一下十幾年前暢遊九份嘅情境。🌟海苔肉鬆起司蛋餅海苔肉鬆加芝士，係我最喜愛的配搭，奶香肉香，一口的滿足🌟滷味拼盤拼盤有雞翼、鹵水蛋、豆腐、豬耳，份量同埋味道都好足，又夠鹵水香味。🌟大腸包小腸兩個人呢個份量啱啱好，喺台灣食嗰啲太大份食一條已經好飽，香腸加上糯米，油香滿溢。🌟紅燒牛筋腩米粉牛腩同埋牛筋都非常軟，有咬口，但唔會太韌，湯底非常香濃。🌟熊貓布丁蛋糕熊貓布丁造型非常可愛，打卡一定不能少元素，食落去甜度啱啱好。