九井食堂 (形薈) (已結業)

做國經過肚餓試下，門口見到餐牌價錢幾抵，平均一個餐都係七八十蚊左右，仲要有湯有野飲，另外沙律同雪糕任食，價錢黎講算抵食。角切魚生飯 - 太大粒，冇咬口，又唔新鮮又韌，唔知自己食緊乜。八十幾蚊真係俾多佢，半價都唔想食又多青瓜，飯又硬又冇味…….總之好難食。.:)泡菜芝士雞肉鍋 - 不過不失，有少少膩，唔算話好辣，都惹味嘅，價錢亦可接受。.海膽壽司 - 唯一要讚一讚呢個海膽，膽碗魚生飯質素相差極大！呢個夠鮮甜，冇苦味…查看更多

一家🏡4口去筲箕灣搵食，第一次試食，整體感覺不俗，坐得舒服又抵食。餐廳行日本🇯🇵風，光猛、乾淨、坐得舒服。牛肉壽喜燒$133: 份量都幾多，有一碗面，5大片牛肉，蔬菜包括粟米粒、豆腐、金菇、魚腐、蘑菇等，日式湯底甜甜地，兩個女好鐘意呢個餐。吉列白豚定食$86: 炸粉厚，但豬扒好薄身，比較乾，不合格。滑蛋雞肉定食$94: 推介，呢個出奇地好食，雞肉好滑身，份量亦很多，下面鋪滿左雞蛋同埋大量洋蔥，好滿足。成人及小童任飲非酒精飲品$13及$8一位，有即磨咖啡，soft drink 就冇乜選擇，有思樂冰及汽水之類。4人埋單連加一，$400有找，仲送了一張$50 coupon 下次用。咁下次一定會再來幫襯啦😄…查看更多

之前行完山去咗呢間日式餐廳食午餐，人均消費$79，有埋自助沙律、飲品、(雀巢)雪糕吧，超級抵食🤤🌽午後之選 壽司配迷你讚岐烏冬 $58 + 茶碗蒸 $15 迷你讚岐烏冬有啲粟米同鳴門卷，簡簡單單但味道都唔錯。壽司味道都還可以，咁當然唔好期望佢好似啲貴價貨咁靚咁新鮮啦。茶碗蒸就出奇地好食同香滑😋🧀紫菜照燒雞烏冬(細) $48 + 芝士年糕 $22呢個烏冬就比起上述嗰碗都有啲木耳同甜甜地嘅照燒雞，所以味道更好！芝士年糕外脆內軟，芝士味香濃👍🏻睇落份量唔多，但去埋出面食沙律、飲麵豉湯，沖返幾杯飲品(佢哋部Nescafé 咖啡機沖嘅咖啡好好飲)，食埋個雪糕，一定飽肚🤰🏻…查看更多

唔抵食+食物一般+態度差我地2個人其中一樣叫左激安二人前(圖)，原來係得最上福圖入面啲野..只怪自己無睇清楚，因為無諗過性價比咁低，原價398真係誇左啲，依家198都唔值再者，好難得一間餐廳入面無乜邊個係服務正常，佢地都有種當啲客透明既feel，好似好驚啲客煩到佢咁，落單個qr code同所有野都係放低就即走，一句野都唔會講，見到你好似扮見唔到咁走左去，其中一個服務態度特別差:事源我同朋友係張枱上面睇緊本menu，個男侍應黎舖枱紙，佢黑黑地面咁對住我地就咁用佢手揮一揮黎示意我地將本menu拎起比佢舖，基本禮貌都冇，太無語，真係忍唔住笑左，之後送野黎都係一直黑面，唔會幫你開爐，反正就無下次，又唔係平，又唔係好食…查看更多

星期日行完山去左筲箕灣一個比較新既商場食lunch補充番體力💪🏻 鋪頭裝修唔錯，充滿日本風格🇯🇵 但係‼️‼️‼️‼️‼️‼️‼️‼️‼️‼️‼️入到去啲服務態度真係唔係好掂❌啲Waiter好似唔願做野咁⛔️ 由帶位，去到門面既員工都好似唔想你入嚟咁💢自己落完單之後去左作個buffet bar拎麵豉湯🍵、沙律🥗、飲品🥤，啲沙律少到好似俾人清哂咁，但明明我去果陣係岩岩開門冇耐，而客人都未多到可以俾人夾哂補唔切🤷🏼‍♀️食物質素方面，um，食物普通，覺得唔值呢個價錢🥲 飯唔太熱。兩個人入去，$200埋單。整體嚟講，我真係會覺得唔太值😟 我寧願俾多少少錢去隔離牛角食😢…查看更多

難得同老公撐枱腳午餐🥣去左九井食堂❤️午餐有半放題🤤有沙律🔅麵豉湯🔅飲品無限♾️添加鹿兒島豬軟骨拉麵🍜份量夠大，拉麵夠煙韌，豬軟骨一般般，整體來講都可以接受沖繩咖喱雞肉鍋🥘咖喱非常好食🍛豬肉夠嫩口，又大嚿，分量大都食唔晒🌷九井食堂 (形薈) (筲箕灣)筲箕灣筲箕灣道393號形薈1樓3號舖#foodie #hkfoodie #foodpics #相機食先 #打卡餐廳 #hkig #hkkol #hkmommy #hkkid #hkkids #媽媽 #日式料理 #食物 #食好西 #食好西系列 #親子kol…查看更多

【#肥波的外賣生活】🎈係公司叫外賣，比🐼哥哥倒左的半碗湯，由湯烏冬變左撈烏冬⋯烏冬其實幾彈牙，不過可能擺左一陣先食所以有少少痴實左，但呢碗地獄湯海鮮烏冬嘅味道係ok嘅，但絕對唔辣唔地獄(我平時食bb辣都唔覺得辣)😂😂😂😂😂餸都幾多，每樣都起碼有兩件！啲海鮮無好腥好臭，合格啦🈴💵 老細請所以唔知幾錢😝 好似$7x (?) not sure!!📍 九井食堂 (形薈)📍 筲箕灣筲箕灣道393號形薈1樓3號舖#外賣日常 #返工日常…查看更多

禮拜日中午來到，叫了一個九井定食，同行友人叫了火灸刺身飯，首先作為一間日本食堂，無熱茶供應，仲要叫先肯俾杯熱水。然後上來的一碟壽司係以下相片咁，我完全無郁過，蝦已無故斷尾。個定食都$98蚊，壽司賣相已唔好，又唔新鮮，麵豉湯豆皮仲有酸味。友人刺身飯都係$98，得一粒帶子，兩塊三文魚，兩塊赤身（肉唔係紅色，係暗粉紅色）仲有兩舊蟹柳….服務態度又差，食物又唔好，又唔係平。唔理解點解有咁多好評，可能熟食$68-88就無咩事，咁我奉勸大家千祈唔好嗌刺身/壽司。…查看更多

今次同屋企人去咗形薈一樓試下間日本餐廳。餐廳空間幾大，午市都未需要排隊，最吸引係開餐牌見到套餐包沙律、味噌湯、飲品放題  更重要係套餐價錢親民！首先黎個天婦羅飯，老實講佢真係比想像中俾得多天婦羅，有兩隻蝦、五塊茄子（夾埋炸）、南瓜、秋葵、魚，賣相同味道都非常好！跟住黎個滑蛋吉列豚肉飯，塊扒大到擺唔曬，下面仲有半寸厚既洋蔥蛋，撈飯冇得彈！（其實都加咗$5既飯素，但撈蛋已經好足夠！）埋單唔使二百，下次一定返來試其他嘢食！…查看更多

晏晝去開筲箕灣搵人，唔想又去東大街，想去一間坐得好少少嘅餐廳，過咗形薈Lime商場搵食。入咗呢間九井食堂，星期四中午一點，唔使等，即刻入得，兩個人仲有四人卡位坐牆上面嘅畫都幾靚，打卡都可以嘅佢係自己用電話影QR code 再落單嘅最好笑係！！我用咗好耐都搵唔到要order嘅嘢食唯有叫個waiter 幫手佢話用電話係落唔到我想食嘅定食！！👏🏾👏🏾咁你就咪叫人用QR code 啦！吹脹每人叫咗一個set雜錦刺身丼$138，升級定食+$22同牛肉壽喜燒$105(可以加$13 飲品放題，但無叫)茶係無嘅，只有水仲要杯水入面有啲黑色點！😩對呢間餐廳都好無信心食物好快到，5至10分鐘內到齊壽喜燒味道不過不失份量都夠一個成年男人食係個刺身丼唔合格個海膽好唔新鮮，係衰到腥臭呑拿魚又多筋重結係，唔會再叫刺食如果喺呢區返工返學，都可以嚟食其他食物至少坐得耐又舒服…查看更多

新開張時，人流不絕，等位的客人怖滿門口，閒日晚上，見不用等位，便內進一試。眼見坐滿九成，心想「真係咁好食嗎？」，左右客人都點鍋物，聞到火鍋香味，自己都想吃。牛肉壽喜燒 (單點) $105 - 特選牛肩胛肥瘦適中，冬菇、金菇、豆腐、鱈魚腐粒、椰菜、腐竹、粟米粒等， 比預期中足料，已經夠飽角切刺身丼 (單點)  $105 - 切頭切尾的刺身粒粒，三文魚丶油甘魚丶希靈魚丶蟹籽丶甜蛋丶青瓜粒，什麼都有少少，新鮮度尚算可以…查看更多

行完山攰攰地，搵個地方俾小朋友快快脆脆食完飯回家抖；近巴士站又有位就試試無唸過都ok好食及抵食👏🏻👏🏻芝士雜菇牛肉鍋定食+豚骨湯拉麵$107基本上兩個餐，一個人要極肚餓先食得晒😖海鹽燒鯖魚定食$88角切刺身丼配茶碗蒸、麵豉湯、沙律$127滑蛋雞肉定食$88牛肉壽喜燒$105呢個鍋材料足，淨食都夠👍🏻牛肉都有5/6片雜錦天婦羅🍤$68生啤任飲$68….抵到爆😙😙芝士雜菇牛肉鍋定食，個底係飯；食晒已經好飽🙃九井什錦天丼$98小童特飲+$8/位成人特飲+$13/位特飲是沙冰，任飲真係飲到飽🤫…查看更多

筲箕灣一向都多嘢食，而且都係比較親民價，今日就嚟咗間日本餐廳食下午茶，正價嘅話呢佢唔算貴，但價錢喺筲箕灣嚟講就可能算係比較貴一啲，可能因為呢邊嘅日本嘢就比較少。下午茶係有套餐嘅，所有套餐都係可以自行出去夾沙律同埋麵豉湯，同埋每個餐都包一個雀巢小雪糕。 我就叫咗一個魚生飯，餐牌上都有寫明咗係細嘅，雖然只係好細隻字括住。但其實嗰碗飯都唔係好細，女仔嚟講嘅話一定係非常夠飽嘅。 另外屋企人叫咗套餐係有壽司再配一個烏冬，同樣地個烏冬呢都唔係好細嘅，壽司亦係正常嘅size﹐所以其實係有一個午餐嘅份量嘅。味道上就係正常普通日本餐廳，ok嘅。唯一就係佢上菜唔快，特別係壽司要等比較耐。同埋可能我哋食下午茶時間有啲員工落場，所以坐低後一直冇人畀餐牌我哋，佢餐牌亦寫得唔太clear﹐所以最初我地唔知道原來可以自己出去夾沙律嘅，係旁邊嗰枱嘅客人講我哋先知道。同埋我哋見到佢係有得任斟汽水嘅，但係menu又有寫住咗個價錢，所以我到而家食完都唔知道究竟個餐係有包任飲汽水定冇包嘅。…查看更多

今日去咗位於鰂魚涌新商場嘅呢間九井食堂食午餐 被安排咗坐窗邊卡位 自然陽光滲入嚟採光十足 座位夠闊落坐得舒服最特別係佢 午市套餐已經包咗自助沙律吧同飲品吧超抵呀粟米沙律同雜菜沙律可以自由添加芝麻醬同柚子醋 兩款味道都好清新有沙冰機同咖啡機 我就點咗個熱美祿 非常濃郁滑蛋鰻魚柳川鍋 滑蛋果然名不虛傳夠曬滑溜 鰻魚份量唔大 勝在肉質厚實夠曬鮮味豬軟骨拉麵 湯底係豬骨湯味道適中 拉麵煙煙靭靭唔錯加錢追加咗三文魚刺身同帶子刺身 兩款都非常肥美夠曬鮮甜鹽燒油甘魚鮫肉質嫩滑非常可口…查看更多

🚶🏻位置：筲箕灣地鐵站A1行三分鐘就到形薈，上一層左手邊第一間就係，超易揾。環境：店內好多位置，就算係高峰時間都唔洗等好耐。仲有Drink Bar! 加$12就有啦～食物：🍣三文魚剌身（4pcs) $45 去到日式餐廳無可能唔嗌三文魚剌身，果然好厚身！下面仲用冰裝住，都幾貼心。🍣火炙大滿足(5pcs) $65一set有齊三文魚、芝士三文魚、帆立貝、焦糖玉子同油甘魚壽司，好抵食！帆立貝比我想像中仲大舊，焦糖玉子絕對值得一試。🍣火炙芝士鰻魚壽司(2pcs) $35塊芝士超大塊🧀啱啱好鋪喺鰻魚上面，有誠恴。平時去食啲餐廳芝士淨係cover到2/3都覺得唔係好有芝士味，呢個用火炙嘅方法將芝士同鰻魚融合一齊，正。🍣火炙左口魚邊壽司 (2pcs) $25我本身好中意食左口魚邊，所以無論去到邊都一定會試吓佢嘅呢樣。入口即融、油脂夠，又唔會食到成日魚油，唔錯。🥘九井日本蠔海海鮮鍋 $121重點推薦！我揀咗壽喜燒湯同讚岐烏冬。個份量嚇親我哋，無諗過$121可以食到咁多嘢：有蠔、魷魚🦑、青口等等海鮮🦐🐟仲要全部有兩份，唔洗同男朋友爭啦😆🫕清酒煮蜆 $68份量都幾大，酒味唔算好濃，小朋友都可以食。餐廳仲有定食提供🍱平時lunch time 嚟 $70-90都食到一份定食!——————————👭🏻人數：一男一女💵人均：$200🍽份量：女仔啱好，男仔建議嗌多個丼飯🍱⏱到達時間：730pm⏳等候時間：0mins——————————…查看更多